بصو الى ملهاش صحبات والى ليها
تعالو كلكم نتعرف اكتر
ونشوف هوايات بعض ايه
ونكون احباب فى الله
مستنياكم اوعو تكسفونى:004:

المشاركة الأصلية كتبت بواسطة ام ريتال 2024 (المشاركة 46119) ايون ايون انا جديده هنا وماليش اصحاب وتايه ف المنتدى

بلا يقمر عرفينى بنفسك وقوليلى ايه هويتك
انا امة الله من القاهره متزوجه وعندى بنتين

المشاركة الأصلية كتبت بواسطة ام ريتال 2024 (المشاركة 46125) انا من بورسعيد عندى 21 سنه وعندى ريتال 5 شهور

انتى رحتى فين يا ام رينال

المشاركة الأصلية كتبت بواسطة ام ريتال 2024 (المشاركة 46134) معلش انا اهو اصلى كنت تايه ومش فاهمه حاجه ما علينا انا هواياتى المطبخ والنت

يا مرحب يا بنات
نورتونا طبعا ممكن تنضمو
خلاص انا هدخل بليل نبقى نلتقى ان شاء الله
وكل واحد تجهز الاكله الى شاطره فيها عشان هتقر وتعترف
ههههههه ما شى يا سكرات

المشاركة الأصلية كتبت بواسطة lenai (المشاركة 46346) حلوه الشات بتاعك ياجميل واللى ليه اصحاب فى المنتدى ممنوع من الدخول

انتو فين يا قمرات

مصرية مغتربة فى السعودية

ألووووووووووووو



هل تسمعينى



حووووووووووول

الوووووو
ايوه يا قمر سمعتك اهو
ازيك يا ام عمر عامله وازى عمر ان شاء الله بخير
ربنا يا حببتى يخلهولك ويعينك على غربتك يارب
حولللل

السلام عليكم
معلش يا قمر انتى جيتى وانا مش موجوده
عموما منوره

يا حببتى انتى خلاص بقيتى صحبتنا منوره

المشاركة الأصلية كتبت بواسطة جوجى (المشاركة 57970) هاااااااااى انا هاجر من بورسعيد

المشاركة الأصلية كتبت بواسطة sjmm21 (المشاركة 61762) انا موجودة يا امة اللة احب الدردشة مع ك

اهلا يا حببتى والله انا مكنتش موجوده عشان ارد عليكى
سورى والله وعموما انتى منوره
بصى انا بدخل عموما بعد المغرب ان شاء الله

المشاركة الأصلية كتبت بواسطة نهى سعد (المشاركة 66368) ازيك ياامة الله عامله ايه ياقمر واخبارك ايه قوليلى انتى منين

انا ساكنه فى القاهره يا قمر

المشاركة الأصلية كتبت بواسطة شيرين123 (المشاركة 75519) انا تايه في المنتدى ومش عارفه راسي من رجلي انا جديدة ساعدوني

حببتى شوفى مش فاهمه ايه وانا اقولك

السلام عليكم ممكن تقبلونى صديقة

منوره يا حببتى اهلا بيكى

وينكم يا بنات

منورين يا قمرات

المشاركة الأصلية كتبت بواسطة ASSIL_algeriana (المشاركة 142483) هاي انا اسيل من الجزائر 18 سجلت اليوم وماعنديش اصحاب ممكن اتشرف

منورين يا بنات

المشاركة الأصلية كتبت بواسطة شاديه (المشاركة 160888) شاديه من بورسعيد هوايتى التعارف ياريت لو مدام اكبر منى اتعرف عليها انا لسه عروسه جديده وتكلمنى على طول01223833950

اهلا بيكى يا قمر
بس ليه حاطه تليفونك كده على العام ده نت ومفتوح اعتقد كده غلط
امسحى الرقم افضل
وطبعا منورانا اهلا بيكى

اهلا يا قمرات منورين

اهلا يا حببتى منوره

المشاركة الأصلية كتبت بواسطة لولومونو (المشاركة 193352) بس معلش يا بنات أنا ظروفي ملخبطة كتير بسبب ظروف أبني الصحية علشان كدة مش ضامنة أدخل كل يوم وكمان مش هدخل كتير تقبلوني معاكم ولا إيه ؟؟؟؟؟؟؟؟؟؟

