عدلات - محشى ورق العنب على الطريقة المصرية بالصور

المقادير
نحتاج الى أربع بصلات متوسطات .. وقرنين فلفل أخضر لان نكهته فالطبخ جدا رائعه ..
وأربع طماطات .. متوسطات بعد .. مفرومين ناعم ..
علبه صلصل الربيع المتوسطه كلها ..
كزبره حزمتين وشبت 3 حزمات .. مفرومين ناعم ..
ملح + فلفل أسود + كمون مطحون + كركم شوي ..
رز بأي كميه مغسول ومنقوع
الطريقه : ونقول بسم الله ..
نفرم البصل والفلفل جيه

https://upload.3dlat.com/uploads/12870167361.jpg
ونفرم الطماط بهالطريقه

https://upload.3dlat.com/uploads/12870167372.jpg
ونفرم الكزبرة والشبت بهالطريقه

https://upload.3dlat.com/uploads/12870167373.jpg
نقلي البصل والفلفل الأخضر فالزيت مع الكركم لان الكركم يروّح ريحه البصل وقت القلي .. لحد ما يصير لونه شويه أصفر ..
.

https://upload.3dlat.com/uploads/12870167374.jpg
فهالأثناء نضيف على الطماطم .. ملعقه طعام ملح .. كمون .. وشويه فلفل أسود
.

https://upload.3dlat.com/uploads/12870167375.jpg

https://upload.3dlat.com/uploads/12870167376.jpg

https://upload.3dlat.com/uploads/12870167377.jpg
بعد ما يتحمر البصل شوي نضيف له الطماطم لحد ما يذبل ..

https://upload.3dlat.com/uploads/12870167378.jpg

https://upload.3dlat.com/uploads/12870167379.jpg
بعدين نحط الصلصل ..

https://upload.3dlat.com/uploads/128701673710.jpg
بعدين الشبت والكزبرة .. ونخلطهم

https://upload.3dlat.com/uploads/128701673711.jpg

https://upload.3dlat.com/uploads/128701673712.jpg
بعد ما نخلص من الخلط .. نضيف الرز المصري المغسول والمنقوع فالماي لمده نص ساعه تقريبا .. ونخلطهم ..

https://upload.3dlat.com/uploads/128701673713.jpg
وهذا شكلهم بعد ما خلصنا الحشوة

https://upload.3dlat.com/uploads/128701673714.jpg
لورق العنب .. نغلي ماي .. ونحط فيه ورق العنب عشان ينغسل ويلين وكل ورقه تطلع من الالثانيه بكل سهوله ..
نصفيها

https://upload.3dlat.com/uploads/128701673715.jpg

ونحشي ورق العنب بكميه الحشو ونصفهم في قدر الضغط ..
القدر يكون في قاعته بطاطس .. وبصل للي يحب نكهته حلوة مع المحشي .. أو بطاطس ولحم ريش أو لحم بالعظم او قطع لحم للي يحب اللحم وياه ..
بعد ما صفيناه فالقدر ..

https://upload.3dlat.com/uploads/128701673716.jpg
نحط على النار ماي ..
كرتونه ماجي اللي فيها حبتين .. وعلبه صلصل هذا حجمها ..

https://upload.3dlat.com/uploads/128701673717.jpg

ونخلهم على النار لين ما يغلي ويذوب الماجي .. بعدها نصبه على المحشي شوفن مستوى الماي على المحشي لانه بالاخير بينضغط فما يبي ماي وايد
وعشان ما يتبطل مع الطبخ

https://upload.3dlat.com/uploads/128701673718.jpg

.. ونخليه يغلي على النار .. واول ما يغلي نسكر عليه بالغطا ونوطي على النار بنسبه
قليله يعني النار أقرب للهاديه منها للعاليه ولا تكون هاديه كثير عشان ما يستوي وايد ويتم فيه ماي
ونخليها بالضبط .. ساعه الا ربع ..بعد هالوقت نفتح عنه طبعا بعد ما نخلي القدر يصفر ويخلص من الهوا المضغوط ..
ونضيف له .. شوفن مقدار الكوب .. نصه ليمون بدل الحامض أنا أستعمل .. وزيت زيتون ..

https://upload.3dlat.com/uploads/128701673719.jpg

نصبه على المحشي ونرجع نضغطه 10 دقايق ونبند عنه

وهني شكله من داخل .. ونسيت أصور الطبق بالاخير لاني كنت جدا مشغوله متؤسفه يا رب يعجبكم

https://upload.3dlat.com/uploads/128701673720.jpg