|
فرق السن واختلاف التفكير بيني وزوجي
انا متزوجة من 5سنوات وجوزى اكبر منى ب18سنه كان بالنسبة لى جواز صالونات بس هو كان يعرفنى المهم كان اعتراضى على السن بس والدى قال مش مهم كنت فاكرة انى حتقدر افهمه بس للاسف محصلش انا تعبت معه من كتر اختلاف التفكير انا بحبه اوى وهو ايضا بس مفيش توافق فكرى هو دائما بيفكر بطريقة وانا بطريقة انا عندى 24 سنه وهو 42 وعندى ولد وبنت 4و 3 سنين وبقول استحمل عشانهم بس خلاص مش قادرة وللاسف اهلى مش فاهمين كدة هم كل اللى يفرق معهم انى طول ما باكل واشرب وعايشة فة شقة حلوة خلاص كدة واحمد ربنا على كدة لكن انا مشكلتى انى عاطفية اوى وبحسب كل حاجة بالعاطفة غيرة هو خالص والمشكلة ان تفكيرة كله خاطئ وفى مش كل كتير بسبب التفكير الخاطئ دة ومش عارفة اعمل اية معلش طولت عليكم بس محتاجة مساعدة ضرورى خاصةانى بدات افقد الامل معه واتخنفت من كتر الكلام معه
|
رد: ارجو المساعدة
مش نهاية المطاف انك عندك ولد وبنت بس هي الحكاية غلط من الاول بس معلش كل شىء ممكن يتصلح لو شايفة ان فى امل فى التفاهم بينكم لو حتي 1فالمائة حاولي تانى الطلاق ده هززززززززززززززززززززززززززززززززززززززززززززززززززززززززززززززززززززززززة كبيرة جدا ولو بتحبيه هيكون الموضوع سهل عليكي
|
رد: ارجو المساعدة
اهلا حبيبتى
اختى الحياه مد وجزر شد ورخو اخد وعطاء فاهمه كلامك اوى اوى وحاسه بشعورك بس عاوزه اديكى كم نصيحه خديهم ووزنيهم وحاولى من جديد الطلاق الكلمه سهله اوى وهو ابسط الحلو لما تواجهنا مشكله او اتنين مع اجوازنا بس هو صح؟؟ نتائجه كويسه؟؟ نادرا مابيكون صحا ونادرا ماتيجى نتايجه كويسه انتى لسه صغيره اه بس خلى هالشء نقطه لصالحك مش لتفكير بالطلاق والبدء من جديد فكرى بنفسك واولادك انتى بتقولى بحبه ، وحستحمل عشان اولادى ، وكل شئ متوفر لك وعندك شقه واهلك مطمنين عليكى معاه كل ده مايستحق التضحيه شوى منك والتحمل اكثر؟؟؟ عندك اللى تتمناه اكثر البنات هنا معانا بالمنتدى فلا تضيعيه منك حبيبتى التفاهم بين الزوجين يجى ببعض التضحيه والتعب والصبر والتحمل والتغاضى واغماض العيوئن والترفع وحتى دفن الكبرياء احيانا عشان نعيش لو انتى عاطفيه علميه العاطفه دى وحبببيه فيها ماتكرهيه فيها وفيكى علميه الحب وازاى يحبك بجد وانتى قلتى انه بيحبك لا تنسى انك صغيره وكل راجل نفسه ببنت صغيره ترجع حياته وشبابه استغلى الموضوع ده عشان تسعديه وتسعدى نفسك ماتنسى ان الرجل بعمر الاربعين بيرجع مراهق كمان استغلى النقطه دى عشان تخليه يميل لحبك وبكده يحاول يفهمك اكثر ويلبى رغباتك يارب تسمعى منى ولو مافهمتى قصدى كلمينى وانا احاول افهمك تانى |
رد: ارجو المساعدة
انا من راي ريمووو تقربي ليه انتي حاولي تفهميه طلما فيه حب كل شيء بيهون كتير منا ازواجهم اكبر منهم بكتير وتعايشوا معاهم ولكن كل شيء مع العشره بيهون وبيعدي لان كلمه طلاق مع انها حلال بس كبيره اوي ولو كل واحده فينا فكرت كده هبقي مفيش بيت هيعمر بالصبر وحبك ليه هيقرب المسافات ان شاء الله |
رد: ارجو المساعدة
