عدلات

عدلات (https://adlat.net/index.php)
-   العناية والجمال (https://adlat.net/forumdisplay.php?f=27)
-   -   اسألى والخبيرة معاكى (https://adlat.net/showthread.php?t=9085)

القطة 27-05-2011 12:26 PM

اسألى والخبيرة معاكى
 
السلام عليكم

حبيباتى العدولات الصاحيات منهم واللى لسة نايمات

صباح الخيرات

الحمد لله وبفضل ونعمة من ربنا معاكم خبيرة للعناية بالشعر والبشرة

اى استفسار انا موجودة

الحمد لله انا بستخدم كل المنتجات الطبيعية ليا او للعميلات عندى

اى مشكلة تواجهك اسألى وما تتكسفيش هتلاقى القطة معاكى

وانا هبدأ بوضع بعض المشاكل اللى بتواجه البنات والستات

على بركة الله سيرى يا نورماندى

القطة 27-05-2011 12:28 PM

رد: اسألى والخبيرة معاكى
 
معظمنا بيضع ميكب صح؟؟؟؟؟

طب فكرتى ازاى تهتمى ببشرتك وتنظفيها لان اول اسباب الشيخوخة الميكب

مش عايزة حد يبرألى

ايون اول شيئ يعجل بالشيخوخة الميكب

تعالى ورايا اعلمك ازاى انظف بشرتى قبل وبعد المكيب

القطة 27-05-2011 12:35 PM

رد: اسألى والخبيرة معاكى
 
قبل وضعك للميكب لازم تهيأى بشرتك على الاقل تبقى بيضة شوية

منظف طبيعى وسهل وبستخدمه لكل انواع البشرة

لو بشرتك جافة يبقى انظف يشرتى بالزبادى والعسل بمرر قطنة بيها زبادى وعسل وبمسح بشرتى بيها لمدة 3دقايق


لو بشرتك حساسة انظف بقطنة فيها زبادى وعصير خيار

لو بشرتك دهنية زبادى مع نقطتين تلاتة ليمون

لو بشرتك مركبة يعنى الجبهة دهنية والمناخير والخدود جافين يبقى زبادى مع عسل ونقطة واحدة ليمون

والغسيل بعدها يبقى بأى منظف متل الاسكينول وانتى اختارى الاسكينول المناسب لنوع بشرتك

وبعدها ابدا بترطيب البشرة بكريم ناعم انا بفضل دوف

وابدأ احط ميكب بتاعى عادى ابتداءا من كريم الاساس الخ

اللى بتحتاس تحط مرطب وبعدها كريم الاساس تاخد على كفها نقطتين كريم اساس وتدوبهم فى كريم مرطب وبعدين تحطهم على بشرتها

اوعى تنسي المرطب قبل البشرة

وهتدعيلى والله

القطة 27-05-2011 12:43 PM

رد: اسألى والخبيرة معاكى
 
طيب انا نظفت بشرتى قبل الميكب

انظفها ازاى بعد الميكب؟؟؟؟

تعالى برضة ورايا

عارفة نوع بشرتك؟

طااااايب
هعلمك تعملى منظف طبيعى لبعد المكيب وتخليه عندك فى التلاجة وتطلعي منه قبل التنظيف بربع ساعة علشان يبقى هادى مش ساقع علشان ما يقبض المسام على الاوساخ المتراكمة ببثور البشرة


البشرة الجافة نص كوب لبن عصير خيار مع معلقتين زبادى ومعلقتين عسل

البشرة الدهنية كوب لبن مع عصير ليمونتين مع معلقتين زبادى

البشرة المركبة كوب لبن مع عصير خيار

البشرة الحساسة كوب لبن مع معلقتين عسل فقط

ماننساش هنحتفظ بيه فى التلاجة ونطلع على اد ما احنا عايزين قبل الازالة بربع ساعة

هتمسحى كل اثار الميكب بالسائل المناسب لبشرتك

وتغسلى وجهك بعدها بالمنظف الاسكينول

وبعدها تمررى قطنة ماء ورد على بشرتك وانسي اى مرطبات قبل النوم لانها سبب فى عدم تنفس البشرة ليلالالالالا

