|
رد: مين معايا في جروب حنخس يعني حنخس
انتي عيالك عندهم كام سنه
|
رد: مين معايا في جروب حنخس يعني حنخس
خلاص وانا موافقه بس هخلص النظام بتاعي الجمعه والسبت ابتدي في نظام تاني يالا نعمل مع بعض عشان نتحمس ونتشجع اكتر
|
رد: مين معايا في جروب حنخس يعني حنخس
انا عندى الكبيره خمس سنين والصغير اللى هو طافى فى شهر 4هيكمل سنتين
|
رد: مين معايا في جروب حنخس يعني حنخس
ايه رجعتي في كلامك ولا اييييييييييييييييييه؟؟؟؟؟؟
|
رد: مين معايا في جروب حنخس يعني حنخس
اسمو طافي ؟؟؟ والبنت اسمها ايه؟؟ما شاء الله ربنا يخليهوملك وسنهم الاتنين جميل وربنا يعين عليهم وعلي تربيتهم
|
رد: مين معايا في جروب حنخس يعني حنخس
اسمه مصطفى والكبيره مريم
|
رد: مين معايا في جروب حنخس يعني حنخس
ربنا يخليكى وعقبال ماتشوفى الغلب اللى انا شايفه
|
رد: مين معايا في جروب حنخس يعني حنخس
ده انا بكلمك دلوقتى وانا شايلاه على كتفى وبيزن والتانيه قاعده جانبى مش بتبطل طلبات وعماله تستفزه وانا بشد فى شعرى منهم
|
رد: مين معايا في جروب حنخس يعني حنخس
انتى روحتى فين بقااااااااا؟
|
رد: مين معايا في جروب حنخس يعني حنخس
انا جوعت اعمل ايه
|
رد: مين معايا في جروب حنخس يعني حنخس
هههههههه ربنا يخليهملك دي لوحدها رياضه كفايه العيال وبس وهوس داوشه انا عارفه من عيال اختي بيهبلونا انا معاكي كل شويه بدخل مبلاقكيش رضيتي بقرا في اي حاجه تانيه طبعا لوحدي ولا شغله ولا مشغله وفاضيه جيبي مصطفي ليا سلف بموت في السن بتاعوا
|
رد: مين معايا في جروب حنخس يعني حنخس
وليه سلف خليها شحاته خديه ليكى خالص حتى توفرى تعب حمل وولاده ومرواح للدكتور وده دوا وده فيتامين
|
رد: مين معايا في جروب حنخس يعني حنخس
لو جوعتى اتعشى ولو لسه انتى بتسهرى اكتر من كده خلاص كلى خس او خيار زى ماانتى عايزه
|
رد: مين معايا في جروب حنخس يعني حنخس
انا بلف واقلب في الجروبات التانيه الاقي ياختي بنات كتير مشتركه وكلهم اون لاين اشمعنا احنا كلهم بيهربوا من شكلنا هههههه
|
رد: مين معايا في جروب حنخس يعني حنخس
معنديش خس ولا خيار كلت تفاحه وملعه عسل نحل شان حسيت بدوخه وهبوط وضربات قلبي بتدق بسرعه
|
رد: مين معايا في جروب حنخس يعني حنخس
مرضيتش اكل الزبادي عشان بسهر لحد 2 او 3 بجوع وبالزات لما بشوف جوزي بياكل بحقد عليه هو انا هسيبه ههههههههه
|
رد: مين معايا في جروب حنخس يعني حنخس
هههههههههه يابنتى العيب فينا احنا .
وكويس انك سيبتى حاجه تاكليها مع جوزك .انا بقعد احقد على جوزى كل ما يقولى جعان وعايز اكل بس الوحيد اللى حقدى مش بياثر فيه مابيتخنش خالص وجسمه ده مانيكان ويضايقنى ويستفزنى اووووى لما يقول لى انا لازم اعمل عايز انزل شزيه البطن عايزها تتشد ابقى قاعده بغلى منه |
رد: مين معايا في جروب حنخس يعني حنخس
انتى مشيتى ولا ايه ؟
|
رد: مين معايا في جروب حنخس يعني حنخس
طب على العموم انا كمان همشى لان جوزى جيه من بره وطبعا هبدا وصله العشا والحلو والشاى وبعد شويه يقولى لسه جعان اعملى لى ساندوتش ومعاها كوباية عصييييييير والوصله ديه مفتوحه لحد لما ننام يعنى الله يكون فى عونى ويارب ثبتى ومضعفش
|
رد: مين معايا في جروب حنخس يعني حنخس
هههههههههههه والله نفس جوزي طولو 180 ووزنو 72 جسمو تحفه وانا جمبو ببقي هموت منو وماشاء الله بياكل كل حاجه بس كدا كمان تخن انا تخنتوا في 6 شهور تقريبا 7 كيلو او اكتر كمان بس لو نفسيتوا تعبانه او بيفكر في حاجه بيخس في خلال يومين تلاته مش احنا زعلانين فرحنين بنفكر بنشتغل في كل الاوقات بنتخن
|
رد: مين معايا في جروب حنخس يعني حنخس
اوك يا حبيبتي ربنا يعينك
|
رد: مين معايا في جروب حنخس يعني حنخس
موفقين ياقمرات
|
رد: مين معايا في جروب حنخس يعني حنخس
اهلا بيكي معانا فالجروب نورتينا
|
رد: مين معايا في جروب حنخس يعني حنخس
يالا يا حبيبتي عرفينا بيكي اكتبلنا وزنك وطولك وهدفك الاول والثاني وادخلي كل يوم ادينا تقرير
|
رد: مين معايا في جروب حنخس يعني حنخس
انتي من الشرقيه يا حوراء زي بلاديات يالا بقي يا بنت لبلد عايزين نشجع بعض وانشاء الله نوصل لهدفنا مع بعض
|
رد: مين معايا في جروب حنخس يعني حنخس
lala انا دخلت مش لاقيتك على العموم انا الحمد لله ماشيه كويس فى الريجيم والنهارده :
الافطار: نص رغيف بلدى +بيضه وان شاء الله هتغدا: 4ملاعق رز +سمك فى الفرن +سلطه وان شاء الله هتعشى كالعاده: 3فاكهه ويارب يوفقنى ويوفقك ومعلش بقى النهارده دخلت متاخر بس ظرفى كانت كده وهحاول اكون موجوده المغربيه باااااااااااى |
وانا كمان صحيت الساعه واحده شربت المشروب الحارق وبعدين كلت 2توست سن وجبنه بيضاء لايت وكوب نسكافيه من غير لبن وسكر واتغديت الساعه 3 سمك مشوي وجمبري مشوي واكلت معاه 4 معالق برغل بدل الرز وسلطه ولسا العشا انشاء الله هيكون زبادي وثمرتين فاكهه
|
رد: مين معايا في جروب حنخس يعني حنخس
انتى فين مابتدخليش ليه ؟انا النهارده نهاية الريجيم بتاعى وهعمل فرىىىىىى بس هحاول برده مافتحهاش على الاخر وانا وزنت نفسى النهارده لاقيتنى 75.5ك انا بدات وانا 78ك يعنى خسيت 2.5ك الحمد لله انا حبيت اقولك عشان افرحك وابشرك انك ان شاء الله تكونى خسيتى زى واكتر ان شاء الله ومع السلامه
|
انا دخلت اهو وعايرا اقولك اني ماشيه تمام وصحيت الساعه 12 وشربت المشروب الحارق وفطرت 2توست سن وملعقتين لبنه لايت ومياه طبعا بين الفطار لحد الغداء وبعدين اتغديت صدر فرخه فالفرن وبطاطس فافرن وطبق سلطه كبير ولسا هدخل اشرب شاي اخضر والعشا علبه زبادي خالي الدسم وثمرتين فاكهه
|
ومبروووك علي النزول يا حبيبتي وعقبال يارب الباقي وتحققي الوزن المطلوب وعقبالي يارب فرحتيني وحاسه خير انا جوزي بيقولي شكلك خسيتي وانا خايفه مكنش نزلت وبيرفح روحي المعنويه هههههه ادعيلي
|
رد: مين معايا في جروب حنخس يعني حنخس
يومك حلو اووووووووى ياlalaوبرافو عليكى استمرى وبعدين جوزك عنده اكيييييد حق هو يقدر يحس اكتر منك واكيد مش بيجاملك لان الرجاله مابتعرفش تجامل خاااالص وان شاء الله هتكونى خسيتى واكتر من اتنين كيلو صدقينى بس انتى استمرى على الريجيم وماتخافيش من غير ماتقولى لى انا على طول كل ماطلع على الميزان والاقى نفسى خسيت بدعيلك انتى كمان ويارب نوصل للوزن المطلوب عاجلا وليس اجلا ان شاء الله
