|
دورة تعليم الاكسسوارات (متجدد بإذن الله)
السلام عليكم ورحمه الله وبركاته النهارده هابتدي معاكم ان شاء الله أول درس في تعليم طريقة عمل الاكسسوارات خطوة خطوة حتى الاحتراف بإذن الله أولا نتعرف على الأدوات اللازمه لعمل الاكسسوارات 1- الخيط الشفاف https://photos-e.ak.facebook.com/pho...22028_3905.jpg [size=24]2- بنسة (زرادية ) https://photos-f.ak.facebook.com/pho...22029_5003.jpg 3- قصافة https://photos-g.ak.facebook.com/pho...22030_6088.jpg 4- بنسة ببوز ملفوف (رأس مدور) https://photos-h.ak.facebook.com/pho...22031_7226.jpg 5- زرادية عادية صغيرة https://photos-a.ak.facebook.com/pho...22032_8344.jpg دي كل الادوات اللي ممكن نحتاجها عشان نعمل عقد او انسيال او حلق او اي اكسسوار في الدنيا وبالنسبة للادوات دي احنا ممكن نلاقيها في العتبة في الموسكي واسعارها من 6- 8 جنية مش اكتر من كده والخيط الشفاف سعر البكره 4 جنية بالنسبة للخرز طبعا الاشكال والالوان منه كتيييير جدا وده بيرجع طبعا لذوقنا الخاص وبرضو في نفس المكان هانلاقي كل الناس اللي بتبيع الخرز ده او الاحجار وبالنسبة للسعر هو بالكيلو واقل حاجه ثمن كيلو وغالبا بيتراوح سعر الكيلو ما بين 50 - 80 جنية وطبعا التمن كيلو ده بيعمل كتير لانه مش بيستخدم صافي بيدخل معاه اشكال تانية وممكن نشتري الخمسين جرام بخمسة جنية ده افضل للناس المبتدئة عشان تجرب وكده وفي نفس الوقت متصرفش كتير لحد ما تتعود وايديها تاخد على الشغل بعد ما نحترف الشغل شوية ونحب نبتدي مشروع هانحتاج ميزان جرامات وده شكل الميزان اللي عندي https://photos-c.ak.facebook.com/pho...22074_1669.jpg ده الميزان لانه زي ما بنشتري الحاجات بالجرامات لما نيجي نحسب التكلفه اكيد هانحتاج نوزن العقد وطبعا ممكن نستخدم اي ميزان حتى لو بتاع مطبخ ولكن ده ادق لان فيه حاجات ممكن تكون صغيرة متتشافش في موازين المطبخ والميزان سعره 120 جنية وتلاقوة عند اي حد بيبيع موازين او في خان الخليلي طبعا عشان نعمل عقد او حاجه بسيطة مبدئيا فاسهل طريقة للمبتدئين هيا الشغل بالخيط الشفاف لان نتيجته حلوة وسهل جدا وهو مجرد اننا بنجيب الخرز اللي على ذوقنا صغير كبير احجار اي حاجه ونلضمهم في بعض وفي الاخر نربطهم بطريقة عاديه جداااااا وفيه من الخيط الشفاف ده مطاط زي الاستك ده عشان الغوايش ودي شكل غويشة سهله وبسيطه وشكلها شيك في نفس الوقت https://photos-a.ak.facebook.com/pho...22080_5913.jpg وده شكل تاني لعقد في منتهى الجمال بنفس الطريقة مجرد خيط شفاف https://photos-g.ak.facebook.com/pho...96310_4970.jpg وطبعا الاشكال والافكار لا تنتهي ده كان النوع الاول السهل من الاكسسوارات النوع الثاني وهو الشغل بالمسمار والزرد طبعا فيه ناس كتير بتسأل دايما على شكل المسمار والزرد ده عشان كده جبتلكم صورها ده المسمار بيكون فيه حلقه من ناحية والناحية التانية احنا اللي بنقوم بتنيها بعد ما ندخل فيها الخرزة بتاعتنا وفيه منه طويل وفيه منه قصير طبعا يفضل المسمار الطويل عشان ياخد اي حجم للخرز او الاحجار وفيه منه كل الالوان فضي دهبي اوكسيديه (نحاسي) وفيه مسمار بيكون مفيهوش حلقه بيكون بدل الحلقة دي رأس صغيرة زي راس الدبوس بالظبط وده عشان الحاجات اللي بتكون في الاخر ميكونش شكلها وحش لو بانت الحلقة وهانشوف كل ده في الدروس الجاية ان شاء الله https://photos-c.ak.facebook.com/pho...22082_8131.jpg وده شكل الزرد وهو عباره عن حلقات بنستخدمها في الحلقان وفي تشبيك الاعقاد مع بعضها وبرضو فيه منها احجام وده اصغر حجم انا شخصيا بستعمله دايما لانه شكله شيك وبرضو فيه منه كل الالوان دهبي وفضي ونحاسي https://photos-b.ak.facebook.com/pho...22081_7026.jpg ودي كانت كل الادوات اللي ممكن نحتاجها في بدايه مشروع اكسسوارات مش هاتحتاجو اكتر من كده ابدا وربنا يوفق الجميع يارب واتمنى يكون الشرح واضح والصور واضحة وان شاء الله في الدروس الجاية هانتعلم الشغل بالمسمار والزرد واستخدام الادوات وهانتعلم دلايات الموبايل وعليقات الشنط والحلقان وكل شئ ان شاء الله وهحاول انزلكم كمان فيديوهات لشرح اكثر وضوح واي سؤال في درس النهارده انا تحت امركم لا تترددو في السؤال https://illiweb.com/fa/i/smiles/icon_flower.png |
