عدلات

عدلات (https://adlat.net/index.php)
-   كرسي الاعتراف (https://adlat.net/forumdisplay.php?f=96)
-   -   amira ali ضيفه كرسى الاعتراف (https://adlat.net/showthread.php?t=90093)

♥ احبك ربى ♥ 15-09-2012 01:14 PM
amira ali ضيفه كرسى الاعتراف
 

الـسلام عـليكم ورحمـــه الله وبـركاته

https://www.sheekh-3arb.net/islam/Li...ent/item22.gif




https://www.7be.com/vb/images/icons/icon26a.gifاهـــــــــــلا بكم من جــــديد ، https://www.7be.com/vb/images/icons/icon26a.gif




وحــياكم الله هنا ، هنــــــــا حيث يتــجدد اللــقاء دائمـــــــا وأبــدا مع الـضيف الـجديد

[IMG]https://www.**- /vb/images/smilies/qalp2.gif[/IMG]


وكمـــا عودناكم ســابقاً ، نــستضيف احــدى شخصيات المنتـــدى




لنتـــعرف اليها عن قــــرب ، ونــستكشف شــخصيتها اكــثر فــأكــثر . . .




والــــيوم نــقدم لكم شــخصية جــديدة . .




ســجلت فقــدمت وأبــدعت


amira ali

ضيفتنا فى كرسى الاعتراف


https://upload.3dlat.com/uploads/13210460421.jpg


معايا ضيفه عزيزه على قلوبنا هي

عضوه غنيه عن التعريف

تمـيـزت بـأخـلاقهـا الحمـيـدة

وإحسـاسهـا المـرهـف وحسهـا
[IMG]https://www.**- /vb/images/smilies/qalp2.gif[/IMG]
الـرائـع

وعـرفنـاهـا بتمـيـزهـا

وإبـداعـهـا وبطـرحهـا الممـيـز

تـتـجـول بيـن أروقـة هـذا

المنـتـدى العـظيـم وبيـن صفحـاتـه

لتعـطـي البهجـة والبصمـة

الـرائـعـة للمـواضيـع

لهـا متـابعـة جمـيـلـة لـكـافـة

إطـروحـاتهـا القيمـة

وتنتـقـي أجمـل مـايكـون ويـلامـس
[IMG]https://www.**- /vb/images/smilies/qalp2.gif[/IMG]
الأحـسـاس والـواقـع

لـن أطـيـل عـليـكـم أكـثـر مـن

هـذا

ودعـونـا نكـشـف عـن مـن سيتـربـع

هنـا لمـدة أسبـوع

amira ali

https://www.muslmah.net/imgpost/11/2...8931447985.gif


https://www.7be.com/vb/images/icons/icon26a.gif ضيفتنا لهذا الاسبوع تالقت في https://www.7be.com/vb/images/icons/icon26a.gif

كتاباتها وفي

وجوده الهادي كثيرا رغم تواجدها

لكنها كالفراشه الهادئه
[IMG]https://www.**- /vb/images/smilies/qalp2.gif[/IMG]
حين تكتب تعطش الأرض وترويها

اسم يــأتي لنــا في كل مرة بإبداع

متجدد...

[IMG]https://www.**- /vb/images/smilies/qalp2.gif[/IMG]

ياتي بكلمات لامتناهية في الجمال....



قلمهـا ينثر اجمل الأحاسيس....



ويبلورها بــ كلمات لامفر من

الإعجاب بهــا....



ووجودها ضياء واشراق على سماء

منتدانــا ...

[IMG]https://www.**- /vb/images/smilies/qalp2.gif[/IMG]

فهي تــأخذنا دائما الى اعلى مراحل التحليق
ضيفتنا هالمره متميز بكل شي



بالمواضيع



الردود



والاحترام


https://www.meu.cantinho.nom.br/gifs/jarro.gif


بإسمكم جميعا ... أرحب بها أجمل ترحيب ... وأشكر لها قبول الإستضافة ....




https://www.7be.com/vb/images/icons/icon26a.gif أهلاً وسهلاً بـك في " كرسي الإعتراف " https://www.7be.com/vb/images/icons/icon26a.gif
غمرتينا بلطفك وتلبيتكِ الدعوه بكل رحابة صدر فسلمتِ على تجاوبك
نتمنى ان يكون اللقاء ممتعاً ومميزاُ ..
في انتظار اسئلتكم واستجوابتكم
اجمل وارق التحيات لكـ .
.* حبايبي الاعضاء اتمنى من كل واحد منكم
الاطلاع على قوانين كرسي الاعتراف قبل كتابة الاسئه


[IMG]https://www.**- /forumim/fwasel/3/tyrtyrtyrty.gif[/IMG]

♥ احبك ربى ♥ 15-09-2012 01:15 PM
رد: amira ali ضيفه كرسى الاعتراف
 
عدد الأسئلة لكل عضو محددة في 5 حتى يتسنى للأعضاء الآخرين طرح أسئلتهم وكذلك لعدم إرهاق الضيف بالأجوبة ولكن لايسمح له العوده مره اخرى

نيڨين 15-09-2012 02:11 PM
رد: amira ali ضيفه كرسى الاعتراف
 
مكنش يومك يامعلم , دعيت عليكي بتدبيسة زي اللي دبستهالي واتحققت بأسرع ماكنت اتصور خخخخخخ , برافوا عليكي يا أحبك ربي خلصتيلي طاري , نخش عالجد بئى
*
أميرا علي ده اسمك الحقيقي ؟
مش ملاحظه ان محدش بيكتب اسمو بالكامل هل هى جرأة منك ؟
انتي مصورة فوتغرافيه للمحجبات , لو جتلك واحدة لابسه حجاب لسبب مجهول وانتي عارفه انها مش محجبة في الأصل , حتصوريها ؟
أمنيه نفسك تتحقق ؟
سؤال : انا ليه بحبك أوييييييي ؟
* تسلمي لينا على اختيارك الموفق

