https://upload.3dlat.com/uploads/3dl...4099501601.gif

النهردة هحكيلكم عن خبرتي مع التخسيس

انا كنت لسة قبل الجواز وكان عندي وزن زايد حوالي 20 كيلو الأول بدأت اجرب اتبع نظام غذائي من النت او من اي صديقة راحت لدكتور مثلا واداها ريجيم بس مكنتش بستمر او مكنتش بلاقي النتيجة المرجوة


وحدة صاحبتي قالتلي على جيم للسيدات قررت اروحه واجرب , وفعلا رحت الجيم وكنا بنلعب ايروبكس واجهزة ساعتين 3 مرات في الأسبوع

لقيت عدد كبير من السيدات اللي اوزانهم اكتر مني بكتير وبيلعبوا الرياضة بنشاط ولقيت سيدات معندهمش وزن زائد بس بيلعبوا ليخافضوا على رشاقتهم


في الأول كان الموضوع مرهق والتمارين متعبة بس بعد اسبوع او اتنين بدأت عضلاتي تقوى وبقيت اعمل التمارين من غير ما احس بإرهاق او احس ان روحي بتطلع:09:

بدأت اتشجع وخسيت 2 كيلو في اول اسبوعين وده شجعني احاول انظم في اكلي كمان جمب الرياضة بس في نفس الوقت ماحرمتش نفسي من حاجة كنت باكل كل حاجة بس كميات صغيرة

وبعد 7 شهور من الرياضة جسمي رجع مشدود وقوامي اتحسن كتير وفقدت الوزن اللي كان مضايقني

ميوة الرياضة يا جماعة ان الجلد بيتشد يعني بتخسي ومش بيحصلك ترهل او سيلوليت في الجلد

بعد ما سبت الجم بقيت اواضب على المشي كل يوم ساعة الصبح, كنت بنزل انا وصحبتي او لوحدي امشي بس لازم تكون خطوة ثابتة ومتوسطة السرعة


اتعلمت حاجات كتير من التجربة دي:

1. ان الريجيم لوحده مش كفاية لازم حركة ورياضة او مشي
يعني لو قعدتي تشربي جنزبيل وشاي تخسيس طول عمرك من غير ما تنظمي اكلك وتمارسي الرياضة يبقى مش هتخسي يا عدولة:19:

2. روحي مكان او مارسي الرياضة مع حد عشان تتشجعي

3. غلط واكبر غلط انك تمنعي نفسك من الأكل كله وتصومي لأن مقاومتك هتنهار بسرعة ومش هتكملي وهترجعي تاكلي اكتر من الأول:224:

4. بلاش نستعجل ونخس بسرعة محدش بيجري وراكي يعني, لأن الخسسان بسرعة بيسبب ترهلات في الجلد وسيلوليت:09:

اتمنى تكونوا استفدتوا من تجربتي

https://upload.3dlat.com/uploads/3dl...4099514831.gif

المشاركة الأصلية كتبت بواسطة ريموووو (المشاركة 1898260) كويس والله ربنا يديكى الصحه والعافيه حافظى عليه بقى

المشاركة الأصلية كتبت بواسطة zozoweza (المشاركة 1898269) كلام وجميل وتجربة حلوة ونفسى اجرب

حلو خالص
تسلمى يا غالية وربنا يسعدك

برافووووووو عليكى حبيبتى
عقبالى انا كمان عايزه اخس خمسه كيلوووو

المشاركة الأصلية كتبت بواسطة محبه لله (المشاركة 1898291) مشكووورة حبيبتى

المشاركة الأصلية كتبت بواسطة عمة طلائي (المشاركة 1898292) برااافو عليكي

المشاركة الأصلية كتبت بواسطة حسناء (المشاركة 1898297) حلو خالص تسلمى يا غالية وربنا يسعدك

المشاركة الأصلية كتبت بواسطة هدوء الربيع (المشاركة 1898331) برافو عليكى نفسى انا كمان اخس بس الموضوع دة عايز عزيمة

المشاركة الأصلية كتبت بواسطة حجابي عفتي (المشاركة 1898476) مشكوررررر

المشاركة الأصلية كتبت بواسطة ام طاطو (المشاركة 1898482) برافووووووو عليكى حبيبتى عقبالى انا كمان عايزه اخس خمسه كيلوووو

المشاركة الأصلية كتبت بواسطة ok12374 (المشاركة 1898907) تسلمى حبيبتى ربنا يقويكى

المشاركة الأصلية كتبت بواسطة ام الاء وبيان (المشاركة 1898535) رووعة يا قمر وبرافو عليكي وشكرا لانك تقاسمت تجربتك مع الجميع

المشاركة الأصلية كتبت بواسطة ام سيف 22 (المشاركة 1898578) ممتازة ياقمر انا برضو نفسي انتظم على الرجيم

المشاركة الأصلية كتبت بواسطة منتقبة ولى الشرف (المشاركة 1899203) ماشاء الله ربنا يثبتك انا نفسى ابدء بئه

المشاركة الأصلية كتبت بواسطة منار جوجو (المشاركة 1899453) انا هبدئ تسلمي حبي