رد: دورة تعليم الاكسسوارات (متجدد بإذن الله)
السلام عليكم ورحمه الله وبركاته ودلوقت بقى هاكمل معاكم الجزء الثاني من طريقة عمل الاكسسوارات خطوة خطوة احنا كنا اتكلمنا الجزء اللى قبل دا عن الادوات وطريقة عمل عقد بسيط بالخيط الشفاف وكمان اتعرفنا على الزرد والمسامير وعرفنا اشكالهم النهارده ان شاء الله هانتعلم نعمل حلق بسيط باستخدام المسمار والزرد وده تقريبا نفس شكل الحلق اللي هانعمله النهارده https://photos-b.ak.facebook.com/pho...76673_8103.jpg https://upload.3dlat.com/uploads/13180138421.jpg اولا : - احنا عرفنا خلاص الادوات بتاعتنا المرة اللي فاتت وهاتفضل معانا ونشوف هانستعملها ازاي وكل حاجه هانستعملها في ايه بالظبط هانعمل حلق يشبة الصورة ولكن ثلاث خرزات بس مش اربعه هانحتاج اربع خرزات ازرق واتنين لولي بني وشوية مسامير وشوية زرد واتنين عليقة الحلق ( بالنسبة لعليقة الحلق بتتباع جاهزة عند نفس المحلات السابق ذكرها ودي سعرها الدستة بتلاته جنية وبرضو فيه منها الدهبي والفضي والاوكسيدية) ودي صوره الخامات اللي هانشتغل بيها https://photos-f.ak.facebook.com/pho...28413_8061.jpg أولا هانجيب الخرز الازرق واللولي وندخل فيهم المسمار بالشكل ده https://photos-d.ak.facebook.com/pho...28411_4106.jpg https://upload.3dlat.com/uploads/13180138421.jpg ثانية بالزرادية المدببه شوية دي هانتني المسمار بزاوية قايمة بالشكل ده https://photos-d.ak.facebook.com/pho...28387_6399.jpg وبعدين طبعا احنا المفروض بلف الجزء ده بحيث انه يعمل حلقة زي اللي موجوده اساسا في المسمار بس ده بيتوقف على شكل وحجم الخرزة اللي احنا حطينها ياعني هنا الباقي من المسمار ده طويل على انه يتلف ويتعمل حلقه فاحنا بنقوم بقص الزيادة بالقصافه بحيث اننا نسيب مسافه حوالي نص عقله الاصبع كده بالشكل ده https://photos-f.ak.facebook.com/pho...28389_7291.jpg بعدين بنلف الجزء الفاضل من المسمار بواسطه الزرادية ذات الرأس المدور بالشكل ده https://photos-b.ak.facebook.com/pho...28393_8312.jpg وده فيديو بطريقة لف الجزء التاني من المسمار بالتفصيل للي مقدرش يوضحها بالظبط من الصور https://www.youtube.com/watch?v=R6Hvs39RpsY وده هايبقى شكلها بعد ما لفينا الجزء التاني من المسمار https://photos-g.ak.facebook.com/pho...28398_9332.jpg وطبعا بنكرر نفس الطريقة مع باقي الخرز واللولي اللي عندنا بالشكل ده https://photos-h.ak.facebook.com/pho...128407_455.jpg كده مش فاضل غير اننا نشبك الحاجات دي في بعضها بواسطة الزرد https://upload.3dlat.com/uploads/13180138421.jpg اولا هانجيب زردة ونفتحها وهانستخدم الزرادية العاديه والتانية المدببة واحده بنمسك بيها والتانية بنفتح بيها بالشكل ده بنمسك الزردة بالبنسة المدببة ونفتحها بالتانية العادية https://photos-a.ak.facebook.com/pho...28408_1364.jpg ودي بعد ما تتفتح هاتبقى بالشكل ده واحب اقول ملحوظة هنا اننا مش بنفتح الزردة بالعرض لاء بنفتحها لقدام ولورا ياعني مش بنشد واحنا ماسكين على اليمين والشمال لاء بنزقها رأسي مش افقي بالشكل ده بحيث ان شكل الزردة ميتغيرش ياعني نفتحها ونقفلها وتفضل على شكلها المتساوي والصورة هاتوضح النقطه دي ركزو في شكل الزرده وهيا مفتوحة هاتعرفو انا قصدي ايه https://photos-g.ak.facebook.com/pho...28406_5870.jpg بعد كده بنجيب العليقة بتاعت الحلق وندخلها في الزردة بالشكل ده https://photos-f.ak.facebook.com/pho...28405_4968.jpg وبعدين نفتح الزردة تاني وندخل فيها خرزة زرقاء بالشكل ده https://photos-e.ak.facebook.com/pho...28404_3976.jpg وبنفس الطريقة ندخل زردة في الخرزة الزرقا وبعدها واحده لولي بني بالشكل ده https://photos-d.ak.facebook.com/pho...28403_3091.jpg وكمان نكمل ونحط خرزة زرقا بعد اللولي البني بالشكل ده https://photos-c.ak.facebook.com/pho...28402_2180.jpg وكده بنكون خلصنا الفردة الاولى من الحلق وبنفس الطريقة هانعمل الفردة التانية وحسب ذوقنا عايزين الحلق طويل قصير ممكن نعمله واحده لولي بس ممكن نعمله كله لولي كله خرز واللي في الصورة معمول اربعه مش تلاته طبعا الاذواق دي تبعكم بقى ابدعو فيها براحتكم وده الشكل النهائي اللي بيكون عليه الحلق https://photos-b.ak.facebook.com/pho...76673_8103.jpg بالنسبة للكروت دي يا جماعه دي اختراعي انا بدل من الليبل او التكت لاني كنت محتاره اشبك الحاجات في اية ودي برضو هاتلاقوها هناك في نفس المكان عند الناس اللي بتبيع حاجات المكتبات واكياس الهدايا والحاجات دي وسعرها حوالي 18 جنية للباكت كلها وبيكون فيها تقريبا 100 كارت ------------------- وبكده نكون عرفنا ازاي نستعمل المسامير والزرد وعرفنا ازاي نعمل حلق وبنفس الطريقة ممكن نعمل عقد بدل ما نركب عليقة الحلق نكمل تشبيك الخرز في بعضه بواسطة الزرد لحد الطول المناسب لينا ونعمل عقد بنفس الطريقة مفيهاش اي تغيير وبالخيط الشفاف المطاط ممكن نعمله غويشة كمان نكون عملنا طقم جميل بايدينا https://upload.3dlat.com/uploads/13180138421.jpg |
رد: دورة تعليم الاكسسوارات (متجدد بإذن الله)
عسل يا خوخا جديد وجميل بس من فين بنجيب الخامات مش الخرز طبعا |
رد: دورة تعليم الاكسسوارات (متجدد بإذن الله)
احلى تقيم ليكى يا قمر على المجهود
|
رد: دورة تعليم الاكسسوارات (متجدد بإذن الله)
اقتباس:
ربنا يكرمك الخامات دى حبيبتى البنس والزرادية دول اسئلى عليهم بتوع الدهب قوليلهم اجيب الحاجات دى منين وهما هيدلوكى او اسئلى المحلات الكبرى اللى بتبيع الخرز والحاجات دى ويارب تلاقيهم حبيبتى وعلى فكرة شغل الاكسسوار دا ممكن يبقى شغل ليكى ويجيبلك دخل او ممكن انك تعملى الاكسسوارات دى لنفسك ولأولادك واحلى حاجه انها هتبقى من صنع ايدك |
رد: دورة تعليم الاكسسوارات (متجدد بإذن الله)
اقتباس:
وشكرااا للتقييم وحاولى تجربى كدا وورينى شغلك وأى سؤال انا معاكى |
رد: دورة تعليم الاكسسوارات (متجدد بإذن الله)
يتصفح الموضوع حالياً : 12 (2 عدلات و 10 زائرة)
|
رد: دورة تعليم الاكسسوارات (متجدد بإذن الله)
تسلم الايادى
انا بحب الاعمال الفنيه الجميله دى وان شاء الله هنتعلم منك حاجات حلوة جزاكى الله خيرا |
رد: دورة تعليم الاكسسوارات (متجدد بإذن الله)
احلي تقييم وبارك الله فيكي استفدت ماشاء الله عليكي
|
رد: دورة تعليم الاكسسوارات (متجدد بإذن الله)
اقتباس:
نورتينى |
رد: دورة تعليم الاكسسوارات (متجدد بإذن الله)
اقتباس:
يارب كلكو تكونو استفدتو |
رد: دورة تعليم الاكسسوارات (متجدد بإذن الله)
ماشاء الله تسلم الايادى هتعلم عشان اعمل لبنتى الصغيرة يا خوخه منتحرمش منك |
رد: دورة تعليم الاكسسوارات (متجدد بإذن الله)
كان نفسى اقيم بس رفض يلا الموضوع الجاى ان شاء الله |
رد: دورة تعليم الاكسسوارات (متجدد بإذن الله)
ان شاء الله لما اجيب الادوات اطبق
|
رد: دورة تعليم الاكسسوارات (متجدد بإذن الله)
اقتباس:
نورتينى والله |
رد: دورة تعليم الاكسسوارات (متجدد بإذن الله)
اقتباس:
اكنك قيمتى واكتر |
رد: دورة تعليم الاكسسوارات (متجدد بإذن الله)
اقتباس:
وشكرا ليكى |
رد: دورة تعليم الاكسسوارات (متجدد بإذن الله)
ماشاء الله عليكي ياخوخه وعلى مواضيعك جميل جدا انك تعرفينا طريقة عمل الأكسوار موضوع اكثر من هايل واحلى تققيم لعيونك ياقمر
|
رد: دورة تعليم الاكسسوارات (متجدد بإذن الله)
شكرا لك اختي وانا هدا شغلي بصمم وبعمل اكسسورات للموبايل وللحلق وكثير شغلات انا بجهز مجموعة
كبيرة ومتكاملة من الاكسسوارت وانشاء الله اعرضها بالمنتدى عن قريب |
رد: دورة تعليم الاكسسوارات (متجدد بإذن الله)
اقتباس:
ماشاء الله عليكى ممتازة وربنا يوفقك يارب |
رد: دورة تعليم الاكسسوارات (متجدد بإذن الله)
|
رد: دورة تعليم الاكسسوارات (متجدد بإذن الله)
|
رد: دورة تعليم الاكسسوارات (متجدد بإذن الله)
طيب قبل م ابدأ الدرس
اكيد فى منكم بيحبو الموضوع دا وحابين يشتغلو فيه ودا هيكون مصدر دخل كويس ليهم بس اهم حاجه تعرفى ازاى تسوقى المنتج بتاعك عن طريق الاصدقاء ولازم تعملى حساب على الفيس بوك عشان تعرضى فيه شغلك دا غير المنتديات اللى هتعرضى فيها شغلك . . ..طيب ازاى هتحسبى تمن الشغل اللى انتى عملتيه مثلا لو عملتى حلق او عقد ازاى تحسبى التكلفة اللى انتى دفعتيها وازاى تحددى الثمن اللى هتقدرى من خلاله تحددى ربحك * اول حاجه واهم حاجه يبقى عندك الميزان الحساس اللى اتكلمنا عنه فى اول الموضوع خالص *طيب انا جبته خلاص اعمل ايه بقى ...