|
رد: مين معايا في جروب حنخس يعني حنخس
وبجد كان نفسى الاقيكى اون لاين عشان احكى لك عملت ايه ؟ ده انا خربت الدنيا خالص جوزى غدانى بره واكلت 3 قطع بيتزا مع شيبسى وبعد ساعتين شربت عصير وشوية حلويات لزوم التسليه وكفايه كده النهارده وهحاول انام من غير عشا
|
طافي وحشتيني انتي اون لاين ولا لأ عشان انا فاتحه من الموب ومش باين انا بكره اخر يوم في الرجيم والسبت مفتوح بس الغداء بس هااااي انا هنتقم زيك بس النهارده مش عارفه اكلو ايه كنت ناويه محشي كوسه بي النهارده جوزي حكم عليا النهارده اعمله محشي وعملتهولوا لانو بصراحه ملوش زنب بس اعدت ببلع في ريقي لاما كنت بتجنن نفس اكلوا بس خلاص بقي مش هعملوا تاني ولبخخا واليوم الاثنين عندي بيتزا فالرحيم بس شريحتين مع سلطه أأأأأه وانتي لأ ... بس ياريت اكون خسيت عشان ميجليش احباط وانا علي وشك ... لو موجوده ردي عليا اوك
|
رد: مين معايا في جروب حنخس يعني حنخس
lalaازيك وحشتينى وربنا يوفقك فى الفرى بتاعك وعلى فكره انتى ممكن تاكلى محشى يعنى فى اليوم اللى الدكتور يبقى كاتب فيه خضار ورز تقدرى تاخدى 8ورق عنب او كرنب او 5كوسه وباذنجان وماتخافيش انا الدكتور قالى ممكن اعمل كده
|
رد: مين معايا في جروب حنخس يعني حنخس
اوعى تضعفى ادام الاكل خلى هدف الرشاقه ادامك ويقويكى انا النهارده قومت ابتديت نظام تخفيف اكل لان النهارده عيد ميلاد مريم وبكره فيه ناس معزومه عندى فانا النهارده مااكلتش كتير وبكره هاخد من الاكل اللى يناسب الريجيم ويارب يقدرنا
|
كل سنه ومريومه طيبه وعقبال طول العمر يارب ومتخافييش مسكا نفسي قدام الاكل انا حاسه ان بطني اتعودت علي الدايت وبقيت متحكما في نفسي اكتر من الاول بكتير انا النهارده مشيت برضه علي الرجيم بس قومت قلبت الشقه وعملت عمايلي وبعدين نزلت عملت شوبنج ولسا جايه يعني عملت رياضه الاسبوع كله ويارب تكون جابت نتيجه وخسيت شويه وبكره عندي الغداء فري وانتي لا بس طمنيني الاوضاع عندكوا عامله ايه يارب انصر مصر واحميها من كل شر وحسبيا الله ونعم الوكيل من كل ظالم ومتأمر علي مصر
|
رد: مين معايا في جروب حنخس يعني حنخس
اقتباس:
ازيك lala عامله ايه؟ وانتى طيبه كان عيد ميلاد جميل والله وطبعا اختك شافت التورته هجمة عليها وصحيت النهارده عامله ريجيم التمر واللبن والحمد لله ماشيه كويس ومش حاسه انى تعبانه .اما الاوضاع فى مصر ماطمنش خالص عايزه اقولك ان الدنيا خربانه خالص والدنيا والعه مابين المتظاهرين والامن وماتعرفيش تصدقى مين الامن ولا الامتظاهرين يعنى تحسى ان فيه حاجه غلط بتحصل وكمان انا من السويس ومش بخرج حتى البلكونه لان ريحة القنابل المسيله للدموع ريحتها فظيعه.وربنا يعدى الازمه ديه على خير |
رد: مين معايا في جروب حنخس يعني حنخس
وماتخافيش ان شاء الله هتكونى خسيتى بس خلى بالك من الفرى لانه غداااار يا اختى والله
|
رد: مين معايا في جروب حنخس يعني حنخس
وهذا كان يومى النهارده السبت الافطار:كوب لبن خالى الدسم +7حبات تمر بعد ساعتين عملت 100مره نط الحبل الغذاء:7حبات تمر منقوعه بالميه وبعدها بنصف ساعه عملت 100مره نط الحبل وانا بكتبلك دلوقتى بشرب الكوبايه التانيه من اللبن خالى الدسم العشاء ان شاء الله:هيكون 7تمر +كوب لبن خالى الدسم وبعدها بنص ساعه هعمل بردو 100 مره نط الحبل وابقى كده عملت 300نطه النهارده ويارب يكونوا كفايه |
رد: مين معايا في جروب حنخس يعني حنخس
معلش بفى نسيت فى وسط الاحداث الكتيره اللى حاصله انى اقول لك
كل سنه وانتى طيبه بمناسبه مولد النبى عليه افضل الصلاه والسلام |
وانتي طيبه يا حبيبتي وكل سنه وانتي طيبه والعالم الاسلامي كله بخير وادعي لمصر فاليوم المبارك دا لمصر ربنا يعديها علي خير بس انتي بجد وحشتيني والله ونفسي ادخل وتكوني موجوده بس انا كنت ملبوخه في الهدايا والشرا واللف لما اتهديت ...... بس في الاوبن فطرت 2توست سن بلبنه ونسكافيه وبعدين شربت شاي اخضر وبعدين جوزي غداني بره فاهيتا جمبري مع مكرونه بالتشيز مع بطاطس بيوريه بتشيز سايحه فقيها بس تسدقي انا كلت الفهيتا ومقدرتش اكمل بقيت الاكل مع تني كنت باكلو كل مره كنت بنسف الطبق وهاين اكل طبق جوزي كمان ههه بطني صغرت والله اتبسط وبعد ماجيت كلت نصف شوكلاته بالبسكوت وكرواسون محشي بمربا فراوله وبعدين شربت شاي اخضر ونسكافيه ومش هتعشاء خلاص بس اكلت عله دانيت شوكولا وبشرب دلوققتي شاي اخضر بالشمر والنعناع وهنام
|
بس طمينيني انتي بقيتي كام وياتري خسيتي فرجيم التمر كام فاليوم ... وهتعمليه قد ايه بشرينئ عشان لو جاب نتبجه هعملوا الاسبوع الجاي انشاء الله بس في ميزا انك بتعرفي تنطب الحبل انا مبعرفش خااص ورنا يعينا يا حبيبتي انا احتمال ادخل علي المغرب يارب الاقيكي
|
رد: مين معايا في جروب حنخس يعني حنخس
إنتي فين يا طافي حظي وحش قوي كان نفسي الاقيكي اون لاين يارب تكوني بخير كنت عايزا اطمنك علي يومي انا النهارده صحيت شربت المشروب الحارق وبعدين فطرت 3ملاعق فول من غير زيت و2 توست سن مع نسكافيه وبين الفطار والغداء كلت تفاحه خضراء وقبل الغداء بساعه شربت المشروب الحارق وضفت عليه شمر وبعدين التديت اكلي بطبق سلطه كبير وعليه مسترده وخالي من الزيت وبعدبن كلت علبه تونه بالماء و1توست سن وكان المفروض اكل 2بس شبعت من السلطه وبعدين كلت واحد بقسماط وبس وهشرب نسكافيه وشاي اخضر مع شمر وقبل العشاء ان شاء الله هشرب كوب تاني المشروب الحارق وبعدين اكل 2توست سن بجبنه بيضاء لايت بس كدا رضا هنهب ..... بس ياريتني لاقيتك كان نفسي اعرف مشيا ازاي في يومك وخسيتي قد ايه فرجيم التمر
|
رد: مين معايا في جروب حنخس يعني حنخس
هااااااااى هامله ايه كنت عايزه الاقيكى بجد انا مشتاقه جدااااااااااا لكلامى معاكى .وانا دلوقتى معرفش بقيت كام لانى بوزن لما اخلص الريجيم وعايزه اقولك انى مقدرتش اكمل فى ريجيم التمر واللبن خاااااااااااااالص على ماجيه عليه الليل كنت خلاص قربت اكل عيل من عيالى فلخبطت الدنيا وتانى يوم اللى هو امبارح ابتديت طبعا بنظام بهاء ناجى تانى لان اللى يمشى على نظامه مايقدرش يمشى على نظام تانى خالص
|
رد: مين معايا في جروب حنخس يعني حنخس
وانا امبارح مافطرتش خالص واتغديت ربع فرخه و4ملاعق رز ومعاهم ملوجيه وبالليل اكلت برتقال ونمت على كده
والنهارده كان يومى : الافطار :نص رغيف +شؤيحة شيدر الغداء:ربع فرخه + بطاطس العشاء :2تفاح +زبادى |
رد: مين معايا في جروب حنخس يعني حنخس
وان شاء الله هدخل بكره بعد الساعه 6 ياريت تدخلى فى الميعاد ده عشان بجد وحشتينى ى ى ى ى ى ى ى ى ى ى ى ى
|
وانتي كمان وحشتيني قوي ونفسي الاقيكي بقي مش عارفين نمسك بعض بس الحمد لله اتطمنت عليكي كنت قلقانه عليكو قوي كنتي توزني بعد رجيم التمر تلاقيكي خسيتي كيلو فاليوم وكمان انك نطيتي الحبل فان شاء الله تكوني خسيتي . لاكن انا النهارده شربت المشروب الحارق وبعدين كلت 2توست سن وبيضه مسلوقه وبعدين اتغديت شريحتين بيتزا وطبق سلطه وبعد الغداء ب 4 ساعات شربت المشروب الحارق وكلت برتقاله وبعدين اتعشيت 2توست ولبنه وكلت 3قطع اناناس وهشرب المشروب قبل النوم ان شاء الله وبس ... وهحامل بكره ادخل فالمعاد ان شاء الله
|
رد: مين معايا في جروب حنخس يعني حنخس
lala lalaaaaaaaaaaaaادينى مسكتك انتى فين ؟
|
رد: مين معايا في جروب حنخس يعني حنخس
انتى موجوده ولا لاء ؟ على العموم كان نفسى الاقيكى وانا لسه قاعده شويه لما تدخلى كلمينى
|
طافي انا جبت انتي فين؟ وحشتيني قوي بس انا داخله من الموبايل
|
رد: مين معايا في جروب حنخس يعني حنخس
ازيك يا lala عامله ايه انا موجوده اون لاين لو شايفانى كلمينى
|
رد: مين معايا في جروب حنخس يعني حنخس
انا معاكم وزنى 77 وطولى 158 ياريت تشجعونى نفسى وزنى يكون 65 |
طافي انتي فين يا حبيبتي يا رب تكوني موجوده لو انتي اون لاين اكتبيلي عشان مبيبنش عندي فالموب عشان بجد وحشتيني قوي ونفسي الاقيكي
|
اهلا بيكي يا نجوم معانا فالجروب يالا تعالي معانا واتشجعي ونخس مع بعض عشان نوصل بالوزن اللي بنحلم بيه احنا ماشين علي نظام الدكتور بهاء ناجي لو تعرفيه
|
انا النهارده شربت شاي اخضر بالشمر من غير سكر وبعدين فطرت 2توست سن بجبنه بيضاء لايت واتغديت علي المغرب 4ملاعق رز و2سمكه مشويه صغيرين وطبق سلطه كبير وبعدين شربت نسكافيه وشاي اخضر بالشمر والنعناع والزنجبيل وبعدين كلت برتقاله وهنام من غير عشا ولو جعت ممكن اكل زبادي لايت وشاي اخضر
|
يا طافي انتي فين ؟وحشتيني
|
رد: مين معايا في جروب حنخس يعني حنخس
انا دخلت امبارح زى ماقولتلك بس مش لاقيتك وعلى فكره انا اصلا بدخل عشانك يعنى لما مش بلاقيكى بقعد شويه صغيرين وامشى على طول
|
رد: مين معايا في جروب حنخس يعني حنخس
اقتباس:
وعلى فكره انتى نفس وزنى لما بدات ودلوقتى بقيت 75ك وناقص عشره كيلو على الهدف بتاعى 65ك بس انا طويله عنك تعالى وشجعينا ونشجعك واكتبى كل يوم انتى اكلتى ايه ولو مش عندك نظام تمشى عليه احنا ممكن نكتبلك الريجيم اللى احنا ماشيين عليه وعلى فكره نظام صحى جدا اكتبى لنا بس لو انتى عايزه مساعده واحنا هنتابع معاكى |
رد: مين معايا في جروب حنخس يعني حنخس
اقتباس:
|
رد: مين معايا في جروب حنخس يعني حنخس
وامبارح كان يومى الافطار:شريحة شيدر ونص رغيف وشاى بلبن خالى الدسم
والغذاء: ماكنتش جعانه فاكلت 2يوسفى والعشاء:اكلت 3تفاح وزنت النهارده لاقيتنى 75ك يعنى الحمد لله نزلت الزياده اللى زيدتها فى الفرى بتاعى ونزلت كمان نص كيلو |
رد: مين معايا في جروب حنخس يعني حنخس
النهارده بقى قمت فطرت شريحة شيدر ونص رغيف وشاي بلبن
وان شاء الله هتغدى علبة تونه ونص رغيف وسلطه والعشاء المعتاد الفاكهه ان شاء الله ويارب تكونى انتى كمان خسيتى انا عايزاكى توزنى فى اى صيدليه وتيجى تفرحينى وتقولى لى انتى حسيتى اد ايه؟ ويارب حد يقفش التانى مره عشان نتكلم مع بعض شويه:07: |
طافي انتي فين انا فاتحه لو موجوده ابعتيلي
|
طافي انا النهارده فطرت 2توست سن بلبنه لايت وكوب نسكافيه بلاك وبعدين هتغدي دلوقتي2سيخ شيش طاووق بدل فراخ فالفرن و6ملاعق اكل مكرونه بس هكلها مسلوقه بس وطبق سلطه كبيييييير بس وهدخل بعد الغداء ان شاء الله تاني بعني كمان نصف ساعه يارب الاقيكي بقي ...باي
|
طافييييييييييييييبيبببببي ؟؟؟انتي فين
|
رد: مين معايا في جروب حنخس يعني حنخس
انا وزني 97 وطولي 157
ونفسي اخس وانا معاكم ياريت اللي عندها رجيم كويس تقولهعشان انا برضع مستنياكم |
اهلا بيكي يابطه معانا نورتي الجروب ويالا تعالي نشجع بعض بس احنا ماشين علي نظام الدكتور بهاء ناجي لو تعرفيه بصراحه تحفه ومبتحسيش باي تعب او ارهاق وهو نظام الهرم الغذائي وبما انك بترضعي بيتهيألي هيمشي معاكي ولو حسيتي بجوع اشربي عصير برتقال فريش وممكن تاكلي فاكهه او خضروات ومايه كتير ودا اللي هينزلك اللبن عشان البيبي بس ابعدي عن السكريات والدهون والشوكلاته بجميع انواعها واشكالها وياريت لو استبدلتي السكر في المشروبات بالعسل النحل بس طبعا كله بحدود يعني متزيديش عن ملعقه وبالكتير ملعقتين ولو عايزا تبتدي معانا طبعا هنكون مبسوطين بوجودك وقوليلي لو اوك انا اكتبلك نظاو الدايت ان شاء الله
|
رد: مين معايا في جروب حنخس يعني حنخس
انا معاكم ياريت نشجع بعض
انا طولى158 وزنى77 |
رد: مين معايا في جروب حنخس يعني حنخس
lalaaaaaaaaaaaaaaaaaaaaaa
|
رد: مين معايا في جروب حنخس يعني حنخس
انتى موجوده ولا بيتهىء لى؟؟؟؟؟؟؟؟؟؟
|
رد: مين معايا في جروب حنخس يعني حنخس
ايوه كده ياجماعه ادخلوا ونشجع بعض
|
رد: مين معايا في جروب حنخس يعني حنخس
يانجوم ويابطه ادخلو كل يوم واكتبوا انتم بتاكلو ايه والرياضه اللى بتعملوها عشان نشجع بعض
|
يالا يا نجوم تعالي وكل ادخلي واكتبلنا كلتي ايه من اول اليوم لاخره بس من غير ماتكللي حاجه من ورانا كدا ولا كدا ولو شربتب اي حاجه قوللنا انا طولي 160 وبدأت الرجيم وانا وزني 70 ودا تاني اسبوع ليا ومش عارفه بقيت كام دلوققتي عشان موزنتش من زمان بس شكلي خسيت فيالا تعالي ابتدي معانا ولو معكيش نظام الدايت قوللنا عشان نكتبهولك ولو عايزاه هدخل اكتبهولك بليل ان شاء الله
|
انا موجوده يا طافي انا هنا هنا هو
|
رد: مين معايا في جروب حنخس يعني حنخس
عامله ايه ؟ اخيراااا لاقيتك عامله ايه فى الريجيم
|
ياطافي وحشيني قوي اكتبي ياطافي ليهم نظام الدكتور بهاء اللي كان مديهولك واول كل اسبوع ننزل النظام من السبت لحد الجمعه ان شاء الله ويارب نحقق الوزن المطلوب كلنا
|
تمام يا حبيبتي وحشتيني والله قوي انا ماشيه تمام في الدايت لدرجه اني اتعودت عليه قوي ومبحسش باي تعب او جوع لدرجه انا ليت اتعشا 2توست بجبنه ساعات باكل فاكهه وانام او زبادي
