![]() |
رد: (((جروووب حااالفين لنمحى المستحيل)))الجزء التانى
بصى يانجوووووووم لو انتى عايزه اى اكله قولى عليها وانا اكتبهالك وديه شوية اكلات انا بحبها اوووووووى
الكوسه بالباشاميل اولا تكحتى الكوسه وتقطعيها حلقات او شرائح طوليه وتسلقيها نص سلقه على النار فى شويه ميه وبعد كده تصفيها وهى يادوب نص سلقه بس وتسيبيها على جانب (او تقليها فى الزيت بس بتبقى تقيله اووووووووووى انا شخصيا بسلقها ) وتعملى الباشاميل بمعلقتين ونص تقريبا دقيق على النار وحته سمنه كبيره او زبده ولما لون الدقيق يغير شويه تنزلى عليه بالبن وهو دافىء وتحطى اللبن شويه شويه وتحطى له الملح والفلفل وشويه بهارات لو عايزه وبعد ماتطفى النار عليه تحطى بيضتين ولو مش عايزه بلاش بيض والسر فى الكوسه بالباشاميل انك تعملى الباشاميل خفيف مش تقيل وطبعا تبدئى ترصى الكوسه وعليها اللحمه وترصى بقيت الكوسه وعليها الباشاميل الخفيف فهينزل بين الطبقات وتبقى تحفه البطاطس البيضه بالفراخ وديه سهله اوى تقشرى البطاطس وتقطعيها حلقات وتبشرى عليها البصل وتقطعى عليها فلفل اخضر وتبليها بالملح والفلفل والبهارات وتخدى شويه من التتبيله ديه تدعكى بيها الفرخه بعد ماتكونى منظفاها ومقطعاها ارباع وترصيها على وش البطاطس وتحطيها شويه على النار بشوية ميه ولما تغلى دخليها الفرن وهى هتنزل سمنه من الفراخ وتكونى مستعمله طينيه شكلها حلو تتقدم على السفره زى ماهى الارز بالخلطه تجيبى الحله اللى هتسوى فيها وتحطى حته سمنه وتحمرى فيها المكسرات واحسن حاجه معاها (اللوز-البندق-الزبيب)تحمرى كل نوع على حده وطبعا لو فيه صنوبر يبقى احلى كمان وبعد ماتخلصى تحمير فى بقيت السمنه تحطى معلقتين سكر تحرقيهم فيها ومعاها بهارات وقرفه وبعد كده تنولى عليها بالشوربه بتاعاه الفراخ او اللحمه او بميه لو ماعندكيش شوربه وتملحى الرز ماتنسيش ولما تغلى تحطى معاها 3قرنفل وورق غار وتنزلى بالرز المصرى او البسمتى بس لو هتستعملى البسمتى تحطى مايه اكتر لحد لما يستوى زى الرز العادى وتقدميه فى سرفيس كبير وترصى عليه الفراخ بتاعتك اللى انتى تكونى عملاها وترشى عليهم المكسرات والزبيب(وديه الطريقه السريعه) وزمان كانو بعد مايحمرى المكسرات ياخدوا الرز ينزلوه على السمنه ويحمروها لحد ماتبقى بنى وديه عمليه مرهقه اوى وخصوصا لو بتعملى كميه كبيره وبتحتاج كميه كبيره من السمنه عشان تحمر الرز كويس وبعد كده ينزلو بالشوربه والقرفه والملح والقرنفل وورق الغار ويسوه بنفس طريقه الرز وكملى بقيت الخطوات وانا حاليا مش فاكره اكلات اقولها لك بس لو عوزتى حاجه قولى لى وانا لو بعرف اعملها هكتبهالك انا بعرف اطبخ ماتخافيش |
رد: (((جروووب حااالفين لنمحى المستحيل)))الجزء التانى
ياجاااااااااااامد ياطاااااافى عايزة اعرف طريقة جمبرى مكرونة بشاميل رقاق فتة جمبرى كفتة فى الفرن بوفتيك اصناف حلوة جديدة شكرااااااااااااا مش هخليكى تكسبينى يا طفففففففطففف ههههههههههه |
رد: (((جروووب حااالفين لنمحى المستحيل)))الجزء التانى
طفطفففف عايزة كمان بيتزا ارز بالكبد والقوانص محشى ورق عنب حمام بط وديك رومى جاهزين فى سوبر ماركت قصدى متقطعين طريقة جديدة للحمة والفراخ حواوشى طفطف ياقمر مش تكتبيهم مرة واحدة قدامك شوية كل يوم ع قد ما تقدرى ياريت حد من الاخوة الزملاء يسعدوكى كل واحد ليه يوم اكلة خفيفة تمنع مشاكل كتيرة |
رد: (((جروووب حااالفين لنمحى المستحيل)))الجزء التانى
حبيبتي توتي
لو محتاجه تتكلمي مع حد انا موجوده وربنا ان شاء الله هيكرمك وهيسهلك كل حاجه بس ادعي وصلي وعليكي بالقران وربنا معاكي حبيبتي |
رد: (((جروووب حااالفين لنمحى المستحيل)))الجزء التانى
ايوه ياطافي عوزين الحجات الحلوه دي
تسلم اديكي هو ده عوزين حاجات جديده |
رد: (((جروووب حااالفين لنمحى المستحيل)))الجزء التانى
اقتباس:
اولا العجينه دقيق ابيض وملح وميه وتعجني والعجينه تكون حلوه كده مش طريه وتعجني كتير عشان وانتي بتفرديها وتقطعيها قطع صغيره وتسيبيها قد نص ساعه وبعدين نفرد وحده وحده ونخليها رقيق خالص ونحطها في صنيه في الفرن تستوي ونخلصهم وبعدين نغلي شوربه او ميا بملح وبعدين نبل الرقاق وحده وحده ونطلعها علي صنيه ونجهز صنيه الفرن وندهنها سمنه بلدي او زبده لازم ونقلب الرقاق وناخد منها وحده ونحطها في الصنيه وبعدين نرش سمنا ونحط غيره وبعدين سمنه لحد نص الكميه وبعدين بضع اللحمه وطبعا انتي عرفه ازاي نعمل الحمه المعصجه ونكمل الرقاق وبين كل وحده لازم سمنه وخلاصنا نحط عل اخر وحده سمنه وبعدين في الاخر نرش علي الوش لبن وعلي الحروف عشان ما تنشفش وندخلها الفرن مش هتاخد وقت كتير وعلي درجه حرارا متوسطه وتبصي عليها كل شويه لحد ما تنشف وانتي بقه ممكن تعملي الرقاق وتشيليه لحد ما تيجي تعملي وكمان اللحمه يارب تعجبك وانا هنزلها بالصور علي المنتدي |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
انتوا عندكوا سكاى بى ولا لا او ياهو ونكلم مكالمة جماعية عن طريق المايك بجد نفسى اكلمكم نضيف بعض كلنا
|
رد: (((جروووب حااالفين لنمحى المستحيل)))الجزء التانى
طاجن جمبرى فى الفرن اولا هتجيبى الجمبرى الصغيره شويه (شوفتى التوفير)وتقشريه وتغسليه وتسيبيه على جانب ثانيا هتجيبى بصل وتبشريه او تقطعيه صغير خالص وتشوحيه على النار فى شويه زيت حلويييييييييين وتنزلى عليه بالجمبرى وتشوحى لحد مالون الجمبرى يتغير وبعد كده تخرطى عليه بقدونس او كزبره خضره وتحطى ملح وفلفل وبهارات وشويه كارى صغيرين وتنزلى عليهم بالطماطم المعصوره لحد ماتغلى وتحطيه فى طاجن او صينيه بيريكس وترصى عليه حلقات طماطم رفيعه وفلفل اخضر وشويه زيت على الش وتدخليه الفرن لحد ماوشه يتحمر طريقه تانيه للجمبرى تجيبى الجمبرى المتوسط او الكبير ومن غير ماتقشريه تغسليه كويس وتحطيه فى الحله وتقطعى عليه طماطم حلقات وحلقات بصل وحلقات فلفل اخضر وتقلبيهم وتحطى عليه الملح والفلفل والكمون وبهارات كارى وشوية زيت وغطى الحله وحطيها زى ماهى على النار وهى هتنزل ميه وتشربها وتكون استوت الجمبرى كبيبه تجيبى الجمبرى الصغير اوى اللى يطلع عينك فى تقشيره وتغسليه كويس وتبشرى بصله وتعصرى منها المايه وتحطى التفل بس وتقطعى كزبره وبقدونس او حاجه منهم بس وشويه دقيق وبيض وتبليها ملح وفلفل وتخلطيهم مع بعض كويس لحمد ماتبقى زى العجينه سهلة التشكيل لو لاقيتيها سايبه زودى معلقه دقيق وبعد كده كوريها ودحرجيها فى بقسماط (وفى المرحله ديه ممكن تحطيها فى علبه بلاستيك وتدخليها الفريزر لو انتى عايزه تجهيز مسبق)وبعد كده سيبيها شويه فى التلاجه تمسك وفى زيت غزير اقليها بتبقى بجد جميله |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
ازيك يابطه شوفتى نجوووووووووم بعد ماخليتنى اكتب لها اكلات بتقول لى انها مش هتخلينى اغلبها طب اعمل معاها ايه ؟
وياريت يابطه تنزلى طريقه عمل الفته فى المنتدى وتقوليلنا عشان عايزه اعرف بتعملى ازاى العجينه |
رد: (((جروووب حااالفين لنمحى المستحيل)))الجزء التانى
بصى يانجوم انا معملتش قبل كده فته الجمبرى بس انا جيبتهالك من النت
المكونات 1/2 ك جمبرى – 200ج ارز – 200ج طماطم – خبز شامى – خل – ليمون – كمون – ملح وفلفل – طماطم بيورية – 2 قرن فلفل حار – روزمارى – كسبرة خضراء الطريقة نشوح البصلة والروزمارى فى الزيت والفلفل والكسبرة المخرطين ناعم لحد ما يدبلوا ونضع وورق اللورى وبشر الطماطم والصلصة والتوابل وشوية ماء ونضع الجمبرى لحد مايستوى حوالى 10 د ونشيله على جنب ثم نضع الخبز المحمص ونقلبه ونضع الارز ونقلبهم لحد مايندمجوا ثم نغرفها ونضع الجمبرى المقشر المستوى ثم نضع على الوش الجمبرى اللى بقشرة اللى ركناه على جنب ونزينه بكسبرة خضرة مفرومة ونقدمه https://2.bp.blogspot.com/_ewlsCT-iK...ers/s320/2.bmp https://4.bp.blogspot.com/_ewlsCT-iK...jkw/s320/3.bmp https://3.bp.blogspot.com/_ewlsCT-iK...oUA/s320/4.bmp https://4.bp.blogspot.com/_ewlsCT-iK...54k/s320/5.bmp https://2.bp.blogspot.com/_ewlsCT-iK...Coo/s320/6.bmp https://4.bp.blogspot.com/_ewlsCT-iK...gFo/s320/1.bmp |
رد: (((جروووب حااالفين لنمحى المستحيل)))الجزء التانى
كفته فى الفرن هتجيبى اللحمه المفرومه بتاعتك وتكون فيها دهن كتير عشان هو ده اللى هيديها الطعم وتحيبى على الكيلو يادوب بصلتين منوسط لصغير وتبشريهم وتعصريهم من المايه بتاعتها وتحطى التفل بس وتحطى الملح والفلفل بتوعك لو هايزه اى توابل عليها انتى بتحبيها بس انا بحط ملح وفلفل بس وتصبعى الكفته طويله ورفيعه وترصى فى صينيه فرن (ممكن تحطيها فى الفريزر فى المرحله ديه وتطلعيها تسويها على طول فى اليوم اللى هتعمليها فيه)وماتحطيش عليها سمنه هى هتنزل سمنه تسويها بس تحطيها فى الفرن على درجه حراره عاليه وبعد لما تستوى وتحمر طلعيها وبفخريها بفحمه تحطى قشر بصل او ورق فويل وتحطى عليه حته سمنه وتحطى فيها الفحمه وتغطيها على طول عشان البخار مايطلعش منها وهتاكلى احلى كفه مشويه فى الفرن طريقه البفتيك فاكره المايه اللى طلعة من البصله اللى بشرتيها على الكفته خديها وحطيها على اللحمه بهد مادقيها شويه ومعاها بصله مبشوره وتبليها ملح وفلفل ونقف لحد هنا وعندك اختيارين: -بعد ماتبليها تحطيها فى دقيق وتنفضيه كويس وتحطيه فى البيض وبعد كده البقسماط(وفى المرحله ديه ممكن تشيليه فى الفريزر لحد ماتستخدميه)وبعد ماتخلصى الكميه تحطيها نص ساعه فى الفريزر وبعد كده اقليها وده البفتيك العادى -يا اما تحطى عليها من طمن التتبيله بتاعتها علبة زبادى وورق لورا وتغطيها وتسيبيها فى التلاجه تتنقع ساعه او ساعتين او تعمليها قبلها بيوم وتشيليها فى التلاجه لتانى يوم لما تعمليها وبعد كده طلعيها ورصيها فى صينيه فرن وقطعى عليها فلفل اخضر ومشروم (لو عايزه )وحطى معلقه سمنه على الوش او زيت زى ماتحبى ودخليها الفرن لحمد لما تستوى وتبقى تشوفيها من وقت للتانى لو مايتها نشفت وهى لسه ماستوتش زودى المايه (وتكون المايه سخنه )وممكن تبخريها بفحمه لو انتى حابه تديها نكهة الشوى |
رد: (((جروووب حااالفين لنمحى المستحيل)))الجزء التانى
هههههههههههه انتىحبيبتى ياطفطف يسلموا ايديكى جوزى هيفرح بيا اوى طبعا بفضل مجهودك انا بعلن بعد اذن طافى انسحابى من التحدى هكون معاكوا ان شاء الله الجمعة اللى بعدها دة مش يمنع انى بكرة ان شاء الله هقول الوزن بتاعى واكتب الريجيم الجديد |
رد: (((جروووب حااالفين لنمحى المستحيل)))الجزء التانى
بطوووووووووووط شكرا ياقمر ع الرقاق لو افتكرتى اكلة تانية اكتبيها ان شاء جنى تطلع سنانها ع خير من غير اى تعب ظلمتينى ياطافى اكيد بتقولى بجر ناعم مع بطوط عشان تكتبلى اكلات ههههههههههه |
رد: (((جروووب حااالفين لنمحى المستحيل)))الجزء التانى
عايزة رايكوا مع البوفتيك يكون جانبه ايه كذلك مع الجمبرى او الفراخ العادية او البانيه او البط او الرومى لو تعرفوا طريقة جديدة للفراخ او البط او الرومى كله جاهز ومقطع قولولىىىىىىىىىىىى |
رد: (((جروووب حااالفين لنمحى المستحيل)))الجزء التانى
توتىىىى ايه ياحبيبتى مالك بصى هقولك كبرى دماغك خالى اللى يتكلم يتكلم اهم حاجة الحمد لله انا بتصلى وانت سجدة ادعى لهم او عليهم براحتك بهزر ادعى لهم بالهداية ربنا كفيل بيهم قولى دايما ادعية لتزيل الهم لا اله الا انت سبحانك انى كنت من الظالمين او فى حل تانى انك تكتبيلى اكلات ان شاء الله تنسى همك |
رد: (((جروووب حااالفين لنمحى المستحيل)))الجزء التانى
طفطففففففففف انتى موجودة عشان اشكرك بنفسى ع الاكلات الجميلة |
رد: (((جروووب حااالفين لنمحى المستحيل)))الجزء التانى
عندي سؤال
الكفته نحط عليها ميه في الصنيه ولا لا والتاني البفتيك الاول عارفاه طب التاني بتعمليه ببيض برده وبقسمات ولا عادي من غير حاجه |
رد: (((جروووب حااالفين لنمحى المستحيل)))الجزء التانى
احنا قلبناها جروب اكل ههههههههه
|
رد: (((جروووب حااالفين لنمحى المستحيل)))الجزء التانى
هقولك علي طريقه للكفته حلو كتير
غير بتوع طافي تسلم اديها فينك ياهموسه |
رد: (((جروووب حااالفين لنمحى المستحيل)))الجزء التانى
يا سلام عليكو يا بنات دودودودودودودو رغى رغى رغى
ايه اسبكو يوم اجى الائيكو بقيتو راغيين كده على العموم انا جيت خلاص واللى عنده كلمه يخبيها وطبعا انت فاهم يا نص الكلام ده على مين المهم وحشتونى قوى طافى وبطه ونجوم وتوتى وكل البنات الغايبين عننا وكمان برحب بالرشيقه الجديده معانا (زعبلى) واكيد هتتبسطى معانا وهنبقى احلى صحبه بس عندى استفسار زغنون ايه حكايه اسم زعبلى ده مش غريب شويه وكمان عايزه اقول لنجوم بنتك زى القمر خلاص احجزيهالى مع جنى مهو الراجل له اربعه هههههههههه |
رد: (((جروووب حااالفين لنمحى المستحيل)))الجزء التانى
انا اهو يا بطوط شيفاكى منوره فى الجروب
وايه حكايه الاكلات الجامده دى جوعتونا يا ناس حرام عليكو |
رد: (((جروووب حااالفين لنمحى المستحيل)))الجزء التانى
الكفته
بصله كبيره ومعاها شبت و3 فصوص ثوم ونص فلفل اخضر واضربهم في الخلاط ونحطهم علي نصف كيلو لحمه والبهارات اللي عندك فلفل اسود وكمون بهار لحم وملح ونحط 2 بيض وبقسمات ونعجن ولو طلعت لينه حطي كمان بقسمات وصبعيها وحطيها في صنيه ونضري طماطم في الخلاط ونحطها عليها تغطيها ونحطها علي النار تغلي شويه وبعدين نحطها في الفرن وممكن كمان نفس العجينه وتحطيها في بيض مضروب وتغلفيها بالبقسمات وتغلي الزيت وتحطيها في وشويه كده وهدي النار عليها عشان تستوي وبالهنا والشفا |
رد: (((جروووب حااالفين لنمحى المستحيل)))الجزء التانى
لا ياستي همسه
بنتي زي امها زي الفريك ماتحبش شريك ههههههههه |
رد: (((جروووب حااالفين لنمحى المستحيل)))الجزء التانى
