عدلات - مراتب جاهزة ولا مراتب قطن !

عدلات (https://adlat.net/index.php)

- سؤال وجواب (https://adlat.net/forumdisplay.php?f=107)

- - مراتب جاهزة ولا مراتب قطن ! (https://adlat.net/showthread.php?t=17763)

مراتب جاهزة ولا مراتب قطن !

السلام عليكم ورحمة الله وبركاته

ازيكم يابنات ياحلوين ياأمامير ,, ان شاء الله يارب تكونوا تمام وزى الفل ياااااااااارب:drinks:

المهم نخش فى الموضوع من رغى ..

محتاجه من حضراتكم تنقلوا خبراتكم بخصوص المراتب ..

المراتب التنجيد أفضل ولا الجاهزة ..؟؟:31:

انا عن نفسى سألت وفى ناس شجعت القطن وفى شجع الجاهز وفى ناس بتشجع الأهلى:wink3:

المهم اللى قالى على القطن قالى بيعيش وممكن تضربى القطن بعد فتره وممكن القطن يعمل ريحه والكلام دا وتغيرى القماشة بتاع التنجيد دى والدبلان ..

واللى قالى على الجاهزة انها بتظبط الملايه مسطرة وكمان معاها ضمان 10 سنين وبتعيش,, وفى ناس قالت بتبوظ!!

فمحتاجه منكم اللى استعملت الجاهز تقول رأيها وتقول الماركات الكويسة ايه فى ناس قالتلى
( يانسن وهابيتات )

واللى استعملت القطن تقول رأيها ..

وأيهما أفضل .. الاختلاف فى الرأى لا يفسد للود قضيه ..

بانتظار أرائكم يا بنات ..:heart:

فـى أمـان الله

رد: مراتب جاهزة ولا مراتب قطن !

انتي قربتي تتجوزي يا حبيبة و الا ايه
ربنا يتم لك على خير و يرزقك بالذرية الصالحة
ربنا يوفقك .. بالنسبة للمراتب انا عندي قطن و عجباني و ما اعرفش حاجة الحقيقة عن الجاهز غير انه شكل الملاية عليه فعلا حلو

رد: مراتب جاهزة ولا مراتب قطن !

انا بقول الجاهزه الهابيتات احسن عندى القطن وطبعا كوبه مش بعرف اشيلها ولا اهوويها انما التانيه خفيفه ممكن تتصرفى فيها

كمان نومها مريح القطن عندى ناعم اوى وهبطت من اول يوم

رد: مراتب جاهزة ولا مراتب قطن !

ياجماعة انا فى رأيى ان القطن احسن ممكن الواحد ينتيها ويشيلها ويوديها وكمان ممكن اما تبقى وحشة تعملها تانى
اما بقى الجاهزة ديه بتبقى حتة واحدة ماتعرفيش تتنيها وتقيلة جداااا جداااااااا احنا مجربنها فى عفش اختى وهى صحيح اما بتفرش عليها الملاية بتبقى مظبوطة اوى بس اما بتخلص مدة الضمان بتاعتها وباظت مثلا خلاص كده عوضك على الله فيها

رد: مراتب جاهزة ولا مراتب قطن !

انا عن نفسى بحب الجاهز اكتر من المنجده
انا عندى المنجد نفسى ارميه فى الزباله واخلص منه
وبصراحه من يوم ما جربت انام على المرتبه الجاهزه
وهى كانت مره واحده عند خالى
وانا مش قادره انسى قد ايه مريحه جداااا فى النوم
بس بصراحه مش عارفه هى كانت سوست والا ريش نعام
(هى فى مراتب ريش نعام)
ما علينا
ربنا يتمملك على خير يابيبه
ان شالله تنامى حتى على حصيره يا ثكرررره

رد: مراتب جاهزة ولا مراتب قطن !

اولا ربنا يتمم لك على خير
نا ما جربت الجاهزة
لكن الكل بيشكر فيها
هى المشكلة
ان القطن تقدرىتغيريها لو باظت لكن
الجاهزة لما تبوز لاص انتهى عمرها
وبالتوفيق حبيبتى

رد: مراتب جاهزة ولا مراتب قطن !

السلام عليكم يا حبيبة
ربنا يسعدك ويتمملك على خير
القطن افضل لانها طبيعية والجاهز صناعى بيسخن الواحد
فى الحر وغير مريحة
والاجانب بداتة تستغنى عن الجاهز وبيستخدموا القطن لانه صحى
هى منظر فقط بس هى والفيبر فى الحاف
بتعمل مجال مغنطيسى مضر
بالجسم
ولكى الاختيار
ده على علمى

رد: مراتب جاهزة ولا مراتب قطن !

مرحبا ايمي يارب يتمملك علي خير وتسعدي وتتهني يارب بصي حبيبتي المراتب القطن اريح واصح بكتير لنها طبيبعيه فهما اما السفنج كلها صناعي والحر بتبقي حاجه فظيعه وهي عند اخويا مبعرفش انام عليها خالص وربنا يوفقك يارب

رد: مراتب جاهزة ولا مراتب قطن !

اقتباس:

المشاركة الأصلية كتبت بواسطة ام هنا (المشاركة 110671)

والله الميعاد لسه بيرقص على الحبل بس باخد فكرة قبل مااشترى وقلت استشيركم :give_rose:
وتسلمى على رأيك ياجميل

اقتباس:

المشاركة الأصلية كتبت بواسطة لافالانتينا (المشاركة 110679)

انا بقول الجاهزه الهابيتات احسن عندى القطن وطبعا كوبه مش بعرف اشيلها ولا اهوويها انما التانيه خفيفه ممكن تتصرفى فيها
كمان نومها مريح القطن عندى ناعم اوى وهبطت من اول يوم

وعندك واحد مراتب جاهزة للأخت لافالنتينا بدل الكوبة :38: تسلمى ياحبيبتى على رأيك .. :give_rose:

اقتباس:

المشاركة الأصلية كتبت بواسطة rose23 (المشاركة 110722)

منطقى كلامك برضه بس ساعات المرتبه القطن بتبقى تقيله جدااااااا ولا صحيح الرجاله لزمتها ايه هى تشيل المراتب تهويها واحنا ننضف :38: تسلمى على رأيك:give_rose:

اقتباس:

المشاركة الأصلية كتبت بواسطة ملك قلبى (المشاركة 110731)

حصيره انتى جبتى الخلاصه ياام ملك :mosking: فايبر ايه وقطن ايه دا اللى انت جاى تقول عليه :yes3: ,, وتسلمى ياجميل :give_rose:

اقتباس:

المشاركة الأصلية كتبت بواسطة منونة وملوكة (المشاركة 110742)

هى فعلا الجاهزة اذا باظت خلاص كدا شكرا ,, لكن هقولك اذا انتى عملاها فى مكان مضمون وفى شركة نضيفه خلاص .. مفيش منها قلق .. وتسلمى ياقمر :give_rose:

اقتباس:

المشاركة الأصلية كتبت بواسطة مع الله (المشاركة 110922)

وعليكم السلام ورحمة الله وبركاته ..
الجديد الوقت يااختى انهم بيعملوا وش للصيف ووش للشتا علشان متزهئش :mosking: مش راحمين نفسهم .. وانا معاكى ان القطن صحى .. وتسلمى على رأيك يا جميل :give_rose:

اقتباس:

المشاركة الأصلية كتبت بواسطة نوارا (المشاركة 111323)

مرحبا بيكى ياجميل ..
الله يكرمك يارب ,, في سفنج وفى فايبر وفى كذا نوع بصراحه فى الجاهزة ,, وبشكرك ياجميل على رأيك :give_rose:

شكرا ليكم جميعا على ارائكم

واحب اقولكم اخر الاسعار علشان اذا فيه حد بيجهز وعايز يعرف ..
انضف نوع قطن القطن السودانى نمرة 1 ودا بـ1400 جنيه القنطار (( محدش يتخض ))
والمراتب الجاهزة الموجودة بالمحلات مش اللى بتتعمل مخصوص الكبيرة بـ1050 جنيه والصغيرة بـ750 تقريبا ..
انما المراتب اللى بتتعمل مخصوص ليكى فى شركات مضمونة حقيقى دى معرفش سعرها لسه لما اعرف ان شاء الله هقوووووول ليكم . .

وربنا يتم على بنات المسلمين بخير ويرزق المتزوجات ذريه صالحه ويعين الأهالى على جهاز ولادهم ..

رد: مراتب جاهزة ولا مراتب قطن !

والله حبيبه انا اخر مره سألت ع الهابيتات اعتقد كانت ب 1000 مش عارفه زادت ولا لا بس مش عاوزه اقولك نومها مريح اد ايه

رد: مراتب جاهزة ولا مراتب قطن !

اقتباس:

المشاركة الأصلية كتبت بواسطة لافالانتينا (المشاركة 111457)

والله ياحبيبتى الجماعه هنا عايزين يجيبوا الجاهز علشان يرتاحوا من هم التنجيد والكلام دا غير لما التانيه الجاهز هروح الشركة واوصيه واروح استلم على طول .. فعلا فى ناس كتير شكرتلى فيها اوى علشان النوم مريحة وخصوصا انها اتطورت عملوا وش صيف ووش شتا :38: تطور تطور

رد: مراتب جاهزة ولا مراتب قطن !

يلا يستى على بركه الله تدوبيها بالهنا ومبروك مقدما حبيبتى ويتملك بخير يا رب

رد: مراتب جاهزة ولا مراتب قطن !

أقولك يا قمرر
ما تجيبى مرتبتين
جاهزين واتنين قطن
و تبقى جربتى الاتنين
ايه رأيك يا قمر

رد: مراتب جاهزة ولا مراتب قطن !

اقتباس:

المشاركة الأصلية كتبت بواسطة منونة وملوكة (المشاركة 111759)

أقولك يا قمرر
ما تجيبى مرتبتين
جاهزين واتنين قطن
و تبقى جربتى الاتنين
ايه رأيك يا قمر

والله هى وجهة نظر بس ربنا يستر وأهلى ميجروش ورايا :38:
تسلمى على اقتراحك ياجميل:give_rose:

رد: مراتب جاهزة ولا مراتب قطن !

ربنا يتمم لك على خير انا عند القطن باكرهها اخوالى عندهم جاهز بيشكروا فيها جدا وفعلا احسن نوع هابيتات

رد: مراتب جاهزة ولا مراتب قطن !

اقتباس:

المشاركة الأصلية كتبت بواسطة عاشقة اولادى (المشاركة 112482)

ربنا يتمم لك على خير انا عند القطن باكرهها اخوالى عندهم جاهز بيشكروا فيها جدا وفعلا احسن نوع هابيتات

الله يكرمك ياحبيبتى .. هى فعلاً استقريت على الجاهز وتسلمى على نصيحتك ياجميل

اقتباس:

المشاركة الأصلية كتبت بواسطة مجنون الاهلى (المشاركة 113164)

تسلمى

تسلمى انتى من كل شر

رد: مراتب جاهزة ولا مراتب قطن !

بالتوفيق ان شاء الله

رد: مراتب جاهزة ولا مراتب قطن !

المراتب السوست احسن بكتييير انا جبت واحدة من مصانع جالانز و فعلا ممتازة جداااااااااا وبتاخدى واقى هدية عليها ممكن تعملى سيرش لو عايزة تعرفى تفاصيل اكتر

رد: مراتب جاهزة ولا مراتب قطن !

اقتباس:

المشاركة الأصلية كتبت بواسطة كالتكس (المشاركة 114559)

بالتوفيق ان شاء الله

وليك ان شاء الله التوفيق يارب

اقتباس:

المشاركة الأصلية كتبت بواسطة somia mohssen (المشاركة 299533)

مصانع جالانز !؟ جديدة دى
عموما مشكورة لنصيحتك ياحبيبتى وان شاء الله اعمل سيرش
بس كتير شكروا فى يانسن الالمانى ورست هوم ..
وشكرا مرة تانيه ليكى ياحبيبتى

رد: مراتب جاهزة ولا مراتب قطن !

افضل حاجة مراتب يانسن عليها ضمان 10 سنين وبتعيش اكتر من كده بكتير اوي انا عند بابا بقالها اكتر من 25 سنه وعندي بقالها 4 سنين في بيتي دي الصفحة بتاعتهم وعليها ارقامهم لو حابه تسالي عن حاجة او تحجزي وهما بيجيبوهالك لحد البيت https://www.facebook.com/janssen.group احسن موديل السوست المنفصلة علشان الظهر

رد: مراتب جاهزة ولا مراتب قطن !

انا عندي مراتب قطن وهي جميلة جدا ومريحة اوي وبنصحك تجيبي قطن:0451::12::13::30::30::30::30::30::12::12::12::12::13::13::13::0451::0451::0451:

اما الجاهزة فجربتها بتوجع الظهر بنسبا لي وكمان بتبوظ بسرعة:18::18::18::18::18::09::09::09::09::11::11::11:

رد: مراتب جاهزة ولا مراتب قطن !

انا عندي المراتب السوست دي تحفة بنام عليها كاني غطسانة هية جميلة انا لسة جايباها لس مش عارفة اية نوعها بصراحة

رد: مراتب جاهزة ولا مراتب قطن !

يا رب حد يفيدك

رد: مراتب جاهزة ولا مراتب قطن !

احنا غيرنا فالبيت عندنا المراتب القطن بعد ما كل قرايبنا شكروا فالمراتب الجاهزة وجبنا مراتب #الدورا وبصراحه حلوووووووووة جدااا وكمان بتستحمل اخواتى الصغيرين فالخبط والرزع اللى بيحصل عليها منهم :8:وناويه اجيبها فجهازى ان شاء الله ادعوووووولى بس :228:

رد: مراتب جاهزة ولا مراتب قطن !

بصراحه المراتب السوست احسن بكتير وفى ناس قرايبى جربوا الدورا فعلا بيشكروا فيها جدا وبيقولوا ان فيها تنوع فى الموديلات وانواع السوست كمان وفى منها الطبى بصراحه انا شايفه ان ده افضل بكتير لانها بتدى العملاء خيارات كتير وده لاننا بنحب ان يكون فى اكتر من نوع نختار منه وكمان بتدى ضمان عشر سنين وسمعت كمان ان لو المرتبه حصل فيها اى حاجه بياخدوها وبيعملولها صيانه فى المصنع انا هجربها بصراحه