طبعا يا حببتى تنورى جداااا
اهلا بيكى
وانا كمان احب نكون اخوات واحباب فى الله

ازيك يا لولو ربنا معاكى يا حببتى وربنا يشفى ابنك يارب
انا يا حببتى بحب اسم امة الله اوى فقوليلى امة الله عادى
قوليلى انتى محولتيش تخدى دبلومه او كورسات حتى فى التخاطب
والله مفيده جداااا
انا اخدتها وكانت بالنسبالى حلوه اوى ولو عايزه تفاصيل انا ممكن اقولك
وربنا كريم اوى يا حببتى ربنا يشفى ابنك يارب

المشاركة الأصلية كتبت بواسطة لولومونو (المشاركة 195007) أنا مش فاهمة إيه علاقة التخاطب بحالة أبني يا أمة الله معلش فاهميني بالرحة لأن أبني مشكلته حركية والحمد لله عقله ماشاء الله اللهم بارك كويس جدا وكمان بلسانين يا قمرولله الفضل والمنة ولا أنتي قصدك أنها هتنفعني عادى في حياتي؟

معلش انا اختلط عليه الامر انا فكراه انه عندو توحد
الحمد لله يا حببتى على كل شئ ربنا يشفيه يارب من عنده هو احن علينا من نفسنا يارب تشفيه يارب
معلش يا حببتى انا اسفه
بس على فكره كمان الدوارات ديه بتنفع فى حاجه انك كمان بتتعلمى حجات عن نفسية الاطفال وده بيساعدك بردك اصل انا خريجة علم اجتماع ههههههههههههه
بس انصحك تقرى فى علم نفس الطفل ان شالله من كتب من النت هتفيدك اوى
وخليكى ديما مشجعه لابنك وديما حسسيه انه اهم حاجه عندك وخلى روحك ادامه عاليه اوى عشان انتى اهم حد عنده فى الوجود فى الوقت الحالى وربنا معاكى يا حببتى

المشاركة الأصلية كتبت بواسطة لولومونو (المشاركة 195527) ولا يهمك يا أمة الله الحمد لله علي أى حال ربنا وحده عالم أنا أد ايه بحاول أحسسه أنه طبيعي ولما يسألني أنا هكبر أمتي وأمشي زي العيال أقوله كله بأمر الله بس أنت خليك شاطر وأعمل جلسات العلاج الطبيعي بتاعتك وكويس وهتكون تمام بإذن الله و ساعات يجي يقولي يا ماما واحدة معايا في الفصل بتقول أن رجلي مكسورة أقول له عادى يا حبيبي هي ماتعرفش حاجة وهي لسة صغيرة لأني بخاف أكبر الموضوع في دماغه علشان أبني بتاع إشتغالات وممكن يشتغل لي ويدوس قوى في الحتة دى وأنتي يا قلبي بتشتغلي ولا ايه

ربنا يباركلك فيه يارب ويشفيه ويجزيكى خيرا ويعينك
ربنا معاكى يا حببتى
انا حاليا مش بشتغل لان عندى بنات صغيره ومقدرش اسبهم لان كمان انا بعيده عن اهلى يعنى مليش حد اسبهم عنده وانزل اى شغل
وخفت عليهم ن الحضانات والكلام ده

المشاركة الأصلية كتبت بواسطة درة مكنونة (المشاركة 195698) موضوع جميل يا امة الله تسلمى تقبلونى معاكم صديقة واخت فى الله

لا طبعا
ياريت انتى الىتقبلى تكونى معانا يا قمر
اهلا بيكى ا حببتى منوره

المشاركة الأصلية كتبت بواسطة امة الله (المشاركة 195675) ربنا يباركلك فيه يارب ويشفيه ويجزيكى خيرا ويعينك ربنا معاكى يا حببتى انا حاليا مش بشتغل لان عندى بنات صغيره ومقدرش اسبهم لان كمان انا بعيده عن اهلى يعنى مليش حد اسبهم عنده وانزل اى شغل وخفت عليهم ن الحضانات والكلام ده

المشاركة الأصلية كتبت بواسطة لولومونو (المشاركة 195802) ربنا يخليكي يا أمة الله ويخلي لك بنوتاتك يا عسل أسمهم ايه بقي ؟؟ ولما تكونى أنتي معاهم يكون أحسن برده من الحضانات وأنا كمان مش بشتغل وبقي لي كتير متخرجة بس مفيش شغل ولما جات الفرصة كانت بنوتى صغيرة قوى وخفت أطلعها كل يوم بسبب شغلي بس الحمد لله كدة أحسن علشان أعرف أهتم بيهم هستناكي تاني سلام مؤقت يا جميل

الحمد لله على كل شئ
رغم ان قعدة البيت ممله والواحد مستخصر سنين الجماعه والدراسه تروح هدر بس هنعمل ايه
طبعا الاولويه للعيال ربنا يهديهم يارب
انا اشتغلت فتره فى موضوع شركة ماى واى ده بس مكملتش لانى زى مقوا\لتلك لوحدى ومعرفش ناس كتير
والموضع ده عايز وحده عافه ناس كتير عشان تقدر تسوق
انا عندى بنتين يا حببتى الكبيره ريناد 4 سنين والصغيره روان سنه ونص
بس متعبين اوى ربنا يهديهم يارب
اوكى يا قمر مستنياكى
استودعك الله
وسلميلى على ابنك وبنتك ربنا يكرمك فيهم يارب

المشاركة الأصلية كتبت بواسطة لولومونو (المشاركة 197324) ربنا يكرمك يا أمة الله ويهدى ريناد وروان وأولادى ياااااااااااااارب لأنهم متعبين برضه والظاهر كدة أن مفيش عيال مريحة وهادية الحمد لله ربنا يهديهم ويبارك فيهم جميعا ويجعلهم من حملة كتاب الله اللهم آمين هستناكي نكمل سوا يا قلبي سلام

مقولتليش يا لولو ولادك اسمهم ايه
وفى سنه كام
وبتوديهم مدارس عربى ولا لغات

ما شاء الله تبارك الله ربنا يخلى ويزيد ويبارك يارب
يمنى جميل اوى ومحمود كمان حلو اوى
ربنا يخليهملك ويعينك عليهم ويهديهملك يارب يا لولو يا حببتى
والله يا اختى العيال مسئوليه كبيره فعلا وعايزه الشده والقوه واحنا ربنا الى اعلم بينا الواحد مش فيه اعصاب خالص
يلا ربنا يهديهم يارب
على راى حماتى بتقول مثل صح جدا
تقولك ايه العيال عايزين اب سعيد وام من حديد
وسعيد يعنى غنى
هههه

المشاركة الأصلية كتبت بواسطة لولومونو (المشاركة 198324) حماتك معاها حق والله يا أمة الله دا إن دخلت الحمام بس البيت كله يعرف من عمايلهم إن أمهم في الحمام الله المستعان وكمان عايزيني أكون قاعدة طول الوقت في وشهم علشان أعرف أسيطر عليهم ربنا يعينا ويقوينا علي تربيتهم ويبارك فيهم يا رب ويهديييييهم اللهم آمين بس اليومين دول مشغولة مع أمي شوية وهما مهيصيين علي الأخر ومش لاقيين حد يلمهم ربنا يسترها وأعرف أحمكهم تاني

ربنا يعينك يا لولو وربنا يجزيكى خير فى راعيتك لوالدتك
بس يا حببتى لو ليكى اخت كمان تساعدو بعض او مرات اخ طيبه ممكن تساعدك
بجد الواحد لما يكون حد تعبان بيكون كانه هو الى تعبان واكتر ربنا يشفيها يا حببتى يارب ويجعله فى ميزان حسناتك يارب
والله يا حببتى من العيد الصغير ما سفرتش عن اهلى
اصل ولادى مقرفين اوى وشقة ماما واسعه جدااا وكلها سيراميك كمان فى حته فاضيه فالشتا عندها بيكون جامد جدااا والعيال مش بيستحملو كل لما اروح افضل طول المده عند الدكاتره ديه عندها برد وديه احتقان وسخنه والله الواحد زهق وبجد غلطانه جدااا الى تتجوز بعيد عن اهلها
معلش صدعتك اصلى مضايقه اوى نفسى اروح اشوف اخواتى وبابا عشان مش بيجولى كتير لكن ممتى ربنا يديها الصحه بتجيلى كل فتره
يلا الحمد لله على كل شئ

