يــادوب مســافات ..! (بـــ قلمي )
كل ما بسمع صوتك ببكي ايوه بحِس ان انت واحشني واحش روحي واحش عيني واحش قلبي كل ما بسمع صوتك ببكي بعرف بس ساعتها الفرق ما بين العالم كله وبينك وبــ توحشني اللحظه الحلوه لما تاخدني ما بين دراعينك وبـ توحشني النظره الحلوه اللي بشوفها بــ تسكن عينك يصرخ قلبي ويحزن جدا ينده صوتي ويهمس فينك ..!!! لما بقابل ناس مش انت بعرف بس ساعتها الفرق ما بين العالم كله وبينك وافضل ساكته وساكته وصابره نظرة عيني بـ تلضم ساعه فـ ساعه فـ ساعه لجل ما تِخطف بيهم بكرة ! ياااااه على قلبي اللي بــ يتوجع يااه على قلبي اللي بـ يتوجع لما بحس ان اللي باعدنا يادوب مسافات نفسي اخطي الدنيا واجيلك نفسي اشكيلك نفسي ابكيلك نفسي اغمض عيني وافتح والقىَ دا كله يادوب خيالات ياااااااه على قلبي اللي بــ يتوجع لما بحس ان اللي باعدنا يادوب مسافات !!! صعبه حياتي كتير فــ بعادنا صعبه حياتي كتير من غيرك واتأكدت وبس الليله اني ماليش فـ العالم غيرك فــ اللحظادي بجد انا تايهه اه بكتبلك وانا مش عارفه افرق بين الدمعه وحــِبري ! فااااااايض صبري فاض الصبر ونفسي اشوفك تمسح دمعي بـ حضن كفوفك دانا من يوم ماقابلتك حسه اني البنت النونو الطفله اللي فــ حضنك بس بــ تقدر تجري وتهرب من احزانها واللى عشانها بــ توهب روحك وبــ تِرميها ما بين احضانها وازاي اقدر ابعد عنك دانتَ حبيبي وصحبي وابويا ونفسي وروحي وكل الناس انا فــ بعادك حسه العالم صخره بــ توجع شئ مافيهوش ذرة احساس ! اه فــ غيابك حسه شعوري بجد واجعني ايوه بــ تصعب نفسي عليا حسه بــ إني ضعيفه وخايفه حسه حياتي دي صحرا وجافه وانا برويها بــ دمعة عيني مانتَ النهر الحلو وبس اللي بــ يسقيني وانت الحضن اللي بــ يحميني وانت الصوت اللي اما سمعته دوِب دمعي فــ نهر حنيني واما لقيتك مش ادامي ونفسي ابوحلك داب احساسي فـ حضن الورقه ورحت اكتبلك رحت اقولك عن احساسي اللي بــ يتعذب لما وحشته ايوه صحيح احساسي يادوبك بس كتبته وماتكلِمتش بس ارتحت عشان كلِمتك لو عــ السطر !! ايوه ارتحت عشان فضفضت !!!!!! ... من وحي قلمي .. إليك يا نصفي الآخر .. يا من ابقىَ بدونك مجرد نصف غير واضح المعالم !!! حروف وليدة اللحظه لم اراجعها ولم اعيد قراءتها فــ عذرا ان كانت دون المستوىَ هي فقط لحظات بوح ! ... غادة إبراهيم |
رد: يــادوب مســافات ..! (بـــ قلمي )
جمممممميل اختى
استمرى |
رد: يــادوب مســافات ..! (بـــ قلمي )
مشاعر مؤثرة سلمت اناملك
|
رد: يــادوب مســافات ..! (بـــ قلمي )
|
رد: يــادوب مســافات ..! (بـــ قلمي )
ريمو
شكرا حضورك الجميل تقديري |
رد: يــادوب مســافات ..! (بـــ قلمي )
نور الحكيم
دائما يسعدني حضورك بوجه خاص فــ كوني دائما بـ الجوار تقديري |
رد: يــادوب مســافات ..! (بـــ قلمي )
عازفة الورد
شكرا لمرورك تقديري |
رد: يــادوب مســافات ..! (بـــ قلمي )
كلماتك روعة تسلمى على إحساسك الجميل
|
رد: يــادوب مســافات ..! (بـــ قلمي )
تسلمين غادة استمرى ياقمر
|
الساعة الآن 05:08 PM |