القطة 27-05-2011 12:48 PM

رد: اسألى والخبيرة معاكى
 
انا مستنياكم ومستنية اى اسئلى يا احلى عدولات

عندك هالات سودا؟؟؟؟

عندك بثور وروس سودا"؟؟؟؟؟؟؟؟

عندك مشاكل هيشان شعرررررر؟؟؟؟؟؟؟؟؟؟

عندك قشرة فى شعرك؟؟؟؟؟؟؟؟؟؟

مش عارفة تختارى لون مناسب لشعرك؟؟

عايزة تعرفى تعملى حنة؟؟؟؟؟؟او ميش او هاى لايتس ؟؟؟؟؟؟؟؟

عايزة تعرفى امتى تعملى فرد اعشاب وامتى تتجنبى مشاكل الصبغة معاه؟؟؟؟؟؟؟؟؟؟

محتاجة اساعدك فى العناية بشعرك بعد الصبغة او الفرد؟؟؟؟؟؟؟؟؟

عملتى كيراتين او محتاجة تعمليه وعايزة استفسار؟؟؟

اكتبى مشكلتك وان شاء الله هجاوبك عليها علطول


وماتنسوش تدعولى ربنا ييسر لى امرى ويرجعنى بلدى على خير

القطة 27-05-2011 12:50 PM

رد: اسألى والخبيرة معاكى
 
موضوعى دا خالص لوجه الله تعالى

انا مصرية ومغتربة يعنى لا بعمل اعلان ولا دعاية

كل اللى محتاجاه منك دعوة من قلبك الطاهر

القطة 27-05-2011 12:53 PM

رد: اسألى والخبيرة معاكى
 
لو محتاجة تعملى حمامات للبشرة

او تنظيف للمناطق الداكنة عندى الحل

عندك مشكلة فى مناطق مستخبية ومضياقكى ؟؟؟؟؟؟؟

القطة مياوووووووووو عندها الحل

عندك مشاكل بشعرك او منطقة صلع من ادام ؟؟؟؟؟؟؟؟؟

عندى ان شاء الله الحل

المهم الاقى تشجيع والاقى احلى عدولات بيسألوا وانا تحت امركم

القطة 27-05-2011 12:54 PM

رد: اسألى والخبيرة معاكى
 
الله فى عون العبد مدام العبد فى عون اخيه

القطة 27-05-2011 12:57 PM

رد: اسألى والخبيرة معاكى
 
يلا يا احلى عدولات فين الاسئلة اللى زى المطر

كدا هتضطر انزل الصالون النهاردة الجمعة وسايبة البنات لوحدهم

اشوفكم لما ارجع وعايزة استفسارات كتيرة

اختكم ميااااااااااو معاكم مين قال الوووو

لافالانتينا 27-05-2011 03:50 PM

رد: اسألى والخبيرة معاكى
 
مبروك ع الموضوع والتثبيت

بالتوفيق

بنت ابوها وافتخر 27-05-2011 08:31 PM

رد: اسألى والخبيرة معاكى
 
السلام عليكم ورحمة الله وبركاته
اختي العزيزه /قطه اشكرك ع تعاونك معاناا
بصراااحه انا عندي كذا سوال اذا كان ممكن *
السوال الاول /انا عمري 25 سنه وابتدى جنب العين تطلع بقعه سوادء زي الكلف ابي حل للمشكله -/*
السوال الثاني /ابي طريقه تفتيح للاماكن الداكنه بين الافخاذ وتحت الابط -*
السوال الثالث / انا بشرتي جنب الفم ع الطرف جافه تبتدي تتقشر البشره ابي حل للمشكلتي *
السوال الرابع /ابي طريقه طبيعيه لتفتيح البشره *
اسفه على الاطاله
الله يجزاك كل خير على جهدك المبذول والله يرزقك الزواج الصالح الحنون ويوفقك ان شاء الله

المتواكلة 28-05-2011 01:49 AM

رد: اسألى والخبيرة معاكى
 
السلام عليكم اختياريد خلطة لتوحيد لون الشرة
لان زالة الشعر من الوجة باالليزر
للبشرة الجافة
جزءك الله خيرا

ايمان سراج 28-05-2011 10:18 PM

رد: اسألى والخبيرة معاكى
 
جزاكى الله كل خير اختى الحبيبة انا كنت عاملة فرد ولمابيروح بيرجع الشعر اسوء دلوقتى شعرى مقصف وباستخدم المكواة السيراميك مابتفردش شعرى غير ربع ساعة ويرجع تانى وجربت كريمات كتير ومافيش فايدة ياريت تفيدينى

القطة 29-05-2011 12:01 AM

رد: اسألى والخبيرة معاكى
 
اقتباس:

المشاركة الأصلية كتبت بواسطة لافالانتينا (المشاركة 35792)
مبروك ع الموضوع والتثبيت

بالتوفيق

تسلميلى حبيبتى

جزاكى الله خيرا

القطة 29-05-2011 12:14 AM

رد: اسألى والخبيرة معاكى
 
اقتباس:

المشاركة الأصلية كتبت بواسطة بنت ابوها وافتخر (المشاركة 35882)
السلام عليكم ورحمة الله وبركاته
اختي العزيزه /قطه اشكرك ع تعاونك معاناا
بصراااحه انا عندي كذا سوال اذا كان ممكن *
السوال الاول /انا عمري 25 سنه وابتدى جنب العين تطلع بقعه سوادء زي الكلف ابي حل للمشكله -/*
السوال الثاني /ابي طريقه تفتيح للاماكن الداكنه بين الافخاذ وتحت الابط -*
السوال الثالث / انا بشرتي جنب الفم ع الطرف جافه تبتدي تتقشر البشره ابي حل للمشكلتي *
السوال الرابع /ابي طريقه طبيعيه لتفتيح البشره *
اسفه على الاطاله
الله يجزاك كل خير على جهدك المبذول والله يرزقك الزواج الصالح الحنون ويوفقك ان شاء الله

وعليكم السلام ورحمة الله وبركاته

البقع اللى طالعة بجانب العين دى محتاجة انك

اولا تبدئى تهتمى بيها كويس ازاى زى ما قلنا ما نحاولش تقل عليها بصوابعنا او حتى نجهدها لان المنطقة دى رقيقة جدا وخلاياها بتتاثر بسرعة وتجهد وتكون لون غامق

ان كان الموجود عندك كلف وهو على شكل نقط صغيرة وبتبدأ تكبر ولونها بيبدأ من البنى الفاتح دا حله كالاتى
- تمنعى استخدامك لاى سكروب حوالين المنطقة دى لانها زى ما قلنا ضعيفة

-تمنعى استخدامك للكونسيلر لانه مع حكة الكونسيلر بنزيد المشكلة
- احاول استخدم صن بلوك كويس ما يقلش عن 810 فى المية قبل استخدام الميكب

هغذى المنطقة دى كويس بالاتى:

هعمل ماسك بسيط من الزبادى ( الروب) والعسل ونقطة واحدة ليمون واتركها على المنطقة دى من عشرة ل15 دقيقة يوميا

ما انساش اختار كريم مرطب علشان اعوض المنطقة دى من الفاقد من الغذا
على اد ما اقدر احاول اعوض المنطقة دى من نقصها للفيتامين باللبن وممكن تعمليه على شكل ضمادات وتسيبيها بالعشر دقايق وتغيرى الضمادة او الكمادة كل عشر دقايق

فى خلال عشر ايام اضمن لك ان الكلف يروح واللون يبقى فل

السوال الثاني /ابي طريقه تفتيح للاماكن الداكنه بين الافخاذ وتحت الابط -*

الحل موجود بحاجتين

عارفة كريم البيتادين كل يوم هتجيبيه وتدهنى منه بعد تنظيف المكان دا كويس وتطهيره

وتلبسي شورت قطن (لازم شورت قطن) لمدة ساعتين او اكثر ما تلبسيش الشورت الا بعد مرور عشر دقايق يكون الكريم اتشربته البشرة كويس

بعد مرور ساعتين او اكثر تجيبى نشا وتفركى المنطقة دى كويس بشكل دوائر وبهدوء جدا

وبعدها نغسلها بماء فاتر

السوال الثالث / انا بشرتي جنب الفم ع الطرف جافه تبتدي تتقشر البشره ابي حل للمشكلتي

لازم تغذى المنطقة دى كويس بكريم ومعاه ماسكات العسل والزبادى وجربيها مرة ماسك عسل وزبادى ومن بعدها تغسلي المنطقة وتحطين كريم وهتبهرى بالنتيجة لمدة اسبوع

القطة 29-05-2011 12:34 AM

رد: اسألى والخبيرة معاكى
 
اقتباس:

المشاركة الأصلية كتبت بواسطة المتواكلة (المشاركة 36073)
السلام عليكم اختياريد خلطة لتوحيد لون الشرة
لان زالة الشعر من الوجة باالليزر
للبشرة الجافة
جزءك الله خيرا

خلطة لتوحيد لون البشرة جافة عنيا الاتنين ياقمر
ادامك حلين

هتجيبي زبدة الكاكـــــــاو السائلة (( وعلبتها برتقالية ع الأصفر )) فنجان قهوة زيت اللوز المر _ونقطتين جلسرين سائل _ وتخلطيهم مع بعض كويس وكل يوم تحطى منهم للمناطق اللى محتاجاها المكونات دى مفيدة جدا للبشرة وبتوحد اللون جداااا

الحل التانى زبدة الشيا بتحطيها وبتنبهرى بالنتيجة

القطة 29-05-2011 12:39 AM

رد: اسألى والخبيرة معاكى
 
يا بنات انا فى انتظاركم وعنيا الاتنين ليكم

عصفوره 29-05-2011 09:09 AM

رد: اسألى والخبيرة معاكى
 
اختى الله يكرمك يارب ويزقك من حيث لاتعلمى ويسترها معاكى دنيا واخره

لو سمحتى انا كنت اشتريت كريم لفرد الشعر وعملى التهاب فى فروه راسى ومش قادره احط المشط فى شعرى ؟ ثانيا شعرى بقى مجعد اكتر من الاول والكريم مفردوش حاسه انه حرق شعرى لانى من سنه تقريبا كنت صابغه شعرى فشعرى طبعا بايظ خالص ومجهد اوى بالاضافه انه هايش خالص حاسه انه ضخم مش بيتلم بالتوكه
ولو حطيت عليه زيت من الللى فى الصيدليه بيخشن اكتر وينشف
مش عارفه اعمل ايه عاوزاه يطرى شويه ؟ علشان اقدره اسرحه

بالاضافه للقشره اللى موجوده رهيبه فى شعرى ؟

منتظره ردك المنقذ ليا لـ3اسئله دول.
(الالتهاب-الهيشان والخشونه-القشره)

عصفوره 29-05-2011 09:11 AM

رد: اسألى والخبيرة معاكى
 
سؤال اخر الله يكرمك
انا سمعت ان الكرياتين حلو لفرد الشعر لانه من مكونات طبيعيه اللى موجوده فى الجسم
فهل اعمل فرد الكرياتين ده ولا ايه رايك اصل بصراحه شعرى وحش اوى باتكسف منه؟
ولو تعرفى حد مضمون بيكون يعمله ياريت تدلينى عليه الله يسترها معاكى؟

فاطيمة 29-05-2011 09:17 AM

رد: اسألى والخبيرة معاكى
 
بارك الله فيكي يا القطة

وان شاء الله يا عصفورة تجدين الفائدة يارب

القطة 29-05-2011 10:26 AM

رد: اسألى والخبيرة معاكى
 
اقتباس:

المشاركة الأصلية كتبت بواسطة عصفوره (المشاركة 36687)
اختى الله يكرمك يارب ويزقك من حيث لاتعلمى ويسترها معاكى دنيا واخره


لو سمحتى انا كنت اشتريت كريم لفرد الشعر وعملى التهاب فى فروه راسى ومش قادره احط المشط فى شعرى ؟ ثانيا شعرى بقى مجعد اكتر من الاول والكريم مفردوش حاسه انه حرق شعرى لانى من سنه تقريبا كنت صابغه شعرى فشعرى طبعا بايظ خالص ومجهد اوى بالاضافه انه هايش خالص حاسه انه ضخم مش بيتلم بالتوكه
ولو حطيت عليه زيت من الللى فى الصيدليه بيخشن اكتر وينشف
مش عارفه اعمل ايه عاوزاه يطرى شويه ؟ علشان اقدره اسرحه

بالاضافه للقشره اللى موجوده رهيبه فى شعرى ؟

منتظره ردك المنقذ ليا لـ3اسئله دول.
(الالتهاب-الهيشان والخشونه-القشره)

تسلميلى حبيبتى على دعواتك وجزانا واياكى كل خير

اولا انتى غلطتى لاننك عملتى كريم فرد لشعرك ومعاه صبغة

ما نفكرش فى اى فرد نهائى دلوقتى لازم نعالج الشعر اول ولو محتاجة تعملى كيراتين انا ممكن اعلمك تعمليه فى البيت اة والله لانى بسمع ان فى مصر اسعاره عالية اوى وبفترى

هى خطوات محددة هكتبهالك وتكتبيها كويس وهبقى معاكى ونناقش الخطوات خطوة خطوة طبعا لازم حد يبقى معاكى وتكون كل الادوات معاكى لو متوفر عندك سشوار كويس ومكواه سيراميك اما لو مش متوفرين هسألك حد من مصر يكون بيعمله وباسعار حلوة وابعتلك على الخاص لانى والله برة مصر من فترة

عايزاكى الفترة الجاية قبل ما تفكرى فى اى فرد تعالجى شعرك اولا
لان القشرة نتجت من التهاب فروة الراس وطبعا هى دلوقتى مدمرة محتاجة اعالجها واعالج التدمير والحريقة اللى عملتيها
هنجيب كريم كيراتين المغذى دا مش فرد دا كريم لتغذية الشعراية وتعويضها عن التلف اللى حصل فيها وبتستخدميه بعد الغسل وتلفى شعرك عادى

فى حالة ما لقيتى كريم كيراتين المغذى هتعملى معايا البرنامج دا

هتغسلى شعرك بشامبو مناسب لشعرك تنسيى انك تستخدمى بلسم الفترة دى علشان البلسم بيزود القشرة

تنشفى شعرك بهدوء وبلاش التقطيع

تكونى مجهزة كريم دابر املا او كريم بارشوت بالفاعلية الخماسية العلبة غطاها اخضر الاتنين دول تحفة بجد ومعاهم زيت دابر املا بجوز الهند

هتحطى من الكريم اول اللى يكفى شعرك وبعدها تحطى زيت خفيف خصوصا على الاطراف

وتلفى شعرك طاقية او لوروه اللى يريحك لحين ينشف تمام كدا

ممنوع طبعا السشوار او المكواة الفترة دى

الكريم والزيت هيفرق مع شعرك كتير

كل تلات ايام هنعمل مرة حمام كريم واحنا بناخد الشاور ونشطف شعرنا كويس واختارى حمام كريم بونا ويل انا بثق فيه

لو اخترتى شامبو اختارى شامبو نيزورال برضة حلو وبثق فيه ولو ماتيسر يبقي كلير

هناكل 10حبات لوز يوميا ودا تغذية مفيدة لشعرك

كل اسبوع هعمل مرة حمام زيت خاص بطريقتى انا الخاصة

طريقة سهلة وميسرة للكل ودى طريقة للى عندهم قشر فى الشعر

هتجيبى من الصيدلية مجموعة زيوت انتى اللى تجميعها فيه فى مصر زيت اسمه اصالة

تجيبى كل نوع لوحده تمام زيت خروع + زيت توم+ زيت صبار+ زيت زيتون+ زيت جرجير

وتجيبى زجاجة فاضية وتخلطيهم ببعض ومرة كل اسبوع بتحطين منهم على الشعر مو على فروة الراس لانك عندك قشرة كتير وتلبسين بونية لمدة ساعتين بعدها تغسلي شعرك كويس بالشامبو وبعدها ملسي على شعرك من حمام الكريم على الشعر فقط مو جلد الراس واغسليه بعد خمس دقايق وتخرجى تلفيه بالطريقة اللى قلتلك عليها
ان شاء الله فى خلال شهر بتشوفى النتيجة مبهرة وانا معاكى لو احتجتى شيئ

القطة 29-05-2011 10:27 AM

رد: اسألى والخبيرة معاكى
 
اقتباس:

المشاركة الأصلية كتبت بواسطة فاطيمة (المشاركة 36689)
بارك الله فيكي يا القطة

وان شاء الله يا عصفورة تجدين الفائدة يارب

تسلميلى فاطيما واما انحرم منك ابدا

القطة 29-05-2011 10:49 AM

رد: اسألى والخبيرة معاكى
 
اقتباس:

المشاركة الأصلية كتبت بواسطة عصفوره (المشاركة 36688)
سؤال اخر الله يكرمك

انا سمعت ان الكرياتين حلو لفرد الشعر لانه من مكونات طبيعيه اللى موجوده فى الجسم
فهل اعمل فرد الكرياتين ده ولا ايه رايك اصل بصراحه شعرى وحش اوى باتكسف منه؟

ولو تعرفى حد مضمون بيكون يعمله ياريت تدلينى عليه الله يسترها معاكى؟


حبيبتى هسألك فى مصر واقولك لانى بقالى فترة طويلة برة مصر

القطة 29-05-2011 11:36 AM

رد: اسألى والخبيرة معاكى
 
منتظراكم ومنتظرة اى اسئلة منكم

القطة 29-05-2011 12:37 PM

رد: اسألى والخبيرة معاكى
 
عصفورة لية ما فكرتيش فى حنة الفرد

بصراحة انا اخواتى بيبعتولى حنة فرد من حراز تحفة بستخدمها عندى فى الصالون

طبيعية وامنة وكمان بتعالج الشعر

بس مافيش منها الا اللون الاسود الحالك

نعالج الشعر اول لمدة شهر وبعدها نشوف هتعملى كيراتين او حنة فرد

بوسى كات M 29-05-2011 12:47 PM

رد: اسألى والخبيرة معاكى
 
السلام عليكم
ممكن اشارك بسؤال؟

عصفوره 29-05-2011 01:19 PM

رد: اسألى والخبيرة معاكى
 
الله يكرمك يارب ويجعله فى ميزان حسناتك
خلاص انا هانتظر منك رد على موضوع الكرياتين ده .

طيب لى ملاحظات لو سمحتى البرنامج ده كده هايشيل الالتهاب والقشره؟

وكمان انتى بتقولى

تجيبى كل نوع لوحده تمام زيت خروع + زيت توم+ زيت صبار+ زيت زيتون+ زيت جرجير

الزيوت دى ممكن اجيب منها زيت الزيتون وزيت الخروع اما الباقى فى الصيدليه بيبقى مغشوش وكمان زيت الجرجير ده الاقيه فين مش عارفه بصراحه.
طيب والزيوت دى اجيبها مع زيت اصاله ده ولا هما يغنوا عن الزيت ده.