الكابوريا
تجيبي حله وتحطي فيها الكابوريا بعد التنضيف طبعا وتقطعي عليها بصله وفصين ثوم وطمطمايه وكوب ميه وتغطيها بجرنان وتحطي عليه الغطا وتحطي عليه حاجه تقيله وسبيها ربع ساعه وسيلي الحجات واغرفي الكابوريا بس جميله جدا بحبها اكتر من الجمبري |
رد: (((جروووب حااالفين لنمحى المستحيل)))الجزء التانى
والله العظيم يا طافى خلتنى اضحك بجد لانك بتقولى عملتى اميل جوزك عشان تدخلى المنتدى وربنا انتى زى العسل وشكرااا على ردك يا نجوووم وبنتك امورة ربنا يخلهالك وشكراااااااااااا يا همسة على سؤالك يا حبيبتى وبجد الاكلات حلوة يا طافى |
رد: (((جروووب حااالفين لنمحى المستحيل)))الجزء التانى
لو عيزة اعملك ميل يا طافى اعملك
|
رد: (((جروووب حااالفين لنمحى المستحيل)))الجزء التانى
اقتباس:
اصل ابنى عنيه خضرا والبنات هى ال هتجرى وراه |
رد: (((جروووب حااالفين لنمحى المستحيل)))الجزء التانى
بما انكو بتعملو كفته هقولكو طريقتى فى عمل الكفته
هى طريقتها سهله وبسيطه وبتطلع زى كفته الحاتى بنجيب اللحمه المفرومه ونحط عليها بصله او بصلتين مفرومين ونقطه زيت وملح وفلفل ونعجنها كويس ونصبعها يا اما نحطها فى الحله ونسويها على نار هاديه من غير مايه او نحطها على الشوايه ويكون تحتها الفحم عشان الريحه ولو مفيش شوايه وسويتيها فى الحله بعد ما تستوى ولعى الفحمه لحد ما تحمر وبعدين حوطيها فى طبق فيه شويه زيت ودخليها جوه الحله وغطى عليها يا سلام بقى على الريحه بتبقى واااااااااو خطيره |
رد: (((جروووب حااالفين لنمحى المستحيل)))الجزء التانى
هموووووووس ايه الاخبار ياقمر ابنك عامل ايه دلوقتى ربنا يخليهولك ياخسارة ياهموسة جيتى متأخر بنتى متكلمين عليها ههههههههههههه |
رد: (((جروووب حااالفين لنمحى المستحيل)))الجزء التانى
همووووسة لو عندك اكلات ياقمر اوعى تبخلى عليا لو عايزة يتجوزوا من بكرة انا موافقة ههههههههه |
رد: (((جروووب حااالفين لنمحى المستحيل)))الجزء التانى
طااااااااااااافى ايه يابنتى انتى فين خلاص بقى ياطفطف ادخلى براحتك انا انسحبت |
رد: (((جروووب حااالفين لنمحى المستحيل)))الجزء التانى
هلو حبايب اني اول مره اشارك معاكم بالتحدي وان شاء الله اكون عند حسن ظنكم
ممكن سؤال شوكت تقيسون الوزن ياجمعه وسؤال ثاني كيف نحضر مشروب البقدونس والكرفس وشنو اسم البقدونس بالعراقي واتمنى تقبلوني اخت ياقمرات |
رد: (((جروووب حااالفين لنمحى المستحيل)))الجزء التانى
هاااااااى جرح الزمان يارب يكون اسمك ما لوش علاقة بأى جرح ع العموم احنا جروب جامد جداااااا طاااااافى هى اللى ماسكة الجروب احنا كلنا هنا اخوات خالى بالك المنافسة قوية جداااااااا طافى بتنزل كل سبت ريجيم جديد يوم الجمعة بيكون اليوم المفتوح عالم البحار هههههههههه عصير البقدونس والكرافس بطوووووووط هى لما تتدخل هتكتبهولك اعملى حسابك ان الجمعة الجاية فيه تحدى جامد بين نجوووووووووووم انا طااااااااااااااااااافى هموووووووووس اعملى حسابك ضرب نار ادخلى اكتبى طولك ووزنك نفسك تكونى كام |
رد: (((جروووب حااالفين لنمحى المستحيل)))الجزء التانى
اقتباس:
بصي حبيبتي بتجيبي نصف حزمه بقدونس ونصف حزمه كرفس وتنضفيهم وتخرطيهم وتيحوطيهم في الخلاط ومعاهم شويه ميه صغيرين وتضربيهم وتصفيم وتشربيهم علي الريق الصبح بس يلا سجلي وادخلي |
رد: (((جروووب حااالفين لنمحى المستحيل)))الجزء التانى
انا معرفش اسمه يالعراقي حبيبتي
بس انتي ممكن تعملي سيرش علي الصوره وتعرفيه هو شكل الكرفس بس ورقه صغير |
رد: (((جروووب حااالفين لنمحى المستحيل)))الجزء التانى
حبيبتي توتي انا عندي سكاي وياهو لو حابه تتكلمي
ابعتيلي اميلك ونتكلم |
رد: (((جروووب حااالفين لنمحى المستحيل)))الجزء التانى
اقتباس:
على فكره انا شاطره قوى فى المطبخ وكل ال يدوق اكلى يحلف بطعامته لكن انا بعمل كده بالبركه معرفش اكتب طريقه معينه بس ممكن ابعتلك تورتايه تعمليها لجوزك لما يجى هجبلك الرابط بتاعها [url="https://adlat.net/showthread.php?t=39896"]https://adlat.net/showthread.php?t=39896[/url] |
رد: (((جروووب حااالفين لنمحى المستحيل)))الجزء التانى
ههههههههههه معلش يا نجوم انا كبرت الرابط ولونه قام باظ
هجبهولك تانى https://adlat.net/showthread.php?t=39896 |
رد: (((جروووب حااالفين لنمحى المستحيل)))الجزء التانى
اقتباس:
هو المشكله بس ان فيه بعض الكلام بينا مش هنفهمه وهيحتاج توضيح عموما انا جبتلك صوره البقدونس وانتى بقى تقوليلنا اسمه بالعراقى ايه https://upload.3dlat.com/uploads/13330041951.jpg واهلا بيكى مره تانيه وعلى فكره انا بحب العراق قوى عشان منها واحده بحبها قوى |
رد: (((جروووب حااالفين لنمحى المستحيل)))الجزء التانى
طافى انتى فين نايمه ولا ايه
اكيد نايمه عشان متحسيش بالجوع ههههههههه انا بقى عندى نشاط وقايمه بدرى عشان افطر والعب شويه رياضه سلام يا روحى نتقابل يوم التحدى |
رد: (((جروووب حااالفين لنمحى المستحيل)))الجزء التانى
صباح الوررررررد هموس الله اكبر ايوة كدة النشاط شكراااااا ع التورتة روعة بس انتى قصدة تبوظيلى الريجيم قولى الحقيقة مفيش جوااااااز هههههههههههه |
رد: (((جروووب حااالفين لنمحى المستحيل)))الجزء التانى
يااااااااه عرفت نيتى كده بسرعه
طبعا قاصده عشان اكسب التحدى ههههههههههه عموما لو مش عايزه الواد خلاص دا البت جنى بتموت فيه ههههههههه |
رد: (((جروووب حااالفين لنمحى المستحيل)))الجزء التانى
طافى تعالى بسرعه عايزه اقولك حاجه
انا مسافره بس اوعى تفهمى غلط وتقولى دنا بهرب من التحدى هما يومين وهجيلك على طول وعموما التحدى بتاع بكره مش بتاعى شدو حيلكو انتو بقى يا حلوين |
رد: (((جروووب حااالفين لنمحى المستحيل)))الجزء التانى
حبايبي صباح الفل علي عيونكم
ايه الاخبار ازيك همسه وطافي ونجوم وكل الحلوين تروحي وتيجي بالسلامه ياهمسه ومشكوره حبيبتي علي الرساله بس الكل لازم يتوزن ويكتب الميزان بكره او انهارده |
رد: (((جروووب حااالفين لنمحى المستحيل)))الجزء التانى
|
رد: (((جروووب حااالفين لنمحى المستحيل)))الجزء التانى
ايه النور ده قفشتك lala
فينك |
رد: (((جروووب حااالفين لنمحى المستحيل)))الجزء التانى
نورتي حبيبتي قوت القلوب
|
رد: (((جروووب حااالفين لنمحى المستحيل)))الجزء التانى
يا ناس ياهو lala رجعت تاني
|
رد: (((جروووب حااالفين لنمحى المستحيل)))الجزء التانى
السلام عليكم اذيكم حبايبى وحشتونى والوك المنتدى جامد بس ناقصة دردشة
|
رد: (((جروووب حااالفين لنمحى المستحيل)))الجزء التانى
وسسسسسسسسسسسع وسسسسسسسسسع فتاة الاعلانات الصاروخ القادم نجووووووووووووم احلى تصقيفة ورقص ينطبق عليا قول الاستاذ محمود الليثى ايه المزة الحلوة دى ايه المزة الجامدة دى كل واحدة تقول انا خسيت كام كيلو صارووووووووووووخ |
رد: (((جروووب حااالفين لنمحى المستحيل)))الجزء التانى
انا قصدى تتوقع لى انا نزلت كام كيلو |
رد: (((جروووب حااالفين لنمحى المستحيل)))الجزء التانى
انا ان شاء الله انضم معاكم واحاول اتابع انا بازعل اوى من نفسى لما مش بالاقى حاجة مقاسى انا وزنى فى بداية التسعينات مش عارفة بالظبط بقيت اكره الوقوف على الميزان انا طويلة يعنى ما يبانش عليا الوزن الا فى لبس البيت بس انا متضايقة من نفسى جدا
|
رد: (((جروووب حااالفين لنمحى المستحيل)))الجزء التانى
انا مشكلتى باشتغل وبابذل مجهود جامد وعشان كده باحس بالجوع كتير ومش باعرف افرمل
|
رد: (((جروووب حااالفين لنمحى المستحيل)))الجزء التانى
خسيتي كام يانجوم اتوقع 2 ونص
يلا قولي اتوزنتي |
رد: (((جروووب حااالفين لنمحى المستحيل)))الجزء التانى
اقتباس:
انا كمان في التسعين واتخنقت من نفسي بس انا مش طويله يلا سجلي عشان انا وانتي نمشي مع بعض لان الوزن واحد |
رد: (((جروووب حااالفين لنمحى المستحيل)))الجزء التانى
صباح الخير ازيكم ياحلوين
|
رد: (((جروووب حااالفين لنمحى المستحيل)))الجزء التانى
اقتباس:
بتشكرينى على ايه ده احنا اخوات والله ولو اى حد عاز حاجه احنا كلنا تحت اكره وبعدين احنا شعارنا نفيد ونستفيد |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
اقتباس:
هى ديه طريقة البورجر البيتى يابطه ؟بس حلوه اوى وجااارى تنفيذها طبعا لانها عجبتنى اوى وخصوصا الطماطم اللى بحطها عليها حاسه انها هتبقى حلوه اوى |
رد: (((جروووب حااالفين لنمحى المستحيل)))الجزء التانى
اقتباس:
اهلا بيكى معانا فى الجرووووووووب ياجرح ده الجروب نور ياحبيبتى |
رد: (((جروووب حااالفين لنمحى المستحيل)))الجزء التانى
اقتباس:
اقتباس:
|
رد: (((جروووب حااالفين لنمحى المستحيل)))الجزء التانى
صباااااااح الحير يا احلى بنات فى احلى جروب عاملين ايه معلش امبارح كان النت فاصل معرفتش ادخل لكم وطبعا النهارده يوم الوزن ويوم التحدى القاتل بينى وبين نجووووووم واتوقع ان نجوم هى اللى تكسب لانى زعلانه اوى انى مانزلتش كتيييير المهم نجوم لما تدخلى تكتبى نموذج زى اللى انا عملاه وطبعااا هيبقى ليكى تصقيف حاد لو كسبتى وساعتها انا هبقى مبسوطه جدا:diablo::diablo::diablo::diablo::diablo::diablo::diablo:زى ماانتى شايفه كده بالضبط
الاسم:طاااافى الطول:171 الوزن قبل التحدى:78 الوزن بعد التحدى:76 واتمنى التوفيق للحميع يابنات |
رد: (((جروووب حااالفين لنمحى المستحيل)))الجزء التانى
طفطططططططططف وحشتينا والله الاسم:نجووووم فتاة الاعلانات القادمة انتى مش قولتى ياطافى تتخيلى انا نزلت كام غلط يابطووووووووط |
رد: (((جروووب حااالفين لنمحى المستحيل)))الجزء التانى
ارجوكى ما بحبش اتصور ماليش فى الاحاديث الصحفية |
رد: (((جروووب حااالفين لنمحى المستحيل)))الجزء التانى
الريجيم الجديد الافطار:موحد ثمرة فاكهة(ما عدا البلح،العنب،التين)+بيضة مسلوقة اوجبن قريش(150)جراما او ثلاث ملاعق فول +ربع رغيف اليوم الاول الغداء:فواكه ما عدا الممنوع العشاء:فواكه ما عدا الممنوع الثانى الغداء:خضار سوتيه +سلطة خضراء العشاء:خضار سوتيه+سلطة خضراء |
رد: (((جروووب حااالفين لنمحى المستحيل)))الجزء التانى
طاااااااااااااااااافى ياقمر انا وانتى اخوات انا كسبت او انتى عادى انا كان ليا هدفى عشان جوزى جاى كان نفسى اخس |
رد: (((جروووب حااالفين لنمحى المستحيل)))الجزء التانى
الطول:157 الوزن:77.8 الوزن الحالىىى مفاجأة كام كام كام 72 |
رد: (((جروووب حااالفين لنمحى المستحيل)))الجزء التانى
بالتوفيق لكل الاخوات اللى عايزين يخسوا انا قولتلكوا مش هتلاقوا احسن من الصحبة الجميلة وتخسوا معانا اهم حاجة تكونوا قد التحدى معانا احنا جامدين اووووووووووى |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
الف مبروك يا بنات الف مبروك طافي
الف مبروك نجوم وعقبالي |
رد: (((جروووب حااالفين لنمحى المستحيل)))الجزء التانى
السلام عليكم انا بقى الطول :160 والوزن:95 وبعد التحدى : 89 ايه رايكوا يا حباااااايبى والف مبروك ليا وليكوااااااااا
|
رد: (((جروووب حااالفين لنمحى المستحيل)))الجزء التانى
اقتباس:
عندنا افراح وعوزين مباركات للحلوين اللي خسين الف مبروك توتي |
رد: (((جروووب حااالفين لنمحى المستحيل)))الجزء التانى
ايه ده يا بنات انتو فين النهارده
|
رد: (((جروووب حااالفين لنمحى المستحيل)))الجزء التانى
بطوووووووووط ازيك ياقمر ايه الاخبار انا كنت عند حماتى النهاردة |
رد: (((جروووب حااالفين لنمحى المستحيل)))الجزء التانى
مبروووووووووووك ياتووووووووتى يارب المزيد |
رد: (((جروووب حااالفين لنمحى المستحيل)))الجزء التانى
طاااااااااافى شكلك وحش اوى ياطافى اقولك انتحررررررررى ههههه نستناكى الجمعة الجاية فى تحدى جامد المنافسة شكلها بقت جامدة نجوم طافى همسة توتى شكلها كدة احلووووووووت |
رد: (((جروووب حااالفين لنمحى المستحيل)))الجزء التانى
اقتباس:
ربنا يخلهالك |
رد: (((جروووب حااالفين لنمحى المستحيل)))الجزء التانى
اقتباس:
ههههههههههه انا زعلانه طب وانا فين في التحدي ده ديما ناسيني كده انا زعلان |
رد: (((جروووب حااالفين لنمحى المستحيل)))الجزء التانى
يا بنات انا اول يوم ليا في الشغل بكره
عوزه دعواتكم الحلوه اني استمر عشان جوزي عمال يحبط فيا وانا عاوزه استمر واغيظه ههههههههه ادعولي |
رد: (((جروووب حااالفين لنمحى المستحيل)))الجزء التانى
لووووولىىىىىىىىىىىى الف مبروك يابطوووووووووط اجمد يابطوط انت قدها وقدود خليكى واثقة جدا من نفسك انك انتى الاحسن والشغل دة حاجة سهلة ان شاء الله ربنا يكرمك يابطوط ويثبت اقدامك ياجامد يابطوووط اوعى يابطوط جوزك يقصر عليكى جنى مش تخافى عليها ان شاء هتكون كويسة ربنا يخليهالك |
رد: (((جروووب حااالفين لنمحى المستحيل)))الجزء التانى
شكرااااااا يا نجوووم وبطوطة حبيبه قلبى الف مبروووك الشغل انا فرحانة ان احنا ايد واحدة وانا من غيركوا ولا حاجة بجد
|
رد: (((جروووب حااالفين لنمحى المستحيل)))الجزء التانى
نخس كمان وكمان انا عايزة اوصل ل 70 كيلو باذن الله
|
رد: (((جروووب حااالفين لنمحى المستحيل)))الجزء التانى
صبااااح الخير يابنات عاملين ايه ؟ معلش النت كان فاصل امبارح ومعرفتش ادخل ويارب مايفصلش النهارده كمااااااااااان
وواضح ان فيه منافسه جامده اووووى بقيت موجوده على الساحه وان انا اقل وزن خس الاسبوع ده بس انا مش هسكت ولازم اعمل حاجه وهقول لكم انا عملت ايه؟؟؟؟؟؟؟ بس الاول نبارك لفتاااااه الاعلانات الجديده وبراحه انا ذهلت من الوزن اللى انتى خستيه فى اسبوع وفتحت بقى اول ماشوفته بس برااافو وتستهالى انتك تبقى المركز الاول لووووووولى ى ى ى ى ى ى وكمان الف مبرووووك ليكى ياتوتى على الوزن الجديد ويارب يقدرك وتخسى لل70 اللى نفسك فيهم واكتر ان شاء الله وعايزين نعرف خسيتيهم فى اد ايه؟عشان نحدد المركز بتاعك وطبعاااااااااا انا المركز الاخير:47::47::47:مااااااااااااشى نرجع بقى للى انا عملته عشان اخس انا يابنات سافرت مصر من يومين كان جوزى واخدنى انا واختى يفسحنا المهم دخلنا مول واتمشينا فيه شويه بتاع نص ساعه اتعقدنا انا واختى من اجسام البنات هناك راحت اختى قالت لى تيجى نروح لدكتور ريجيم قولتلها فكره حلوه وفعلا جوزى اخدنا وروحنا للدكتور (احمد دياب)وادانى نظام ريجيم وقال لى انى عايزه اخس 14ك وانه هيخسسهم لى فى خلال شهر ونص لو انا انتظمت معاه وانا قولت له انى هتابع كل اسبوعين لانى باجى من السويس وقال لى ماشى مافيش مشاكل امشى على النظام اسبوعين وطبعااااااااااااا اكيد هنزلكم النظام وهقول لكم على التطورات اللى بتحصل اول باول ومش هفرح غير لما الاقيه منزل وزنى زى نجوووووم كده |
رد: (((جروووب حااالفين لنمحى المستحيل)))الجزء التانى
قفشتتتتتك ياطااااااااااااااافى مش دخلتى ليه |
رد: (((جروووب حااالفين لنمحى المستحيل)))الجزء التانى
مبروووك يابطوط الشغل واجمدى ماتقصريش رقبتنا يا بطه ادام جوزك
|
رد: (((جروووب حااالفين لنمحى المستحيل)))الجزء التانى
والله يانجوم النت كان فاصل مقدرش يستحمل الكيلوات الكتيييييييير اللى انتى نزلتيهم
|
رد: (((جروووب حااالفين لنمحى المستحيل)))الجزء التانى
ظلمتك ياطفطف انتى كتبتى وانا مش خدت بالى |
رد: (((جروووب حااالفين لنمحى المستحيل)))الجزء التانى
قصدك اتكسف من فتاة الاعلانات فصل |
رد: (((جروووب حااالفين لنمحى المستحيل)))الجزء التانى
بجد ياطافى مش شايفة ان 6 كيلو فى اسبوع كتير |
رد: (((جروووب حااالفين لنمحى المستحيل)))الجزء التانى
ناس شافونى فى الشارع فوجئت برد الفعل كفاية كدة انى حسيتى كتير المشكلة عندى البطن لازم تمارين او الاعشاب والله الاعشاب بكسل اعملها التمارين بردوا كذلك |
رد: (((جروووب حااالفين لنمحى المستحيل)))الجزء التانى
اجمدى ياطااااااااااااااافى همسة ناويالللللللللك المسابقة بقت جامدة نجوم طافى همسة توتى مش تزعل يابطوووووووووط حاولى مع الريجيم نعمل رياضة انا شجعتوكوا وقولتلكوا وقت معين ونعمل كلنا رياضة فكروووا |
رد: (((جروووب حااالفين لنمحى المستحيل)))الجزء التانى
انا نفسى انتظمت فى الريجيم عشان اخس والله يانجووووووووووم وعشان مره من نفسى اكسب حد فيكو
|
رد: (((جروووب حااالفين لنمحى المستحيل)))الجزء التانى
بس بجد برافو عليكى يانجوم انك واظبتى على الريجيم وكملى لحد الوزن اللى الدكتور عايزه عشان يثبتك وماترجعيش تتخنى تانى
|
رد: (((جروووب حااالفين لنمحى المستحيل)))الجزء التانى
يعنى الدكتور قال لى كلمه مش قادره انساها(هو انتى اكلتى كاااااااااااام شهر طول عمرك؟طبعااااااااا كتييير جربى تحرمى نفسك شهر ونص واثبتك وكلى زى ماانتى عايزه)ولاقيت عنده حق
|
رد: (((جروووب حااالفين لنمحى المستحيل)))الجزء التانى
بصى ياطفطف كلامك حلو والدكتور بردوا كلامه حلو بس اللى مش مصدقاه انك تفوزى بالمسابقة هههه |
رد: (((جروووب حااالفين لنمحى المستحيل)))الجزء التانى
اقتباس:
ههههههههههههه لاء ماانتو لازم تتفقوا ان حد فيكم لازم يتغلب لى مره عشان مايبقاش شكلى وحش وخصوصا ان المفروض انى الكبير فى الجروب وعماله انزل فى ريجيمات وادى فى نصايح واشجع ده واقوى اراده ده وفى الاخر الاقى نفسى مغلوبه يرضيكى بردوا يانجوم والله ده حتى يبقى عيب عليه |
رد: (((جروووب حااالفين لنمحى المستحيل)))الجزء التانى
اقتباس:
وصعبان عليا لو في يوم معرفتش ادخل و اشوفكم انا بصراحه بحبكم كتير |
رد: (((جروووب حااالفين لنمحى المستحيل)))الجزء التانى
اقتباس:
انتي ايه اخبارك تابعي كويس وربنا معانا |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
طافي كويس حبيبتي انك روحتي لدكتور
ربنا معاكي وشدي حيلك بي انا عاوزه اشوف الرجيم بتاعك والكلام للي الدكتور قاله اكيد قالك علي لازم رياضه وشويه حاجات كده حلوه يلا ياجميل ما تبخليش علينا مستنياكي |
رد: (((جروووب حااالفين لنمحى المستحيل)))الجزء التانى
انا عندى سوال حبايبى الاعشاب ايه هى عشان اجبها واشربه
كنت سمعت عن الجنزبيل والقرفة على بعض بس ما جربتش الوصفة دى ارجو الافادة وشكراااااااااااااا حبايبى |
رد: (((جروووب حااالفين لنمحى المستحيل)))الجزء التانى
جدول الريجيم اليوم الاول:الافطار:2ثمرة خيار -3ملاعق جبن ابيض لايت-ربع رغيف-شاى بحليب الغذاء:طبق سلطه-طبق كوسه-ربع فرخه-3و مكرونه العشاء:2ثمره فاكهه اى نوع ماعدا المانجو اليوم الثانى:الافطار:ثمرة خيار-ثمرة جزر-بيضه مسلوقه-ربع رغيف-شاى او نسكافيه ساده الغذاء:شرائح خيار وجزر باى كميه-2سمكه بلطى مشوى-3م رز سمك او ربع رغيف العشاء:طبق جبن قريش بالطماطم-ربع رغيف -2ثمرة خيار اليوم الثالث:الافطار:شرائح خيار باى كميه -2شريحة لانشون -ربع رغيف -كوب نعناع الغذاءطبق سلطه-2قطعة بانيه مشوى-طبق شوربة خضار عدا البطاطس -3رز العشاء:2ثمرة خيار بيضه مسلوقه-ربع رغيف اليوم الرابع:2ثمرة طماطم-قطعه جبن قريش -ربع رغيف الغذاء:2ثمرة طماطم-علبة تونه مصفاه من الزيت-ربع رغيف العشاء:كوب زبادى -ثمرة فاكهه -ثمرة خيار -ثمرة جزر اليوم الخامس:الافطار:2ثمرة خيار- بيضه مسلوقه-كوب زبادى- ربع رغيف او 2بقسماط سن الغذاء:طبق خضار اى نوع عدا البطاطس والبسله-طبق سلطه -2قطعه لحم مشوى او مسلوق-3م رز العشاء:كوب شاى بحليب منزوع الدسم-2بقسماك سن-طبق سلطه عند الاحساس بالجوع اليوم السادس:الافطار:ثمرة خيار-ثمرة جزر-شريحة جبن رومى او شيدر-ربع رغيف-كوب نسكافيه او شاى بحليب الغذاء:طبق سلطه-طاجن خضار بالفرن باللحم او الدجاج-4مرز بسمتى العشاء:2كوب ربادى منزوع الدسم-حضروات طازجه باى كميه اليوم السابع:الافطار:طبق سلطه-4م فول بدون زيت -نص رغيف-كوب شاى ساده الغذاء:طبق سلطه-2ثمرة بطاطس صغيره مسلوقه او مطبوخه فى الفرن بدون زيت او سمن-2قطعة بفتيك مشوى العشاء:2ثمرة خيار-شريحة جبن رومى-ربع رغيف مسموح بتناول الشاى والقهوه بدون لبن بمعلقه سكر واحده فى اليوم او 3 سكر فاكهه(فركتوز) مسموح بكوب مياه غازيه+كوب بيور يوميا يجب تناول 2ثمرة خيار او خس او جزر او طماطم قبل الوجبه بربع ساعه +2كوب ماء(مهمه) يمكن تناول ثمرة فاكهه بعد الغذاء بساعتين:تفاح -كمثرى-جوافه-شريحة شمام-برتقال-شريحة بطيخ-الكنتالوب شريحه -4مشمش-3برقوق-10عنب-2بلح-2تين-1موز ممنوع تناول المانجو- قصب ممنوع الحلويات -المياه الغازيه-المخللات ممنوع اللحوم الدسمه:بط-وز-الحمام-الديك الرومى ممنوع المسليات بجميع انواعها |
رد: (((جروووب حااالفين لنمحى المستحيل)))الجزء التانى
النظام ده الدكتور قال انه يخسس اربعه ك فى اسبوع وان انا محتاجه اخس 14 ك ولو انتظمت معاه هيخسسهم لى فى خلال شهر ونص وهيثبتنى على كده وادعولى يا بنات والنبى عشان اخس واثبت وزنى وكل مره هروح فيها للدكتور هقول لكم انا عملت ايه وكمان هنزلكم النظام الجديد
