عدلات - أناشيد مكتوبة للاطفال

بسم الله

بسم الله بسم الله ***- أحلى كلام أتعلمناه
لما ناكل لما نشرب ***- لازم كلمة بسم الله
لما نقرأ لما نكتب ***- لازم كلمة بسم الله
لما نجرى لما نلعب ***- لازم كلمة بسم الله
بسم الله بسم الله ***- أحلى كلام أتعلمناه

:xs03gif593:

الأعداد

واحد هو ربى ***- اتنين بابا وماما
تلاته هما أخواتنى ***- أربعه هما أصحابى
خمسه هى صلاتى ***- سته أقوم من بدرى
سبعه أروح حضانتى ***- تمانيه الحصه الاولى
تسعه وقفة عرفه ***- عشره يوم العيد

:xs03gif593:

الكتكوت الصغير

ياكتكوت ياصغير
مالك كده متحير
مين طلعلك ريشه
يمكن بابا
لالالالا
يمكن ماما
لالالالا
امال مين
هو رب العالمين

:xs03gif593:

العصفوره

العصفوره جمعت قش ***- قشه وقشه بنت العش
عشها عالى عند الشجره ***- يعلو يعلو عند القمر
من عرفها مكان القش ***- من علمها تبنى العش
هو الله هو الله ***- سبحان الله سبحان الله

:xs03gif593:

كتكوتى

كتكوتى أصفر وجميل
وصغير وريشه حرير
بيصوصو ويغنى كمان
وبيعرف أحلى الالحان
كتكوتى كان جوه البيضه
وبمنقاره كسرها
وخرج وعملنا زيطه
بيصوصو وينقرها
كتكوتى بينده ماما
ويدور فى كل مكان
واهى جاتله بالسلامه
وفحضنها على طول بينام

:xs03gif593:

حى على الصلاه

حى على الصلاه ***- حى على الفلاح
فلنذكر الصلاه***- فى أول الفجر
والظهر والعصر***- ثم نصلى المغرب
وبعدها العشاء***- وبعدها العشاء
ونختم صلاتنا***- بالحمد والثناء
قد قامت الصلاه***- يا أخوة الايمان
الله فى علاه ***- قد أمر الانسان
أن يعبد الاله ***- ويطلب الاحسان

:xs03gif593:

الشمس

أصحى ياشمس بدرى***- خلى البحر يغلى
يطلع منه بخار ***- يبقى سحاب طيار
يجى الريح ويشيله ***- يتخانق وزميله
يحصل رعد وبرق ***- يجى الخير والسعد
مطره تسقى الارض

:xs03gif593:

أول شرط

أول شرط فى الايمان ***- نسمعه فى كل أذان
لا إله ألا الله ***- محمد رسول الله
نشهد أن لارب سواه ***- لاإله إلا الله
نشهد أن نبى الله ***- محمد رسول الله

:xs03gif593:

الحضانه حلوه
الحضانه حلوه***- بتعلمنا غنوه
شمر أيدك شمر***- أبنى معايا وعمر
إبنى مسجد عالى ***- هو أملنا الغالى
وإحنا ياهنانا***- أطفال الحضانه
الميس بتوصينا***- نحب بعضينا

:xs03gif593:

ميه يا ميه

ميه ياميه ***- تعالى عندنا
علشان نتوضأ***- ونصلى لربنا
ابعد ابعد ***- ياشيطان
كل اما اسمع***- الاذان
أتوضأ وأصلى***- للرحمن
أنا مسلم صاحى***- مش كسلان
رمز لأمة الاسلام

:xs03gif593:

خروفى
خروفى ياخروفى***- ماء ماء ماء
يلابس بدله صوفى***- ماء ماء ماء
ليك قرنين***- وأربع رجلين
تاكل كتير***- وتبقى تخين
وندبحوك ***- فى العيد الكبير

:xs03gif593:

الحروف

رايح فين يا حماده***- رايح أجيب شوكلاته
أنت ومين ياحماده***- أنا وماما وبابا
شفتم ماما***- جابتلى أيه
نونو صغير***- ياختى عليه
يالا نبوسه من أيديه***- ونعلمه الف به
(ونقول الحروف الابجديه مع الطفل )

:xs03gif593:

الوضوء

بنى توضأبماء طهور
فماء الوضوء لوجهك نور
إذا رضى الله عن عبدا اتاه
أتاه الهناء ونال السرور
بنى توضا وقم للفلاح
ففى طاعة الله سر النجاح
إذا رضى الله عن مسلما بدا
مشرق الوجه مثل الصباح

:xs03gif593:

الوضوء

بسم الله أنا أتوضأ
وبها يومي دوما يبدا
اغسل وجهي واليدين
امسح رأسي والرجلين
لا أسرف أبدا في الماء
فتقبل ربي دعاء

:xs03gif593:

الأعداد

السما فين***- فوق فوق
والأرض فين***- تحت تحت
أنتم وحشين***- لالالا
أنتم حلوين***- اه اه
الايد دى كام***- خمسه
والايد دى كام***- خمسه
يالا نحط إيد على إيد***- يبقو عشره بالتاكيد
(ونقول الاعداد من 1الى 10)

الناشيد ده بيكون مشاركه بينك وبين الطفل يعنى تقولى والطفل يرد عليكى

:xs03gif593:

نشيد الحروف الهجائية

ألف أرنب يجري يلعب يأكل جزرا كي لا يتعب
باء بطة نطت نطة وقعت ضحكت منها القطة
تاء تاج فوق الراس فيه الذهب وفيه الماس
ثاء ثعلب صاد دجاجة هو ماكر وقت الحاجة
جيم جمل في الصحراء مثل سفينة فوق الماء
حاء حج أسمى رغبة فيه طواف حول الكعبة
خاء خبز عند البائع لا يأكله إلا الجائع
دال ديك حسن الصوت قام يؤذن فوق البيت
ذال ذئب وحش صلب لا يرهبه إلا الكلب
راء رجل عرف الدين فهو صدوق وهو أمين
زين زهرة أصفر أحمر هي بعيني أحلى منظر
سين ساعة تحفظ وقتي في مدرستي أو في بيتي
شين شمس صنع قدير فيها الدف وفيها النور
صاد صائد ألقى الشبكة بعد قليل صاد سمكة
ضاء ضابط يحمي وطني يحفظ أمني يرعى سكني
طاء طفل أجمل طفل فهو نظيف حسن الشكل
ظاء ظفر نظفناه طال قليلا فقصصناه
عين عين تخش الله تشهد خيرا فيه رضاه
غين غار غار حراء فيه أنزل القرآن
فاء فيل ذو أنياب وهو صديق يا أصحاب
قاف قمر فيه منال ومواقيت تهدى السائل
كاف كلب عاش جواري يحرس غنمي يحرس داري
لام لحم ينمو جسمي يكسو عظمي فيه أسمى
ميم مسجد بيت الله فيه أؤدي كل صلاة
نون نهر نهر النيل فهو كريم غير بخيل
هاء هرم عال القمة وبناؤه رمز للهمة
واو وجه للإنسان فيه إشراق بالإيمان
ياء يد ترسم زهرة تبدع شكلاً تظهر فكراً
(الناشيد ده كل يوم تعلمى الطفل حرف جديد يتعلم بيت جديد من الناشيد لانه كبير وبياخد وقت فى الحفظ بس لو حفظتيه للطفل بالشكل ده هايحبه ويكون سهل عليه)

:xs03gif593:

(الناشيد الجاى ده الاطفال بتحبه أوى لانه كله حركات والاطفال طبعا بتحب الحركه فالناشيد ده هانمثل كل حاجه فيه وأحنا بنقوله)

قطتى نانى

قطتى يانانى ياكاملة المعانى
فاكره لما جيتى جيتى وأتشاقيتى
حتى بالاماره شديتى الستاره
جيتى وقولتى آسفه
مش هاعملها تانى
كده كده كده بنعد العصافير
كده كده كده نغسل الغسيل
كده كده كده ننشر الغسيل
كده كده كده نعجن العجين
كده كده كده نبطط العجين
كده كده كده نخبز العاجين
كده كده كده نصقف للشاطرين
كده كده كده نصقف للخايبين
كده كده كده نقعد ساكتين

(طبعا كل حركه أحنا هانمثلها مع الطفل)

:130151:
دول الاناشيد اللى انا فكراها وطبعا فى اناشيد اكتر بس يارب تعجبكم