|
رد: مين معايا في جروب حنخس يعني حنخس
اوك انا هكتب النظام لك واحده لوحدها لان الاوزان مختلفه خالص وكمان بطه بترضع فهكتب لها نظام عشانها
|
رد: مين معايا في جروب حنخس يعني حنخس
اقتباس:
برافو عليكى اوعى تضعفى وياريت توزنى عشان تشوفى نتيجة تعبك |
رد: مين معايا في جروب حنخس يعني حنخس
وتصدقى انا كمان اتعودت اوى على الدايت بس لو جوزى يبطل يجيب حلويات فى البيت كنت هبقى كويسه اكتر
|
هحاول ابقي اوزن ان شاء الله بس ادعيلي جوزي يفرج عني وينزلني هههههه انا بقي لو جوزي جاب مبرضاش اكل حاجه لدرجه اني منعتوا انو يجيب حاجه تاني
|
رد: مين معايا في جروب حنخس يعني حنخس
اقتباس:
احسن لك تمشى على النظام اللى احنا ماشين عليه لانه فعلا مش بيتعب خالص وهكتب لك نظام الاسبوع ده تمشى عليه الافطار: نصف رغيف اسمر (رغيف سن او 2توست سن)+شريحة شيدر او شريحة فلمنك او بيضه مسلوقه+كوباية لبن خالى الدسم الغذاء : الاول:ربع فرجه +4رز+خضارمطبوج ماعدا الخضار النشوى+سلطه الثانى:1\8لحمه مسلوقه او مشوى +4رز+خضار مطبوخ+سلطه الثالث:نصف سمك مشوى او فى الفرن+4رز+سلطه الربع:ربع فرخه+ربع كيلو بطاطس مسلوقه+سلطه الخامس :علبة تونه مصفاه من الزيت+3توست سن (رغيف ونص سن او تلت اربع رغيف بلدى اسمر)+سلطه السادس:8ملاعق فول+نصف رغيف بلدى+سلطه وطبعا مافيش يوم سابع لان اليوم الاول بيبقى فرى العشاء:3فاكهه+ كوب لبن خالى الدسم وعشان انتى بترضعى ليكى كوبيتين عصير فاكهه فريش تشربيهم بين الوجبات وطبعا تكترى من الميه ويارب بالتوفيق ليكى ولينا جميعا |
رد: مين معايا في جروب حنخس يعني حنخس
اقتباس:
|
ههههه اختك الحمد لله معوداه وجوزك علي متعوديه ولا بعمل ولا بجيب عشان هو لو عملت ياكل حته صغيره واختك تقوم بالواجب بباقي الصنيه فمنعت خالص وانا مش ناقصه تخن كفايه اللي انا فيه ههههههههه
|
رد: مين معايا في جروب حنخس يعني حنخس
ههههههههه والله كانك بتحكى عليه انا كمان كده هو بياكل حته صغيره جداااااااااااا وانا وبنتى ناكل بقيتها فبقيت اعمل الحاجه ياكل منها والباقى اشيله فى الفريزر عشان بنتى ماتاكلش منها لانها هى كمان بتتخن خالص
|
رد: مين معايا في جروب حنخس يعني حنخس
انتى روحتى فين ؟؟؟؟؟؟؟؟؟؟
|
انا كنت بكتبلك علي الخاص مجلكيش ولا ايه
|
رد: مين معايا في جروب حنخس يعني حنخس
لاء ماجاش حاجه خالص يا اختى والله
|
كنت بقولك نتكلم علي الخاص احسن واي حاجه علي الدايت نكتبها فالجروب
|
رد: مين معايا في جروب حنخس يعني حنخس
اوك ماشى
|
طافي يا حبيبتي انا معاكي وكنت بسألك انتي ليه سبتي رجيم التمر وأللبن وانتي كنتي ماشيه كويس فيه وموزنتيش بعدها
|
طافي انتي مبتلعبيش رياضه خالص ؟؟؟
|
رد: مين معايا في جروب حنخس يعني حنخس
انا مقدرتش اكمل لما جيه عليه الليل لاقيت نفسى جعانه جداااااااااا فاكلت كل اللى ادامى
|
رد: مين معايا في جروب حنخس يعني حنخس
وانا ساعات بنط الحبل مع انى عندى فى البيت اوربت تراك بس مش قادره اعمل عليه
|
ياللهوي دا انتي لو كملتي اليوم كنتي ممكن تنزلي كيلو ... كان نفسي اكملوا بس حاسه اني مقدرش اعملوا بعد اللي قولتيه ... انا بقي عامله زي تلبطه اكل واقعد ومبخخرجش غير يوم بالاسبوع بس يعني متكلت علي الرجيم بس
|
رد: مين معايا في جروب حنخس يعني حنخس
على فكره انا بردو كده مش بخرج خالص ومش بروح فى حته وفين وفين لما جوزى ينزلنى
|
رد: مين معايا في جروب حنخس يعني حنخس
بصى اعمليه انتى يمكن تقدرى لكن انا ضعفت جدااااااااااااا ادام سندوتش جبنه
|
رد: مين معايا في جروب حنخس يعني حنخس
يا سلااااااام موضوووعكم رووووعة عجبني كثييير عجبتني الحركات و انا احب الريااااضة ان شاء الله اعمل معاكو التمارين بس العائلة تقولي زودي شوي من وزنك بس انا ما ابغى اعتقد ان وزني و طولي و سني متناسبيييين و خفيييفة نشييييطة
بس قولولي رايكم ازود و لا لا؟؟؟! السن:16 الوزن اظن اني وصلت 50 بس ما اتوزنت قريب اخر مرة بعد عيد الاضحى و كانت47 اما الان فحسيت اني هكون زدت شوي المهم: الطول :165 بس قولو لي انا متناسبة و لا لازمني طول و لا وزن و لا ايه؟؟؟ و اتمنى للجميع وزنا مثاليا و اقول للرزان تابعي التمرينات و لا تكسلي حتى تنالي مرادك |
يعني لينا حق بقي نتخن ما احنا مبنحرقش الاكل نعمل ابه يعني رجيم وعملنا نقفل بؤنا يعني ولا ايه يا اختي؟
|
رد: مين معايا في جروب حنخس يعني حنخس
اه و نصيحة لكو كلكو:لا تكثروا الجلوس امام التلفاز و الكمبيوتر لانه يزود الوزن بسرررعة و لا تكثروا من الدهون و السكرياات
|
رد: مين معايا في جروب حنخس يعني حنخس
والله عندك حق يااختى والله سمعتى عن عمليه ربط الفك
|
يا متألقه ياسلام فعلا اسمك لايق عليكي جدا لان جسمك ما شاء الله عليكي لو انتي 50من وجه نظري وسنك صغير يعني جسمك كدا حلو قوي عشان ان شاء الله الجواز والحمل ولو تحبي تاكلي حاجه تاكلبها براحتك متبقيش زينا تاكلي بالجرامات لا يا حبيبتي متتخنيش عن 50 وخليكي كدا خفيفه يا متألقه طالما انتي حابه نفسك ومفيش حاجه مديقاكي
|
رد: مين معايا في جروب حنخس يعني حنخس
المتالقه هو انتى اقل من الطبيعى بس كده كويس عشان سنك بكره لما تتجوزى هتتخنى لوحدك
|
اه ياطافي سمعت عنها دا جنون ليه يعني الوحده تعزب نفسها كدا متبطل اكل من نفسها ولا ايه رأيك ؟؟؟؟؟؟؟
|
بس انا انشاء الله لما انزل من السعوديه هحاول انزل امشي انا وأختي وممكن اشترك في جيم لو فيه ولو منزلتش من الدايت دا هتابع مع دكتور عشان جوزي نازل بعدي بشهرين فعيزاه يشوفني واحده تانيه
|
رد: مين معايا في جروب حنخس يعني حنخس
وعلى كده انتى نازله امتى مصر؟؟
|
معلشي يا طافي عماله ابعت بس مفيش حاجه راضيه توصل انا نازله 2/27ان شاء الله
|
انتي موجوده ولاروحتي فين ؟؟؟؟؟؟؟ يا طافي
|
رد: مين معايا في جروب حنخس يعني حنخس
النهارده نهاية الاسبوع ولاقيت نفسى 75ك يعنى نص ك بس الاسبوع ده مع ان الاسبوع ده هدومى وسعت عليه واللى كان ضيق دخل فيه والله بس الميزان بيقول نص ك بس على العموم الحمد لله وان شاء الله هبدا من بكره نظام تانى انتى ايه رايك ؟ كنت عايزه ابدا ريجيم سعرات او ريجيم النقاط بس مش عارفه اى واحد فيهم احسن؟ياريت تقولى لى رايك؟
|