|
رد: (((جروووب حااالفين لنمحى المستحيل)))الجزء التانى
طاااااااااااافى ايه الريجيم الجامد ده ربنا يكرمك ياطافى وتخسى4 كيلو بس للاسف هكسبك بردوااااااااااااا هههه |
رد: (((جروووب حااالفين لنمحى المستحيل)))الجزء التانى
همسسسسسة ايه يابنتى فينك بستعدى ياواعية للريجيم خالى بالك طافى ناويالك البسى الخوذة وانزلى موقع الهجوم |
رد: (((جروووب حااالفين لنمحى المستحيل)))الجزء التانى
كله يستعد باقى من الايام4 ايام اقوى تحدى بين فتيات الاعلانات القادمات بسرعة الصاروخ المتسابقة الاولى طاااااااافى همسسسسسسة واضيفت اليهم نجوووووووووووم توتىىى مع التوفيق للجميع |
رد: (((جروووب حااالفين لنمحى المستحيل)))الجزء التانى
ادينى ماشيه على الريجيم تمام وكله كويس لجد دلوقتى وان شاء الله اخس اللى الدكتور قال لى عليه وانا مستنيه الاربع ايام دول يخلصو بفارغ الصبر عشان اعرف انا خسيت اد ايه ؟وطبعا احتمال كبير انى اموت من الفرحه لو لقيت نفسى خسيت الاربعه كيلو دول ويارب يوفقنا جميعا
|
رد: (((جروووب حااالفين لنمحى المستحيل)))الجزء التانى
وبردوا يا نجوم نسيتى بطه هتيجى دلوقتى تقلب الدنيا وتولعها انتى عارفاها احسن واحده تولع الدنيا وتشعللها ياريت تعدلى اسماء المتسابقين لو سمحتى يانجوم ونزلى اسم بطه عشان نتقى شرها هههههههههههه
|
رد: (((جروووب حااالفين لنمحى المستحيل)))الجزء التانى
وبعدين هما فين البنات انا مش شايفه حد فيهم ليه كله بيحضر الخوذه عشان التحدى ولا ايه؟؟؟؟؟
|
رد: (((جروووب حااالفين لنمحى المستحيل)))الجزء التانى
ايه ده ده ايه ال انا شيفاه ده
هو حصل ايه فى الكام يوم ال انا سافرتهم مفيش اهلا ولا وحشتونى الا لما اعرف ازاى ده حصل ده ازاى يا نجوم تخسى كل ده من غير ما اعرف وانتى كمان ياتوتى وانتى يا طافى طب والله لنا معيطه واغرقلكو الجروب دموع اهئ اهئ اهئ اهئ اهئ |
رد: (((جروووب حااالفين لنمحى المستحيل)))الجزء التانى
هههههههههههه
وحشتونى قوى قوى قوى قوى والف مبروك يانجوم يا فتاه الاعلانات والف مبروك يا توتى يا قمرايه ومبروك واحده يا طافى ياللى هتنفسينى قريب والف مبروك يا بطوط على الشغل وربنا يسعدك ويلا شدى حيلك عشان نغلب اللى فى بالى |
رد: (((جروووب حااالفين لنمحى المستحيل)))الجزء التانى
همسسسسسسسه همووووووووووس عامله ايه وحشتينى
شوفتينى لما اتهزمت شر هزيمه الاسبوع اللى فات ونجوم فتاة الاعلانات الجديده هزمتنى هى وتوتى فروتى ؟ تعالى عشان نخس مع بعض انا ماليش غيرك شوفتى ادينى بجر ناعم عشان خاطرى ياهمسه حاولى تتغلبى لى انتى الاسبوع اللى جاى عشان ارضى غرورى حتى انا مهما ان كان طافى بردوا |
رد: (((جروووب حااالفين لنمحى المستحيل)))الجزء التانى
اقتباس:
اه ياطافي النظام بتاعك جميل بس امشي عليه كويس وربنا معاكي حبيبتي |
رد: (((جروووب حااالفين لنمحى المستحيل)))الجزء التانى
اقتباس:
تنسوني ولا ايه بس انا النهارده اكلت واحد برجر كنج وبقالي كام يوم ما وقفتش علي الجهاز وربنا يستر والله عاوزه اتوزن ومش عارفه خالص ادعولي يا بنات |
رد: (((جروووب حااالفين لنمحى المستحيل)))الجزء التانى
اقتباس:
الله يبارك فيكي حبيبتي والله ربنا يستر انا عاوزه اتابع كويس ادعيلي |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
انا زعلانه منكم
يابنات عيد ميلادي النهارده ومفيش ولا وحده تقولي كل سنه وانتي طيبه |
رد: (((جروووب حااالفين لنمحى المستحيل)))الجزء التانى
https://adlat.net/showthread.php?t=48685
حبيبتي توتي الموضوع ده ممكن يفيدك لو انتي ما شوفتهوش قبل كده يارب يرزقك انتي وصاحبه الموضوع بالزريه الصالحه |
رد: (((جروووب حااالفين لنمحى المستحيل)))الجزء التانى
بطوووووووط كل سنة وانتى طيبة ياقمر وعقبال مليووون سنة والله ما نعرف يابطوط سنة سعيدة عليكى حبيبتى وتحققى كل اللى انتى تتمنيه |
رد: (((جروووب حااالفين لنمحى المستحيل)))الجزء التانى
طمنينا اخبار الشغل ايه يارب يكون تمام بالتوفيق وارفعى راسنا يابطووووووووط |
رد: (((جروووب حااالفين لنمحى المستحيل)))الجزء التانى
همووووووووووسة وحشتينا جدا ايه رايك فى المفاجأت جامدة ع العموم حذرى منا كويس عشان احنا جامدين اوى |
رد: (((جروووب حااالفين لنمحى المستحيل)))الجزء التانى
اقتباس:
يارب احقق كل احلامي وانتم كمان |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
صبااااااااااااااح الخييييير يا بطوووووووووووط عامله ايه؟
وكل سنه وانتى طيبه وعقبال ميت سنه وعقبال لما تشوفى بنتك عروسه يارب طمنينا عليكى فى الشغل ايه الاخبار واوعى تقصرى رقبتنا ادام اللى بالى بالك واجمدى كل حاجه فى اولها صعبه بس بعد كده بتبقى روتين اتعودتى عليه وربنا يوفقك وياريت ماتقصريش فى الريجيم هو صحيح انا عايزه اكسب حد فيكو بس بردوا انا مش عايزه حد يقصر فى الريجيم وكل واحد يتحدى بمجهوده زى البت اللى فاقعه مرارتى اللى اسمهانجوووووووووووم الليل انا عارفه هى طلعت لنا من انى حته مااحنا كنا كويسين من غيرها يالا ربنا يوفقنا جميعا وان شاء الله جوزها بكره يجى بالسلامه وريحنا منها وتتخن ههههههههههه لاء ده انا بهزر ده انتى حبيبتى يانجوم:01::01::01: |
رد: (((جروووب حااالفين لنمحى المستحيل)))الجزء التانى
اقتباس:
بس على مين دا انا همسه والاجر على الله هتخسرى يعنى هتخسرى دنا كلمتى لا مككن تنزل الارض ابدا ولا اقولك هتنزل المرادى وهسيبك تكسبينى اصل انتى صعبتى عليا وقاعده اعيط من ساعتها حتى شوفى :lol::lol::lol::lol::lol::lol::lol::lol: |
رد: (((جروووب حااالفين لنمحى المستحيل)))الجزء التانى
اقتباس:
https://upload.3dlat.com/uploads/13333725361.gif ودى هديه بسيطه |
رد: (((جروووب حااالفين لنمحى المستحيل)))الجزء التانى
طااااااااااااااااااافى همسسسسسسسسسسسة بطوووووووووووووط وحشتونى يابنات فاضل 3 ايام شدوا حيلكوا يابنات |
رد: (((جروووب حااالفين لنمحى المستحيل)))الجزء التانى
هموووووووووووسة انتى موجودة ايه النور دة |
رد: (((جروووب حااالفين لنمحى المستحيل)))الجزء التانى
هموووسة المنافسة جمدت ع الاخر خالى بالك فتاة الاعلانات القادمة بسرعة الصاروخ هييييييييييييه طااااااااااااااااافى ييييييييييييه عيب كدة اسمها هييييييييييييييييه معلشى ياطافى عندى المرة دى |
رد: (((جروووب حااالفين لنمحى المستحيل)))الجزء التانى
ماشى ياطافى بكرة تقولى ولا يوم من ايامك يانجوم تشحتفوا عليا هتوحشونى والله يابنات ان شاء الله اركب النت هناك واكلمكوا ع طول |
رد: (((جروووب حااالفين لنمحى المستحيل)))الجزء التانى
طبعا يابنات عارفين انا بحبكوا قد ايه الست بميت رجل بس ان حضر الرجل تغور الست ههههههههههههههه |
