ارجو المساعده بسرعه
السلام عليكم ورحمة الله وبركاته
انا محتاجه مساعده بسرعه من اى دكتوره موجوده او اى حد يعرف يحللى مشكلتى انا جنبتى وجعانى ودى مش اول مره حصلت كتير قبل كدا بس لما روحت للدكتور قالى نسبة الاملاح عندك عاليه فبتأثر على الحوض وبصراحه انا خايفه من الاملاح العاليه دى خيفه من انها تسبب لي مشاكل تانيه وخاصتا ان الجنب ده فى حاجات كتير فأنا محتاره وخايفه وبتألم دلوقتى ومش عرفه اعمل ايه ياريت حد يساعدنى انا مش بعرف انام لما بتكون وجعانى :cray: ياريت تساعدونى جزاكم الله الجنه وكل خير :cray: انا بنتظار ردودكم ولو فى اسأله انا مستعده للجواب والرد |
رد: ارجو المساعده بسرعه
الف سلامة عليكي ياقمر ياريت تاخدي فوار ضروروي للاملاح زي اليوروسولفين لازم تهتمي بعلاج الاملاح ضروري او اي نوع فوار وابقي طمنينا عليكي ياقمر والف سلامة |
رد: ارجو المساعده بسرعه
اشربى مى كتير لانها بتدوب الاملاح وتنزلها مع البول
واهتمى لجسمك اوى |
رد: ارجو المساعده بسرعه
ربنا يشفيكى و يعافيكى بإذن الله
واكيد الدكتور اداكى علاج انتظمى كويس بالعلاج وتابعى مع الدكتور وكمان اشربى ميه (ماء) كتير وخصوصاً لما تصحى الصبح على الريق اشربى كتير وواصلى شرب طول اليوم هتنزل الاملاح من جسمك عن طريق البول اعزك الله يعنى متتخضيش لو دخلتى الحمام كتير وكمان متقلقيش من الألم اللى عندك هو وجع الاملاح صعب شويه وياريت تخلى بالك من اكلك يكون بعيد عن الأملاح و الف سلامه عليكى مره تانيه و ابقى طمنينا عليكى |
رد: ارجو المساعده بسرعه
سلامتك يا قمر
ممكن تشربي عصير قصب أو ماء الشعير لأنهم بينظفوا الكلى وممكن تشوفي الموضوع ده حيفيدك أغسل كليتيك وخليكي في الحاجات الطبيعية كفاية ان مالهاش أي أعراض جانبية |
رد: ارجو المساعده بسرعه
البنات كفو ووفو يا ملكة اشربى ميه كتير وقللى اى حاجه فيها املاح الطماطم والمانجه والتين والبرتقال والليمون والجوافه
اشربى فوار واغلى بقدونس واشربيه ومتخافيش يا حبيبتى انا اعرف ناس زيك كده مع النصايح دى بيعيشو كويس وامورهم بتمشى |
رد: ارجو المساعده بسرعه
السلام عليكم
الله يشفي اوجاعك الصديقات اعطوا العلاج و هو شرب الماء بكثرة ويجب ان يكون ماء نقي ويجب ان تبتعدي عن الماكولات المسببة للاملاح و هي : السبانخ و اللحوم و الحليب حتى الجبنة والطماطم احتمال ان ارتفاع حمض البول(اسيد اوريك)في الدم هو سبب الالم و شرب مغلي من البقدونس و شرب عصير الجرجير مفيد جدا في تنقية الدم وصفة للتخلص من حصى المثانة و الكلى و هذه وصفة مجربة اشربي عصير التوت و عصير التفاح مفيد جدا في تنقية الدم من الاملاح و بالشفاء التام ان شاء الله |
رد: ارجو المساعده بسرعه
ربنا يعافيكى حبيبتى
البنات ماشاء الله قالولك اللى كنت هقوله جزاهم الله خيراً |
رد: ارجو المساعده بسرعه
الف سلامة عليكي ياقمر
|
رد: ارجو المساعده بسرعه
الف سلامه عليكي والبنات كفو وفو وقالو الي ينقال بس وصفه البقدونس بيقولو
كتير بتفيد الى قالت عليها اختنا لافالانتيا وما تشوفي شر ان شاء الله وابقي طمنينا عليكي |
رد: ارجو المساعده بسرعه
فعلا كل الوصفات اتقالت والحلو منها المجرب فعلا ماء الشعير للي يقدر يشربة لكن ممكن بردوا مغلي البقدونس وشرب عصير القصب ودا طبعا كلنا بحبه واشربي دايما ماء علي الريق ويكون ماء عادي ليس بمثلج ودائما حطي بجنبك زجاجة مياة علشان كل ما العين تراه المياة تشتاق إليها وبالشفاء إن شاء الله |
رد: ارجو المساعده بسرعه
ان شاء الله تلاقي من يفيدك ..
|
الساعة الآن 12:32 AM |