انا بكره اخر يوم عندي والسبت هبدأ دايت تاني بس انا مش عارفه ايه نظام السعرات دا لو تعرفي حاجه عنو اكتلهالي بس انا جوزي بيقولي شكلي خس وهحامل لما انزل اوزن ان شاء الله . بيتهيألي نظام النقاط دا انتي بيبقا ليكي 18نقطه او20 علي حسب جسمك وبتاكلب فاليوم بس بشرط متعديش العدد دا صح؟
|
انتي فين ياطافي انا هدخل كمان شويه تاني يارب الاقيكي فاتحه
|
رد: مين معايا في جروب حنخس يعني حنخس
كل يوم أكتشف شيئ مميز فيكي انا طولي 1.65 ووزني 72 وأكره السمانةبزززززززززززززاف بصح منيش متابعة الرجيم بطريقة منظمة انا معاكم |
اهلا بيكي ياقانته يالاتعالي عايزين مع بعض نخس ويالا شجعينا وادخلي كل يوم واكتبي تقرير يومي وأدي التمام في كل حاجه كلتيها وشربتيها وهتلاقيني انا وطافي متبعينك كل يوم ولو عايزا النظام اللي ماشين عليه بتاع الدكتور بهاء ناجي قوللنا واحنا نكتبهولك ونورتي الجروب يا حبيبتي
|
ياطافي انتي فين النهارده وحشتيني يا حبيبتي بس كنت عايزا اديكي التقرير اليومي بتاعي صحيت الساعه1 شربت المشروب الحارق وشربت 2كوب ماء وبعدين كلت 2توست سن بجبنه بيضاء لايت وبعدين شربت نسكافيه بلاك والساعه 5كلت علبه تونه بالمايه وكلت طبق سلطه كبير و1توست مقدرتش اكل 2 وبعدين كلت واحده كيوي وبشرب دلوقتي نسكافيه ولسا بقا بليل هدخل واكتب الباقي ان شاء الله
|
رد: مين معايا في جروب حنخس يعني حنخس
السلام عليكم كيفكم يا بنات يا رشيقات شو عاملين
|
تمام الحمد لله ماشين زي مقال الكتاب بس ادعيلنا يجيب نتيجه ونخس بقي . ايه هتيجي معانا ولا انتي داخله للتشجيع ورفع الروح المعنويه
|
ايوا كدا يا بنات عايزين التشجيع ويالا اي واحده عايزا تخس معانا تدخل وتكتب الطول والوزن والسن والوزن المطلوب ان شاء الله يالا عايزا التشتراكات تدخل ترخ زي المطر عليا هههههههههه
|
رد: مين معايا في جروب حنخس يعني حنخس
انا مبسوطة اوى انى لقيت حد يشجعنى ع فكرة انا مولودة فى الزقازيق سلام كبير جدا
انا فطرت ربع رغيف فول وكلت ربع فطيرة مع بيضة مسلوقة ومش هتقل فى العشاء بس نفسى اعرف المفروض اخس قد ايه كوزن مثالى وكام كيلو فى الاسبوع ياريت اعرف ازاى رجيم التمر شكراااااااا |
رد: مين معايا في جروب حنخس يعني حنخس
ازيك يا lalaعامله ايه ويومك جميل جداااااااااا ويارب كلنا نخس ونبقى رشيقات انا بقى النهارده الفرى بتاعى وان شاء الله بكره هعمل ريجيم سعرات وهاكل على قد 1000 سعر حرارى فى اليوم ويارب يجيب نتيجه لان انا عايزه اكسر شويه نظام بهاء ناجى وانا مستنياكى تدخلى عشان نشجع بعض
|
رد: مين معايا في جروب حنخس يعني حنخس
اقتباس:
ازيك يانجوم عامله ايه؟ بصى انتى 158سم يبقى المفروض يبقى وزنك 55ك يعنى محتاجه 20ك وتخسيهم وانصحك تخسى 10ك وتستريحى شويه وكملى بعد كده الباقى . اما ريجيم التمر واللبن عباره عن21تمره اى نوع من التمر ومعاهم 3 كوبايات لبن خالى الدسم او زبادى وزعيهم على مدار اليوم يعنى تفطرى 7تمرات ومعاهم كوبايه لبن او كوباية زبادى والغداء برده 7تمرات وكوباية لبن والعشاء برده 7 تمرات وكوباية لبن ومتاكليش حاجه تانيه معاهم خالص وماتمشيش عليه اكتر من اسبوع وتكسري الريجيم يومين ولو حبيتى ترجعى تعمليه تانى اعمليه وبصى بقى احسن لك تمشى على نظام صحى واحنا بنمشى على نظام بهاء ناجى لو حبيتى تمشى معانا قولى لى وانا هكتبلك النظام ويارب اكون فيدتك |
رد: مين معايا في جروب حنخس يعني حنخس
حبييبي ازيكم ياريت تقولولي علي رجيم كويس وانا هكون معاكم من يوم السبت ان شاء الله مع العلم اناعندي جهاز كريزي فيت
|
رد: مين معايا في جروب حنخس يعني حنخس
بطه ازيك وعامله ايه فى الريجيم؟ |
رد: مين معايا في جروب حنخس يعني حنخس
انا مستنياكم يلا ياطافي قوليلي اعمل ايه
|
رد: مين معايا في جروب حنخس يعني حنخس
بطه ارجعى لصفحة 24 هتلاقينى كتبتلك نظام ريجيم احنا ماشيين عليه
|
رد: مين معايا في جروب حنخس يعني حنخس
شكرا حبيبتي طافي بس ممكن ابدل حاجات بسيطه
وايه الخضار النشوي وانتي نزلتي عليه قد ايه عشان اتشجع |
رد: مين معايا في جروب حنخس يعني حنخس
شكرا اوى ياطافى اسمك جميل نفس اعرف الفيشار بيخسس
انشاء الله هبدء ريجيم التمر من السبت نسيت اشجعكوا انا خسيت الاسبوع دة 2كيلو مين خست اكتر منى عايزين التحدى |
اقتباس:
اصل امي تقول لازم يكون فيكي 50 بس كثييييرة ما احب خليني كده احسن اه انتو رحتو بعييييد اي زواج و حمل ههههه ضحكتوني لا مو الحيين ما زال المشواار طوييل ما ابغى اتزوج الحين هههه اه وانا انحففي وقت الدراسة بس في العطله ضروري ازيد كيلو او اتنين و اعيد انقصهم لما ترجع الدراسة هههه بس الحمد لله متفوقة في دراستي و يا رب يوفقني |
رد: مين معايا في جروب حنخس يعني حنخس
انضم الى جروب كلنا ضد كامب ديفيد و سمع اسرائيل و من وراها امريكا صوتك قوم يا مصرى
|
اقتباس:
!!!! لذلك انا طبيعية.. >>رشييقه ههههه ان شاء الله تنزلوا بس تابعوا الريجيم و الحمية.. |
رد: مين معايا في جروب حنخس يعني حنخس
ان شاء الله ابقى اكتب معاكو للتشجييع
هههه اه اعملو رياضة و حركات و لو في البيت و نطنطوا مع اولادكو هههه |
رد: مين معايا في جروب حنخس يعني حنخس
صباح الخير يابنات عاملين ايه ؟ويارب كلنا نتشجع ونخس
والنهارده بداية الاسبوع بتاعى وقمت فطرت بيضه مسلوقه وربع رغيف اسمر وبعد شاعتين اكلت برتقاله واحب افرحك يا lalaانا النهارده قمت عملت رياضه 10 دقايق على الاوربت تراك ومقدرتش اعمل اكتر من كده الصراحه.تبقى تدخلى تكتبى عملتى ايه النهادره ويا بختك بكره الفرى بتاعك انا خلاص كان امبارح:69: |
شكرا ليكي علي التشجيع وياريت تدخلي ترفعي روحنا المعنويه بس انا لسا عروسه ومعنديش ولاد بس طبعا القعده في السعوديه والاكل وعدم الخروج تخنت عشره كيلو في 8شهور
|
رد: مين معايا في جروب حنخس يعني حنخس
اقتباس:
الف مبروك النزول يا نجوم عقبال الباقى ان شاء الله وتوصلى للمثالى واصلى واحنا معاكى نشجع بعض كلنا وانا خسيت اول اسبوع 2.5ك بس الاسبوع ده خسيت 0.5بس :47:وان شاء الله انا لسه بداية الاسبوع التالت بتاعى ويارب اخس فيه اكتر ونبقى ندخل كل يوم نكتب احنا عملنا ايه وهحاول ماتعداش 1000سعر فى اليوم وتبقى تدخلى تشجعينا |
رد: مين معايا في جروب حنخس يعني حنخس
Lalaانتى موجوده ولا لاء ؟ انتى فين ...........