المشاركة الأصلية كتبت بواسطة لولومونو (المشاركة 199021) ربنا مايحرمكيش منهم يا حبيبتي ويسلم بناتك وبعدين أنت هتزعليني لما تقولي أني هصدع منك دا أنا داخلة الشات علشان أكلمك يا حبيبتي وعلي فكرة أنا ليا أخت كبيرة بتروح لماما كل يوم وتشوف طلبات السوق وكدة يعني لأني مش بعرف أنزل السوق أصل أختك لولو خايبة خاااالص ومبعرفش أشترى حاجة خالص وكمان مرات أخويا في البيت مع ماما وبصراحة ربنا يبارك في أولادها مش بتخلي ماما عايزة أى حاجة ولما بنروح بتكون مخلصة كل شغل البيت وشايفة طلبات ماما كمان بصراحة مش مقصرة خالص ربنا يكرمها بجد تستاهل كل خير وهما بصراحة بيراعوا ظروف بيتي وأبني ومش بيتقلوا عليا خالص ربنا يراضيهم معلش بقي يا أمة الله أنا ال صدعتك المرة دى بقي

متقوليش كده يا لولو احنا اخوات وانا والله حباتك فى الله ومرتحالك جدااا ربنا يكرمك يا قمر ويوفقك يارب
واشهد الله انى احبك فيه

هموسه ونونو وريش منورين طبعا واهلا بيكم فى الشات ماشاء الله العدد هيكبر وهنعمل معاد محدد ندخل نرغى فيه ان شاء الله

انا بالنسبالى ممكن ادخل يوميا الساعه 1 الضهر او بليل بعد المغرب شوفو ايه المناسب يا حببيبى وقولولى

حبيباتى نور وحبيبه منورين يا اهلا بيكو خلاص انا ونونو اتفقنا على بعد المغرب عايزه راى حببتى لولو وباقى البنات منتظره

خلاص يا بنات معادنا بعد المغرب ان شاء الله

انا هنا مين موجود
جب\يت وفتحت ورشيت ادام الباب ومنتظره ومفيش حد يلا يا عدولات
احم احم احم شكلى لوحدى عموما الى تيجى تدخل بريجليها اليمين

المشاركة الأصلية كتبت بواسطة نونو حسن (المشاركة 202861) انا دخلت برجلى اليمين ازيك يا امة الله كيف حاللك

ازيك يا قمر انا الحمد لله كويسه
منوره يا حببتى
ده واجب الضيافه مع انك صحبة بيت ياقمر
https://t1.gstatic.com/images?q=tbn:...zOOQTUlUImZF7L
https://t0.gstatic.com/images?q=tbn:...Gj6ohS_i2mRdQB

انا كمان مبسوطه من وجودك معانا اوى نورتى يا قمر
بس قوليلى انتى مصريه ولا لا اصلى حاسه انك مش مصريه من لهجتك
وانتى هوايتك الكتابه ولا عندك حجات تانيه وانتى فى سنه كام

انا اهو يا حببتى
مش عارفه لولو وباقى البنات مش دخلو ليه

المشاركة الأصلية كتبت بواسطة لولومونو (المشاركة 205288) معلش يا أمة الله والله الدنيا ملخبطة كالمعتاد و الحمدلله علي أى حال هحاول أدخل النهاردة بعد المغرب بإذن الله ويااااااااااارب ميحصلش حاجة تاني وحشتوني أنتي والبنات خااااااااااالص سلام مؤقت

ربنا يكرمك ويعينك يارب
انا داخله اعتزر انى مش هقدر ادخل كتير لانى تعبانه شويه وهنزل دلوقتى اروح للدكتور
ادعولى يا بنات ان ربنا يشفينى يارب

المشاركة الأصلية كتبت بواسطة امة الله (المشاركة 205521) ربنا يكرمك ويعينك يارب انا داخله اعتزر انى مش هقدر ادخل كتير لانى تعبانه شويه وهنزل دلوقتى اروح للدكتور ادعولى يا بنات ان ربنا يشفينى يارب

انا زى حلاتك تيه الى يدلك يدلانى ويبختك يفاعل الخير

المشاركة الأصلية كتبت بواسطة لولومونو (المشاركة 206778) ألف سلامة عليكي يا حبيبتي والله زعلتيني مالك يا حبيبتي ربنا يشفيكي ويشفي كل مسلم مبتلي يا رب لما تعرفي تدخلي يا ريت تطمنينا عليكي ضرورى الف سلامة

ربنا يكرمك ويخليكى ليا رب
كتر خيرك والله انك سالتى واهتماتى
الحمد لله على كل شئ رحت للدكتوره وطلبت منى تحاليل وان شاء الله اعملها واروح يوم السبت تانى ادعيلى يا لولو
وربنا يشفى كل مريض يارب
الحمد لله فى كل وقت وكل حين على كل شئ الحمد لله

المشاركة الأصلية كتبت بواسطة حمديه (المشاركة 206807) انا زى حلاتك تيه الى يدلك يدلانى ويبختك يفاعل الخير

اهلا يا حببتى منوره

المشاركة الأصلية كتبت بواسطة لولومونو (المشاركة 208395) طيب سلام !!!!!

