عدلات - تورتة شيكولاته بجناش الشكولاته بالصور بجد روووعه

عدلات (https://adlat.net/index.php)

- الحلويات الشرقية والغربية (https://adlat.net/forumdisplay.php?f=11)

تورتة شيكولاته بجناش الشكولاته بالصور بجد روووعه

بسم الله والصلاة والسلام على رسول الله
مساء النور والشيكولاته حبايب قلبي اززززززززززززيكم
يا رب تكونو كلكم بالف خير
الجناش كتير منكم بيسالوني عليه حنشوف 3 استخدامات ليه وطريقته
نخش على المفيد صورة التورتة

https://upload.3dlat.com/uploads/13369424401.jpg

اول حاجة زي اي تورتة نعمل الكيكة
انا مش حعيد نفس الخطوات هي موجودة هنا بس طبعا انا عملتها بالكاكاو
شلت معلقتين كبار من مقدار الدقيق وحطيت بدالهم كاكاو خام
https://upload.3dlat.com/uploads/13369424402.jpg
وحشيتها عادي بكريم شانتيه بالشيكولاته
وغلفتها طبقة رقيقة منه شوفوا

نحاول تكون مظبوطة قد ما نقدر وندخلها التلاجة تجمد على الاقل 4 ساعات
ومهم نكون حاطين تحتها بورد علشان حنشيلها كذا مرة

https://upload.3dlat.com/uploads/13369424413.jpg
نروح للمكونات بتاعة الجناش
اولا جناش التغطية:
200 ميلي كريمة - 225 جرام شيكولاته خام (يعني 5 مكعبات من النوع دا) - معلقتين زبدة
https://upload.3dlat.com/uploads/13369424414.jpg

نقطع مقدار الشيكولاته بسكينة مشرشرة ونحط الكريمة في حله.

نسخن الكريمة لحد ما تبتدي تغلي نطفي عليها ونحط الشيكولاته عليها.

ونقلب كويس وبعدين نحط الزبدة ونقلب لحد ما تختفي
https://upload.3dlat.com/uploads/13369424415.jpg

كدا خلاص يكون جاهز ونستخدمه علطول

نكون مطلعين التورتة وحطيناها على رف فوق صينية كبيرة
علشان الشيكولاته اللي تنزل نستخدمها تانى

ننزل بالجناش علطول
https://upload.3dlat.com/uploads/13369424416.jpg

ونكمل لحد ما ينزل للاطراف لوحده علشان الشكل النهائي يكون ناعم وجميل
https://upload.3dlat.com/uploads/13369424417.jpg
https://upload.3dlat.com/uploads/13369424428.jpg

نروح للاطراف ونملى الفراغات لحد ما تبقى كدا
https://upload.3dlat.com/uploads/13369424428.jpg

خلاص كدا خلصنا التغطية نحط التورتة في التلاجة ونجهز الجناش التاني

مقادير جناش التزيين او الحشو:
200 ملي كريمة - 270 جرام شيكولاته خام (يعني 6 مكعبات)
معلقتين زبدة

الطريقة نفس اللي فوق بالظبط بس حنزود الشيكولاته لاننا عاوزينها اجمد و حنخليها تبرد خااااالص حتكون كدا
https://upload.3dlat.com/uploads/13369424429.jpg
نشيل منها كمية ونحطها في كيس التزيين والباقي حنخفقه علشان نعمل جناش الحشو
انا عملت شوية علشان اوريكم لاني حشيتها كريم شانتيه

قبل الخفق

انا عبيت كورن ورسمت بيها على وش التورتة

اخر خطوة نجيب كيس التزيين ونرسم وردات على اطراف التورتة
وحتكون بالشكل دا

افخم تورتة شيكولاته https://upload.3dlat.com/uploads/133694244210.jpg
والطعم احلى من الشكل بمرااااحل

تم بحمد الله
ان شاء الله تعجبكم وتجربوها
ما تبخلوش عليا بالرد
في امان الله

طبعا الموضوع منقول للافاده بس بجد هى عجبتنى اوى فقولت انقلها لكم تشفوها وتستفادى منها

https://upload.3dlat.com/uploads/133694244210.jpg

منقول للافاده