|
رد: مين معايا في جروب حنخس يعني حنخس
بطه لو موجوده اكتبى لنا عملتى ايه فى الريجيم ؟؟؟؟؟؟؟؟ |
انا موجوده ياطافي والحمد لله لقينا بعض
|
رد: مين معايا في جروب حنخس يعني حنخس
اقتباس:
ياريت ادخلى شجعينا يمكن لما نشوفك ونفتكر وزنك نتكسف على دمنا ونخس شويه احنا كمان ههه وشكراااا ليكى طبعا |
رد: مين معايا في جروب حنخس يعني حنخس
طمنينى عملتى ايه النهارده ؟شوفتى بقى النشاط بتاعى عملت رياضه الصبح والله
|
شطوره يا طافي انتي ونجوم وعقبالي يارب لما العب رياضه واخس عشان كدا بقي هيبقي شكلي وحش قوي قدامكوا بس انا والله شكلي خسيت بس لما انزل هوزن ان شاء الله ادعولي
ياصباح الرجيم عليكوا يا بنات انا لسا هفطر وأبقي ادي التمام |
رد: مين معايا في جروب حنخس يعني حنخس
يااااااريت ده انا نفسى تروحى توزنى نفسك وان شاء الله هتلاقى نفسك خسه خمسه كيلو على الاقل
|
رد: مين معايا في جروب حنخس يعني حنخس
وتبقى تدخلى تقولى لى عملت ايه النهارده لانى انا مضطره امشى عشان اعمل الغذاء لجوزى وكمان الحمد لله هيحن عليه ويخرجنى شويه ولما ارجع هبقى ادخل اقول لكم اتغديت ايه وهتعشى ايه؟؟؟؟؟؟؟؟؟
|
رد: مين معايا في جروب حنخس يعني حنخس
ازيكم بنات عاملين ايه
انا لسه هبدا من بكره ان شاء الله عشان النهارده زي ما انتو عارفين اجازه جوزي الحبيب ومنتعشا بره فهيكون الجمعه عندي اليوم الفري وكمان هنزل ان شاء الله عشان اتوزن كمان مع العلم انه سعات بيجيب عشاء البيت لما مش بيعجبه طبيخي هههههههههههههههه يعني تلاقينا في الاسبوع سعات مره او اتنين او سعات ثلاث مرات نطلب اكل ههههههههه اصلي فشله في الطبيخه ههههههههههههه والله خبيتكم |
يااااااأاااه يسمع من بؤك ربنا 5كيلو مره واحده ياريت عارفه لو حصل انا ممكن اموت من الفرحه اللي هبقي فيها يارب اخس مش اموت ههههههههههه احسن الدعوه تيجي غلط ..... انا هفطر دلوقتي 2توست سن ولبنه لايت ونيسكافيه بلاك والنهارده اخر يوم فالاسبوع التاني وبكره فري أأأأأأأه وانتي لأ وهبتدي بكره الاسبوع التالت احنا كدا ماشين مع بعض بس فرق يوم بس محكتليش كلتي ايه يوم تلفري بتاعك
|
رد: مين معايا في جروب حنخس يعني حنخس
اشوفكم بكره ان شاء الله
عشان هعمل الغدا سمك ان شاء الله تيجو تتعشو معانا |
تمام يا بطوطه والله بس عايزا اقولك انتي لو ابتديتي بكره هيبقي الفري بتاعك كل سبت زي وهتقعي في مشكلتي وانا كمان جوزي ليخرجني كل جمعه وببحب متعشي بره بس انا بنكد عليه بالرجيم بتاعي وغلطتي ان عملتو السبت فعشان تعملي الفري الجمعه اتنازلي النهارده بس كل جمعه هيبقي فري ... وحكايه الاكل انا كنت بعرف اطبخ نص نص بس دلوقتي بقيت تمام الحمد لله ولو هو عايز اكل بره انتي كلي علي حسب الرجيم لان والله بقيت بعمل كدا وبصر اني مكسرش الرجيم رغم ضإفي قدتم اكل بره بس الحمد لله ربنا مديني العزيمه ويالا خليكي شطوره ونشجع بعض معلشي طولت عليكي
|
رد: مين معايا في جروب حنخس يعني حنخس
ربنا يوفقن كلكن أهم شئ الإرادة
|
رد: مين معايا في جروب حنخس يعني حنخس
ازيكوا ياقمرات ايه الاخبار النهاردة كان اليوم الفرى شربت شاى اخضروبعدين فطرت ربع رغيف جبنة الغداء 10ملاعق ارز مع سبانخ ولحمة مسلوقة كلت 2موز2يوسفى شربت زنجبيل مع قرفة وشمر اول مرة اشربه العشاء ربع رغبف ابيض وبيضة مسلوقة ان شاء الله هبدء رجيم التمر غدا ادعولى |
ايوا كدا يا بنات عايزين التفاعل والتشجيع عشان العزيمه والاراده تزيد ونخس كلنا بصحه ان شاء الله ربنا يكرمنا انتي يا نجوم موزنتيش ولا هيه عشان نعرف خسيتي قد ايه ؟ ورلنا يكرمك فرجيم التمر واللبن وابقي ادخلي احكيلي يومك وتعبانه فيه ولا كويس وحاسه بهبوط ولا لأ ؟انا بصراحه نفسي اعملوا وخايفه قوي مقدرش عليه يالا شجعيني
|
انتي فين ياطافي يارب تكوني رجعتي بقي عشان تدخلي اون لاين اما فاتحه شويه هستناكي
|
اقتباس:
|
رد: مين معايا في جروب حنخس يعني حنخس
لا داعي للشكر حبيبتي
|
انا عندي 26سنه وطولي 160 ووزني كان من قبل الدايت70 دلوقتي مش عارفه كام تيجي نبدل انا نفسي اكون سنك وطولك ووزنك بس انا لسا متجوزا من 8شهور يعني مفيش بيبي تيجي نبدل ونعمل دييل ؟؟؟؟ انا نفسي ارجع سنك ودي احلي سنين حياتك لحد 21 سنه وشكرا علي تشجيعك لينا
|
اقتباس:
لكن ان شاء الله اكون معاكو حتى تصلوا للمثالي... بس بصراحة تتمنين لو كنتي في سني و وزني!!!!؟؟؟ هههه بس لازم نستمتع بحياتنا و لو نكبر لا تهملي نفسك و استمري... بس ليه ما عندك بيبي!!! |