هههههههههههههههه
واضح انى جيت متاخره يا لولو

عليكم السلام يا قمر منوره

المشاركة الأصلية كتبت بواسطة ام شوكولاتة (المشاركة 209753) السلام عليكم انا ام حمد وعمرو من طنطا وبحب عدلات تقريبا مبقيتش اطلع منة

اهلا يا ام محمد منورع يا حببتى

المشاركة الأصلية كتبت بواسطة ام شوكولاتة (المشاركة 209753) السلام عليكم انا ام حمد وعمرو من طنطا وبحب عدلات تقريبا مبقيتش اطلع منة

المشاركة الأصلية كتبت بواسطة امة الله (المشاركة 208695) هههههههههههههههه واضح انى جيت متاخره يا لولو

ربنا يكرمك يا لولو
انا الحمد لله فى نعمه والبنات الحمد لله كويسين
طمنينى يا حببتى ممتك عملت ايه
ومحمود كمان اخباره ايه

ربنا يشفيه يارب برحمته وكرمك ويفرح قلبك بيه ياااااااااارب
وربنا يشفى ممتك يارب
بس شوفى حاجه تفرحها وترفع حالتها المعنويه واعمليها
يعنى لو ليكو قريب مش شافته من زمان خليه يجى يزورها
سمعيها خبر حلو حاولو قدرالامكان رفع روحها المعنويه
وربنا يشفيها ياااااااااااااااارب

اهلا وسهلا بيك حبيبتى
فى بيتك وبين اخواتك العدولات

المشاركة الأصلية كتبت بواسطة لولومونو (المشاركة 212568) والله يا أمةالله صعبان عليها نفسها خالص وبعدين لاحظي أن عندها كسر ومش بتتحرك خالص من السرير وده غير أ دوا العظام يقرف ويسد النفس وكمان بتكون عندها إحساس بالفقئ مستمر ربنا يعينها والله نفسي تكون مرتاحة أنا وأخواتي وكمان مرات أخويا مش بنحسسها أنها بتتعب حد فينا خالص لأننا فعلا مش تعبانين من الشغل والمجهود إحنا تعبانين من عدم أكلها وكمان إحساسها أنها تقيلة علينا تاعبها خالص ربنا يقومها بالسلامة ويشفيها والله ماهتصدقي دى كانت كل قرش معاها توزعه علينا غير حنيتها بجد والله هي مش زى أى أم ياااااااااااارب أشفها شفاء لا يغادر سقما معلش طولت عليكي وتعبتك معايا وأنتي يا حبيبتي عاملة ايه دلوقتي؟

زعلتينى ا لولو والله ربنا يشفيها يارب
بجد الام ديه اهم حاجه فى الدنيا محدش بيشيل همنا ولا يتعب عشنه الا هما ربنا يخليهم يارب ويشفى ممتك يارب
انا الحمد لله يا حببتى الدكتوره قالتلى املاح وشوية صديد
بس لله الحمد بقيت احسن

المشاركة الأصلية كتبت بواسطة ليبية وافتخر (المشاركة 212672) اهلا وسهلا بيك حبيبتى فى بيتك وبين اخواتك العدولات

منوره يا قمر هلا بيكى

المشاركة الأصلية كتبت بواسطة لولومونو (المشاركة 213423) الجمد لله يا حبيبتي والله طمنتيني أن الموضوع بسيط ربنا يعفو عنك يا رب وعن كل مسلم مبتلي ومعلش شغلتك معايا بس بجد كنت مخنوقة جدا والحمد لله علي أي حال وده أختبار وربنا يعينا عليه وكل دعائي أن ربنا يجعله إبتلاء ومش عقاب وكله بإرادة ربنا وربنا يعفو عننا كلنا يا رب طمنيني البنات عاملين ايه وأنتي عاملة ايه معاهم مع ظروف تعبك أوعي تكوني بتتزهقي عليهم

ربنا يهديهم يا لولو مطلعين عينى والله سنهم قريب من بعض وبيغيرو مووووووووت من بعض
طول النهار خناق وضرب فى بعض خلونى عصبيه بعد ما كنت هاديه
يلا ربنا يهديهم ويهديلك ولادك ويشفى محمود يارب

