عدلات - اوعى تكونى بتعملى كده مع جوزك يانهار ابيض

عدلات (https://adlat.net/index.php)

- الثقافة والتوجيهات الزوجية (https://adlat.net/forumdisplay.php?f=53)

اوعى تكونى بتعملى كده مع جوزك يانهار ابيض

بصوا بقى يا عدولات انا جيت النهارده وانا متغاظه اوى من بعض الستات اللى بتعمل حاجه غريبه اوى طبعا كالعاده هتقولولى يالا ارغى قولى الكلمتين اللى دايما بتوجعى دماغنه بيهم بصوا انا هقول ليكم بس بالله عليكم تدعولى دعوه حلوه من قلبكم ربنا يخلى جوزى واولادى ويسعدنا دايما ااه هو كده استغلال ولو حد مش عجبوا بقى انا هعمل فيه حاجه عمره ميتخيلها ااه تعرفوا هعمل ايه
انا بقى هدعيله بظهر الغيب ان ربنا يكرمه ويهديه ويدعيلى المهم علشان مطولش انا لقيت ستات وبنات اما بيبقوا فى فرح او بيحفظوا قران مع معلمه او ليهم صاحبه بيحبوها اوى يروحوا حضراتهم بكل صفاء نيه هوه يهنى الكلمه الانسب ليه مش صفاء نيه لا تييييت انتوا طبعا فهمين ان الوحد من دول ترجع من الفرح او الدار اومن عند صاحبتها وهاتك يا حكايات مع جوزها عن جمال العروسه ولبس العروسه وجسم العروسه وبياضها اييه اييه يابنتى فى اييه اهدى كده يعنى ايه انتى اللى بتوصفى واحده حلوه لجوزك وانتى ايييه ان شاء الله كوز فى البيت افرضى ان بحكاياتك دى تخيل العروسه وانها احلى منك ويقول لنفسه اييه يارب البلوه اللى معايا كمان اه عنده حق ما انتى اللى تستهلى لا ومش بس كده اما ترجعى من عند صاحبتك اسكت يافلان دى فلانه دى شطوره ونضيفه ومتمهيه بنفسها ايه يابنتى حرام عليكى يعنى انتى لو مفكيش ميزه من دول بتدى عيبك ليه على طبق من فضه ويسلام بقى على الملتزمات اللى بتحفظ فى دار اما تروح توصف ملائكية المعلمه وانتى ايه ابليس متنكر فى صورة مراته دى غير ان انتى فى كل دى فاكره انك بتمدحى من كتر حبك فى صحبتك او غيرها ومش بتعملى حاجه غلط لالالالالالا يا اموره دى كله غلط اولا بتوصفى واحده غريبه لجوزك ودى حرام لان فى رجاله نفوسهم ضعيفه وممكن يتخيلها وحتى لو مش ضعيفه ليه توصفى واحده مثلا بيضه وانتى سمرا وتقولى جميله فينطبع عند جوزك ان الجمال فى البيض بس والسمار وحش وانتى اصلا سمره او العكس طبعا لييه توجهى نظره لحاجه زى دى وترجعى تقولى بيبص بره اذا كان دى كان بعتراف ضمنى منك انك يعنى مش على المستوى المطلوب فى الجمال بدل ما تقعدى معاه فى لحظة تجلى وتقولى ان فلانه قالت لك انك بجد احلويتى اوى بعد الجواز او انك بتحمدى ربنا انه خلقك حلوه ودى بشهادة الناس الصالحين مش خلقة ربنا كلها حلوه بس طبعا مش لازم تقولى ان الناس الصالحين هى اللى بتقول حاولى بشتى الطرق انك توصلى ليه انك اجمل انسانه على وجه الارض حتى لو انتى مش مقتنعه بكده المهم هو يقتنع واصلا لييه متبقيش مقتنعه والله صدقونى انتى ممكن تكونى فعلا احلى من ناس كتير مش بس شكلا لالالالالالا انتى احلى باللى جواكى من طيبه وتسامح وصدق وحب للأخرين ووفاءك لزوجك وحبك لييه على رأى اللى كتبت الموضوع دى مش هو اختيار الكريم ليكى والله انا بحبها فى الله من غير ما اعرفها لانها بمنتهى البساطه جابت التائهه اعذرونى والله على التطويل بس لما تقراى بالله عليكى بلغى هينوبك ثواب واجر عظيم

دى انا بقيت ولا الشحاتين:004: