|
انا زعلانه اوى
ازيكو يا عدولات من غير ما اطول عليكم انا النهارده قررت افطم عمر ابنى الصغير بس هو صعبان عليا اوى اوى وده لأنه مرتبط بصدرى اوى هو عنده سنه ونص بالظبط دلوقتى انا عارفه ان دى خطوة لابد منها بس كل الحكايه انى مش عارفه هنسيه صدرى ازاى
مش قادره اوصفلكو قلبى ازاى بيتقطع عليه وهو عمال يعيط جامد وعايز يرضع بالنسبه لى الفطام ده هو اول انفصال للطفل عن امه ومع احساس الحسره اللى فى قلبه انا بموت اكتر واكتر انا بس حبيت اشارككو مشاعرى وكمان اللى عندها فكرة عن الموضوع ده تقولها ربنا يخليكو ليا وميحرمنيش منكم ابدا |
رد: انا زعلانه اوى
الله يعينك ويعينه حبيبتي
فعلا مشكلة بس خلي احد ياخذه يفسحه لما يزن وهاتي علب حلاوة ونايتي بالبيت ولما يخربها خالص اعطيله وممكن على ما نصحوني تدهني الحلمة صبار او حتى بن لانه مر يكرهه فيها وحتى شكلها يكون يخوف وانتبهي كويس اوعي تنسي وتعطيهاله انا بعد ما فطمت ابني بكام اسبوع بكي يوم وكنت نعساااااانه طلعت رضعته طول الليل معرفتش غير لما صحيني ولقيتني كده كانت صدمه وكان هيموت من الحزن اكتر من الاول ربنا معاكم اطباء النفس قالوا ان الفطام اول صدمة للطفل المهم الصبرررررر وحاولي تبعدي عن وشه لما يبكي عليها ولما يكون نسيها حنى عليه كتيررررررر عوضيه |
رد: انا زعلانه اوى
يا حبيبة قلبي هي مرحلة وكلنا عدينا فيها ومعك حق هي صعبة جداً عالأم وعالطفل
بس لازم لا بد منها حاولي ما تفطميه عن صدرك بشكل مباشر بالأول قللي عدد الرضعات بالنهار واستبدليها بالأكل والحليب الصناعي وكم يوم كدا ان شاء الله بينساه وخليكي فترة بترضعيه بالليل وبعدين تفطميه بشكل نهائي الله يخليلك ياه ويكبر وتشوفيه عريس كمان |
رد: انا زعلانه اوى
فعلا صعبة انا فطمت ابني اسلام من اسبوعين عمره سنة وعشر شهور
حطيت على الحلمة قهوة فلما يجي يرضع يلاقيها مرة هو فعلا ترك الرضاعة يعني فطمته بس مازال لغاية الان ماينامش الا وهو حاط راسه على صدري ويمسكه بيده ويلعب عليه لغاية ماينام ولازم اكون فاتحة سورة الرحمن الحمد لله سورة الرحمن تهديه على طول حتى لما يصحى في الليل يبكي اشغل سورة الرحمن على طول يهدئ وينام وبالنسبة للالم عبارة عن ايام ويروح تحمليه ان شاء الله ربي يحفظه لك وينسى بسرعة |
رد: انا زعلانه اوى
حبيبتى جمدى قلبك كلنا كنا كده بس ده لازم حتى تلحقى قبل الحر عشان ميتعذبش وربنا يباركلك فيه يا حبيبتى
|
رد: انا زعلانه اوى
باالاضافه لنصايح اخواتى
لا تنسى تديه الحليب فى كوب يوميا 3 مرات لانه لسه صغير ومحتاجه والحليب بيهديه انتى لا تضعفى ابدا وهديه دائما واديه لعب وحلويات حتنسيه اهم شئ لو عيط اديه جليب بكوب |
رد: انا زعلانه اوى
ماشاء الله ا لعدولات امو بالواجب الله يخليه و يبارك فية ويعينك عليةفعلا مرحلة صعبة |
رد: انا زعلانه اوى
دى سنة الحياه متزعليش نفسك ربنا معاكى حبيبتى |
رد: انا زعلانه اوى
انا بجد مش عارفه اقولكو ايه كفيتو ووفيتو ربنا يخليكو ليا بس المشكله ان انا عملت كل حاجه قولتولى عليها بس عمر رااااااااافض الاكل تماما وعمال يضرب فيا من زعله وزعلان لدرجه تخوف حتى العصير والحاجات الحلوه رافضها وبيعيط جامد صعبان عليه نفسه انا فطمت قبل كده بس صدقونى المرة دى غير المرة اللى فاتت خااااااالص او حتى غير اى عيل تانى انا شوفتو وعالعموم ربنا يعدى الفتره دى على خير وشكرا ليكم يا اخواتى
|
رد: انا زعلانه اوى
كان الله فى عونك وعونه دى مرحله صعبه على الطفل دى اول حصره دخل قلبه لكن دا العادى بس عيز اشويه صبر
حاولى تلهيه وتول النهار تلعبى انتى شويه ولده شويه بس هو فى الاول هيكون رافض الاكل بس حاولى ديه لبن فى البزازه ومديقوش عليه فى مسئلت الاكل هو لم يجوع هيكل |
رد: انا زعلانه اوى
بس لازم تفطميه يا حبيبتى انتى كده كده حتفطميه فجمدى قلبك واتكلى على الله وهو اسبوع واحد وحينسى بس افتكرى اقطعى رضعه بالليل وعشيه كويس اى حاجه ان شاله بسكوت او سيريلاك ولو قام اديله الاسبوع الاولانى عصير او لبن بكوبايه والتانى ميه والتالت حيزهق ومش حيطلب الرضاعه اصلا
|
رد: انا زعلانه اوى
اذا عزمتى فتوكلي على الله
لا تتراجعي هتعزبيه ونفسك اكتر تماسكي |
رد: انا زعلانه اوى
حبيبتى الله يقويكى حاسه انه احساس صعب فعلا
انا الى نفعنى ان ابنى رضع صناعى وممرتش بالخطوه دى الله يعينك ويبارك فيه |
رد: انا زعلانه اوى
حبيبتى حمديه انا فعلا لقيت الحل الوحيد انى اديله الببرونه والحمد لله هو بقى كويس عن الاول شويه كتير انا مش عارفه ده صح ولا غلط بس مش مشكله طالما بينزل معدته على الاقل شوية لبن وشكرا لباقى العدولات القمرات
|
رد: انا زعلانه اوى
الله يعينك ويعين اختي لان هي كمان فطمت ابنها
ومغلابها ربنا يعنكو |
رد: انا زعلانه اوى
سبحاااااااااااان الله زي ماتكون الام بتتفطم كمان مع طفلها
والله اصعب موقف بيعدي علي الاطفال |
رد: انا زعلانه اوى
الله يكون في عونك معلش هي فترة و هتعدي ممكن تحطي كحل علي الحلمة او بيرفن و هتلاقيه يبعد كل شوية و هاتيله كيك و شيبسي
|
رد: انا زعلانه اوى
شئ لابد منه امسكي نفسك شوية هتعملي ايه
|
| الساعة الآن 08:44 AM |