المشاركة الأصلية كتبت بواسطة امة الله (المشاركة 213886) ربنا يهديهم يا لولو مطلعين عينى والله سنهم قريب من بعض وبيغيرو مووووووووت من بعض طول النهار خناق وضرب فى بعض خلونى عصبيه بعد ما كنت هاديه يلا ربنا يهديهم ويهديلك ولادك ويشفى محمود يارب

المشاركة الأصلية كتبت بواسطة هوما 2024 (المشاركة 214219) وانا وانا كمان مليش اى اصحاب وعاوزا اتعرف على كل حاجه فى المنتدى ومش لقيه نفسى

المشاركة الأصلية كتبت بواسطة لولومونو (المشاركة 214484) ربنا يهديهم لك يا أمة الله ويجعلهم وأولادى وأولاد المسلمين من حملة كتاب الله بس عليكي إذا لقيتيهم بدأوا يحفظوا أى حاجة معاكي حفظيهم في السور الصغيرة علي طول أوعي تهملي في الموضوع ده ده ضرورى جدا في سنهم وشوفي مقرأة قريبة منك وخليهم ياخدوا فيها القاعدة النورانية لأنها بتساعد بفضل الله في تثبيت الحفظ وإذا حبيتي تسألي عن أي حاجة ربنا ييسر وأجاوبك أو أسألك عنها وأقولك بأمر الله ماشي يا حبيبتي؟

ياريت يا لولو بجد نفسى اوى
ياريت الاقى واحده كويسه تحفظهم وتديهم درس خصوصا رينا
دورت بس الاسعار عاليه اوى الى تقولى الحصه ب80 والى 50
ودول اطفال يعنى ممكن يكونو عايزين 5 او 6 حصص فى الشهر
ربنا يسر الحال ياارب
انا هعتزرلك انى مش هقدر ادخل اليومين دول لانى ان شاء الله هبقى مشغوله شويه
قلت اقلك يا حببتى وان شاء الله نتقابل على خير يااااااااااارب

المشاركة الأصلية كتبت بواسطة لولومونو (المشاركة 216721) ماشي يا حبيبتي ربنا يطمنا عليكي يارب ولما تدخلي بأمر الله ممكن نتناقش في موضوع التحفيظ ده لأن الأسعار اللي أنتي بتقولي عليها خيالية بجد حرام لأن ده قرآن مش أى حاجة يعني لازم يكون في رحمة شوية وربنا يدبرها يارب سلام حبيبتي ونلتقي علي خير بأمر الله

ازيك يا لولو وحشانى يا قمر
ممتك عامله ايه ومحمود كمان
ياريت يا حببتى تقوليلى على حل للموضوع ده ربنا يكرمك ياااارب

المشاركة الأصلية كتبت بواسطة لولومونو (المشاركة 221368) ربنا يسهل يا أمة الله إذا عرفت أوصل لحاجة في الموضوع ده أكيد بأمر الله هقولك بس إدعي لي أعرف أدخل اليومين الجايين لأن ماما تعبانة قوى وضغطها مش مظبوط يعني بيجي لها هبوط فيه لأنها راقدة طول الوقت علي ظهرها الله المستعان بس هسأل واحدة صاحبتي بأمر الله علي أسطوانات وحتي تحاولي أنتي تقعدى مع البنوتة الكبيرة علي الأقل بس أدعي لي كتييييير أحسن أنا نفسيتي بقت زى الزفت لما بشوف ماما تعبانة كدة ومش عارفة أساعدها خالص سلام حبيبتي ونلتقي علي خير

ربنا معاكى يا حببتى يارب
اسال الله العظيم رب العرش العظيم ان يشفيها
اسال الله العظيم رب العرش العظيم ان يشفيها يااااارب
ويشفى كل مرضى المسلمين يارب
وربنا يباركلك فى صحتك يا حببتى يارب

المشاركة الأصلية كتبت بواسطة لولومونو (المشاركة 222910) عايزة أعرف بس يا حبيبتي أنت بنوتك الكبيرة عندها كام سنة وكمان بتعرف الحروف ولا لأ عشان أعرف أفيدك بأمر الله وتشكري حبيبتي علي الدعاء ربنا يستجيب منك صالح الدعاء بس ردى عليا بخصوص البنوتة علشان نحاول نجتهد معاها وربنا يجعلها وأولادى وأولاد المسلمين من حملة كتاب الله

