|
محتاجة مساعدة عن الغسالة الاتوماتيك ايديال زانوسي
مساء الفل عليكم يا قمرات
انا غسالتى الاوتوماتيك لسة جديدة بقالها سنتين بس ونوعها ايديال زانوسى المهم انا غسلت الابيض ولما طلع اتفاجات ان فى بقع صفراء على قطعة واحدة بس والباقى نظيف محتطش ببالى وقلت عادى بس بعدها غسلت الالون وكان كلة فواتح ولما طلعتة اتفاجات بردة بنفس البقعة الصفراء على كيس المخدة ومش عارفة دة من اية مع العلم ان الغسيل كلة نضيف والبقعة على القطعة دى بس ياريت اللى يعرف دة من اية يقولى واعمل ايةلانى عندى غسيل وخايفة اغسل الا حاجة تبوظ تانى |
رد: محتاجة مساعدة
تأكدتى من الغسيل قبل وضعه بالغساله؟؟ يمكن القطع دى بالزات كانت جنب حاجه قبل غسلها؟؟
|
رد: محتاجة مساعدة
ده ممكن يكون صدا شوفى لو حطيتى حاجه بالغلط بتعمل صدا
على كل حطى مكان البقعه فانيش حتروح ولو كله ابيض اغسلى بالكلور |
رد: محتاجة مساعدة
والله الصدى بيتعب ومابيرحش بسرعه
جربته كتير مع الكلور مابيرحش |
رد: محتاجة مساعدة
لا يا بنات انا متاكدة ان الغسيل مكنش غية حاجة قبل وضعة بالغسالة
طيب قولولى اعمل اية لو كان الغسالة فيها صدا اخلية يروح ازاى انا خايفة اغسل تانى |
رد: محتاجة مساعدة
جربى فى حاجه مستغنيه عنها فوط مطبخ مثلا او مفرش قديم وشوفى بس مفتكرش من الغساله يا نورا
|
رد: محتاجة مساعدة
يارب يا رانيا بجد انا متضايقة جداا من الموضوع دة
كيس المخدة وطقم ابيض بقعوا فى واحدة كانت قيلالى ان اعمل غسلة على الفاضى من غير غسيل بالكلور بس وبكدة تكون الغسالة نضفت مش عارفة الكلام دة صح ولا غلط انا محتارة |
رد: محتاجة مساعدة
والله جربى بس انا واثقه انه مش من الغساله اصل الحله مبتصديش يا نورا ده حتى فى حلل بلاستيك الاستانلس والبلاستيك مبيصدوش ممكن بس حاجه كان فيها بقعه صدا وطلعت واتنقلت لباقى الغسيل وبقعه الصدا ممكن تيجى حتى من المشبك او الركنه
|
رد: محتاجة مساعدة
ازاى يابنات مش عارفين ان الغساله الأوتمتيك لازم يتعملها دورة خل كل شهر علشان متعملش بقع صدى انا عملت معايا نفس البقع وكل مرة كانت بتزيد اتصلت بالشركه قالولى اعملى
دورة خل قلت لهم بعمل راحوا بعتينلي واحد من عندهم بص في الغساله قالي مستحيل تكوني بتعمليلها دورة خل وسألني بتعمليها على البارد ولا السخن قلتله لا على البارد اشغلها على السخن ليه قالي طيب كده الخل مينظفش جوه الغساله طلما على البارد وكمان ميبقاش على السخن اوي لازم تظبتي درجة الحرارة على 60 او 70 وتحطي كوباية خل كبيرة في درج الغساله وتشغلي الغساله وفعلا بقيت اعمل كده ومتكررش موضوع بقع الصدى ده تاني بس لازم كل شهر مرة لا اكتر ولا اقل |
رد: محتاجة مساعدة
بجد يا مرمورتى الحكاية دى حعملها
طيب خل عادى بتاعنا بتاع الفتة ولا اية هههههههه بجد ياريت حعملة على 60 طيب اشغل الغسالى على نصف كمية ولا كمية كاملة يا مرمورة |
رد: محتاجة مساعدة
اه ياحبيبتي خل عادي من بتاعنا
وتشغلي الغساله دورة كامله اهم حاجه درجة الحرارة على 60 كويس اوى ولو دي اول مرة تعمليها عيديها تانى كمان اسبوع علشان اكيد الغساله فيها تراكمات بعداها كل شهر مرة زى ما قلت لك |
رد: محتاجة مساعدة
متنسيش يانورى كوباية خل كبيرة في درج الغساله
|
رد: محتاجة مساعدة
ربنا يخليكى يا مرمورتى والله اول مرة اعرف الموضوع دة
دى من اول مااتجوزت بقالها سنتين على الحال دة الف شكر ما يخيبها غير عدولاتى الحلوين |
رد: محتاجة مساعدة
برافو يا مروة
يا لهلوبة |
رد: محتاجة مساعدة
اقتباس:
بصي يا ريمووووووووو في السوبر ماركت الكبير تلاقي مزيل صدأ تحفة انا جربته تحطي حبة علي الصدا والغسيل ناشف هتلاقيه اختفي في ساعتها |
رد: محتاجة مساعدة
ازيك يانورى / فعلا الغساله محتاجة دوره كل شهر بالخل زى ما مرموره قالت لك ..انا غسالتى نفس غسالتك وبعمل كده ومتخافيش ........واسال مجرب ولا تسال طبيب..
|
رد: محتاجة مساعدة
شوفي يانورا حطي كوب خل ابيض وشغلي الغسالة من غير هدوم
وان شاء الله لما تغسلي مرة تانية مش هتعمل كدة تاني |
رد: محتاجة مساعدة
ايوه فعلا
انا غسالتى زيك يانورى ولما بتاع الصيانه جالى البيت قاللى عالخل وقاللى ان الخل بالنسبه للغساله زى غسيل المعده بالظبط وفعلا بعمل كده كل فتره والحمد لله الغساله بترجع فله |
رد: محتاجة مساعدة
اقتباس:
|
رد: محتاجة مساعدة
بشكركم يا احلى اخوات على اهتمامكم بجد مش عارفة من غيركم كنت عملت اية
|
| الساعة الآن 07:21 PM |