عدلات - اتيكيت التعامل مع بسكت الزبالة ايوة الزبالة متخضيش

عدلات (https://adlat.net/index.php)

- فن الاتيكيت والتعامل مع الآخرين (https://adlat.net/forumdisplay.php?f=58)

اتيكيت التعامل مع بسكت الزبالة ايوة الزبالة متخضيش

ده موضوع لقيته في أحد المنتديات
وعجبني جدا
قلت أنقله
علشان كلنا نستفيد منه
ومش حنستفيد معلومة بس
لااااااااا
ده احنا حناخد ثوابات كتييييييييير جدا لو طبقنا وعملنا بيه

أسيبكم بقى مع الموضوع

كل سنة وانتم طيبين يابنات

طبعا عارفة انكم حتقولوا القسم دة معمول للناس الرقيقة اللى بتدور على الاتيكيت والتنظيم

امال اية دى اللى عاملننا موضوع عن الزبالة

بس حقولكم انا كتبت الموضوع دة لية

اولا بسكت الزبالة جزء من حياتنا اليومية فلازم نتعلم ازاى نتعامل معاة

تانى سبب منظر شفتة ومس قلبى اوى كنت بايتة عند ماما ونسيت مفتاح عربيتها وبعدين ندهت عليا علشان انزلهولها فى السبت وانا بنزلة شفت ولد ياعينى بيطلع بواقى الاكل من الزبالة اللى فى الشارع وبيلمها فى جيبة

الزبالة اللى انا بقرف حتى اعدى من جنبها هو بياكل منها

فعلشان كدا قلت لازم اتعامل مع بسكت الزبالة بطريقة كويسة لان فى ناس بتمد ايديها فيها سواء بياكلوا منها او الزبالين

فعايزة منك دلوقتى تدخلى على المطبخ وتشوفى انتى رامية الحاجة فى الباسكت ازاى

نيجى بقى للمهم
اكتر حاجة بنرميها بواقى الاكل والله ياجماعة متستهونوش فى ناس بتاكل البواقى دى فكل اللى طلباة منك تجيبى رول اكياس تلاجة الشفافة اللى بتحفظى فيها الاكل وتحطى بواقى الاكل اللى حترمية فيها علشان لو حد حياكلها متختلطش بباقى الزبالة
اما المخلفات الشخصية
زى اولويز وبامبرز الاطفال فاقفليها كويس باللزاق بتاعها قبل ما ترميهم يعنى مش ترميه مفتوحين كدا قفليهم الاول

وطبعا دلوقتى داخلين على الشتاء ونزلات البرد حتشتغل فارجوكم هاتوا اكياس شفافة وارمى فيها المناديل اللى حتستعمليها واقفليها كويس علشان محدش يحط ايدية فى الزبالة ويتعدى ولازم تكون الاكياس شفافة علشان يبان اللى جواها ومحدش يفتكرها اكل فيفتحها

اما الابر والدبابيس لفى سنهم بسولتب كويس جدا علشان متشوكش حد

اما الاندرات القديمة والشرابات وخلافة اغسليهم كويس قبل ما ترميهم وحطيهم فى كيس لان فى ناس بتخدهم وتستعملهم
نيجى بقى للازاز المكسور والحاجات اللى تعور بردوا لفيها كويس فى المومنيوم فويل وارميها بلاش تحطيها فى اكياس لانها ممكن تخرم الكيس وتنزل منة ومنبقاش عملنا حاجة
ودة طبعا عملا بمبدأ

اماطة الاذى عن الطريق صدقة

واخيرا ياقمرات راعوا ان اللى بيتعاملوا مع الزبالة دول بشر زينا
منقول