بصى سمى الله (طريقة حساب التكلفة) نفترض اننا اشترينا ربع كيلو لولي ب 10 جنية ياعني ( 250 جرام ب 10 جنية ) نقسم العشرة جنية على ال 250 جرام عشان نطلع تكلفه الجرام الواحد كام 10 % 250 = 0.04 للجرام الواحد وبنفس الطريقة بنحسب تكلفه الزرد والمسامير واي حاجه احنا شاريينها هانستخدمها وفيه حاجات بتكون كبيرة بتتباع بالواحده برضو بنحسبها وكمان بنحسب مصاريفنا بنشوف مواصلاتنا كام وبنقسمها على عدد الحاجات اللي اشتريناها في اليوم ده ياعني لو نزلت صرفت مثلا 10 جنية مواصلات واشتريت بس ربع كيلو لولي ب 10 جنية يبقى اضيفها عليه لو اشتريت نوعين خامات لولي وخشب او اي حاجه تانية اقسم العشرة نصين على ربع كيلو اللولي خمسة جنية وعلى الخامه التانية خمسة وهكذا وكذلك الخيط بكرة الخيط الراجل بيقولك دي حوالي كام متر وبتشوفي سعرها كام وبتقسمي السعر على عدد الامتار وبكده لما تعملي عقد مثلا بتوزنيه و بتشوفي اخد كام جرام 50 مثلا بتضربيهم في الرقم اللي طلعناه للجرام الواحد ياعني 50 * 0.04 وبالنسبة للخيط بتقيسي بالمازورة اخدتي كام سنتيمتر من البكرة وبتبقي حاسبه السنتيمتر الواحد بكام وبرضو بتضربيه وبكده نكون عرفنا نحسب التكلفه بالتماااااااااام من غير ما ننسى ولا حاجه ولا تضيع مننا حاجه وبعد كده بنضيف مجهودنا زي ما احنا شايفين وعلى اساسه بنحدد السعر معلش انا طولت في الموضوع ده شوية لان فيه ناس كتير بتحتاس ومش بتبقى عارفه تحسب التكلفة وبتخسر كتير بسبب الموضوع دا عشان كده حبيت اقول الموضوع باستفاضه شوية كتير عشان نبقى على درايه بكل حاجه من الالف الى الياء يارب تكونو فهمتونى انا عارفة ان المفروض الملحوظة دى كانت تتحط فى اول الموضوع بس والله تاهت عن بالى معلش واى سؤال انا معاكو اهه |
رد: دورة تعليم الاكسسوارات (متجدد بإذن الله)
النهارده ان شاء الله هانعمل انسيااااال جميييل وسهل ولذيذ جداا ومش هايكلفك حاجه خااااالص الادوات اللي هانحتاجها هى :- [IMG]https://files.***- .com/2009/9/1253948668.jpg[/IMG] قطعه سلسله طبعا السلاسل بتتباع بالمتر بنجيب حته على اد ايدينا نقيسها ونقطعها وطبعا السلاسل فيه منها اشكال كتير ورفيع وتخين وفضي ودهبي والوان كمان المهم نختار السلسلة اللي عايزينها وكمان اكيد هانحتاج مجموعه من الخرز الاشكال اللي نحبها هنا مستخدمين 3 اشكال مختلفه من الخرز وهانحتاج قفل للانسيال وشوية مسامير من اللي ليها راس زي راس الدبوس وشوية زرد صغيرين اصغر مقاس وطبعا الزراديات بتاعتنا هاتكون معانا هانبتدي الاول هانعمل اسهل حاجه اننا نركب القفل بتاعنا في احد اطراف السلسلة بنجيب زرده ( احنا خلاص بقينا محترفين وعارفين ياعني ايه زرد كدا ولا اييييه [IMG]https://files.***- .com/bigsmilies/mood4.gif[/IMG]واللي نسيت تراجع في اول صفحه تمام ) نجيب زرده ونفتحها وندخل فيها القفل وندخل فيها حلقه من حلقات السلسلة ونقفل الزرده بتاعتنا تاني كويس تمام بعد كده هانجيب مسمار ونحط فيه الخرز بالترتيب اللي نحبه بالشكل ده [IMG]https://files.***- .com/2009/9/1253949015.gif[/IMG] بعد كده نثني المسمار زي ما اتعلمنا قبل كده بالشكل ده [IMG]https://files.***- .com/2009/9/1253949078.gif[/IMG] وبعد كده نكمل زي ما اتعلمنا نقص منه جزء ونقفل الباقي لعمل حلقه صغيرة ( راجعوا الفيديو ) بس قبل ما نقفل الحلقه للاخر بنشبكها في السلسلة الاول وبعدين نكمل اغلاقها بالشكل ده [IMG]https://files.***- .com/2009/9/1253949162.gif[/IMG] لو ركزتوا هاتلاقونا سايبين الحلقه مفتوحه حته صغيرة ندخلها في السلسلة وبعدين نقفل عليها على طول [IMG]https://files.***- .com/2009/9/1253949213.gif[/IMG] لحد ما نوصل للشكل ده اللي مش عارف يعمل كده ممكن يعمل حاجه تانية اسهل اننا نتني المسمار ونقفله زي ما اتعلمنا قبل كده ونجيب الزرد الصغير ونفتحها وندخل فيها الخرزة اللي احنا عملناها وندخل فيها حلقه من حلقات السلسله وبعدين نقفلها زي ما عملنا في الدرس الاول بتاع الحلق وشبكنا الخرز اللبني واللولي البني مع بعض بالزرد بعد كده هانكمل باقيه تركيب في السلسلة بنفس الطريقة لحد ما نوصل للشكل ده [IMG]https://files.***- .com/2009/9/1253949402.jpg[/IMG] ونركب في اخر الانسيال زرده عشان القفل يبقى يقفل فيها وبس بكده نكون انتهينا من عمايل انسيال لذيييييييذ جدا جدا وشكله شيك وكله يتوقف في الاخر على ذوقك انتي واختيارك للاشكال والالوان وتناسقها مع بعضها وطبعا الاشكال لا تنتهي ودي بعض منها حاجات تحفه طبعا وبنفس الطريقة المختلف الخامات بس يلا شوفوا واتحمسوا من جمالها [IMG]https://files.***- .com/smilies/smile.gif[/IMG] https://img102.imageshack.us/img102/...500x500yr0.jpg دي مستعملين فيها طبعا باين انه لولي طبيعي وكريستالات واحجار وباين من شكل السلسلة انه فضه ولكن الطريقة نفسهاااااااا https://img144.imageshack.us/img144/2676/dvxcbup1.jpg ودي نفس الطريقة بس شوفوا تركيبات الاشكال وتنسيقها مربعات مع حجمين مختلفين او تلاته من الكريستالات الحمراء شكلها طبعا تحفه والاشكال ملهاش حصر واطلقي العنان لذوقك الجميل واتمنى يكون درس سهل واللي محتاج اي شرح اكتر او تفصيل في اي نقطه معينة يقولي وانا تحت امرة واتمنى انه يحوز على اعجابكم باذن الله ياعدولاااات واتمنى انكم تستفادو بإذن الله |
رد: دورة تعليم الاكسسوارات (متجدد بإذن الله)
اقتباس:
|
رد: دورة تعليم الاكسسوارات (متجدد بإذن الله)
شكرا حبيبتي خوخا وماشاء الله عليك استاذة بمعنى الكلمة واي مبتداة ممكن تطبق دروسك بسهولة لبراعتك في التوضيح كثر الله من امثالك وجعلك الله من الدالات على الخير دائما
|
رد: دورة تعليم الاكسسوارات (متجدد بإذن الله)
جزاكى الله خيرا يا قمر ومستنيين نتعلم منك اكثر علشان انا بحب الاكسسوار جدا
|
رد: دورة تعليم الاكسسوارات (متجدد بإذن الله)
اقتباس:
والله الكلام دا كتير عليا اوى ربنا يكرمك ان شاء الله تستفيدو كلكو وشكرااا على زوقك حبيبتى |
رد: دورة تعليم الاكسسوارات (متجدد بإذن الله)
اقتباس:
وان شاء الله ابقى عند حسن ظنكم بيا شرفتينى ياقمر |
رد: دورة تعليم الاكسسوارات (متجدد بإذن الله)
رائعة .. شكرا جزيلا
|
رد: دورة تعليم الاكسسوارات (متجدد بإذن الله)
اقتباس:
شكرا ليكى نورتينى فى موضوعى |
رد: دورة تعليم الاكسسوارات (متجدد بإذن الله)
تسلمى يا قمر
|
رد: دورة تعليم الاكسسوارات (متجدد بإذن الله)
اقتباس:
نورتينى |
رد: دورة تعليم الاكسسوارات (متجدد بإذن الله)
بسم الله الرحمن الرحيم النهارده ياعدولات هنتعلم طريقة عمل حلق سهل اوووووى وشييييييييك جدا وبسيط يارب يعجبكم دى الخامات اللى هنستخدمها وانتى وزوقك بقى https://img187.imageshack.us/img187/1291/a0002yp5.jpg زي ما احنا شايفين في الصورة طبعا اتنين شنكل حلق وشوية مسامير وحبه كريستالات احمر وقطعتين من السلاسل طول بعض على حسب ما بنحب طول الحلق هناخد اولا شنكل الحلق وقطعه سلسلة ونمسك السلسلة من النص ونشبكل فيها شنكل الحلق بحيث انه تبقى فرده الحلق الواحده نازل منها سلسلتين وممكن نخليهم متساويين وممكن نخليهم واحده اقصر من التانية بيبقى شكلها احلى زي الصورة دي كده https://img187.imageshack.us/img187/281/a0003jo8.jpg تمام بعد كده بناخد الكريستالات بتاعتنا كلها ندخلها في المسامير لحد ما تبقى بالشكل ده طبعا احنا احترفنا خلاص وعرفنا بنوصل للشكل ده ازاي https://img49.imageshack.us/img49/9638/a0004sd1.jpg لو اخدتوا بالكم هاتلاقوا ان الحلقه مش مقفوله للاخر سايبينها مفتوحه حته صغيرة عشان نعرف نركبها في السلسلة وبعد كده نقفل عليها كويس زي طريقة الانسيال اللي فاتت نبتدي نركب الكريستالات الكبيرة في اطراف السلسلة والكريستالات الصغيرة نبتدي نوزعها بطريقه عشوائية على باقيه السلسلة بالشكل ده https://img49.imageshack.us/img49/9833/a0006oo2.jpg ونخلي بالنا اننا نقفل الحلقات كويس بعد ما نركبها عشان دي مشكلة بتواجه المبتدئين وهيا قفله الحلق والزرد ممكن يكون فيه فتحه صغيرة اوي اوي متبقوش متخيلين انها ممكن تخرج السلسله منها وتفوجؤا ان الحاجات بتتفك حصلت معايا كتير اول ما اتعلمت وكمان ممكن تكون نهاية الحلقه مستخبيه جوا الخرزة نفسها واحنا مش واخدين بالنا انها مش مقفوله كويس وفي الاخر بنوصل للشكل النهائي للحلق واللي هو ده https://img49.imageshack.us/img49/7046/a0001dy7.jpg ايه رأيكم سهل ؟؟؟؟ وطبعا مش هاقولكم عيشوووا حياتكم حلقان اشكال والوان واحجام زي ما تحبوا [IMG]https://files.***- .com/smilies/smile.gif[/IMG] اتمنى يكون عجبكم ياعدولات ان شاء الله [IMG]https://files.***- .com/bigsmilies/mood0.gif[/IMG] |
