https://upload.3dlat.com/uploads/13301647661.gif


طبعا احنا معانا هنا فى المنتدى عدولات موظفات وبيشتغلوا وأكيد عايزين يكونوا محافظين على بشرتهم جدا من تعرضهم للشمس والاتربة والخ الخ الخ
وعايزين يبقوا
وردة _ فلة _ شمعة منورة
هههههههههههه
تعاليلى ياقمر منك ليها خدى منى الكام نصيحة دول
بس عايزة دعوة حلوة كدة ان ربنال يعوض عليا بالذرية الصالحة
واذا استفدى من النصايح والموضوع عجبك مش تبخلى عليا بالتقييم
نبدا بسم الله
ليكي مجموعة من النصائح عن الروتين اليومي الخاص بالمرأة العاملة التي تحافظ به على جمال وصحة وحيوية بشرتها :
1- ضرورة عمل ماسكات خفيفة وسريعة لترطيب البشرة ونضارتها بشكل يومي أول ما يصحوا من النوم وقبل ما يخرجوا، فمثلاً بالنسبة لأصحاب البشرة الجاف ممكن يمسحوا بشرتهم قبل ما ينزلوا بقطنة مبللة باللبن الساقع، ويسيبوه على بشرتهم وبعد كده يغسلوه بمية فاترة قبل ما ينزلوا، أما أصحاب البشرة الدهنية أو المركبة فممكن يعملوا نفس الطريقة، ولكن يستبدلوا اللبن الساقع بعصير الخيار، أما أصحاب البشرة الحساسة فيستخدموا عصير الجزر.
https://upload.3dlat.com/uploads/13301647662.gif

2- ولو ما فيش وقت لعمل عصير الجزر أو الخيار، ممكن نعمل منهم كمية ونحطها في أي زجاجة عطر بالبخاخ، ونحتفظ بها في الثلاجة ونرش منها على بشرتنا كل ما نحتاج، بس ناخد بالنا إن أقصى وقت ممكن نحتفظ فيه بالعصائر دي في الثلاجة هو من 4 إلى 5 أيام، في حالة إن الخيار والجزر يكون طازة وفي حالة جيدة.
https://upload.3dlat.com/uploads/13301647662.gif

- الاكتفاء بميك أب خفيف لفترة الصبح لأن الميك أب وكريم الأساس التقيل ممكن يعمل بقع على البشرة، وخصوصاً مع التعرض للشمس، ونصحت باستخدام البودرة السايبة لأنها بتكون أخف على البشرة من البودرة المضغوطة.
https://upload.3dlat.com/uploads/13301647662.gif
4- استخدام الصن بلوك المناسب لنوع البشرة قبل التعرض للشمس، ونصحت باستخدام صن بلوم فوتو ديرم
https://upload.3dlat.com/uploads/13301647662.gif
5- الاهتمام بالنظافة الشخصية لأقصى درجة، وأن الاستحمام يجب أن يكون بشكل يومي، ومن الأفضل لو كان مرتين في اليوم سواء في الصيف أو الشتاء.
https://upload.3dlat.com/uploads/13300967491.gif