خطوبتك فى البيت . هتكون احلى من اى خطوبه فى اى قاعه !
https://upload.3dlat.com/uploads/13521136951.gif
دايما احنا بنعمل الخطوبه او الفتحه فى البيت وديما بنعملها عاديه جدا طيب ليه منعملش حاجه جميله وجامده وكل الناس تحكى عنها انا عندى شويه افكار هقولكوا عليها وانتوا كمان اللى عندها فكره تقولنها عليها اول حاجه سلم العماره يعنى لو تقدرى زوقى سلم الدور بتاعك حطى عليه فرح اخضر على الترفزين او حطى بلالين على السلم وقدام باب البيت وارمى فى الارض برونز وورده باب البيت هنحط من بره البيت ورد بوكيه او اتنين وممكن بدل الورد نحط بلالين كمان باب البيت ممكن نحط عليه بلالين او نجيب الزينه ونحدد بيها باب البيت وممكن نجيب الزينه المنعكشه دى ونقطعها حتت صغيره ونلزقها على الباب ممكن ايه تانى.......ممممممم , اه ممكن نجيب التول ونخطى بيه الباب ده برضه ممكن يكون الباب https://upload.3dlat.com/uploads/3dl...36fca6ffd1.jpg اول اما بندخل من الباب اكتر البيوت بيكون فيها كونسول او الحاجات الىبتتحط عند الباب دى اللى انا مش فاكره اسمها ممكن نعمل ايه بقى بصوا هنغطى الترابيزه دى او الكوسول بقماش ساتانى وعليه تول بلون فوستانيك مثلا وبعدين نحط عليه شمع شمع شمع وورد ورد و نحط صوره ليكى انتى وخطيبك ونحط جمبها الجيس بوك وممكن نرمى ورد ناش على الطربيزه والورد الناش ده بيتباع فى محلات اتنين ونص ممكن كمان نجيب قلوب صغنونه نحطها على الترابيزه كمان المدخل بقى اللى بيودى على المكان اللى هنقعد فى ممكن نملى الارض بلالين وزينه اللى هى الصغنونه خلاص دى ولو المدخل طرقه طويله ممكن نجيب الزينه بتاعت رمضان دى اللى هى لمبات صغنونه على شكل قلب ونوصلهم ببعض ونخليها بطول المدخل مممم ايه تانى .. اه ممكن كمان نرشرش برونز على الارض وعلى الكونسول كمان دخلنا بقى على المكان اللى هنقضى فى الليله الحلوه ده ياريت لو يكون كرسى الخطيبه والخطيب شكلهم مش زى الباقى لو معرفناش نجيب كنبه او كرسين مختلفين بصوا هنعمل ايه هنجيب ستان ونخطى بيه لو عندنا كنبه صغنونه او لو كرسين نغطيهم بالستان وممكن لو وحده شطره بقى تجيب ورد صغنن اللى بنحطه على الهدوم او الطرح ده ونحطه على الستان ده وممكن نحط حوالين الكرسين دول بلالين كده https://upload.3dlat.com/uploads/3dl...6fca6ffd2.jpeg طيب ممكن نعمل ترابيزه فى الركن كده نحط عليها شوكولاته وكانزات كده https://upload.3dlat.com/uploads/3dl...36fca6ffd3.jpg يعنى دى تسليه كده لحد ما ياكلوا ترابيزه السفره هتكون طبعا كلها اكل اكل ماهى الناس بتيجى تاكل بقى بس ممكن نحط فازه كبيره فى النص وخلاص كده ممكن نشغل موسيقى هادئه طول الخطوبه ماعدا وقت تلبيس الدبل نشغل يادبلت الخطوبه وممكن كمان طول الخطوبه نشغل اغانى وظيته يعنى الاغانى ده الموسيقى كل واحد ومزاجه نيجى بقى للكاستا اللى البيه والهانم هيشربوا فيها والصوانى بقى لازم تكون من نفس زواف الكاسات بلاش عك وحيات ابوكى كمان الصنيه ليها شغلانه كمان وهى هنقدم عليها الشبكه طبعا مش نفس الصنيه ممكن نزوقها بتول وستانى وورد وررد ناش وقلوب من اللى بتتلزق دى وبرونز يعنى اللى يريحك ممكن كمان نعمل حاجه جديده فى تقديم العصي للمخطوبين نعمل ايه بقى ؟ نجيب انانستين صغيرتين ونحفرهم لاخرهم وحط فيهم عصير وقطع اناناس كمان فى فكره نازله جديد ودى لو مفيش شبكه كبيره او هيقدم خاتم ودبله ومحبس مثلا بس وهى المخدات ودى ممكن نختار اللون على حسب لون فستانك الشقه كلها تكون ملايانه بلالين على الارض ولو فى بلالين هليوم ممكن نخليهم فى الهوا فى ناس بيعملوا الصور على البلالين هاتى صورتك انتى والمحروس واعملها على كام بولنه وحده عن الباب وحده عند الكوشه ممكن كمان نعمل على السقف بلالين ملفوفه بتول وهو بيلبسها الشبكه حد يفك التول ده وبلالين تنزل من السقف بصوا هو ده اللى جايه فى بالى دلوقتى انتوا كمان اللى عندها فكره تقولنا عليها وياريت يا بنات تقيموا الموضوع عشان يفضل موجود وكمان كلنا نستفيد منوا يا رب اكون ادتكوا افكار لذيذه منقوووووووووول |
رد: خطوبتك فى البيت . هتكون احلى من اى خطوبه فى اى قاعه !
يسلمووووووووو حبيبتى |
رد: خطوبتك فى البيت . هتكون احلى من اى خطوبه فى اى قاعه !
حلو اووووووووووى
|
رد: خطوبتك فى البيت . هتكون احلى من اى خطوبه فى اى قاعه !
|
رد: خطوبتك فى البيت . هتكون احلى من اى خطوبه فى اى قاعه !
|
رد: خطوبتك فى البيت . هتكون احلى من اى خطوبه فى اى قاعه !
افكار روعه
|
الساعة الآن 04:36 AM |