عدلات - اكلات سهله وسريعه يارب تعجبكم

السلام عليكم ورحمة الله وبركاتة
بسم الله الرحمن الرحيم
انا جبتلكم شويه اكلات سهله وسريعه يارب
ان شاء الله تعجبكم
:drinks::drinks:

اولا: المكرونهhttps://www.ebnmasr.net/forum/../for.../smiles/bb.gif
طبعا المكرونه عمايلها سهلة و سريعة بس طعمها مبيبقاش حلو اوى بالطرق العادية و دى طريقتى ...
معلومة::لما تيجي تشترى مكرونه شوف اصفر نوع قدامك و هاته لان نسبة البيض فيه بتبقى اكتر و طعمها بيبقى الذ https://www.ebnmasr.net/forum/../for...iles/wink2.gif
المقادير:
نص كيس مكرونه او تلت تربع
كيس شوربة ماجى او كنور احسن طعم هو المشروم و عموما اختار النكهة الى تعجبك

طريقة الاعداد:
طبعا بتسلق المكرونة عادى و هو انك تسخن ميه (5 لتر لكل كيس) و بعد ما تغلى تحط فيها المكرونه و بعد خمس دقايق حط معلقة ملح كبيره و بعد ربع ساعه من الغليان شيك على المكرونه هتكون بدأت تستوى شوف الملح لو محتاجه زود بس متكترش اكتر من معلقة كبيره و بعد تلت ساعه من الغليان هتكون تقريبا استوت

فى نفس الوقت تكون بتعمل الشوربة فى حلة تانيه و طريقتها سهلة تحط لتر ميه فى حلة و تحط فيها كيس الشوربة و تستنى لغايه ما تغلى و تقوم موطى النار عليها خالص

بعد ما المكرونه تستوى صفيها و حطها فى الشوربة خمس دقايق ... و ادعيليhttps://www.ebnmasr.net/forum/images/smiles/new/yes.gif

ثانيا : الهامبورجرhttps://www.ebnmasr.net/forum/../for.../smiles/bb.gif
كل الناس بتحب الهامبورجر بس بقى تقليدي اوى فى البيت و حتى لما بنخرج بناكل برضه هامبورجر... عموما جرب الطريقة دى و سلملى على هارديزhttps://www.ebnmasr.net/forum/../for...iles/icon1.gif
اشترى فى الأول نوع هامبورجر بالتوابل ... فيه امريكانا بالتوابل العربية و ده الى انا بفضله بس اى نوع بالتوابل هيقضى الغرض
السر فى الخلطه ... هات جبنه شيدر مدخنه و بتتباع عند اى سوبر ماركت كبير
و انت بتحمر الهامبورجر قبل ما تستوى بحاجه بسيطه حط الجبنه الشيدر عليها عشان تسيح معاها و خلى بالك الجبنه الشيدر المدخنه طعمها قوى جدا يعنى متكترش اوى... و بس حطها بقى فى العيش و عيش حياتك فى الكاتشب و يا سلام لو كاتشب حار ...
و برضه هتدعيليhttps://www.ebnmasr.net/forum/images/smiles/new/yes.gif

و على فكرة ممكن تعمل بالجبنه دى بيض مقلى خرافه حط قطع منها فى البيض و انت بتقليه مع صابع مقطع هوت دوج ... و مش هتقدر تغمض عينكhttps://www.ebnmasr.net/forum/../for...les/tongue.gif
و فيه برضه وجبة لذيذه ساعات بعملها على الفطار مع بساطتها الشديده
هات رغيف عيش و حط فيه جبنه رومى و اربع شرايح طماطم رفيعين و حطه فى الميكرويف او الفرن او اى حاجه بتسخن....... بيبقى لذيذ جداااااا
ثالثا : معكرونة باللبن الزبادي

بنجيب المعكرونة اللي حجمها صغير جدا وهي بيكون لها عدة اشكال اختاروا الشكل الصغير
بنسلقها مع مية وملح وشوية زيت عشان ما تلزق ببعضها وناخدها نصفيها بعد ما تستوي

بندق شوية توم يعني سنين مثلا ونخلطم مع اللبن الزبادي وشوية ملح حسب الرغبة

بنجيب المعكرونة نخلطعها معاهم ونضيف عليهم شوية نعنع ناشف بالآخر

هو طبق بارد يعني وكويس بالصيف وطعمه حلو
https://www.ebnmasr.net/forum/../for...iles/icon2.gif

و بس خلاص يارب يعجبكم يا عدولات يا قمرات محدش ينسي التقيم هاhttps://www.ebnmasr.net/forum/../for...iles/icon1.gif
:heart::008::008::heart: