الدرس الثانى ( الاعتناء بالفم ) حملة عنايتى بأنوثتى
https://upload.3dlat.com/uploads/13521136958.gif اهلا بيكم يا عدولات فى الدرس التانى من الحمله أسماء المشتركات مريم العسل السكر ميرو القمر ايمان مجاور Ana crazy ام سكر ♥عائشة قدوتي♥ بسكوته بالشوكولا طم طم 2024 mycat قصة شتا ندى ام مامى 2 فى بنات كتير مش رديت على الدرس الاول كده هزعل والمره اللى جايه هصفى المجموعه وهلغى الاسامى اللى مش بتدخلى تشارك معانا موضوعنا انهارده عن العنايه بالفم : . الاسنان . اللثه . اللسان . الشفايف مش هنطول فى الكلام وفى المنتجات كلنا على قد حالنا يا مورا يعنى متفضليش تلكى وترغى كتير فى منتجات وفلوس كتير حاضر يا عدولات هتكلم من غير منتجات تشتروها ولا فلوس تدفعوها انا حلوه كده ؟ . بصوا بقه احنا فى غنى عن مشاكل الاسنان بجميع انواعها واشكالها وفى غنى عن ريحة الفم الكريهه ومش عاوزين شفايف ناشفه وباهته ومتشققه طب نعمل ايه ؟ . فرشاة اسنان ناعمه ودى مناسبه لكل واحده بتعانى من مشاكل او لاء . معجون اسنان عادى او مبيض وتأكدى انه يحتوى على الفلورايد لتقوية مينا الاسنان ( نغسل اسنانا بالطريقه دى ) ويكون بطريقه دائريه علشان منجرحش اللثه https://upload.3dlat.com/uploads/3dl...3943199311.jpg https://upload.3dlat.com/uploads/3dl...3943199312.jpg . فرشاة اسنان مخصوصه للسان انتوا عارفين ان من اسباب ريحة الفم الكريهه عدم الاهتمام بنظافة اللسان طب نعمل ايه ؟ نخصص فرشاه للسان ونغسل اللسان من جوا لبرا بالطول مش بالعرض علشان ميتجرحش بقليل جدا من المعجون ومع الاستمرار هتلاقى لسانك بقه لونه وردى ورجع لطبيعته والبكتريا البيضا اللى بتبقه على اللسان هتروح ونفسك هيبقه حلو ومنتعش https://upload.3dlat.com/uploads/3dl...3943200551.jpg طب الشفايف يا موار عاوزاها تبقه وردى ومن غير قشره اعمل ايه ؟ . وانتى بتغسلى اسنانك يا عدوله طبعا هتغسلى اسنانك 3 مرات فى اليوم فى اخر مرة اللى هى قبل النوم هتعملى مساج او تقشير لشفايف براحه خالص https://upload.3dlat.com/uploads/3dl...3943206902.jpg هتفتحى المايه السخنه اوووووى وتحطى تحتيها الفرشاه وبعدين تمشى بيها على شفايفك راحه لمدة دقيقه وبعدين تدهنى فازلين او زبدة كاكاو وتمشى بالفرشاه تانى على الشفايف وبقطعة قماشه صوف تفركى شفايفك هتلاقى قشور زايده طلعت من شفايفك تروحى عامله ايه تغسلى شفايفك بماء فاتر من الحنفيه وترطبيها بالفازلين وبس كده https://upload.3dlat.com/uploads/3dl...3943206903.jpg ومره فالاسبوع نخليها يوم الجمعه هنعمل صنفره اللى هى ايه ؟ سكر وزيت زيتون وبطريقه دائريه نحركها على الشفاه وبعدين نستخدم الفرشاه وبعدين نعمل ماسك زيت زيتون على عسل نحل وندهن الشفايف لمده ربع ساعه وبعدين نغسلها ونرطب https://upload.3dlat.com/uploads/3dl...3943206901.jpg نيجى بقه للمضمضه : انا يا مورا مش بحب المضمضه ومش بستعملها لا يا عدوله دى مهمه اوى والله ولو مش بتحبى طعم المضمضه الطبيه اللى هى من الصيدليه اعمليها فالبيت يا ستى مالكيش اى حجه اهو المضمضه بتفيد فى ايه وبتحل مشاكل ايه : . لمن يعانون من مشاكل فى التسوس . لمن يعانون من مشاكل فى اللثه . لمن يعانون من جفاف الفم . القضاء على البكتيريا المزعجة في الفم خلال 30 ثانية فقط. . للتخلص من رائحة الفم الكريهه وانعاش الفم . تحد من الالام الاسنان وتعالج اى التهاب فى اللثه وتقوي اللثه . تأمين حماية للفم لمدة 12 ساعة. . الوصول الى الأماكن التي لا تستطيع الفرشاة الوصول إليها، بين الأسنان واللثة. . كما يجب ان تكون الاسنان نظيفة بقدر الامكان قبل استعمال سائل المضمضة حتى تتم الاستفادة الكاملة منها وتفى بمفعولها https://upload.3dlat.com/uploads/3dl...3943223021.png اختارى بقه مضمضه من الانواع دى يا عدوله : . زيت زيتون : تاخدى معلقتين على الريق تتمضمضى بيها 3 مرات فى اليوم . ملعقه من القرنفل على كوب ماء وتغليهم غلوتين عالنار وتستخدميها 3 مرات فى اليوم بعد كل غسيل اسنان . مضمضة ماء وملح فقط وطبعا الملح غنى عن التعريف لأنه ماده معقمه طبيعيه سبحان الله تقتل البكتيريا والجراثيم والطريقة: ضعى الماء على النار يغلى ثم اضافة الملح واتمضمضى بيها 3 مرات فاليوم . ودى بقه مضمضه وغرغره كمان : هى مضمضة فعالة فى الوقاية من وعلاج التهابات اللثة وآلام الأسنان – وعلاج لالتهاب الحلق واللوز والسعال والبلغم المقادير ملعقة صغيرة من كل من الآتى – مطحون: نعناع زعتر كزبرة ريحان حبهان قرفة قرنفل شبت جنزبيل اوريجانو بردقوش روزميرى ملح كل من المكونات السابقة لها فوائد كثيرة – يمكننا اضافتها كلها او ما يتوافر منها لدينا – فى لتر ماء ونغليهم على النار خمس دقائق – وبعد ان يبرد نحفظ المضمضة فى زجاجة لتر بالثلاجة – على ان نأخذ منه فى زجاجة صغيرة نضعها فى الحمام للمضمضة اليومية – وكلما فرغت نملأها من زجاجة الثلاجة طريقة استخدام المضمضه بقه ازاى ياختى يلى شغاله رغى من الصبح انتى ؟ أولاً: أضيفي حوالى 20 ملم من غسول الفم، بالنكهة التي تفضلين، الى كوب صغير. ثانياً: قومي بالمضمضة بواسطة الغسول في جميع زوايا الفم، مع الحرص على غلق فمك وإحكام إطباق اسنانك وتفادي إبتلاعه. ثالثاً: إستمري في هذه العملية لمدة 30 ثانية . رابعاً: قومي ببصق الغسول في المغسلة. خامساً: إحرصي على غسل فمك بواسطة الماء بعد الإنتهاء. وفى كمان خيط الاسنان للتنضيف بين زوايا كل سنه بس سمعت انه غلط والله اعلم وفى ناس كتير بتستخدمه وبتضرر اللثه ف مش عارفه اقولكم استخدموه ولا لاء https://upload.3dlat.com/uploads/3dl...3943223022.png . ممكن نستخدمه مره واحده فالاسبوع وخلاص ويبقه كده مخسرناش حاجه لو مضر هيبان ولو مضرش اهو نضفنا اسنانا من الزيادات اللى بتبقه بينها ضعي مختلف أدوات تنظيف الأسنان من فراشي ومعجون وخيط ومضمضه في متناول جميع افراد الاسره وكونى قدوه لهم فإن اعتنيتِ جيداً بأسنانكِ، سيفهم أولادكِ أهمية الصّحة الفمويّة بالنسبة إليك. ولهن تبدو له عظاتكِ وتعليماتكِ وإنتقاداتكِ مجرّد هباء وسيتحمّلون أكثر مسؤولية أسنانهم. المطلوب : . بتستخدمى فرشاة اسنان ناعمه ولا عاديه وماركه ولا مجهولة المصدر ؟ . نوع معجون أسنانك ؟ . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ . بتستخدمى مضمضه ؟ . استفدى ايه من محاضرة انهارده وناويه تعملى ايه منها بس قولى بأمانه ؟ https://upload.3dlat.com/uploads/13521136959.gif |
رد: الدرس الثانى ( الاعتناء بالفم ) حملة عنايتى بأنوثتى
يسلمو حبيبتي |
رد: الدرس الثانى ( الاعتناء بالفم ) حملة عنايتى بأنوثتى
رووووووووعه حبيبتى يارب الكل يستفاد من نصايحك مبروك التكريم يا قمره |
رد: الدرس الثانى ( الاعتناء بالفم ) حملة عنايتى بأنوثتى
بارك الله فيكي انا استفدت كتير
لان بصراحه بعاني من اللثه والشفايف وجرب طريقه مسك الشفايف وهقولك النتيجه شكراحبيبتي |
رد: الدرس الثانى ( الاعتناء بالفم ) حملة عنايتى بأنوثتى
المطلوب : . بتستخدمى فرشاة اسنان ناعمه ولا عاديه وماركه ولا مجهولة المصدر ؟ ناعمة / فرشاة سيجنال . نوع معجون أسنانك ؟ سيجنال . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ زبدة كاكاو لونا . بتستخدمى مضمضه ؟ لا . استفدى ايه من محاضرة انهارده وناويه تعملى ايه منها بس قولى بأمانه ؟ بجد مفيدة جدا بسم الله ما شاء الله عليكى مش بتسيبى اى تفصيلة و هعمل دى عجبتنى اووى . مضمضة ماء وملح فقط وطبعا الملح غنى عن التعريف لأنه ماده معقمه طبيعيه سبحان الله تقتل البكتيريا والجراثيم والطريقة: ضعى الماء على النار يغلى ثم اضافة الملح واتمضمضى بيها 3 مرات فاليوم و كمان هعمل الصنفرة للشفايفى مع انهم حلوين و طعمين ههههههههه تسلمى يا احلى مورا |
رد: الدرس الثانى ( الاعتناء بالفم ) حملة عنايتى بأنوثتى
اقتباس:
اقتباس:
وياريت تكونى استفدى اقتباس:
وجربى كمان المضمضه هتدعيلى اقتباس:
وبالنسبه للمضمضع اعملى نوعين اصل مضمضة القرنفل حلوه اوى بتحسى بانتعاش ولو سهيت او نسيت عن حاجه فالموضوع وتحبى نتكلم فيها ياريت تقولى جلا من لا يسهو |
رد: الدرس الثانى ( الاعتناء بالفم ) حملة عنايتى بأنوثتى
بتستخدمى فرشاة اسنان ناعمه ولا عاديه وماركه ولا مجهولة المصدر ؟ ناعمة - ولا مجهولة المصد . نوع معجون أسنانك ؟ سيجنال . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ بصراحة انا مكنتش بعرف اعمل تقشير خالص بس عرفت - يعني بحط عليها زبدة كاكاو (لونا) . بتستخدمى مضمضه ؟ هي موجودة في البيت من الصيدلة بس مش بستعملها استفدى ايه من محاضرة انهارده وناويه تعملى ايه منها بس قولى بأمانه ؟ اكييييييييييد استفدت جدا خصوصا عرفت ازاي ارطب شفايفي وتبقي وردي انا هاستخدم المضمضمة اللي عندي او اعمل مضمضة. ملعقه من القرنفل على كوب ماء وتغليهم غلوتين عالنار وتستخدميها 3 مرات فى اليوم بعد كل غسيل اسنان بعد كده هابيدا بصنفرة شفايفي |
رد: الدرس الثانى ( الاعتناء بالفم ) حملة عنايتى بأنوثتى
تسلم ايدك يا مورا بجد مجهود فوق اللمتاز
ولك منى احلى خمس نجوم |
رد: الدرس الثانى ( الاعتناء بالفم ) حملة عنايتى بأنوثتى
المطلوب : . بتستخدمى فرشاة اسنان ناعمه ولا عاديه وماركه ولا مجهولة المصدر ؟ عادية مش بحب الناعمة بحس انها مش بتعمل حاجة ههههه ولا معرف ماركة ولا لا بس اكيد لا لانها ب 3 جنية . نوع معجون أسنانك ؟ سيجنال تو . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ بصراحة مكنتش بعمل اى حاجة لمة كان بيطلعلى برد فى شفايفى كنت بستعمل زبدة كاكاو لونا . بتستخدمى مضمضه ؟ بصراحة لا بس ناوية اشترى هى طعمها وحش ولا ايه بابا لمة كان بيستعمل المضمضة كانت رايحتها نعناع . استفدى ايه من محاضرة انهارده بصراحة دة كان اهم موضوع عندى لان انا ساعات بيكون رايحة بقى مش حلوة وكمان اول مرة اعرف غسيل اللسان وان شاء الله هجرب كلا دة الموضوع التانى كنت بكتب بس دة حفظته لانة مليان بالمعلومات القيمة تسلم ايدك وشرحك رائع جدا وناويه تعملى ايه منها بس قولى بأمانه ؟ ناوية اعمل كل حاجة كلهم اهم من بعض تسلم ايدك حببتى |
رد: الدرس الثانى ( الاعتناء بالفم ) حملة عنايتى بأنوثتى
اة بالنسبة للماء والملح هو فعلا كويس جدا فاكرة وانا صغيرة لمة كانت سنتى تقع وتفضل تنزل دم كانت ماما تحطلى ملح وماية وتقلبهم سبحان الله كان الدم بيقف |
رد: الدرس الثانى ( الاعتناء بالفم ) حملة عنايتى بأنوثتى
اقتباس:
خليه روتين يومى وان شاء الله هتحسى بتغير اقتباس:
مش كنتى اشتركتى معانا علشان تنورينا اقتباس:
امشى على الروتين ده وان شاء الله هتلاقى نفسك تمام التمام اقتباس:
|
رد: الدرس الثانى ( الاعتناء بالفم ) حملة عنايتى بأنوثتى
منوره
|
رد: الدرس الثانى ( الاعتناء بالفم ) حملة عنايتى بأنوثتى
مـــوضوع حلو اوى يا قمره وانا استفدت فعلا
واحلى تقييم لعيونك يا قمره |
رد: الدرس الثانى ( الاعتناء بالفم ) حملة عنايتى بأنوثتى
المطلوب :
. بتستخدمى فرشاة اسنان ناعمه ولا عاديه وماركه ولا مجهولة المصدر ؟ بستعمل فرشة نا عمة زى بتاعة الاطفال لانى اسنانى حساسه جداااااااااااااا . نوع معجون أسنانك ؟ سنسوداين للثه الحساسه . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ احيانا بعمل تقشير لشفايفى وبرطبها دائما بالفازلين . بتستخدمى مضمضه ؟ لاء بس هجرب طريقة القرنفل عشان بحب القرنفل قوووووووووووى . استفدى ايه من محاضرة انهارده استفدت كتير عرفت الطريقة الصحيحة لغسيل الاسنان -غسل اللسان -تقشير الشفايف وترطيبها وناويه تعملى ايه منها بس قولى بأمانه ؟ انا بامانة هجرب واعمل المضمضة واغسل لسانى لانى الباقى كله بعمله كل يوم |
رد: الدرس الثانى ( الاعتناء بالفم ) حملة عنايتى بأنوثتى
اقتباس:
اتعودى علشان بعد كده كل يوم هندخل نكتب التقرير |
رد: الدرس الثانى ( الاعتناء بالفم ) حملة عنايتى بأنوثتى
[QUOTE=مورا
[FONT=Microsoft Sans Serif] المطلوب : . بتستخدمى فرشاة اسنان ناعمه ولا عاديه وماركه ولا مجهولة المصدر ؟ انا بستخـــدم Soft . نوع معجون أسنانك ؟ Signal . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ انا بحط طبقه من الفازلين و بعدين بفراشة الاسناه وافرك بيهم شفايفى بخفه . بتستخدمى مضمضه ؟ عندى مش بستخدمها . استفدى ايه من محاضرة انهارده وناويه تعملى ايه منها بس قولى بأمانه ؟ استفـــدت كتير اوى بصراحه وفى حاجات مش كنت اعرفها يسلمووو قمرتنا |
رد: الدرس الثانى ( الاعتناء بالفم ) حملة عنايتى بأنوثتى
[quote=بسكوته بالشوكولا;1742758]
اقتباس:
|
رد: الدرس الثانى ( الاعتناء بالفم ) حملة عنايتى بأنوثتى
المطلوب : . بتستخدمى فرشاة اسنان ناعمه ولا عاديه وماركه ولا مجهولة المصدر ؟ عادية oral-b . نوع معجون أسنانك ؟ كولجيت . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ بستخدم فازلين مرطب . بتستخدمى مضمضه ؟ لأ . استفدى ايه من محاضرة انهارده وناويه تعملى ايه منها بس قولى بأمانه ؟ عجبتني االمضمضة كلها وان شاء الله اجرب وحده منهم |
رد: الدرس الثانى ( الاعتناء بالفم ) حملة عنايتى بأنوثتى
انا بستخدم فرشاه اسنان .. عادية نوع معجون الاسنان .. سيجنال تقشير الشفايف والاهتمام بيها .. بصراحة مش كتير بتستخدمى المضمضة .. لأ بس هبدأ استفدت ايه من المحاضرة وناوية اعمل ايه .. انا استفدت كتير جدا وبمنتهى الامانة هنفذ كل اللى بتقولى عليه امال انا اشتركت ليه بقى :0451: والف شكر لمجهودك فعلا مش بتسيبى نقطة واحدة او حتى استفسار :0453::0453::0453::0453::0453: |
رد: الدرس الثانى ( الاعتناء بالفم ) حملة عنايتى بأنوثتى
الموضوع ممتاز تسلم ايدك |
رد: الدرس الثانى ( الاعتناء بالفم ) حملة عنايتى بأنوثتى
اقتباس:
اقتباس:
المهم تكونى استفدى اقتباس:
|
رد: الدرس الثانى ( الاعتناء بالفم ) حملة عنايتى بأنوثتى
بتستخدمى فرشاة اسنان ناعمه ولا عاديه وماركه ولا مجهولة المصدر ؟ لا عادية . نوع معجون أسنانك ؟ بستخدم سيجنال . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ انا بعمل زبدة كاكاو بس . بتستخدمى مضمضه ؟ كنت استخدمتها قبل كدة من الصيدلية ببس ما استمرتش . استفدى ايه من محاضرة انهارده وناويه تعملى ايه منها بس قولى بأمانه ؟ والله الكلام جميل اوى واستفدت كتير جداا وحكاية الشفايف دى عجبتنى جدااااا وهعمل مضمضة الملح والماء |
رد: الدرس الثانى ( الاعتناء بالفم ) حملة عنايتى بأنوثتى
اقتباس:
واهتمى بتنظيف اللسان اهم حاجه |
رد: الدرس الثانى ( الاعتناء بالفم ) حملة عنايتى بأنوثتى
المطلوب : . بتستخدمى فرشاة اسنان ناعمه ولا عاديه وماركه ولا مجهولة المصدر ؟ عاديه اورال بى . نوع معجون أسنانك ؟ كلوس اب او سيجنال . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ فازلين و تقشير زيت زيتون و سكر . بتستخدمى مضمضه ؟ اه بس مش فكره اسمها و قرنفل مطحون . استفدى ايه من محاضرة انهارده ؟ كل حاجه كويسه و اكيد استفد وناويه تعملى ايه منها بس قولى بأمانه ؟ كل حاجه لانى فعلا بعمل كل الحاجات الانتى قولتى عليها بس برضه يسلمووو |
رد: الدرس الثانى ( الاعتناء بالفم ) حملة عنايتى بأنوثتى
اقتباس:
واهتمى كمان بغسيل اللسان منوره يا مامى |
رد: الدرس الثانى ( الاعتناء بالفم ) حملة عنايتى بأنوثتى
المطلوب :
. بتستخدمى فرشاة اسنان ناعمه ولا عاديه وماركه ولا مجهولة المصدر ؟ نـاعمه/ سيجنال . نوع معجون أسنانك ؟ سجنال . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟ زبده كاكاو لونا . بتستخدمى مضمضه ؟ لاء . استفدى ايه من محاضرة انهارده تسلمى بجد وهحاول اجرب اللى انتى قلتيه ده :) |
رد: الدرس الثانى ( الاعتناء بالفم ) حملة عنايتى بأنوثتى
تسلمى يا قمر
وحاولى تعملى المضمضه فى البيت واهتمى اكتر باسنانك وشفايفك |
رد: الدرس الثانى ( الاعتناء بالفم ) حملة عنايتى بأنوثتى
المطلوب :
. بتستخدمى فرشاة اسنان ناعمه ولا عاديه وماركه ولا مجهولة المصدر ؟ عاديه . نوع معجون أسنانك ؟سيجنال . بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟لا - لا - سعات زبدة كاكاو ومش نوع معين . بتستخدمى مضمضه ؟لا . استفدى ايه من محاضرة انهارده وناويه تعملى ايه منها بس قولى بأمانه ؟ استفت حاجات كتير جدا ماقدرش احددها- حنفذها كلها |
رد: الدرس الثانى ( الاعتناء بالفم ) حملة عنايتى بأنوثتى
اقتباس:
|
الساعة الآن 10:07 AM |