فراخ محشيه زبيب
 

المقادير
مقدار من الزبيب انا بحط اد كبشتين بايدى
فرخه كامله
فلفل اسمر
نصف معلقه سمنه
بصله مقطعه صغير

الطريقه
حتجيبى الفرخه تنضفيها كويس وتحطيها على جنب
حتجيبى الزبيب تغسليه وتصفيه من الميه
حتحطى البصله المقطعه ع النار تشوحيها من غير سمنه ولا زيت
لازم تكون فى حاجه الومنيوم ولما تبدا تلسع تحطى الزبيب وتقلبى
تضيفى شويه ميه صغننين اد فنجال قهوه
وتضيفى فلفل اسمر
لالالالالالا متحطيش ملح
وتحطى السمنه وتقلبى
ولما تنشف الميه تحشى الفرخه
وتخيطيها وبعدين تسلقيها عادى وتطولى بالك شويه عشان ميبقاش فيها دم
ولما تستوى تحطيها فى صنيه وتدهنيها سمنه وتدخليها الفرن تحت الشوايه حتاخد وش احمر وجميل

وبالهنا والشفا

شكلها كتير لذيذه يسلموا

رد: فراخ محشيه زبيب