شروق ملكة زمانى 15-09-2012 03:07 PM
رد: amira ali ضيفه كرسى الاعتراف
 
منورة الكرسى يا احلى اميرة
يلا بقى يا قلبى انا عاوزة اسالك بقى تعاليلى يا بطة

1.لو خيروكى بين حبيبك وبين اعز صديق فمن تختارى ؟

2.((مستحيل انساك)) لمن تقوليها ؟

3.هل ملابس الشخص امامك تؤثر فيكى لتأخذى عنه انطباع ؟؟


4.ماالذي يلفت انتباهك بسرعه في الشخص لكي تعجبى به ؟

كدة كويس قوى يا ميرو ومستانية ردودك يا حبيبتى وتانى مرة منورة يا حبيبة قلبى


ريموووو 15-09-2012 03:43 PM
رد: amira ali ضيفه كرسى الاعتراف
 
منوره الكرسى يامرمر

طبعا عاوزين نتعرف على مرمر اكتر بالكرسى ده
دنا اتفاجأه بيكى فى موضوع نورى عن تحليل الشحصيه
كنت فكراكى ملاك

طلعتى عفريته وبتحبى المقالب

هههه

اول سؤال ليا

مين هى مرمر؟؟؟

الـمـتـألـقـة 16-09-2012 01:31 AM
رد: amira ali ضيفه كرسى الاعتراف
 
ريمووو
هههههههه
مرمر هي مرموره هههه
انا بدلعها بمرمر..

الـمـتـألـقـة 16-09-2012 01:33 AM
رد: amira ali ضيفه كرسى الاعتراف
 
يا جمال يا جمال..
مين قاعد عالكرسي؟!
أميييييرة علي..
الله الله..

كيفك يا اميرة؟؟

وحشتييييني بجد ..
نفسي اعرف بتحبيني و لالا هههههههه
هاا؟ ده مش سؤال..
هخخخخخخخخخ

1 كام عمرك..؟
2 مين هي اقرب صديقاتك اليكي..؟
3 متزوجه؟عندك اولاد؟
4 ايه اكثر حاجه بتحبيها في المنتدى؟
5 كلمة توجهينها لي انا ..!!!

هبه شلبي 16-09-2012 04:10 AM
رد: amira ali ضيفه كرسى الاعتراف
 
منوره الكرسى يا ست الكل

Đāłāł 16-09-2012 02:34 PM
رد: amira ali ضيفه كرسى الاعتراف
 
السلام عليكم
منــوووره
سؤالي
*كل انسان وله أمنيات وأمال .. يا ريت تخبرنا عن الحلم اللي يراودك أو
الأمنية اللي تتمناها ... ؟
* شو أصعب المواقف اللي مريت بها ؟

ومشكووره احبك ربي على الاستضافه
دمتم بخيير

نيڨين 16-09-2012 03:33 PM
رد: amira ali ضيفه كرسى الاعتراف
 
ياعيني ميرو خايفة ترد على الأسئلة
:38::38::lol::lol:

amira ali 16-09-2012 05:08 PM
رد: amira ali ضيفه كرسى الاعتراف
 
السلام عليكم

شفتوا العقل والادب

اولآ : بشكر لينا حبيبة قلبي علي المقدمة الطويلة

الكبيرة اللي اكبر من كل توقعاتي

ده كتير والله يا لينا عليا اوي

وبعتذر لها عشان معرفتش ادخل امبارح ارد

كنت تعبانة شوية

كفاية بقي عقل واحترام

ندخل في المفيد

بقولك ايه يا لينا

عايزة تخسري جمهورك اللي جاي يسألني عشان خاطر عيونك ولا ايه

انا في الحاجات دي مبعرفش ابويا

نوري استضفتني في شخصية وتحليل وندمت ندم السنين

انا هخيكوا يا مشرفات ويا مراقبات تقدموا استقالتكوا

نفرررررررررر نفررر

هههههههههه


ما كنت محترمة
لكن اعذروني مش بعرف ابقي محترمة كتير
بتعب

لازم اناكفكوا واطلع عينكوا

انا ليا مين غيركوا عشان افش غيلي فيه

يللا بقي بلاش مياسة ندخل علي الاسئلة اللي انا خايفة منها اوي

تعالوا ورايا

amira ali 16-09-2012 05:24 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة نيڨين (المشاركة 762949)
مكنش يومك يامعلم , دعيت عليكي بتدبيسة زي اللي دبستهالي واتحققت بأسرع ماكنت اتصور خخخخخخ , برافوا عليكي يا أحبك ربي خلصتيلي طاري , نخش عالجد بئى
*


مااااشي يا نيفو
فرحانة فيا
حاسة يا جماعة ان نيفين كانت مستخبية تحت الكرسي ومستنية اليوم ده
فعلآ ماكنش يومي


أميرا علي ده اسمك الحقيقي ؟

مش ملاحظه ان محدش بيكتب اسمو بالكامل هل هى جرأة منك ؟

مش جرأة بس ايه الداعي يخليني اكتب اسم مستعار
انا بحب ابقي كده متلبسة بالتهمة بتاعتي
وبعدين لو غيرت اسمي الصورة هتفضحني
ماهي دي صورة ابن اختي
شفتي بقي عشان اللي يختلط عليه الاسم
الصورة تأكدله
شوفتي جرأة اكتر من كده


انتي مصورة فوتغرافيه للمحجبات , لو جتلك واحدة لابسه حجاب لسبب مجهول وانتي عارفه انها مش محجبة في الأصل , حتصوريها ؟


انا هصورها
دي وظيفتي وانا مليش دعوة هي مين ولا بتعمل ايه
وبعدين احنا في شغلتنا دي بنشوف بلاوي سودة
مرة واحدة كانت بتعرف واحد وجرته عشان تتصور معاه بالعافية وهو كان خايف يتصور عشان مراته بس انا مليش اني اتدخل في الحاجات دي
بس فيه شوية احتياطات بنعملها عشان نتجنب المشاكل
وهبقي احكيلك يا نيفو علي شوية مغامرات قابلتني في التصوير


أمنيه نفسك تتحقق ؟

؟؟؟؟؟؟

صعب اوي الكلام في الموضوع ده
خصوصآ اني عارفة انها مستحيل تتحقق
يبقي بلاش كلام فيها احسن
ومتقلبيش عليا المواجع


سؤال : انا ليه بحبك أوييييييي ؟


عشان انا بحبك اووووي

وده مش كلام
في بنات اتعرفت عليها هنا حاسة انها قريبة مني اوي وغالية عليا اوي
وانتي من البنات دي


* تسلمي لينا على اختيارك الموفق

يا شماتت ابلة ظاظا فيا

amira ali 16-09-2012 05:40 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة شروق ملكة زمانى (المشاركة 763056)
منورة الكرسى يا احلى اميرة
يلا بقى يا قلبى انا عاوزة اسالك بقى تعاليلى يا بطة

ركبي بتخبط في بعضها
شروق رغم صغر سنك لكن سألتني كام سؤال في الصميم
مش عارفة ارد عليها
اسألتك ولا الثانوية العامة
السهل الممتنع
وحاسة انها واحدة جعانة ووقعت تحت ايديها بطة محمرة
سنالي سننها وبتقولي تعاليلي يابطة
والله خفت منك
يللا ربنا يستر

1.لو خيروكى بين حبيبك وبين اعز صديق فمن تختارى ؟


شوفتوا مش قلتلكوا
ادي اسئلة شروق
هتخسريني الناس يا بنتي
بجد مش عارفة اختار ولا عارفة ارد
بس لاني عاطفية اوي اوي اووووووي
ممكن بحبيبي استغني عن الدنيا كلها


2.((مستحيل انساك)) لمن تقوليها ؟


لبابا الله يرحمه
واتمني لو اشوفه ولو لحظة واحدة اودعه فيها
لا ما ودعتهوش
حرام عليكي والله بكتيني عاجبك كده
استني شوية بقي
راجعة تاني

3.هل ملابس الشخص امامك تؤثر فيكى لتأخذى عنه انطباع ؟؟

لأ طبعآ
في بنات مش ملتزمة في لبسها بس عندها مبادئ اخلاقية وكلامي ده مش هيعجب بعضكم
بس انا من خلال مهنتي شفت حاجات تشيب شعر الراس
مع احترامي للمنتقبات
بيجيني واحدة منتقبة ومحترمة خارجيا
لكن داخليا اعوذ بالله
متصدقيش اللي عينك تشوفه اما بيتقفل علينا صالة التصوير
وهي في الاساس مش محجبة اصلآ
فعشان كده مش باخد الناس بالمظاهر


4.ماالذي يلفت انتباهك بسرعه في الشخص لكي تعجبى به ؟


خفة الدم
اول حاجة بتلفت نظري لاني بحب الضحك والهزار ومش بميل للنكد

كدة كويس قوى يا ميرو ومستانية ردودك يا حبيبتى وتانى مرة منورة يا حبيبة قلبى


شكرا يا شروق

amira ali 16-09-2012 05:49 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة ريموووو (المشاركة 763122)
منوره الكرسى يامرمر

طبعا عاوزين نتعرف على مرمر اكتر بالكرسى ده
دنا اتفاجأه بيكى فى موضوع نورى عن تحليل الشحصيه
كنت فكراكى ملاك

طلعتى عفريته وبتحبى المقالب

هههه

اول سؤال ليا

مين هى مرمر؟؟؟

ماااااااشي يا ريموووو

سؤال من 3 كلمات بس برضه صعب جدآ

مرمر هي اميرة وماما ربنا يخليهالي هي اللي بتقولي مرمر
وبابا الله يرحمه كان بيقولي امورة بابا

اميرة خريجة تجارة اتعرفت علي جوزها في الاستوديو بتاعه وحبت التصوير جدآ واشتغلت معاه 8 سنين وبعدين زهق منها
كان عايز يمشيها من الشغل ومعرفش ازاي راح متجوزها عشان يخلص منها
متجوزة من 9 سنين وربنا ماعطهاش اطفال بس هي لسة مش فاقدة الامل


شكرا ريمووووووو

amira ali 16-09-2012 06:24 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة الـــمـــتـــألـــقـــة (المشاركة 764046)
يا جمال يا جمال..
مين قاعد عالكرسي؟!
أميييييرة علي..
الله الله..

حاسة ان الكل فرحان فيا

كيفك يا اميرة؟؟
الحمدلله ياروحي

وحشتييييني بجد ..
نفسي اعرف بتحبيني و لالا هههههههه
هاا؟ ده مش سؤال..
هخخخخخخخخخ

لا هعتبره اول سؤال وبكده بقوا 6 اسئلة وانتي كده تجاوزتي الحد المسموح بيه
فين المراقبة
يالينننننا
تعالي الحقي واحدة خالفت القوانين وسألتني 6 اسألة وعايزة تعمل ناصحة
بللا اغوا عضويتها واحرموها من الاشراف
هاهاهاهاها
يا سلام علي طيبة قلبي
كم انا حنونة
نرجع للسؤال

نفسي اعرف بتحبيني و لالا هههههههه
هاا؟ ده مش سؤال..
هخخخخخخخخخ

باجابة مختصرة وبايجاز ومن لف ولا دوران وبجد عشان مطولش عليكوا وتزهقوا مني واكون ضيفة حفيفة لطيفة ظريفة
بصراحة


لأ


1 كام عمرك..؟

ليه بقي الزعل ده
هوريكي البطاقة بس وحياه مامو ما تبصي في السن
محسساني اني ممسوكة في قضية
ماشي عندي 38 سنة يعني خلاص رجل بره ورجل جوة

2 مين هي اقرب صديقاتك اليكي..؟

اسنتي اعدهم

حوالي 14 القريبين مني اوي
ومش هقولك اساميهم عشان خايفة انسي حد ويزعل مني
لكن بحب كل المنتدي والله وكل واحدة اتكلمت معاها

3 متزوجه؟عندك اولاد؟

اي نعم متزوجة
وللأسف لسة معنديش اولاد
لكن رحمة ربنا واسعة وانا متفائلة خير
تفائلوا بالخير تجدوه

4 ايه اكثر حاجه بتحبيها في المنتدى؟

بحب المنتدي كله بالي فيه
واكتر حاجة اما اتكلم مع اصحابي عن طريق الشات
يانهار تهزيق ببقي في قمة الاحترام انا وهما


5 كلمة توجهينها لي انا ..!!!

اقولك اعقلي شوية خصوصآ مع نيفين
انتي عاملة زي الدبور اللي بيمشي يزن في كل حتة
بس عليكي خفة دم
ربنا يسعدك يا سو

amira ali 16-09-2012 06:30 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة هبه شلبى (المشاركة 764151)
منوره الكرسى يا ست الكل

وانتي منورة المنتدي كله
يا ملكة المكرر

amira ali 16-09-2012 06:42 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة Đāłāł (المشاركة 764568)
السلام عليكم
منــوووره
سؤالي
*كل انسان وله أمنيات وأمال .. يا ريت تخبرنا عن الحلم اللي يراودك أو
الأمنية اللي تتمناها ... ؟

انتي اللي منورة يا حبيبتي


عندي امنيات كتير بس اكتر امنيه بتمناها من ربنا
اني ماموتش وحيدة
نفسي في طفلة ترعاني وانا كبيرة
وتبكي عليا اما اموت


* شو أصعب المواقف اللي مريت بها ؟



اول موقف اما ابني مات وفضلت شايلاه في بطني شهر وهو ميت وانا مش عارفة
واما عرفت كانت صدمة فظيعة
ربنا ما يكتبها علي حد

تاني موقف اما بابا مات
كانت برضه صدمة لانه مكنش عيان ولا فيه حاجة خالص
ودول كانوا اغلي اتنين عندي



ومشكووره احبك ربي على الاستضافه
دمتم بخيير
شكرا يا دلال

الملكة نفرتيتي 16-09-2012 09:37 PM
رد: amira ali ضيفه كرسى الاعتراف
 
ياعيني يا ميرو
كل دة اسئلة دة شكلهم كانو مستنينك
ههههههه

اسئلتي بقى
1/اكتر وحدة بتحبيها في العضوات وماتقوليش كلكو...حددي
2/انا اية بالنسبة ليكي وبصراحة؟؟
3/ماذا يمثلك المنتدى؟
4/لية مابتنزليش مواضيع كتيرة؟
5/اول ما بتفتحي عدلات مين اول وحدة بتهتمي تكون موجودة وقتها؟؟؟

♥ احبك ربى ♥ 16-09-2012 10:02 PM
رد: amira ali ضيفه كرسى الاعتراف
 
ههههههههههههه
انا مش هااندم بس انتى الله يعينك ع اسئلتهم

نيڨين 16-09-2012 10:12 PM
رد: amira ali ضيفه كرسى الاعتراف
 
أنا سألتك أنا ليه بحبك , بس دلوئتي بعد ماقريت ردودك عرفت بحبك ليه , واقسم بالله حبيتك أكتر وكلامك أثر فيا وبرغم ردودك المرحة وخفة دمك انما حسيت بحالة من الشجن ومش عارفه ليه حسيت اني نفسي احضنك واطبطب عليكي
*
احسن اسكت عشان بس اكون عاطفيه دمي بيتقل وبقلب هندي
ربنا يحقق امانيكي ويفرح قلبك حبيبتي

Nothing To Lose 16-09-2012 10:32 PM
رد: amira ali ضيفه كرسى الاعتراف
 

زهره التحرير 16-09-2012 11:32 PM
رد: amira ali ضيفه كرسى الاعتراف
 
منوره ياقمر
انا جيت بس اسلم عليكى
واقولك انا بحبك فى الله

الـمـتـألـقـة 17-09-2012 01:16 AM
رد: amira ali ضيفه كرسى الاعتراف
 
باجابة مختصرة وبايجاز ومن لف ولا دوران وبجد عشان مطولش عليكوا وتزهقوا مني واكون ضيفة حفيفة لطيفة ظريفة
بصراحة


لأ



{{انا زعلانه اوي..
سلام.
مكنتش متوقعه ده منك يا اميرة}

حسناء 17-09-2012 01:38 AM
رد: amira ali ضيفه كرسى الاعتراف
 
منورة يا احلى اميرة الكرسى
يا سلام عليكى اتهريتى اسئلة
بس اجاباتك فيها حزن شوية
ربى يسعدك دوم يارب
صالحى سوسو بقى اصلها يا عينى حساسة وما بتصدق هههههه

انا هروح اجيبلك حاجة تاكليها الاول

لولو حبيب روحي 17-09-2012 02:09 AM
رد: amira ali ضيفه كرسى الاعتراف
 
حبيبتي اميرة البنات سألوكي كتير اوي بس انا كنت عاوزة بس اقولك اني بحبك في الله وربنا يسعدك ويرزقك ويرزقني عاجل غير اجل يارب

♥ احبك ربى ♥ 17-09-2012 02:14 AM
رد: amira ali ضيفه كرسى الاعتراف
 
منوره الكرسى ياقمر
يارب تنولى كل ماتتمنى

amira ali 17-09-2012 08:01 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة الملكة نفرتيتي (المشاركة 765465)
ياعيني يا ميرو
كل دة اسئلة دة شكلهم كانو مستنينك
ههههههه

شوفتي يا جوجو
كلهم سنين سنانهم عليا
اسئلتي بقى
1/اكتر وحدة بتحبيها في العضوات وماتقوليش كلكو...حددي

هي مش واحدة
دول وحايد
الملكة نفرتيتي
دودو مودو
مرمورة
ام حمزة وعمر وعلي
حسناء
امل عثمان
تيته نونه
نيفين
لافالانيتا
ريمووووووو
المتألقة
بائعة الورد
رحيق
لولو حبيب روحي
احبك ربي
نوري
هبه شلبي
وبنات كتير والله
خايفة اكون نسيت حد