رد: (((جروووب حااالفين لنمحى المستحيل)))الجزء التانى
اقتباس:
وانتي طيبه والعمر الطويل لينا كلنا يارب اشوفها عروسه يارب والشغل الحمد لله كويس حتي الان اه من الرجيم ربنا يستر |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
[quote=نجوم الليل;441493]
هموووسة [/quoteهههههههههههه بقى كده بردو يا نجوم ماشى على العموم كل واحد ليه يوم وانتى يومك قرب لما جوزك يجى ان شاء الله المنافسة جمدت ع الاخر خالى بالك فتاة الاعلانات القادمة بسرعة الصاروخ هييييييييييييه طااااااااااااااااافى ييييييييييييه عيب كدة اسمها هييييييييييييييييه معلشى ياطافى عندى المرة دى |
رد: (((جروووب حااالفين لنمحى المستحيل)))الجزء التانى
اقتباس:
|
رد: (((جروووب حااالفين لنمحى المستحيل)))الجزء التانى
ههههههههههه عسل يانجوم والله
انا بحاول على قد ما اقدر للمنافسه ربنا يستر |
رد: (((جروووب حااالفين لنمحى المستحيل)))الجزء التانى
بطه انا معرفش العلبه دى فيها ايه
يمكن يكون فيها فيل هههههههه |
رد: (((جروووب حااالفين لنمحى المستحيل)))الجزء التانى
السلام عليكم اذيك يا طافى وبطوط وكل سنة وانتى طيبة يا عمرى ونجوووووووووم وهمسة كلوا حبايبى وشكراااااااا يا طافى على الرجيم الى انتى منزلاه واى معلومة يقولك عليها الدكتور ابقى قوليها عشان نستفيد حبيبتى وياااااااااارب نخس كلنا ياااااااااارب وانا بحبكوووووووووا خالص جداااااااااااااا
|
رد: (((جروووب حااالفين لنمحى المستحيل)))الجزء التانى
انا عايزة اعرف الاعشاب الى بتخسس ايه هيا انا لسه هبدا الاعشاب انهاردة اشتريت زنجبيل وشاى اخضروقرفة:07: بس مش عارفة اشربه قبل ولا بعد الاكل لو عارفين قولولى:07:
|
رد: (((جروووب حااالفين لنمحى المستحيل)))الجزء التانى
صباح الحب ياحلوين
ازيكو عاملين ايه ايه اخبار الرجيم ياتوتي انا بعمل الصبح علي الريق عصير بقدونس وكرفس بس مش بعمله علي طول بس بجد لو تلبعتي عليه كل يوم بينزل كتير مع الرجيم او التخفيف وبعمل قرفه مع جنزبيل مع شائ اخضر ونعناع وشمر وليمون بقشره واشرب منه في اي وقت مرتين او تلاته المشكله من ساعت ما اشتعلت وانا ملخبطه بس بحاول علي قد ما اقدر وان شاء الله علي ما اتعود علي الشغل والصحيان بدري هرجع تاني اركز في الرجيم ادعولي يابنات اصل انا بفكر اقعد مش الشغل بس لا لازم اقدر علي الشغل والبيت وجني وجوزي عاوزه ماقصرش معاهم وجني طبعا الاول |
رد: (((جروووب حااالفين لنمحى المستحيل)))الجزء التانى
ازيك ياتوتى عامله ايه واخبارك ايه وحشتينا وانا كل ماالدكتور هيقول لى حاجه جديده ماتخافيش هنزلها مع الريجيم اللى هيدهونى وربنا يوفقنا جميعااااا
|
رد: (((جروووب حااالفين لنمحى المستحيل)))الجزء التانى
بطوط ازيك؟بصى يابطه احساس انك عايزه تسيبى الشغل ده احساس طبيعى بيجى لاى حد اول مره يشتغل بس بعد كده بتاخدى على الوضع الجديد وبتلاقى نفسك مش قادره تقعدى فى البيت تانى انتى كل اللى انتى محتاجاه تنظمى وقتك صح ساعتها الموضوع هيبقى سهل فى الاول هتيجى على نفسك وبعد كده هتتعودى وربنا يوفقك ياحبيبتى
|
رد: (((جروووب حااالفين لنمحى المستحيل)))الجزء التانى
طاااااااااااااااااافى صباح الورد ياقمر انا اقدر استغنى عنكوا دا انتوا روحى روحى روحى فاضل 2 يوم تركيز اكتر اكل اكتر شرب اكتر ان شاء الله تفوزوا |
رد: (((جروووب حااالفين لنمحى المستحيل)))الجزء التانى
هموووووووووووس ايه استعداداتك للمسابقة ايه شعورك ان شاء الله لما تتغلبى اتمنى لكى فى النهاية هزيمة مستحقة هههههههههه |
رد: (((جروووب حااالفين لنمحى المستحيل)))الجزء التانى
بطوووووووووووط اجمد ياقمر ربنا يوفقك ويثبت اقدامك ويهديلك الموظفين والمدير وكل فى الشركة حتى الراجل بتاع الشاى والقهوة ربنا يهديهولك ههههههههههه |
رد: (((جروووب حااالفين لنمحى المستحيل)))الجزء التانى
توتىىىىى ازيك ياقمر اخبار الريجيم ايه معاكى يارب يكون تمام وبالتوفيق |
رد: (((جروووب حااالفين لنمحى المستحيل)))الجزء التانى
صباح الخير يانجوم عامله ايه واخبار الريجيم ايه؟
|
رد: (((جروووب حااالفين لنمحى المستحيل)))الجزء التانى
الله يسلمك يا نجووووم والله يسلمك يا طافى واذيك يا همسة وبطوطة الحمد لله ماشية عليه وربنا يستر ونخس اكترررررررر واكترررررر
|
رد: (((جروووب حااالفين لنمحى المستحيل)))الجزء التانى
يااااااااااااجماعة عايزة اعرف الزنجبيل جبته ولسه يا اختى بشربه لقيته ناااااااااااااااار مولع:dash1::07: اعمل ايه مش هشربه ولا هو طريقته ازاى والشاى الاخضر بيخسس ولا لا انا جبته ايه رايكوووو حبايبى:014::014:
|
رد: (((جروووب حااالفين لنمحى المستحيل)))الجزء التانى
ازيك ياتوتى اخبارك ايه؟بصى هو الجنزبيل طعمه حامى كده والشاى الاخضر بتاخد بعد كل وجبه وهو بيزود معدل الحرق وفيه منه فى الصيدليات كبسولات الشاى الاخضر عباره عن برشام وربنا يوفقك يا حبيبتى
|
رد: (((جروووب حااالفين لنمحى المستحيل)))الجزء التانى
همسه وبطه ونجوم انتم فين مابتدخلوش ليه يابنات عايزين نشجع بعض لحسن انا نفسيتى تعبانه اوووى وحاسه انى قربت اضعف انتم فين عشان تقونوا
|
رد: (((جروووب حااالفين لنمحى المستحيل)))الجزء التانى
انا اهو يا طافى بس النت كان تعبان شويه
وجبتله الدكتور ظبته وبعدين اشتغل هههههههههه اما بالنسبه للرجيم انا ماشيه كويس ومنتظمه يلا بقى ورينا همتك واكتر واحده هتخس وعد منى هعملها حفله كبيره ومليانه تورتات وجاتوهات وشوكلاتات علشان تعوض حرمانها يلا يا بطه شدى حيلك وخسى الاسبوع ده 3 كيلو كفايه عليكى عشان الشغل وانتى يا توتى عيزاكى تخسى 5 كيلو عشان نغيظ الاعادى ويلا يا نجوم ورينا همتك تانى ولا ناويه تكسلى طب خسى كيلو واحد كفايه عليكى لحسن بعدين تختفى خالص اما طافى بقى حبيبه قلبى كفايه عليها تخس ربع كيلو بس |
رد: (((جروووب حااالفين لنمحى المستحيل)))الجزء التانى
طااااااافى همووووووووس بطووووووووط توتىىىىىىىىىىى وحشتونى جدا والله يابنات انا طالع عينى ان شاء الله جوزى جاى الاحد مش عايزة اقولكوا هتوحشونى قد ايه انا ونونا خدنا دور برد والله جامد السواق هو كمان تعبان انا اللى بضطر اوديها وجبها ولسه والله ما عملت اى حاجة فى الشقة ع يوم الخميس اتفقت مع ناس هينضفوها وبتاع الستاير ان شاء الله ع الخميس لسة ولا اشتريت حاجة ولا حتى غسلت اللبس اللى هنا ع الحظ لما نويت المايه قاطعةادعولى كل حاجة تكمل ع خير |
رد: (((جروووب حااالفين لنمحى المستحيل)))الجزء التانى
همووووووووس ايه النور ده طااااااااااااافى مش قاعدة معانا ازيك ياطافى غيظى الاعادى واكسبى ياطفطف |
رد: (((جروووب حااالفين لنمحى المستحيل)))الجزء التانى
هموسسسسسسسسسسة انتى فاضية نرغى شوية |
رد: (((جروووب حااالفين لنمحى المستحيل)))الجزء التانى
انا عرفت نجوم مختفيه ليه
اكيد جوزها جه وملخومه فى الهدايا طب ياستى عبرينا حتى برنه |
رد: (((جروووب حااالفين لنمحى المستحيل)))الجزء التانى
غلطى فى العنوان ياطافى دة منظر حد يشجع احنا اخرنا نحبطك انتى غلطتى فى العنوان |
رد: (((جروووب حااالفين لنمحى المستحيل)))الجزء التانى
لسة والله ما جه ع يوم الاحد |
رد: (((جروووب حااالفين لنمحى المستحيل)))الجزء التانى
بقولك ايه ياهموس من الخميس للاحد الشقة ممكن تترب |
رد: (((جروووب حااالفين لنمحى المستحيل)))الجزء التانى
لو ع الهدايا انتى تأمرى والله ياهموس اللى انتى عايزاة |
رد: (((جروووب حااالفين لنمحى المستحيل)))الجزء التانى
اهلا نجوم انتى جيتى
دنا ظلمتك اصلى كنت بتمشى فى المنتدى ومختش بالى انك موجوده وانا كمان كنت عايزه ارغى معاكى بس ترغى دا ايه دا جوزك قرب يجى روحى يختى نضفى البيت ولا اعمليلك اى حاجه كده بتقولى كل حاجه ملخبطه ولكى نفس ترغى ههه كسرت معنوياتك ربنا يعينك وعلى العموم انا فى الخدمه اى مساعده |
رد: (((جروووب حااالفين لنمحى المستحيل)))الجزء التانى
همسة انتى نمتى عايزة اخد رايك فى حاجات تانية |
رد: (((جروووب حااالفين لنمحى المستحيل)))الجزء التانى
بقولك من الخميس للاحد الشقة ممكن تترب |
رد: (((جروووب حااالفين لنمحى المستحيل)))الجزء التانى
اقتباس:
اصل انا عارفه شقاوه الاطفال |
رد: (((جروووب حااالفين لنمحى المستحيل)))الجزء التانى
ايه ياستى منا باين عليا فضيالك
|
رد: (((جروووب حااالفين لنمحى المستحيل)))الجزء التانى
همسسسسسة ابوس ايدك ردى بسرعة شليتينى جنبك |
رد: (((جروووب حااالفين لنمحى المستحيل)))الجزء التانى
انا مش هروح غير ع الاحد |
رد: (((جروووب حااالفين لنمحى المستحيل)))الجزء التانى
من رأيك ياهموس البس ايه لما استقبله مش هينفع قميص |
رد: (((جروووب حااالفين لنمحى المستحيل)))الجزء التانى
نجووووووم ازيك عامله ايه واضح انك محتاسه وعايزه حد ينقذك
|
رد: (((جروووب حااالفين لنمحى المستحيل)))الجزء التانى
انا اقول البس حاجه حلوه ليها ذكريات معاكم وماكنتيش بتلبسيها عشان كانت ضيقه وساعتها هياخد باله من جمال جسمك وانك اتغيرتى واحلويتى
|
رد: (((جروووب حااالفين لنمحى المستحيل)))الجزء التانى
وطبعااااااااااا ساعتها مش هيرضيه انك تخسى كده وهيقعد يظغط فيكى زى البطه وتتخنى وساعتها انا اللى هكسب
|
رد: (((جروووب حااالفين لنمحى المستحيل)))الجزء التانى
ههههههههههه روحتى فين قولى قولى ميهمكش
|
رد: (((جروووب حااالفين لنمحى المستحيل)))الجزء التانى
همووووس اقص شعرى ولا لا اعمل ماشيت للشعر كله ولا الجوانب والؤصة |
رد: (((جروووب حااالفين لنمحى المستحيل)))الجزء التانى
يلا حد يرد عليه لحسن انا زهقانه اوووووووى من الريجيم وخصوصا انى مانزلتش ولا ك لغاية دلوقتى تصدقو يابنات بقالى اربع ايام مانزلتش ولا كيلو عشان كده تلاقونى مضايقه وعايزه حد ارغى معاه
|
رد: (((جروووب حااالفين لنمحى المستحيل)))الجزء التانى
طااااااااافى هموووس ايوة كدة يابنات ساعدونى لربنا ما يرميكوا فى ضيقة |
رد: (((جروووب حااالفين لنمحى المستحيل)))الجزء التانى
قشطة وانا محتاجة رغيكوا اوى |
رد: (((جروووب حااالفين لنمحى المستحيل)))الجزء التانى
عارفين الدنيا ملخبطه جدا
سعات الاقى نجوم وبعدين تختفى وبعدين طافى وتختفى وكمان الكلام سعات بيختفى هو احنا فين هنا انا باين عليا هختفى واسيبكو مع بض يلا سلام |
رد: (((جروووب حااالفين لنمحى المستحيل)))الجزء التانى
اكيد ان شاء الله ياطافى تكونى خسيتو واكيد هيبان فى اللبس |
رد: (((جروووب حااالفين لنمحى المستحيل)))الجزء التانى
مش ينفع تقومى ياهمو كدة من ما تشربى حاجة |
رد: (((جروووب حااالفين لنمحى المستحيل)))الجزء التانى
قصى يا نجوم شعرك طبعا بيخلى الوش احلى
وكمان اسبغيه باللون الزتونى او دخلى فيه الوان تانيه |
رد: (((جروووب حااالفين لنمحى المستحيل)))الجزء التانى
بصى يا نجوووووووووووم انا لبسى وسع بس انا لسه ماخسيتش خالص على ميزانى معرفش على ميزان الدكتور هكون خسيت ولا لاء؟
|
رد: (((جروووب حااالفين لنمحى المستحيل)))الجزء التانى
ايه رايكوا البس بنطلون ع بادى |
رد: (((جروووب حااالفين لنمحى المستحيل)))الجزء التانى
لأ يلا سلام جوزى قرب يجى ولسه ملخبطه وانتى سيد العارفين
|
رد: (((جروووب حااالفين لنمحى المستحيل)))الجزء التانى
تمام ياطافى ان شاء الله تكونى خسيتى ع ميزان الدكتور |
رد: (((جروووب حااالفين لنمحى المستحيل)))الجزء التانى
انا قولتها مثل الست بميت راجل وان حضر الراجل تغور الست اخص عليكى ياهموس بعتينا |
رد: (((جروووب حااالفين لنمحى المستحيل)))الجزء التانى
هههههههههههه بنطلون وبدى ايه
البسى حاجه مدلعه على الآخر |
رد: (((جروووب حااالفين لنمحى المستحيل)))الجزء التانى
سلام ياهمسة اوعى تبعينى يا طافى يارب تخسى وتكسبى همسة |
رد: (((جروووب حااالفين لنمحى المستحيل)))الجزء التانى
سلام بقى دنا لو فضلت قاعده معاكو هنسى نفسى
دلوقتى هكون عدوله اوف لاين ههههههههه |
رد: (((جروووب حااالفين لنمحى المستحيل)))الجزء التانى
مش هينفع عشان بنتى معايا هتقلدنى |
رد: (((جروووب حااالفين لنمحى المستحيل)))الجزء التانى
اوك هنستناكى بكرة قولى ميعاد |
رد: (((جروووب حااالفين لنمحى المستحيل)))الجزء التانى
طااافى انتى موجودة |
رد: (((جروووب حااالفين لنمحى المستحيل)))الجزء التانى
همسسسسسسسة مش قمتى ليه قومى ظبطى بدل ما هتظبطى هههه |
رد: (((جروووب حااالفين لنمحى المستحيل)))الجزء التانى
قولولى ع فكرة جامدة اعملها فى الشقة انا فكرت ارش العمارة ورد اية رايكوا |
رد: (((جروووب حااالفين لنمحى المستحيل)))الجزء التانى
بصى يانجوم انا معايا بنت تقريبا اد بنتك وبتاخد بالها من كل حاجه بردوا انا لبساها بس لما احب البس حاجه مدلعه البس عليها روب ستان ومنور عشان مايبوظش الشكل وطبعااااااااااا ماك اب والبرفان بيجيب اخر الشارع وطبعا تحت القميص تلبسى طقم من الحاجات الدلع ويكون اللون ماشى مع لون القميص وطبعا الموديل
|
رد: (((جروووب حااالفين لنمحى المستحيل)))الجزء التانى
قولت بردوا ع السرير احط ورد بس عايزة يكون فية ضوء خافت فى الاوضة اعمل ايه |
رد: (((جروووب حااالفين لنمحى المستحيل)))الجزء التانى
انتواااااااااااااااااااا رحتواااااااااااااااا فين حد يرد عليا احسن هشد فى شعرى |
رد: (((جروووب حااالفين لنمحى المستحيل)))الجزء التانى
بصى اوضة النوم طبعا تظبطيها وتقفل عشان بنتك ماتدخلش وشغلى فيها الاباجورات بس ويكون عليها قمشا شيفون باللون اللى تحبى الاوضه بيه او تلفى على راس السرير فرع من الانوار اللى بتبقى عند الكهربائى وتختارى شكل صغير ورقيق وفيه معطرات فى السوق بتبقى بتاعة مفروشات وستائى تجيبيها وترشى بيها السرير والستائر وهتخلى الاوضه تحفه صدقينى انا مجرباها
|
الساعة الآن 10:27 PM |