يارب يا لولو
هى 4 سنين الا شهرين
ولسه بداه معاها فى الحروف

المشاركة الأصلية كتبت بواسطة لولومونو (المشاركة 224160) بصي حبيبتي ربنا يبارك لك فيها هي وأختها حاولي تعرفيها علي الحروف كلها قرأة وكتابة بس أهم شء أنها تعرف الحروف باللغة العربية يعني ( ألف - باء - تاء - ثاء - جيم بتعطيش الجيم وهكذا ) وبلاش تستهيني وتقولي لها ( به -ته -ثه -حه ) لأ لازم تعرفها بنطقا الصحيح وماتنسيش حرف ز يتنطق زاى ماشي حبيبتي هي دى أول مرحلة ولما تخلصها ربنا يحلها بس لازم تعرفي أن الطريقة دى هتعلمها القرأة فقط ومش التجويد في قرأة القرآن بس عرفيني أنتي إيه ظروفك في التجويد يعني بتعرفي تقرائي بالتجويد ولا ايه وأنتي عايزها تجود ولا تحفظ بس وبعدين صلي ركعتين قضاء حاجة وربنا هيدبرها والله كلامي بثقة وعن يقين أنا كنت بقعد أعيط علشان نفسي بنتي تعرف الحاجات دى وربنا ولله الحمد جابها قدامي من غير ماسعي بس كنت علي يقين أن ربنا هيحلها ولأني بيني وبين ربنا بعمل كدة وبحفظ عيالي لوجه اللع تعالي وربنا يسهلها يا رب وأصدقي الله يصدقك ويعينك يا رب يا حبيبتي

ربنا يكرمك يا لولو يارب
ماشى يا حببتى انا هبدء معاها زى ماانتى بتقولى كده وربنا يسهل بس انا معرفش تجويد الا بسيط خالص
ان شاء الله استعين بالله وربنا كريم

المشاركة الأصلية كتبت بواسطة لولومونو (المشاركة 226087) كويس والله أم ريني أنك عندك خلفية ولو بسيطة عن التجويد ده هيقيدك كتير بأمر الله مع ريني وروان وحاولي تخدى أنتي دورة تجويد في أى مقرأة بصراحة أنا مستغربة هو مفيش أى مقرأة قريبة منك خالص تقدرى تتعلمي أنتي فيها التهجى وتعلميها لبنتك أنتي منين في القاهرة يعني في منطقة مش عمرانة أصلي أعرف أن مصر فيها مقارئ كتير بس معرفش بصراحة مكانها أسألي وخلي حبايبك يسألولك وربنا يوفقك وطول ماحنا قاصدين وجه الله أكيد هيساعدنا بفضله وعلي أى حال أمشي مع ريناد وخلصي الحروف وربنا يسهل وأنا معاكي وهتابع بأمر الله وأى سؤال أنا معاكي وإن كنت مش عارفة إجابته هسأل وأقولك إن شاء الله

فى يا حببتى مقارئ كتير وبعدى بشويه فى بس اسيب ولادى فين واروح انا لوحدى مقدرش اسيب العيال فى حته
وانزل طبعا
لا انا من منطقه عمار جداااااا فوق ما تتخيلى
بس كنت عايزه اسالك على حاجه
فى وحده بتحفظ فى البيت بس هى مش راضيه تقولى بتاخد كام وتقولى الى تدفعيه وانا مش عارفه هتاخد كام لو تعرفى بياخدو كام فى الشهر ينوبك ثواب تقوليلى

المشاركة الأصلية كتبت بواسطة ام البشير (المشاركة 227437) السلام عليكم انا عضوة جديدة هنا تشرفت بمعرفتكم

اهلا يا حببنى منوره بيشرفنى اوى انضمامك لينا

سلآآم
انا آآ نيًوو هنآآ بًدي تعآآرف
انا مراهقًة 14 سنًه يمكًن المنًتدى كبيًر عليً هههههههه
لميسً من الجزآآئر

المشاركة الأصلية كتبت بواسطة امة الله (المشاركة 227700) فى يا حببتى مقارئ كتير وبعدى بشويه فى بس اسيب ولادى فين واروح انا لوحدى مقدرش اسيب العيال فى حته وانزل طبعا لا انا من منطقه عمار جداااااا فوق ما تتخيلى بس كنت عايزه اسالك على حاجه فى وحده بتحفظ فى البيت بس هى مش راضيه تقولى بتاخد كام وتقولى الى تدفعيه وانا مش عارفه هتاخد كام لو تعرفى بياخدو كام فى الشهر ينوبك ثواب تقوليلى

المشاركة الأصلية كتبت بواسطة هنادي الحلوة (المشاركة 229276) سلآآم انا آآ نيًوو هنآآ بًدي تعآآرف انا مراهقًة 14 سنًه يمكًن المنًتدى كبيًر عليً هههههههه لميسً من الجزآآئر

المشاركة الأصلية كتبت بواسطة لولومونو (المشاركة 229357) بصي حبيبتي إن كان ينفع تودى ريناد المقرأة تتعلم القاعدة النورانية وتحفظ مع زميلاتها يبقي اللهم بارك وإن كان الموضوع ده فيه صعوبة يبقي شوفي الأخت اللي قالت أنها ممكن تيجي لك وأنا أعرف واحدة صاحبتي كانت بتدفع 50 جنيه في الشهر بس مش عارفة كانت بتاخد 3 ولا 2 في الأسبوع هسألها وأرد عليكي بأمر الله وع فكرة 50 ج كويس جدا بإذن الله علشان تقدري تواصلي معاها وكمان مع أختها لما تكبر شوية بإذن الله بس حاولي تحفظها وتخليها تتدرس لها القاعدة والتهجي ضرورى ويا رب تكون بتعرف تهجي لأنه أساس التجويد شوفي كدة وطمنيني علي الأمور ماشية إزاى حبيبتي

طب ياريت توافق على 50 جنيه فى الشهر دانا مكسوفه اقلها كده لتحرجنى وتقولى قليل
خلاص انا هتجرا وقولها وربنا يصلح الاحوال
عقدتينى ايه يا بنتى كتر خيرك والله انك مهتمه وبتسعدينى ربنا يعملنا الخير يارب
المهم اتى عامله ايه وممتك والعيال
طمنينى على اخبارك

لميس منوره يا حببتى اهلا بيكى متقلقيش انتى زى اختنا
وفى نونو حسن من نفس سنك تقريبا

المشاركة الأصلية كتبت بواسطة هنادي الحلوة (المشاركة 230402) الله يسًلمكم حبآآيبًي انا هوآآيتي الرسًم بمووت فيًه و بحبً المسًلسلآت التركًية كتًير متفوًقة في درااستي و بحبً اصًمم بالفوتوشوب شعري ينًي مآيل للأسود عيًوني مثل الشعر ههههههههههههه بسً اتمًنى أكوون خفيفة عليًكم

اهلا بيكى يا سكر منورانا

المشاركة الأصلية كتبت بواسطة محمدوعمر (المشاركة 232277) هاى ام البشير ممكن اتعرف عليكى

المشاركة الأصلية كتبت بواسطة ام محمد وعمر (المشاركة 232281) ام البشير

منوره يا قمر

عليكم السلام
ازيك يا لولو عامله ايه يا حببتى
انا بخير الحمد لله والبنات كويسين
ابداا ودتها حضانه جنب البيت وقلولى فيها شيخ كويس ربنا يسهل
وربنا معاكو يااااااااارب وتطلع الاشعه كويسه ان شاء الله ياااارب
وربنا يتم شفاها على خير يارب
متقلقيش يا حببتى ان شاء الله خير استعينو بالله
سلام يا حببتى ولما تيجى من الاشعه طمنينى

المشاركة الأصلية كتبت بواسطة لولومونو (المشاركة 235081) الحمد لله يا حبيبتي ربنا سهل والأشعة طلعت كويسة بفضل لله دعواتك معانا لأن رجلها بتوجعها برضه والحمد لله علي أى حال وربنا يصلح حال ريناد ويهديهم كلهم يارب ويجعلهم من حملة كتاب الله

الحمد لله يا لولو فرحتينى
ربنا يتمم شفاها على خير يااااااااااارب

المشاركة الأصلية كتبت بواسطة دفى (المشاركة 235952) السلام عليكم انا جديده واحبه اتعرف عليكم ممكن

اهلا يا قمر منوره طبعا

المشاركة الأصلية كتبت بواسطة ام محمد وعمر (المشاركة 236934) هاى بنات ممكن اشارك معاكم

المشاركة الأصلية كتبت بواسطة ايملى فتاةالرياح (المشاركة 236998) فكرة رااااااائعة ومتميزة من عضوة متميزة تسمحولى انضم للحوار