عدلات - كتب غيرت حياتي تمامااااااا

بسم الله الرحمن الرحيم
والصلاة والسلام على اشرف المرسلين

السلام عليكم ورحمة الله وبركاته

يارب تكونو بخير وسعادة دايما يا احلى عدولات:027:

انا مش هنزل روابط كتب لو اعرف روابط الكتب هنزلها قريب ان شاء الله انا جاية احكي تجربتي مع كتب لاني لقيت انه ده المناسب عشان احكيلكم تجربتي
الكتب دي اثرت فيا جداااا وغيرت حياتي بفضل من ربنا طبعا لانها كتب مبسطة جداااا تقري الكتاب منهم وتتخيلي الاحداث كأنها قدامك لدرجة اني كنت نسيت القراءة بس بعد كده بقت هوايتي قراءة الكتب الدينية وطبعا لما تقرأي كتاب عن الاسلام او الشخصيات الاسلامية او عن سيرة الحبيب عليه الصلاة والسلام اكيد هيكون ليه تاثير كبير على حياتك وافعالك

1-كتاب رجال حول الرسول للكاتب خالد محمد خالد
مكنتش اعرف اي شيء عن صحابة رسول الله صلى الله عليه وسلم غير بعض المعلومات عن الخلفاء الراشدين وقصص بعض الصحابة رضي الله عنهم زي بلال بن رباح ومصعب بن عمير لكن لما قرات الكتاب قرأت وعرفت تفاصيل حياة صحابة الرسول صلى الله عليه وسلم وكنت لما اقرا الكتاب دة احس اني اتنقلت من عالمنا ده لعالم تاني كان نفسياكون موجودة فيه

2-كتاب قصة حب للداعية مصطفى حسني ربنا يحفظه ويباركله
لما سمعت انه الكتاب اسمهقصة حب قلت اكيد بيتكلم عن علاقات الولاد بالبنات لكن الكتاب طلع عن حب رسول الله صلى الله عليه وسلم وقرات عن احداث كتييييرة جدا من السيرة النبوية مكنتش اعرفها ابدا

3-كتاب الكنز المفقود للداعية مصطفى حسني
اجمل كتاب
بيحكي عن علاقة الانسان بربنا سبحانه وتعالى وحب ربنا لينا وبيحكي كمان عن الملائكة اوصافهم واسمائهم وعلاقتهم بالانسان

4-كتاب صحابيات حول الرسول للشيخ محمود المصري
بيحكي عن حياة امهات المؤمنين وبنات الرسول صلى الله عليه وسلم والصحابيات رضي الله عنهن قصص مؤثرة جداااااااا

في النهاية بنصحكم بقراءة الكتب دي لاني مهما وصفت مش هتتخيلو انها مفيدة ازاي خصوصا لو معلوماتك قليلة عن السيرة النبوية وتاريخ الصحابة والصحابيات