رد: مين معايا في جروب حنخس يعني حنخس
بس على فكرة! ماني مفكرة اتزوج الحين!!ايش رايك؟؟
|
معنديش بابي لاني عندي شويه لخبطه بالهرمونات ادعيلي ربنا يرزقني ويرزق كل مشتاقه ... وطبعا يا حبيبتي مبتفكريش فالزواج عشان انتي لسا صغنونه ولازم تعيشي احلي فترات عمرك واستمتعي بكل ساعه بتعدي عليكي لانها مش هترجع تاني وانصحك متفكريش فالجواز قبل 25ابدا انا عملت كدا يعني اللي اتجوزوا خدوا ايه ؟؟؟؟متغربين وقاعدين فالبيت لوحدنا وناكل ومتخن وبعدين ندور علي رجيم نعملوا فنطر ندخل نشترك فمنتدي عدلات عشان متحسيش بالغربه هههه
|
كنت عايزا أسألك يا حبيبتي انتي منين ؟
من السعوديه!!! |
رد: مين معايا في جروب حنخس يعني حنخس
لا حبيبتي شوفي جنب المغرب هههههه انتي منين؟! بس اتكلم كل اللهجات بس و لا وحدة ببراعة غير الدارجة المغربية لو تحبي نتكلم مغربي عاادي بس ما بتفهميني هههههه
الله يرزقك الذرية الصالحة ان شاء الله |
رد: مين معايا في جروب حنخس يعني حنخس
انا عاملة مزج لهجااات ههههه عشان ما ركزت على اي وحده هههه خليني مغربية هههه
|
يعني ايه جنب المغرب يعني انتي مغربيه ؟ انا مصريه بس مقيمه فالرياض مع جوزي
|
لا خلبنا بلهجتك دي عشان افههمك انا افهم السعودي والكويتي والمصري هههههههههه كدا علي قدي
|
رد: مين معايا في جروب حنخس يعني حنخس
هههههه لا قلت لك شوفي المعلومات اللي على جنب على اليسار بتكون شوية معلومات عن العضو
ايوة انا مغربية.... |
رد: مين معايا في جروب حنخس يعني حنخس
آه حبيبتي قومي سوي شوية حركات و رياضة يلا اصلك طولتي جلوس هههههه
امزح.. |
انا ليا كنت بعمل شوبنج وانتي عارفه بقي اللف لما انا مش قادره اقوم اجيبلي كوبايه مايه من وجع رجلي انا عارفه انك بتمزحي ...ههههههههه شفتي بتكلم زيك
|
رد: مين معايا في جروب حنخس يعني حنخس
هههههههه بتجي الرزان تضربنا اصلنا عملنالها دردشة هنا ههههه
|
اه انا بقول كدا أنا بقي هروح اقفل احسن تقفشنا وتطردنا من الجرووووووووب ههههههههه باي يا حبيبتي
|
رد: مين معايا في جروب حنخس يعني حنخس
باي.. اصلي في الفراش تصبحين على خير حبيبتي
|
رد: مين معايا في جروب حنخس يعني حنخس
صباح الخير يابنات ؟عاملين ايه وايه اخبار الريجيم زايه اخبار الفرى ياlALAشوفتينى وانا بحقد عليكى؟؟؟؟؟؟؟؟؟؟؟
|
رد: مين معايا في جروب حنخس يعني حنخس
المهم طبعا امبارح كان بقيت يومى الغذاء شوربه خضار منزوع الدسم ومعاه ربع فرخه وبعد كده العشاء اكلت 2فاكهه وكوب شاى بلبن خالى الدسم وبس
|
رد: مين معايا في جروب حنخس يعني حنخس
النهارده بقى الفطار :نص رغيف وشريحة فلمنك الغذاء ان شاء الله علبة تونه وساطه ونص رغيف ولسه مقررتش هتعشى ايه؟؟؟؟؟ |
رد: مين معايا في جروب حنخس يعني حنخس
بطه بطه بطه ياريت تدخلى تطمنينا عملتى ايه فى الريجيم؟؟؟؟؟ |
رد: مين معايا في جروب حنخس يعني حنخس
نجوووووووم الفرى بتاعك حلو اوووووووووى ده انا لما بعمل فرى باكل كل اللى بيقابلنى لدرجة ان عيالى وجوزى بيبعدوااااا عنى هههههههههه واستمرى وواصلى وادخلى اكتبى لنا وزنك الجديد وبتكلى ايه والرياضه اللى بتعمليها؟؟؟؟؟؟؟؟؟؟ |
رد: مين معايا في جروب حنخس يعني حنخس
ازيكم بنات اليوم اول يوم ليا
اول حاجه شربن عصير كرفس وبقدونس بس بصراحه طعمه فظيع وبعدين اكلت 2 توست مع جبنه جرين لاند قليله الدسم وشربت نسكافيه بلبن قليل الدسم وسكر ديت والغدا لسه هقوم اعمله كمان شويه |
رد: مين معايا في جروب حنخس يعني حنخس
ازيك طافي ايه اخبارك
انتي كان وزنك كام اول مابداتي ونزلتي قد ايه وفي مده كام بس عارفه انا خايفه الخبط ربنا يستر لان انا ما بقاش عندي عزيمه خالص وزهقانه من الغربه والقعده لوحدي ما خرجتش امبارح كنت كسلانه بس كونت عاوزه اعرف وزني لان انا حاسه نفسي خاسه شويه عشان اعرف انا هبدا كام بس ان شاء الله لو حبيبي جه بدري هنخرج |
رد: مين معايا في جروب حنخس يعني حنخس
قوليلي طافي تعرفي حاجه تجيب نتيجه مع البطن
لاني بعد الولاده بطني بقت صعبه وعوزاها تنزل ولوعندك مشروب للتخسيس بس يكون جاب نتيجه لاني جربت حاجات كتير وزهقت |
رد: مين معايا في جروب حنخس يعني حنخس
رياضة جميلة انا باحبها يا قمر بس انا وزنى مثالى مع طولى مشكورة حبيبتى وموفقة ان شاء الله
|
ازيكوا يا بنات وحشتوني قوي كلكوا انا النهارده فرررررري يا طافي فاهمه تعالي اقولك كلت ايه ! فطرت كوب زبادي لايت وعليه ملعقتين صغار شمر وبعدين شربت شاي اخضر بالشمر وبعدين ......
اتغديت هاااااردييز وبطاطس محمره بس هههههههههه طبعا يا طافي ريقك جري ههههههه ولسا بقي الباقي ليا شوكلاته كمان شويه هكولها أأأأأأأأأه |
يابطوط عامله ايه استمري واحنا هنشجعك وقوليلي المشروب بتاع الكرفس طعموا حلو ولا وحش عايزا اجربوا بس عشان البطن انا عن نفسي بيجيب معايا نتيجه جميله حطي في كوبايه نصف ملعقه قرفه وعليها جنزبيل اخضر مقطع صغير ونعناع اخضر وشاي اخضر وملعقتين شمر مطحون لشد الجسم وكمون وقطع ليمون وممكن يحلي بملعقه عسل ابيض دا في اسبوع نقص من بطني تقريبا 6سنتيمتر جربي وهتدعيلي والله بس اشربي اول كوب علي الريق وقبل الغداء والعشاء وربنا معانا ويعينا
|
رد: مين معايا في جروب حنخس يعني حنخس
اقتباس:
بصى ياسيتى فيه تمارين كتيييير للبطن بس اسهلها طبعا الوضع التقليدى انك تنامى على الارض وترفعى نفسك وعشان تواظبى اعمليها على 3 مجموعات يعنى اعملى كام واحده على اد ماتقدرى متواصل وارتاحى شويه وبعد كده اعملى مجموعه تانيه وارتاحى واعملى التالته وطبعا لما تحسى انك خلاص اتعودتى على عدد المرات اللى عملتيها ابدئى زودى شويه وهكذااااااااااا وماتضغطيش على نفسك فى الاول عشان تقدرى تستمرى عليها يوميااااا |
طافي انتي فين انا فاتحه شويه هستناكي ممكن تدخلي
|
رد: مين معايا في جروب حنخس يعني حنخس
lalaaaaaaaaaaaaaانا جيت عامله ايه والله يسامحك على الفرى بتاعك ده انا جوعت وانا لسه متغديه
|
رد: مين معايا في جروب حنخس يعني حنخس
شكرا حبيبتي lalaوطافي
بصي lala هو طعمه وحش بس في واحده اعرفها قالتلي انها خست عليه مع التقليل 25 كيلو وانا بدات من يون الثلاثاء واحاسه انه كويس فهوزن واشوف |
رد: مين معايا في جروب حنخس يعني حنخس
lala هو انتي بتحطي الحاجات دي كلها في الكوبايه وبتعمليه كشري
والشمر والكمون مطحون ولم انا بشرب كرفس علي الريق ينفع اشرب بعده المشروب ده |
رد: مين معايا في جروب حنخس يعني حنخس
اقتباس:
بصى ياسيتى وركزى معايا انا كنت 89ك ومن حوالى سنه روحت لبهاء ناجى فى عيادته وتابعة معا الريجيم اللى انا كتبتهولك وطبعا كان كل اسبوعين اروح له واغيره وخسيت على النظام اللى معاكى 6ك فى اسبوعين ووصلت مع بهاء ناجى 3شهور تقريبا وخسيت معاه فيهم 14ك لحد مابقيت 75 ك وطبعا لما جيه عليه رمضان سيبت الريجيم وماروحتش للدكتور بس كنت محافظه على وزنى بس الايام الاخيره ومع الشتاء لما دخل لقيت نفسى مش قادره اسيطر على اكلى فزدت 3ك وبقيت 78 وعملت ريجيم انا وlalaاللى معانا فى الجروب مع بعض من اسبوعين وخسيت فيهم الحمد لله ال3ك اللى زدتهم واحنا دلوقتى فى الاسبوع التالت وربنا يستر واعرف فى اخر الاسبوع انا خسيت اد ايه؟؟؟؟ويارب ماكونش طولت عليكى |
رد: مين معايا في جروب حنخس يعني حنخس
lalaانتى موجوده ولا لاء؟؟
|
انا جبت اهو يا طافي انتي لسا اون لاين ولا ايه
|
رد: مين معايا في جروب حنخس يعني حنخس
ايوه انا معاكى ياحبيبتى انتى كنتى فين انا كنت خلاص هقفل
|
هو فعلا طعمو مقرف بس مفعولو كويس واما بشربوا تقريبا مرتين فاليوم بس جاب نتيجه كويسه بس بعد مبقيت بحط معاه شمر بقي طعموا احلي شويه بيتعمل كشري وممكن بعد كدا تصفيه بس انا بشربوا زي ماهو وممكن تشربيه بعد الكرفس بس المهم قبل ماتكلي حاجه وبارب يجيب نتيجه وتدعيلي
|
احسن انا دخلا من تليفون جوزي عشان النت وهو خدوا مني كان بيعمل شويه حاجات عليه اسفه انب اتأخرت عليكوا
|
طافي ممكن تكتبيلي نظام الاسبوع دا اللي انتي ماشيا عليه عشان عايزا اعملوا
|
رد: مين معايا في جروب حنخس يعني حنخس
lala انا ماشيه على نظام من دماغى يعنى باكل من غير ماازود السعرات عن 1000سعر
|
رد: مين معايا في جروب حنخس يعني حنخس
ازيكوا ياقمرات الجروب انا كنت 77 وبقيت75 مش ماشية ع دايت معين كا اللى بعمله تقليل اكل بس انا مش بحب الرياضة وقليل جدا لو عملتها بتكون عايزة تشجيع بصراحة اللى خلانى اخس انى مضايقة من منطقة البطن سبب بقوى انى اتحديت جوزى هو مسافر لانه قالى مش هتعرفى تخسى عندته وخسيت انا النهاردة بدءت فى ريجيم التمر هو مش وحش بس تحسسى ببعض الملل بس انا ناوية اكمل ان شاء الله انا فطرت واتغديت تمر ربنا يقوينا جميعا
ربنا يكرمك يا lala وتسمعى خبر الحمل حبيبتى عن قريب |
رد: مين معايا في جروب حنخس يعني حنخس
لكن لو انتى حابه تغيرى ممكن اكتب لك نظام من بتاع بهاء ناجى اللى كان بيكتبهم لى قولى لى وانا هختار لك نظام حلو؟؟؟؟؟؟؟؟
|
أزاي يعني وبعدين انتي بتحسبي عدد السعرات ازاي وبناء علي ايه؟؟؟؟
|
رد: مين معايا في جروب حنخس يعني حنخس
اقتباس:
برفو عليكى يانجو وحلو انك نزلتى 2ك فى اسبوع كويس جدااااااااا وكملى واحنا معاكى هنشجعك ومش انتى بس اللى مش بتحبى الرياضه ده الجروب كله مش بيلعب رياضه المهم انك تثبتى لجوزك انك مش ضعيفه وانك لما تنوى على حاجه بتنفذيها لحسن الازواج ديه احسن ناس تهبط العزيمه وتكسر ارادتك اسالينى انا ده جوزى كل مايلاقينى عامله ريجيم يقولى انتى كده وعمرك ماهتتغيرى عن كده .عشان كده انا بعد ماخسيت 14ك حس بالفرق وبقى كل ماالبس حاجه يزعق ويقولى ماتلبسهاش لانها مبينه تفاصيل جسمك مع انى كنت بلبس نفس اللبس وانا طخينه وعمره معلق ولما اللبس وسع عليه بقى يعلق عشان كده حسسيه انى تقدرى واللى تنزليه حافظى عليه حتى لو سيبتى الريجيم عشان لما ترجعى تعملى ريجيم تانى ماتبدئيش من الاول ولما تخسى هتشوفى جوزك اتغير معاكى اد ايه هيبقى مش عايزك تخرجى بره البيت من غير مايبقى معاكى . |
مبروك يا نجوم علب نزول الوزن واستمري وانا كمان برضو زيك عاملا كدا مع جوزي عشان بيقولي معندكيش ايراده وكنتي بتقولي انا وقت مابعوز اخس بخس بس انا نازله مصر ان شاء الله وهينزل بعدي بشهرين وعايزاه يشوفني واحده تانيه ان شاء الله ويارب يسمع منك الدعوا الحلوه دي ويرزقني ويرزق كل مشتاقه بالذريه الصالحه
|
هههههههههه انا جوزي لسا متخانق معايا بيقولي انتي مبتحبنيش انتي بتحبي صحابك فاامنتدي اكتر مني وطول النهار والليل سيباني وقاعده عالنت ولو كنتي عايزا تخسي عشاني كنتي خسيتي من زمان لاكن انتي خسيتي عشان صحابك مش اكتر والنبي دا أقولوا ايه ؟؟؟انا هتجنن يا ناس
|
رد: مين معايا في جروب حنخس يعني حنخس
اقتباس:
بصى ياسيتى انا مثلا محدده لنفسى 1000سعر فى اليوم اقوم من النوم افطر ربع رغيف مثلا ومعاه اى حاجه زى الجبنه بدخل على موقع لمعرفة السعرات الحراريه اشوف اللى انا اخدته ده كام سعر واخصمه من الالف سعر اللى انا محدداهم وده بيخليكى تاكلى اللى انتى عايزاه مادام لم تتعدى ال1000سعر يعنى مثلا انا فطرت واتغديت وحسبت سعراتهم اد ايه ولاقيت نفسى اخدت 700 سعر يعنى لسه ليا 300 سعر فى العشاء ممكن اخد قطعة شيكولاته واشوف سعراتها اد ايه لم كانت 300 سعر خلاص ما اتعشاش لو كانت مثلا اقل وفيها 200 خلاص يبقى لسه ليه 100 سعر ممكن اكل مع الشيكولاته واحدة فاكهه فهمتى ولا لاء؟ |
رد: مين معايا في جروب حنخس يعني حنخس
هههههههه انا بقى جوزى لسه قايلى دلوقتى انتى هتفضلى قاعده فى المطبخ كده كتييير وسيبانى والله لانا خارج لبس هدومه ونزل
|
رد: مين معايا في جروب حنخس يعني حنخس
lala ربنا يرزقك يارب بالذريه الصالحه وكل من محتاج
هو انتي في دوله ايه والف مبروك حبيبتي نجوم الليل علي النزول وعقبالنا كلنا يارب |
اه فهمت بس انتي بتحسبي 1000سعر علي اساس ايه؟علي اساس وزنك 75كيلو لا ايه؟
|
انا في السعوديه بالتحديد فالرياض وانتي فدوله ايه يابطه؟
|
| الساعة الآن 03:06 PM |