اشكرك على تجاوبك معى

عصفوره 29-05-2011 01:23 PM

رد: اسألى والخبيرة معاكى
 
اقتباس:

المشاركة الأصلية كتبت بواسطة القطة (المشاركة 36743)
عصفورة لية ما فكرتيش فى حنة الفرد

بصراحة انا اخواتى بيبعتولى حنة فرد من حراز تحفة بستخدمها عندى فى الصالون

طبيعية وامنة وكمان بتعالج الشعر

بس مافيش منها الا اللون الاسود الحالك

نعالج الشعر اول لمدة شهر وبعدها نشوف هتعملى كيراتين او حنة فرد

انا اشتريت من زمان حنه فرد مش فاكره اسمها ايه بس ماعملتشى حاجه انا اللى عملتها بنفسى مش عارفه بقى ده عيب فى الحناء ولا انا ماعرفتش طيب هى اسمها ايه علشان ابقى احطها فى الحسبان وهى بتفرد زى الجلاد وويلا استريت كده بتخلى الشعره مفروده خالص ولا بتطرى الشعر بس لو عندك صور لو سمحتى حطيهالى ؟
الكرياتين حلو بس للاسف غالى اوى يعنى انا لو حبيت اعمل شعرى هايكلفنى الف جنيه
يالهوى كل مافكر فى المبلغ ده مش عارفه اعمل ايه.

عصفوره 29-05-2011 01:30 PM

رد: اسألى والخبيرة معاكى
 
على فكره انا عندى حنه جايباها من اليمن جربتها على شعرى مره فى الاسبوع
والحمد لله انا حاسه بتحسن عن الاول وجربتها كمان مره بعدها باسبوع
هى حنه للعلاج مش لتوين الشعر
وشالت جزء من القشره مش عارفه اكمل بها ولا اعمل البرنامج ده ؟ بس هى مش بتنشف الشعر وفى نفس الوقت مش بتطريه انا مشكلتى بعد ماشعرى بينشف مش باقدر اسرحه خالص بيبقى متشبك بطريقه رهيبه .
وعندى ورق السدر مطحون جايباه من اليمن برضه تفتكرى له استخدامات للشعر حلوه وايه هى فى حالتى دى؟

القطة 29-05-2011 05:11 PM

رد: اسألى والخبيرة معاكى
 
اقتباس:

المشاركة الأصلية كتبت بواسطة بوسى كات m (المشاركة 36751)
السلام عليكم
ممكن اشارك بسؤال؟

اتفضلى يا حبيبتى فين السؤال؟؟؟؟؟؟

القطة 29-05-2011 05:16 PM

رد: اسألى والخبيرة معاكى
 
اقتباس:

المشاركة الأصلية كتبت بواسطة عصفوره (المشاركة 36763)
الله يكرمك يارب ويجعله فى ميزان حسناتك

خلاص انا هانتظر منك رد على موضوع الكرياتين ده .

طيب لى ملاحظات لو سمحتى البرنامج ده كده هايشيل الالتهاب والقشره؟

وكمان انتى بتقولى

تجيبى كل نوع لوحده تمام زيت خروع + زيت توم+ زيت صبار+ زيت زيتون+ زيت جرجير

الزيوت دى ممكن اجيب منها زيت الزيتون وزيت الخروع اما الباقى فى الصيدليه بيبقى مغشوش وكمان زيت الجرجير ده الاقيه فين مش عارفه بصراحه.
طيب والزيوت دى اجيبها مع زيت اصاله ده ولا هما يغنوا عن الزيت ده.


اشكرك على تجاوبك معى

كل منتجات الزيوت دى من اصالة الشركة يا حبيبتى اسمها اصالة وبتنتج زجاجات صغيرة

فايدة الزيوت دى اية؟؟؟؟؟؟

هاتى ودنك

زيت الزيتون دا مقوى ومطول ومغذى للشعر

زيت الجرجير بيعالج الشعر التالف من الفرد الكيماوى

الصبار منعم ومغذى

الثوم بيعالج البوصيلات اللى لسة طالعة واخدة كيماوى لما شبعانة

اما الخروع دا بيطول الشعر جدااااااويقويه مهما طول

تقدر تجيبي الزجاجات دى من اى عطار

وبلاش تجيبى المجموعة فى زجاجة واحدة مهما حاول يقنعك لان الشركات اللى بتعمل مجموعات بتحط روايح عطرية في الزيت ودا غير مستحب فى علاج الشعر التالف

القطة 29-05-2011 05:25 PM

رد: اسألى والخبيرة معاكى
 
اقتباس:

المشاركة الأصلية كتبت بواسطة عصفوره (المشاركة 36764)
انا اشتريت من زمان حنه فرد مش فاكره اسمها ايه بس ماعملتشى حاجه انا اللى عملتها بنفسى مش عارفه بقى ده عيب فى الحناء ولا انا ماعرفتش طيب هى اسمها ايه علشان ابقى احطها فى الحسبان وهى بتفرد زى الجلاد وويلا استريت كده بتخلى الشعره مفروده خالص ولا بتطرى الشعر بس لو عندك صور لو سمحتى حطيهالى ؟

الكرياتين حلو بس للاسف غالى اوى يعنى انا لو حبيت اعمل شعرى هايكلفنى الف جنيه
يالهوى كل مافكر فى المبلغ ده مش عارفه اعمل ايه.

المشكلة ان فيه حنة فرد فى السوق مليون صنف واقسم بالله كل اللى فى السوق مضروب كلها شهر بالكتير وتلاقى شعرك وقع وكل دا من اية من المواد الكيماوية الخطر اللى فيها

عن تجربه لكل زبوناتى انا ببعت اجيب حنة فرد من حراز من مصر والله العظيم انا ما ببيعها اخواتى اللى بيبعتولى الكميات فى طرود للصالون وهجيب لكى صورتها

طبعا اخواتى مش بيبطلوا يعملوها وليها طريقة خاصة مش بتتعمل كدا وخلاص

والحمد لله كل زبوناتى ومن قبلهم اخواتى بيشكروا فيها للونها اللى يجنن وكمان لعدم سقوط الشعر والاحلى بقي فردها اللى زى السحر وكل مكوناتها طبيعية

القطة 29-05-2011 05:38 PM

رد: اسألى والخبيرة معاكى
 
اقتباس:

المشاركة الأصلية كتبت بواسطة عصفوره (المشاركة 36767)
على فكره انا عندى حنه جايباها من اليمن جربتها على شعرى مره فى الاسبوع

والحمد لله انا حاسه بتحسن عن الاول وجربتها كمان مره بعدها باسبوع
هى حنه للعلاج مش لتوين الشعر
وشالت جزء من القشره مش عارفه اكمل بها ولا اعمل البرنامج ده ؟ بس هى مش بتنشف الشعر وفى نفس الوقت مش بتطريه انا مشكلتى بعد ماشعرى بينشف مش باقدر اسرحه خالص بيبقى متشبك بطريقه رهيبه .

وعندى ورق السدر مطحون جايباه من اليمن برضه تفتكرى له استخدامات للشعر حلوه وايه هى فى حالتى دى؟

الله عليكى عندك حنة يمنى وساكتة

دى تعجنيها بزيت الزيتون ولو عندك خروع يبقي تمام وتضيفى لها معلقتين كبار بلسم علشان تطرى الشعر وتحطيها على شعرك من اربع لست ساعات وبنعجنها ونتركها قبلها من اربع لست ساعات برضه

والغسيل انك تفردي شعرك فى الهوا لمدة ساعة قبل الحمام وهتلاقى الحنة بدأت تقع لوحدها وعلشان ما يحصلش تشابك تسيبى المية الفاترة تجرى فيها وتنزل الحنة بدون ماتشبكى انتى شعرك بايديكى والغسيل يبقي بالبلسم هى ماتخافيش مش هتلون شعرك مدام ما حطيتيش عليها محفز

استعمليها كل عشرة ايام وماتخافيش دامك حطيتى اللى قلت عليه عمرها ما هتنشف شعرك

والله الله على السدر المطحون بس دا بعد القشرة ما تنتهى خالص

هتعجنى السدر بماء وزيت زيتون وتحطيها على الشعر لمدة اربع ساعات بعدها برضه تغسلى شعرك بس بالماء فقط اول وبعدها شامبو وبلسم مناسب

القطة 29-05-2011 05:44 PM

رد: اسألى والخبيرة معاكى
 
دى صورة بايو هير اللى من حراز لازم الحنة اللى تجبيها تكون حنة فرد من حراز لانها كلها منتجات طبيعية

وعلى مدار سنوات ماشاء الله اخواتى وزبوناتى بعمل لهم منها والحمد لله زى الفل
https://img101.herosh.com/2011/05/29/984393436.jpg

ايملي 29-05-2011 07:28 PM

رد: اسألى والخبيرة معاكى
 
السلام عليكم اهلا بيكي انا شعري كان ناعم واطويل لكن بدا يتسقط ويخشن وبدا يظهر بيهي قشرة انا كنت الاول المكان الي كنت سكن فيه كن بنستعمل المياه الملحة لم غيرة المكان حصل فيه كده سعديني لوسمحتي وشكر ولكي جزيل الشكر والدعاء

بنت ابوها وافتخر 29-05-2011 08:57 PM

رد: اسألى والخبيرة معاكى
 
الله يعطيك الف عافيه يا اختي القطه على الاجابه ع الاسئله ابتعتي
الله يجزاك كل خير

بنت ابوها وافتخر 29-05-2011 09:03 PM

رد: اسألى والخبيرة معاكى
 
الله يجزاك كل خييييييير
انا عندي بنتي عمرها ست سنوات وحده عشر سنواات شعرهم مجعد ابي طريقه طبيعيه تنعم الشعر وتكثره

**وايش رايك بزيت عبدالباسط السيد هند تلر كويس لتنعيم الشعر وهل هوه مواد طبيعيه**

منال الهدى 29-05-2011 11:47 PM

رد: اسألى والخبيرة معاكى
 
بسم الله الرحمن الرحيم
الحمد لله ان فى ناس لسه قلوبها مليانه خير ربنا يوفقك .
الحقيقه بنتى شعرها هايش مش عارفه اعملها ايه وحرام اعملها فرد او تمليس فى السن ده ارجوا المساعده ولكى كل الشكر .

عصفوره 30-05-2011 07:48 AM

رد: اسألى والخبيرة معاكى
 
اقتباس:

المشاركة الأصلية كتبت بواسطة القطة (المشاركة 36922)
الله عليكى عندك حنة يمنى وساكتة

دى تعجنيها بزيت الزيتون ولو عندك خروع يبقي تمام وتضيفى لها معلقتين كبار بلسم علشان تطرى الشعر وتحطيها على شعرك من اربع لست ساعات وبنعجنها ونتركها قبلها من اربع لست ساعات برضه

والغسيل انك تفردي شعرك فى الهوا لمدة ساعة قبل الحمام وهتلاقى الحنة بدأت تقع لوحدها وعلشان ما يحصلش تشابك تسيبى المية الفاترة تجرى فيها وتنزل الحنة بدون ماتشبكى انتى شعرك بايديكى والغسيل يبقي بالبلسم هى ماتخافيش مش هتلون شعرك مدام ما حطيتيش عليها محفز

استعمليها كل عشرة ايام وماتخافيش دامك حطيتى اللى قلت عليه عمرها ما هتنشف شعرك

والله الله على السدر المطحون بس دا بعد القشرة ما تنتهى خالص

هتعجنى السدر بماء وزيت زيتون وتحطيها على الشعر لمدة اربع ساعات بعدها برضه تغسلى شعرك بس بالماء فقط اول وبعدها شامبو وبلسم مناسب

طيب اجيب بلسم اسمه ايه لانى مش عارفه؟؟؟؟؟؟؟؟؟؟

القطة 30-05-2011 01:55 PM

رد: اسألى والخبيرة معاكى
 
اقتباس:

المشاركة الأصلية كتبت بواسطة ايملي (المشاركة 36986)
السلام عليكم اهلا بيكي انا شعري كان ناعم واطويل لكن بدا يتسقط ويخشن وبدا يظهر بيهي قشرة انا كنت الاول المكان الي كنت سكن فيه كن بنستعمل المياه الملحة لم غيرة المكان حصل فيه كده سعديني لوسمحتي وشكر ولكي جزيل الشكر والدعاء

وعليكم السلام حبيبتى


حبيبتى الماء العسر دا مشكلة وكمان مشكلته انه بيدمر الشعر لفترة طويلة ادام

الحل اية بقي

اولا اكل كويس حاجات تغذى الشعر لازم عشر حبات لوز كل يوم

اهتم بشعرى بماسكات معينة زى ماسك صفار البيضة مع معلقة زبد ومعلقة بلسم لمدة ساعة وبعدين نغسله كويس بشامبو وببلسم ياريت هيربال

كمان ماسك 3ملاعق كبيره بلسم من اي نوع

5ملاعق كبيره مايونيز

3ملاعق صغيره زيت البارشوت

ملعقه صغيره زيت سمسم

1ملعقه كبيره كريم بالمرز لانه يحتوي على فيتامين (د)

او اي كريم للشعر
مثل دابر اوبارشوت


تخلط المقادير مع بعضها وتوضع للشعر ويغطى بكيس او بونيه



ويترك على الشعر خلال ساعتين ويغسل بالشامبو فقط ثم البلسم


الساعة الآن 05:59 PM