عندك بواقي كيك-بسكويت-بتي فور تعالي نعمل بيه افخم انواع الجاتوه
 

السلام عليكم ورحمة الله وبركاته

كل سنة وانتم بخير يااخواتي

كل واحدة فينا اوقات بيبقي عندها بتي فور او بسكويت او كيك وبتستحرم انها ترميه ونرميه ليه مادام لسة صالح تعالوا

نعمل كدة مع البواقي وشوفوا حيطلع شكله ايه وكمان الطعم والريحة تحفة يللا بينا علي المطبخ

بسم الله الرحمن الرحيم

شوفوا الاول شكله يشجع وللا لا

https://upload.3dlat.com/uploads/13752831541.jpeg



حنجيب بواقي الكيك او البتي فور ونكسرها خشن يعني مش بودرة ونحطها في بولة كبيرة

https://upload.3dlat.com/uploads/13752831542.jpeg


وبعدين نسيح شيكولاتة خام ونحطها عليه بكمية معقولة مش كتير ده علي حسب الكيك اللي عندك ونقشر تفاحة او 2

ونبشرها في المبشرة من الناحية الخشنة ونضيفها ومش مهم التفاح الاول او الشيكولاتة وممكن نضيف شوية مكسرات مطحونة

https://upload.3dlat.com/uploads/13752831547.jpeg


https://upload.3dlat.com/uploads/13752831546.jpeg



نعجنهم مع بعض ونشكل كور باحجام متساوية ونحطها في صينية ونسيبها تستريح وماتقلقيش حتكور كور منكوشة

وبتلزق في الايد لكن بعد لما تهدا نكور من جديد وبطريقة متساوية

نجيب طبق فيه فسدق مطحون وطبق فيه فارماسيه وندحرج الكور واسيبكم مع الصور

https://upload.3dlat.com/uploads/13752831545.jpeg



https://upload.3dlat.com/uploads/13752831544.jpeg



وده الشكل النهائي مافيش اسهل من كده ولااطعم وكل اللي جربوه شكروني عليه جربوا واتكلوا علي الله ومش حتندموا وعلي فكرة محلات الحلويات بتعملها ببواقي الحلويات

https://upload.3dlat.com/uploads/13752831543.jpeg



وانا عزماكم بعد الفطار على جاتوه وشاى



هااا مين هتقبل عزومتى

رد: عندك بواقي كيك-بسكويت-بتي فور تعالي نعمل بيه افخم انواع الجاتوه
 

رد: عندك بواقي كيك-بسكويت-بتي فور تعالي نعمل بيه افخم انواع الجاتوه
 

رد: عندك بواقي كيك-بسكويت-بتي فور تعالي نعمل بيه افخم انواع الجاتوه
 

يسلملى زوقك

رد: عندك بواقي كيك-بسكويت-بتي فور تعالي نعمل بيه افخم انواع الجاتوه