2/انا اية بالنسبة ليكي وبصراحة؟؟


انتي اختي وصاحبتي وجارتي في الشات


3/ماذا يمثلك المنتدى؟

عدلات هو بيتي الصغير
اللي برمي فيه كل همومي
واقول اللي مش بقدر اقوله لحد


4/لية مابتنزليش مواضيع كتيرة؟


معنديش وقت
وكفاية عليا الرد علي مواضيعكم اللي زي العسل


5/اول ما بتفتحي عدلات مين اول وحدة بتهتمي تكون موجودة وقتها؟؟؟

كل اللي ذكرت اسمائهم فوق
لان دول اصحابي
وشكرا يا جوجو علي اسئلتك

amira ali 17-09-2012 08:04 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة ♥ احبك ربى ♥ (المشاركة 765555)
ههههههههههههه
انا مش هااندم بس انتى الله يعينك ع اسئلتهم

ايوة يا لينا
وصيهم عليا

amira ali 17-09-2012 08:05 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة نيڨين (المشاركة 765579)
أنا سألتك أنا ليه بحبك , بس دلوئتي بعد ماقريت ردودك عرفت بحبك ليه , واقسم بالله حبيتك أكتر وكلامك أثر فيا وبرغم ردودك المرحة وخفة دمك انما حسيت بحالة من الشجن ومش عارفه ليه حسيت اني نفسي احضنك واطبطب عليكي
*
احسن اسكت عشان بس اكون عاطفيه دمي بيتقل وبقلب هندي
ربنا يحقق امانيكي ويفرح قلبك حبيبتي

اه يا نيفو محتاجة حد يحضني اوووووووي واقعد اعيط للصبح

amira ali 17-09-2012 08:07 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة قدوتى عائشة (المشاركة 765620)

ربنا يخليكي يا ايمان
ايه الواجب ده
انتي حاسة ان الناس دي نشفت ريقي من الصبح
طيب فين الاسئلة

amira ali 17-09-2012 08:09 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة زهره التحرير (المشاركة 765791)
منوره ياقمر
انا جيت بس اسلم عليكى
واقولك انا بحبك فى الله

وانا كمان بحبك وبحب اصحابي

حلوة الناس الخفيفة دي
اللي بتيجي تسلم وتمشي
اتعلموا بقي

amira ali 17-09-2012 08:10 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة الـــمـــتـــألـــقـــة (المشاركة 766297)
باجابة مختصرة وبايجاز ومن لف ولا دوران وبجد عشان مطولش عليكوا وتزهقوا مني واكون ضيفة حفيفة لطيفة ظريفة
بصراحة


لأ



{{انا زعلانه اوي..
سلام.
مكنتش متوقعه ده منك يا اميرة}

يا خايبة بهزر معاكي
هو انا لو مش بحبك كنت هزرت معاكي
عيب ده احنا اصحاب
انا بموت فيكي
وبعتذرلك علي الهوا

amira ali 17-09-2012 08:11 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة حسناء (المشاركة 766420)
منورة يا احلى اميرة الكرسى
يا سلام عليكى اتهريتى اسئلة
بس اجاباتك فيها حزن شوية
ربى يسعدك دوم يارب
صالحى سوسو بقى اصلها يا عينى حساسة وما بتصدق هههههه

انا هروح اجيبلك حاجة تاكليها الاول


انا مش عايزة اكل
يللا اسألي وخلصيني

amira ali 17-09-2012 08:12 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة لولو حبيب روحي (المشاركة 766580)
حبيبتي اميرة البنات سألوكي كتير اوي بس انا كنت عاوزة بس اقولك اني بحبك في الله وربنا يسعدك ويرزقك ويرزقني عاجل غير اجل يارب

يارب ويرزق كل اللي في بالي واللي في بالك

amira ali 17-09-2012 08:13 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة ♥ احبك ربى ♥ (المشاركة 766612)
منوره الكرسى ياقمر
يارب تنولى كل ماتتمنى


يارب
ويرزقك باللي نفسك فيه
ويحقق امانيكي
اللهم امييين

حسناء 18-09-2012 07:25 PM
رد: amira ali ضيفه كرسى الاعتراف
 
هههههههههه
والله نسيت انى رايحة اجيب اكل
خلاص بما انك مش عايزة والله ما ازعلك ابدا
هههههههه
نسأل احسن برده...

حسناء 18-09-2012 07:37 PM
رد: amira ali ضيفه كرسى الاعتراف
 
بسم الله.
بتحبى اللمة اكتر ولا نادر؟
اكلاتك المفضلــــــة؟
لما تشوفى حد متعرفيهوش بيعمل حاجة غلط هتطنشى ولا هتكلميه وهتنبهيه؟
وللحديث بقية ان شاء الله يا عسل..

ريموووو 19-09-2012 12:26 AM
رد: amira ali ضيفه كرسى الاعتراف
 
ربنا يرزقك بالابن الصالح البار اللى يسعدك ويكون لك قره عين

الـمـتـألـقـة 19-09-2012 12:55 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة amira ali (المشاركة 767525)



يا خايبة بهزر معاكي
هو انا لو مش بحبك كنت هزرت معاكي
عيب ده احنا اصحاب
انا بموت فيكي
وبعتذرلك علي الهوا
فاكرة نفسك حاطينلك LIVE في جنب الشاشه عاليمين؟
هببببببببله,,
بمووووووووووت فيكي و مش مهم تحبيني و لالا اصلالا
هع هع هع هع هع :heart::heart::heart::heart:

الحمد لله منسيتينيش في لستة اصحابه اللي فوق..!:48:

الـمـتـألـقـة 19-09-2012 12:56 AM
رد: amira ali ضيفه كرسى الاعتراف
 
و ربنا يرزقك الذرية الصالحه يااااااااااااا رب

jira 19-09-2012 01:54 AM
رد: amira ali ضيفه كرسى الاعتراف
 
أهلين يا قمر منورة والله
أنا ما بعرفك منيح بس بتمنالك السعادة وتنولي اللي فبالك يارب
ايه ايه عايزة أسألك بتشتغلي ولا قاعدة في البيت؟؟؟؟
مين أكتر شخص بتحبيه ؟؟؟
ولو هاذ الشخص اللي بتحبيه غلط بحقك تسامحيه ولا لأ؟؟؟؟؟؟

sana55 19-09-2012 02:16 AM
رد: amira ali ضيفه كرسى الاعتراف
 
منوره ياحلى أمير

amira ali 19-09-2012 05:02 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة حسناء (المشاركة 771068)
بسم الله.
بتحبى اللمة اكتر ولا نادر؟


لأ نادر
مش بحب الدوشة ابدآ
بميل للهدوء اكتر
بحب اخلص شغلي واقعد مع نفسي والكمبيوتر وكوباية شاي
بس ساعات بعشق اللمة وخصوصآ لو كان في اطفال ببقي اعيل منهم



اكلاتك المفضلــــــة؟


بحب كل الاكل
وبالاخص المأكولات البحرية
زي القطط يعني
نيو نيو


لما تشوفى حد متعرفيهوش بيعمل حاجة غلط هتطنشى ولا هتكلميه وهتنبهيه؟



والله يرجع للشخص ده هيتقبل كلامي
ولا هجيب لنفسي التهزيق
ما هو انا مش هصلح غلط بغلط
وما اقبلش حد يغلط فيا
تلاقيني عيطت علي طول


وللحديث بقية ان شاء الله يا عسل..
هستناكي يا حوحو

amira ali 19-09-2012 05:06 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة ريموووو (المشاركة 772069)
ربنا يرزقك بالابن الصالح البار اللى يسعدك ويكون لك قره عين


امين يا ريمووو
ويخليكي لاولادك
وتشوفيهم احسن حاجة في الدنيا
ويقومك بالسلامة

amira ali 19-09-2012 05:09 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة الـــمـــتـــألـــقـــة (المشاركة 772111)

فاكرة نفسك حاطينلك live في جنب الشاشه عاليمين؟
هببببببببله,,


ايه ده هو احنا مش ع الهوا
هههههههه


بمووووووووووت فيكي و مش مهم تحبيني و لالا اصلالا
هع هع هع هع هع

انا اللي بموت فيكي يا شقية

:heart::heart::heart::heart:

الحمد لله منسيتينيش في لستة اصحابه اللي فوق..!:48:

هو انا اقدر
خفت تضربيني

amira ali 19-09-2012 05:10 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة الـــمـــتـــألـــقـــة (المشاركة 772115)
و ربنا يرزقك الذرية الصالحه يااااااااااااا رب

يارب
اسمع منها
ربنا بيستجيب للاطفال
ادعيلي انتي بس

amira ali 19-09-2012 05:15 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة jira (المشاركة 772287)
أهلين يا قمر منورة والله
أنا ما بعرفك منيح بس بتمنالك السعادة وتنولي اللي فبالك يارب


يارب



ايه ايه عايزة أسألك بتشتغلي ولا قاعدة في البيت؟؟؟؟



الاتنين

يعني بنزل للعرايس بالحجز فقط
وكنت بشتغل جرافيك في البيت
بس ده كان زمان




مين أكتر شخص بتحبيه ؟؟؟
ولو هاذ الشخص اللي بتحبيه
غلط بحقك تسامحيه ولا لأ؟؟؟؟؟؟

اكتر شخص بحبه امي ربنا يخليها

ولو غلطت في حقي طبعآ هسامحها
مع ان ده مش بيحصل ابدآ
انا وماما اصدقاء جدآ جدآ جدآ


اشكرك جدآ

amira ali 19-09-2012 05:16 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة sana55 (المشاركة 772332)
منوره ياحلى أمير

وانتي منورة يا احلي سناء

dodo modo 19-09-2012 12:27 PM
رد: amira ali ضيفه كرسى الاعتراف
 
منورة ياميرو

بصى ياجميل انا اسألتى خفيفة ولطيفة كده مش بايخة وبحترمك اهو اى خدمة

1)مين اكتر شخص حس بيكِ وعينه دمعت من اجلك ؟

2)ياترى وياهل ترى بتحبى زوجك مثل ما هو يحبك ؟

3)حياتك الزوجية جميلة والا تعيسة ؟

4)لو نفسك تقولى لحد بحبك جداً ياترى لمين هتقوليها ؟

5)انتى رقيقة حقاً ؟ والا شو هع ؟

يارب ياميرو اسألتى تكون خفيفة عليكى وتعرفى تجاوبى عليها كده زى البنات الحلوين هع هع هع هع هع هع
يالا ياختى فى انتظار ردك

سوبر مامى 19-09-2012 02:09 PM
رد: amira ali ضيفه كرسى الاعتراف
 
هههه العيال زانقينك يا فالحه زنقه محترمه
والبت دودو سألتك كام سؤال فى الصميم ورينى بقى شطارتك فى الاجابه
عارفه ايه احلى حاجه ؟
انك قلتى ام حمزه وعمر وعلى ههههه
دخلتى لولى فى القايمه يعنى
عجبتنى اوى

jira 19-09-2012 02:56 PM
رد: amira ali ضيفه كرسى الاعتراف
 
أهلين حبيبتي
عايزة أسألك لو بقولك إوصفي نفسك (حالك) بكلمة واحدة حتكون ايه الكلمة دي؟؟؟؟؟؟؟

amira ali 20-09-2012 03:41 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة دودو مودو (المشاركة 772622)
منورة ياميرو
بصى ياجميل انا اسألتى خفيفة ولطيفة كده مش بايخة وبحترمك اهو اى خدمة



فعلآ خفيفة ولطيفة زيك يابت
ومحترمة ( ده احنا بنتعلم الاحترام منك يا طنط )



1)مين اكتر شخص حس بيكِ وعينه دمعت من اجلك ؟



امي
هو فيه زي الام
2)ياترى وياهل ترى بتحبى زوجك مثل ما هو يحبك ؟

محسساني انه جوز خالتك
تعرفي منين انه بيحبني اصلآ
لأ مابحبوش
بحبه اكتررر
ما بيحبني بكتييييير
واسألي هاجر
عشان احنا دافنينه سوا يا شابة



3)حياتك الزوجية جميلة والا تعيسة ؟



اقتلوا البنت دي
يا روح قلبي عليكي يا دودو
حياتي الزوجية طبعآ وحتمآ ولابد ومما لاشك فيه واكيد اكيد
جميلة
مش شيفاني بضحك علي طول
بس نفسي يكتبولي game over
وعلي رأي المثل
قرد مهنيني ولا غزال مطلع عيني



4)لو نفسك تقولى لحد بحبك جداً ياترى لمين هتقوليها ؟



اقولها لمين
القول ضايع يا بنتي !!!!!!!
اقولها لمين
محدش يستاهل الكلمة دي
غير امي
واصحاب حلوين زيكوا



5)انتى رقيقة حقاً ؟ والا شو هع ؟




لأ شو
طبعآ رقيقة حتي بصي
سو سو سو
انتي جاية تهرجي هنا
احنا جايين نشتغل مش جايين نلعب يا شاطرة
يللا يابت من هنا
عايزين نرش مية قدام الكرسي
اجري العبي بعيد




يارب ياميرو اسألتى تكون خفيفة عليكى وتعرفى تجاوبى عليها كده زى البنات الحلوين هع هع هع هع هع هع
يالا ياختى فى انتظار ردك




ايه رأيك يا طنط
عرفت اجاوب زي البنات الحلوين
كل ده هيتردلك يوم الجمعة يا حبيبة قلبي ( اتقلي )
بس ابقي تعالي عندنا الشات عشان اقطعلك رجليكي
داخلة بتسأليني وبرءة الاطفال في عينيكي
وما اروع الاستهبال

amira ali 20-09-2012 03:53 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة سوبر مامى (المشاركة 772744)
هههه العيال زانقينك يا فالحه زنقه محترمه
والبت دودو سألتك كام سؤال فى الصميم ورينى بقى شطارتك فى الاجابه


متخافيش عليا
نحن لها




عارفه ايه احلى حاجه ؟
انك قلتى ام حمزه وعمر وعلى ههههه
دخلتى لولى فى القايمه يعنى
عجبتنى اوى


طبعآ
علي ده اسم غالي عليا

منورة يا ام علي

amira ali 20-09-2012 03:55 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة jira (المشاركة 772825)
أهلين حبيبتي
عايزة أسألك لو بقولك إوصفي نفسك (حالك) بكلمة واحدة حتكون ايه الكلمة دي؟؟؟؟؟؟؟



المرأة الحديدية
هههههههه

amira ali 20-09-2012 03:59 AM
رد: amira ali ضيفه كرسى الاعتراف
 
هل تعلموا

ان كلمة

( اممم )

معناها باللغة السيلانية

( اعشقك )


والله انا امممممممممم كلكم

في حد امممممممممم انا

dodo modo 20-09-2012 09:44 AM
رد: amira ali ضيفه كرسى الاعتراف
 
انا امممممم المنتدى مش انتى ماتقلقيش ههه

ماشى ياختى شكراً لردك العسل ده ياعسل

حسناء 20-09-2012 02:23 PM
رد: amira ali ضيفه كرسى الاعتراف
 

المرأة الحديدية
هههههههه

هههههههههه
ههه
هههههههههههه
هههههه
هههه
هه
ه

معدتش قادرة اضحك هخخخخخخخخ

انا اممم يو

سوبر مامى 20-09-2012 03:38 PM
رد: amira ali ضيفه كرسى الاعتراف
 
انا امممم يا ميرا

نيڨين 20-09-2012 05:48 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة amira ali (المشاركة 767527)



انا مش عايزة اكل
يللا اسألي وخلصيني
هههه عصبناكي ياعيني , لأ وحسناء شغاله مرة عصير ومرة أكل خخخخخخخ

نيڨين 20-09-2012 05:51 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة حسناء (المشاركة 771033)
هههههههههه

والله نسيت انى رايحة اجيب اكل
خلاص بما انك مش عايزة والله ما ازعلك ابدا
هههههههه
نسأل احسن برده...
حسناء محسسانا ان احنا معزومين عندكم في البيت خخخخخخخخ أكل وعصير وصالحي سوسو هههههههه شربااااااااااات والله

نيڨين 20-09-2012 06:03 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة دودو مودو (المشاركة 772622)
منورة ياميرو

بصى ياجميل انا اسألتى خفيفة ولطيفة كده مش بايخة وبحترمك اهو اى خدمة

1)مين اكتر شخص حس بيكِ وعينه دمعت من اجلك ؟

2)ياترى وياهل ترى بتحبى زوجك مثل ما هو يحبك ؟

3)حياتك الزوجية جميلة والا تعيسة ؟

4)لو نفسك تقولى لحد بحبك جداً ياترى لمين هتقوليها ؟

5)انتى رقيقة حقاً ؟ والا شو هع ؟

يارب ياميرو اسألتى تكون خفيفة عليكى وتعرفى تجاوبى عليها كده زى البنات الحلوين هع هع هع هع هع هع
يالا ياختى فى انتظار ردك
هى خفيفة بعقل ؟ ناس مستقوية هع هع هع هع

amira ali 20-09-2012 07:07 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة نيڨين (المشاركة 775327)

هى خفيفة بعقل ؟ ناس مستقوية هع هع هع هع

شوفتي يا نيفو البت دودو
مستفزة مش كده

نيڨين 20-09-2012 07:39 PM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة amira ali (المشاركة 774537)
هل تعلموا

ان كلمة

( اممم )

معناها باللغة السيلانية

( اعشقك )


والله انا امممممممممم كلكم

في حد امممممممممم انا
انا بامممممم انت ياحيييلو:heart:

تيته نونه 21-09-2012 01:21 AM
رد: amira ali ضيفه كرسى الاعتراف
 
انت مين اوصفى نفسك ؟؟ مين اكثر ناس مهمين فى حياتك؟؟ ماذا يعنى لك منتدى عدلات
انت اتجوزتى عن حب ولا لاء؟؟
انا بحبك انت شعورك ايه ههههههههههه؟

dodo modo 21-09-2012 03:41 AM
رد: amira ali ضيفه كرسى الاعتراف
 
انا مستقوية وااااااء ياظالمة
انا حتى غلبانة خالص ياحيلو صح يابت يايمرو انطقى
الله بموت فى نفسى وانا شرسه هع هع هع

amira ali 21-09-2012 07:03 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة نيڨين (المشاركة 775640)

انا بامممممم انت ياحيييلو:heart:




وانا كمان

amira ali 21-09-2012 07:22 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة تيته نونه (المشاركة 776467)
انت مين اوصفى نفسك ؟؟


صعب يا نونه اوصف نفسي
بس انا جوبت علي السؤال ده قبل كده عند ريمووووو في صفحة 2 من نفس الموضوع

بس هقولك باختصار:

انا واحدة اتحرمت من الحب
ومن الاطفال
ومن راحة البال
ومن الاهتمام
ومن الوفاء

و يبقى فى القلب شىء , لا يعلمه سوى رب كل شىء !


ورغـم انـي عــارف ان الـدنــيـا مـش هتسمعني
بس عـاوز أقـولــهــا
مـش نـاويـة تـتـعـدلـي مـعـايـا بـقـا !!
بــس عـنـد فـيـكـي
الــحـمـد لله ?




مين اكثر ناس مهمين فى حياتك؟؟

امي
اللَّـَـَـَـْـْہم أرفَع لأمي الغاليه ذِكراً ؛ وأصلِح لَهُا أمراً ؛ وأغفِر لهُا وِزراً ؛ وأطِل لهُا عُمراً ؛ واشرَح لهُا صَدراً ؛ ولا تُرِيها في حَيَاتِها إلا خَيراً ؛ واملأ قَلبَهُا فَرَحاً و سُروُراً ؛ واجعَل لهُا مِن كُل عُسراً يُسراً ؛ وأبني لهُا ولوالدي ولِوالدَيهما في جَنات الفُردوس قَصراً
اللهم آميين

وبجد بجد انتوا بقيتوا حتة مني
مقدرش ما ادخلش يوم واكلمكوا




ماذا يعنى لك منتدى عدلات


والله كل حياتي حاليآ




انت اتجوزتى عن حب ولا لاء؟؟





بلا حب بلا بتاع...الحياه كده نعناع
بلا حب بلا سهوكه ...الحياه كده انتكه
بلا حب بلا نيله...الدنيا بصحابي جميله... ...
بلا حب بلا موز... الحياه كده لوز
بلا حب بلا جزر... قال يجرحني ويعتزر
بلا حب بلا دوشه... الحياه كده روشه
بلا حب بلا نيله ده أنا نفسي في شوية بليله
بلا حب بلا جواز ... ياكش تتحرق بجاز

ههه

شوفتي الشعر




انا بحبك انت شعورك ايه ههههههههههه؟


وانا بموت فيكي والله يا نونه

amira ali 21-09-2012 07:25 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة دودو مودو (المشاركة 776772)
انا مستقوية وااااااء ياظالمة
انا حتى غلبانة خالص ياحيلو صح يابت يايمرو انطقى
الله بموت فى نفسى وانا شرسه هع هع هع

انتي مش مستقوية يا حبيبة قلبي مين قال كده

انتي مفترية بس

وربنا ع المفتري

رحيق 21-09-2012 10:50 AM
رد: amira ali ضيفه كرسى الاعتراف
 
منورة الكرسي يا أميرة يا قمر
اول سؤال عملتي ايه في الثلاجة؟؟هههههه
_ هوايتك المفضلة ايه؟
ـ مين أقرب الناس ليكي؟
_ فين تحبي تقضي أوقات فراغك واجازاتك؟

amira ali 22-09-2012 01:00 AM
رد: amira ali ضيفه كرسى الاعتراف
 
اقتباس:
المشاركة الأصلية كتبت بواسطة رحيق (المشاركة 777267)
منورة الكرسي يا أميرة يا قمر


ربنا يخليكي يا رحيق يا حبيبتي



اول سؤال عملتي ايه في الثلاجة؟؟هههههه


قصدك الديب فريزر
الصيانه اخيرا جت صلحته
كان مفيهوش فريون
انتي لسة فاكرة



_ هوايتك المفضلة ايه؟


القراءة
بس من بعد ماعرفتكوا
بطلت اقرا



ـ مين أقرب الناس ليكي؟


ماليش حد غير امي هي صاحبتي واختي واحيانا بنتي
وبدون مبالغة ولا مجاملة انتوا كمان قريبين لقلبي اوي




_ فين تحبي تقضي أوقات فراغك واجازاتك؟


علي النت مع عدلات
وبقيت مبدخلش علي اي موقع غيره

شكرا يا رحوقة يا قمر علي اسألتك الجميلة

amira ali 22-09-2012 01:40 AM
رد: amira ali ضيفه كرسى الاعتراف
 
يـآ ربّ ،

وَحدگ تدرگ مآ [ انتظره ] وَ مآ يتمناهہ قلبيُ .،

و تعرفّ ' أسرار [ مستقبليُ ] و مآ يحملہ ليُ .،

فسهَل أمري

وَ حققَ [ مطلبيُ ] وَ سخر ليَ مآ هوّ خيراً ليُ .،

أنا وكل من معي [ هنا ] وكل من قال آمين ,

amira ali 22-09-2012 01:42 AM
رد: amira ali ضيفه كرسى الاعتراف
 
بشكرك جداً يالينا علي ذوقك واخلاقك
ويارب متألقة دايمآ بمواضيعك


الساعة الآن 01:16 AM