رد: دورة تعليم الاكسسوارات (متجدد بإذن الله)
حلوين كثير ومنتهى السهولة والوضوح وتستحقي احلى تقييم
|
رد: دورة تعليم الاكسسوارات (متجدد بإذن الله)
اقتباس:
نورتينى ياقمر وشكراااا للتقييم |
رد: دورة تعليم الاكسسوارات (متجدد بإذن الله)
السلام عليكم ورحمة الله وبركاته
جبتلكم درس جااااااااامد جدااااااااا مش جامد ياعني صعب لالالالا خالص جامد ياعني حلوووو وشكله جميل واتمنى يعجبكم ان شاء الله بسم الله الرحمن الرحيم هانشتغل النهارده بغرزة للخرز الغرزة دي سهله جداااا جدااا جدااا لو بس ركزتوا شوية في فكرتها مش هاتلاقوها صعبه ابدا وممكن يتعمل منها حاجات كتير اوي اوي انسيال او حزام او حتىىى مفرررررررش ايوة مفررش بحاله ممكن والغرزة دي ليها بترونات كتييير جداااا وهانبدأ النهارده بعمل ابسط حاجه منها وهيا الانسيال هيا اساس عملها اصلا بالخرز الصغير اوي اللي احنا بنسميه خرز نمنم مبدئيا ممكن نحتاج لون واحد او لونين من الخرز ولو حابين اكتر مفيش مشكلة الخامات بتاعتنا هانحتاج لونين من الخرز النمنم او اكبر شوية لو حابين ومجموعه من الفصوص اللزق وده شكلها ومنها احجام واشكال كتير كمان هانحتاج خيط عندنا كذا نوع خيط ممكن نستعمله ممكن نستعمل الخيط الشفاف الموجود صورته في اول الموضوع بس في الطريقة دي بيكون الشغل واقف شوية وممكن نستعمل خيط عادي بتاع الخياطه بس يكون جامدوده احلى لانه بيخلي الشغل طري والافضل من الاتنين خيط اسمه خيط حرير ده بيدي ميزة الخيط العادي وفي نفس الوقت جاااااااااااامد جداا منقدرش نقطعه بايدينا زي ما بنعمل في الخيط العادي لازم مقص اولا هاندخل في الخيط عدد من الخرز النمنم وناخد بالنا ان ده هايكون عرض الانسيال اللي هانعمله او الاسورة اللي هانعملها ياعني على حسب ذوقنا عايزينها عريضه او متوسطه او رفيعه بالشكل ده وخدو بالكم من الصور والسهم دا معناه اتجاااااه الخيط ركزووووو [IMG]https://files.***- .com/2009/10/1254779538.gif[/IMG] وزي ما شايفين في الصورة اللي فاتت دي احنا دخلنا 13 خرزة بالظبط وزي ما شايفين برضو السهم ده بيعبر عن الخيط وهانعمل زي ما هو مرسوم كده بالظبط بعد ما ندخل الخرز كله هانسيب خرزتين وندخل الخيط في تالت خرزة ونطلعه بعديها زي الصورة دى https://upload.3dlat.com/uploads/13184571821.gif هايحصلنا الشكل ده هانلاقي الخرزتين اللي سيبناهم بقوا فوق بعض بالشكل ده وبنخرج الخيط من بعد الخرزة التالته ونكمل ندخل خرزة ونسيب واحده وندخل الخيط في اللي بعديها https://upload.3dlat.com/uploads/13184573061.gif ياعني واحده اه وواحده لاء لحد ما نوصل لآخر الصف بعد كده https://upload.3dlat.com/uploads/13184574531.gif مركزين معايا ولاتهتو ياعدولاااااااااااات بعد كده هانقلب الشغل في ايدينا زي ما بنعمل في الكروشية ونبتدي الصف التاني زي الصورة والسهم مهو مرسوم كده بالظبط بعد ما نكمل هانلاقي الشكل عندنا اصبح كده [IMG]https://files.***- .com/2009/10/1254780019.gif[/IMG] بنوصل للطول المناسب للاسورة او الانسيال بتاعنا وبعد كده بنوصل لعقده النهاية [IMG]https://files.***- .com/2009/10/1254780084.gif[/IMG] بنعقد الخيط في اي مكان في وسط الخرز عشان ميبانش ولو فيه كمان اي نوع من الماده اللاصقه زي مسدس الشمع او غراء شفاف بنحط مسحه صغيرة جدا عشان تمسك الخيط اوي بعد كده بنركب القفل بتاعنا من الجانبين بالخيط عادي كاننا بنخيطه في اي حاجه [IMG]https://files.***- .com/2009/10/1254780193.gif[/IMG] بنركبه بطريقه عشوائية وزي ما شايفين الاسهم بندخله بين الخرز ونثبته كويس وفي الجنب التاني ممكن نركب بنفس الطريقة زرده او سلسلة على حسب ما نحب وممكن نستغنى عن القفل خالص ونركب بداله واحده لولي كبيرة بنفس الطريقة ومن الجانب التاني نعمل شوية خرز صغيرين كانهم عروة وبعد كده ياعدولة نلزق الفصوص بتاعتنا بالشكل واللون اللي نحبه وبيكون عندنا انسيال جميل بالشكل ده https://upload.3dlat.com/uploads/13184575871.gif وهنا مش مستخدمين قفل مستخدمين طريقة العروة وشكلها لذيذ جدااا طبعا ممكن يكون لسه الشرح ده مش واضح عشان كده جبتلكم شوية فيديوهات تحفه https://www.youtube.com/watch?v=lSCnbo8VAJs https://www.youtube.com/watch?v=R-3G2zUWPLM واللي عايز يعمل بحث على الغرزة دي بالذات واشكال الحاجات اللي بتتعمل بيها اسمها Peyote Stitch ودي اسورة ساده معموله بنفس الطريقة https://www.motherofpearldesigns.com...ountpeyote.jpg يلا ياعدولاااااااات قولولى رأيكم ويلا جربو واشتغلو بإديكم مستنية اسئلتكم وتعليقاتكم |
رد: دورة تعليم الاكسسوارات (متجدد بإذن الله)
حلوين كثير تسلمي يا خوخا وفي انتظار الدرس الجديد
|
رد: دورة تعليم الاكسسوارات (متجدد بإذن الله)
اقتباس:
https://upload.3dlat.com/uploads/13184631121.bmp |
رد: دورة تعليم الاكسسوارات (متجدد بإذن الله)
السلام عليكم ورحمة الله وبركاته
ازيكم ياعدولات النهارده الدرس بتاعنا تكملة للدرس اللى فات وانا جايبالكم نماذج ممكن تنفذوها عملى https://upload.3dlat.com/uploads/13187083201.gif بس طبعا اللعب بالالواااااااااااااان جامد جدااا [IMG]https://files.***- .com/bigsmilies/mood4.gif[/IMG] طيب كدا انا علمتك ازاى تعملى الانسيال المستطيل بس ازاى بقى هتعملى الانسيال المبروم زى اللى فى الصورة فوق بقى بصى ياستى دا فيديو هيعلمك ازاى تعمليه هو مكون من جزأين دا الجزء الاول https://www.youtube.com/watch?v=B4m-SXc6EcM ودا الجزء الثانى https://www.youtube.com/watch?v=qmEfAxSA2J8 وبكدا بقى ابقى انا اديتك الطريقتين يلا كفاية كدا النهارده عشان تقدرو تفهمو كويس يلا سلااااااام:drinks: |
رد: دورة تعليم الاكسسوارات (متجدد بإذن الله)
|
رد: دورة تعليم الاكسسوارات (متجدد بإذن الله)
بارك الله فيك اختي خوخا اسعدك الله في الدنيا والاخرة
|
رد: دورة تعليم الاكسسوارات (متجدد بإذن الله)
اقتباس:
جزاكى الله الجنة |
رد: دورة تعليم الاكسسوارات (متجدد بإذن الله)
اقتباس:
شكراااااا ليكى ياقمر وربنا يكرمك |
رد: دورة تعليم الاكسسوارات (متجدد بإذن الله)
انا اصلا كل مادخلت للمنتدى بشوف موضوعك اذا نزلت فيه شئ جديد
|
رد: دورة تعليم الاكسسوارات (متجدد بإذن الله)
اقتباس:
شكراااا ليكى ياقمر |
رد: دورة تعليم الاكسسوارات (متجدد بإذن الله)
وعشان كل العدولااااااات وخصوصا ام الاء وبيان
جبتلكم طريقة عمل اسورة من الخرز ياااارب تعجبكم طريقة عمل أسورة من الخرز بطريقة مبتكرة ومميزة ... .https://img401.imageshack.us/img401/8682/0001dc8.jpg الأول دي الحاجات اللي هنحتاجها سلك نحاس حلقتين صغيرين زي اللي في الصورة فوق اللى هما فى الطرف اللى ماسكين فى الاكسسوار بتاع القفل خرز اسود متوسط الحجم خرز (خرج نجف طويل) لونه دهبي أو بيج للقفل نجيب الحلقة والعمود الصغير اللي بيدخل فيها ست خرزات شبه الخرز الاسود بس دهبي قطعتين النحاس اللي بيمسكوا الخرز والسلك وفي الآخر حاجة صغيرة كده زي بنسة اسمها زَرَّادية مع شدة على الراء دي شبه البنسة الكبيرة دي بتاعت النجارة تقريبا بس على صغنوووون الحاجات دي بقى منيييين؟؟ من عند أي محل خردوات أو أدوات الخياطة وبتوع الخرز هما غالبا بيكونوا في مكان واحد جنب بعض بيبيعوا الحاجات دي يعني وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا نيجي للطريقة بقى أول حاجة هنجيب واحدة من قطع النحاس مع السلك وتلات خرزات دهبي ونربطهم بالشكل ده أهم حاجة ماننساش في النص لازم يكونوا سلكين https://img216.imageshack.us/img216/1082/0003so5.jpg ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر .https://img49.imageshack.us/img49/9073/0004rn4.jpg نبدأ بقى بالجزء اللي في النص وركزوا فيه هناخد الأول خرزة سودا نحطها في السلكين بعدها في كل واحد فيهم نحط واحدة خرج نجف عشان يعمل الشكل ده https://img49.imageshack.us/img49/2983/0005cn7.jpg بعدها نلف السلك حولين الجنبين ونضمهم في النص تاني وممكن لو عرفنا بدل ما نلفه ندخله في الخرز الاسود على الجنبين أهم حاجة ناخد بالنا من طول السلك يكون طويل شوية لو حبينا نقصره نقصه عادي بدل مانعمل ومايكفيش في الآخر https://img49.imageshack.us/img49/3647/0006jc4.jpg بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا وتاني نفتحه باتنين خرج نجف ونلفه وهكذا بقى في الآخر بتوصل بالشكل الجميل اللي شفناه ده بعد مانوصل القفل من الجهتين .https://img401.imageshack.us/img401/8682/0001dc8.jpg مستنية اسئلتكم واستفساراتكم |
رد: دورة تعليم الاكسسوارات (متجدد بإذن الله)
وهنزل النهارده درس كمان
طب لييييييييه بقى عشان انا اتأخرت فى تنزيل الدرس عشان كنت مشغولة حبة وعشان ام الاء وبيان بتستنانى مخصوص انزل موضوع جديد ف انا قلت انزل واحد كمان عشان طووووول الاسبوع ببقى مشغولة فى الكلية يلا نخش على الدرس:mail1: لوتاخدو بالكو الدرس دا قريب اوى من الحلق اللى كنا عملناه قبل كدا ودى صورة الحلق لو نسيتو https://img49.imageshack.us/img49/9833/a0006oo2.jpg بس النهارده هننفذ ميدالية للموبايل ميدالية ممكن تتحط في قلم زي كده https://img401.imageshack.us/img401/8227/b0007tf7.jpg أو حتى نحطها في الموبايل نبدأ كالعادة بالخامات اللي هنستخدمها معانا https://img49.imageshack.us/img49/1605/b0001tt3.jpg هنجيب سلسلة باللون الدهبي أو الفضي زي ماتحبوا بس طبعا المهم لون السلسلة يكون نفس لون الأسلاك اللي هنستخدمها وهنستخدم مجموعة من الخرز الشفاف زي الموجود في الصورة بمختلف أحجامه اتنين لونهم موف كبار ومجموعة ألوان على زوقكوا حجمهم أصغر شوية ومعاهم خرزتين زي اللي استخدمناهم في الحلق واتنين غيرهم برضه بشكل هندسي كده زي مسدس هندسي زي مانتوا شايفين في الصورة وغيرهم ست خرزات لونهم دهبي على شكل وردة زي ماحنا شايفين في الصورة برضه وفاكرين الدبابيس الغير مدببة اللي قولنا عليها قبل كده؟؟ هنستخدمها بس حجم أكبر شوية وهنسخدم كمان قطعة اكسسوار دهب جواها زي جلد اسود أو كاوتش عشان نلفها على أي حاجة عايزينها سواء سلسلة صغيرة للموبايل أو على القلم ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات ومع الخامات دي هنستخدم مجموعة أدوات تسهل علينا شوية في تشكيل المعادن أولها طبعا الزرادية وغير كده كمان حاجة شبه البنسة برضه بس أساسها كاتر يعني بتقطع المعادن وشكلها زي الصورة دي لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات https://img187.imageshack.us/img187/7035/b0002lp6.jpg ودلوقتي نبدأ مع بعض نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة https://img49.imageshack.us/img49/9007/b0003jk0.jpg بعد كده هنجيب السلك وندخله في ناحية من الاكسسوار بتاعنا وبعدين نلفه على السلك الناحية الأولى بالشكل ده https://img401.imageshack.us/img401/6996/b0004vf4.jpg الجهة التانية من السلك اللي مش مربوطة بالاكسسوار طبعا هنربطها بالسلسلة اللي عملناها بالخرز في الأول وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه واللي هيتم ربطها بالسلسلة https://img401.imageshack.us/img401/5555/b0005mp2.jpg وفي النهاية بيكون شكلها كده بعد مانحطها على القلم بتاعنا https://img49.imageshack.us/img49/8687/b0006ny2.jpg وزي ماقلتلكوا في الأول ممكن نحطها في الموبايل مع زيادة السلاسل بتاعتنا بنفس الطريقة مثلا وبس كدااااااا ياعدولااااات ياااارب تستفادو |
رد: دورة تعليم الاكسسوارات (متجدد بإذن الله)
شكرا لك حبيبتي وجزاك الله الفردوس الاعلى في انتظار جديدك
|
رد: دورة تعليم الاكسسوارات (متجدد بإذن الله)
اقتباس:
جزاكى الله كل خير |
رد: دورة تعليم الاكسسوارات (متجدد بإذن الله)
شكراااااا
|
رد: دورة تعليم الاكسسوارات (متجدد بإذن الله)
اقتباس:
|
رد: دورة تعليم الاكسسوارات (متجدد بإذن الله)
تسلم الايادى
|
رد: دورة تعليم الاكسسوارات (متجدد بإذن الله)
مشكورررررررة على الموضوع ياقمر
|
رد: دورة تعليم الاكسسوارات (متجدد بإذن الله)
very nice
|
رد: دورة تعليم الاكسسوارات (متجدد بإذن الله)
خقه :014:
|
رد: دورة تعليم الاكسسوارات (متجدد بإذن الله)
اقتباس:
اقتباس:
اقتباس:
اقتباس:
|
رد: دورة تعليم الاكسسوارات (متجدد بإذن الله)
تسلم ايدك يا خوخة موضوع رااائع
|
رد: دورة تعليم الاكسسوارات (متجدد بإذن الله)
تم التقييم ياقمر
|
رد: دورة تعليم الاكسسوارات (متجدد بإذن الله)
اقتباس:
اقتباس:
شكراااا حبيبتى للتقييم:014: |
رد: دورة تعليم الاكسسوارات (متجدد بإذن الله)
السلام عليكم . انا لاأرى صور الموضوع الذي اتابعه فكيف تظهر الصور ؟
|
رد: دورة تعليم الاكسسوارات (متجدد بإذن الله)
تسلم ايدك موضوع جميل
انا جديدة بس الصور مش ظاهرة عندى جزاكى الله خيرا ع مجهودك |
| الساعة الآن 11:45 AM |