هيومه ...... الاختلاف الفكرى ممكن يحصل مع اتنين قد بعض وممكن يحصل حتى لو سنكم قريب من بعض ده مش مقياس لتحميل فرق السن اختلافكم الفكرى المهم انك تقدرى توصلى لنقاط فى شخصيته من خلالها تفهميه وخلى بالك ان الرجال فى كل مراحل العمر عندهم حجات بتعصبهم مبيحبوش الصوت العالى ميحبوش حد يقلل منهم وبالاخص زوجاتهم . لذلك بلاش تصرحيه بان رأيه خطأ هيتمسك بيه اكتر ويصر عليه حتى لو كان متاكد انه غلط يعنى بهدوء تقولى( اه فعلا بس عارف لو عملت كده هيكون احسن ) فى النهايه انك تعجبى بكل أرئه وكل كلامه وتبدى رأيك بهدوء وسلاسه بحيث انه ميحسش انك بتعنديه . وربنا يصلح لك الحال
|
رد: ارجو المساعدة
ربنا يصلح حالك يااارب وتكونى سعيدة فى حياتك أمين يااارب العالمين |
رد: ارجو المساعدة
ربنا يهديلك زوجك واصبرى علية ازا كنتى بتحبيه وربنا يجعل صبرك علية فى ميزان حسناتك
|
رد: ارجو المساعدة
انا رايى ان السن مش مشكله وطالما بيعاملك بما يرضى الله يبقى تنسى حكايه الانفصال دى خالص وخصوصا انك بتقولى ان فى حب متبادل بشويه مجهود منك ممكن توصلى معاه لتفاهم ووكمان فى بينكم اطفال ولان انتى لسه صغيره ولان فتره الزواج مش فتره طويله ممكن مع الوقت ان شاء الله يبقى فى تفاهم اكثر
حافظى على بيتك وبيت اولادك واستقرارهم لان مش مضمون بعد الانفصال الحياه حيبقى شكلها ايه ربنا يهديلك الحال |
رد: ارجو المساعدة
خدى بقى نصيحة اختك المطلقه انا طلقت بالرغم انى كنت متمسكة بجوزى وهو ما يستاهلش وكنا مختلفين فى التفكير بالرغم من تقارب السن بينا
لكن واضح ان جوزك طيب ما شاء الله فانتى الحل لو عندك اى طلب او قبل كل مناقشه صلى ركعتين استخارة ويمكن برأيه ده ربنا بيصرف عنك حاجات وحشه وربنا يصلح حالك ويسعدك وصدقينى الاطفال هم الضحية اولا واخيرا انا دلوقتى ابنى مشتت بينى وبين ابوه ربنا يحفظ اولادنا جميعا |
رد: ارجو المساعدة
انا من راى ريموووووووو برضه وربنا يصلح الحال بينكم يارب
|
رد: فرق السن واختلاف التفكير بيني وزوجي
شكرا جدا على نصائحكم دية فعلا هددتنى شوية وصبرتنى على الحياة فعلا انتم احسن من الاخوات
هو فعلا بيحبنى وطيب جدا وهى دى المشكله انه طيب زيادة عن اللازوم لان طيبته بتوقعه فى مشاكل كبيرة جدا لدرجة انه اصبح مديون ب30 الف ومعرفش راحوا فين وش عارفين نسدهم ومهدد بالشيكات شوفتوا اخرة الطيبه |
رد: فرق السن واختلاف التفكير بيني وزوجي
يا ختى يا حببتى الاموضوع مش موضوع سن الحكايه حكاية اختلافات فى التربيه والبيئه وطريقة التفكير بس انتى باديكى تقربى من وجك وتقربيه ليكى وديما خلى ما بنكم نقاط للاتفاق والمشاكل والمنواشات ديه فى كل بيت اهم حاجه الاحترام المتبادل حتى وقت الاختلاف |
رد: فرق السن واختلاف التفكير بيني وزوجي
ديما افتكرى الحجات الحلوى الموجوده فيه بلاش تظهرى عيوبه وكمان بسى الى اولادك هما ثمرة حياتك ما تضيعيها عشان نفسك بس حولى تضحى وتنزلى عشنهم ربنا لا يضيع اجر من احسن عملا ربنا معاكى ويهديكم لبعض |
رد: فرق السن واختلاف التفكير بيني وزوجي
حبيبتي اختي الموضوع ليس بسهل اختلاف التفكير بين الزوجين متواجد بكل مكان وبكل بيت يعني مستحيل يكونو لديهم نفس التفكير
انا عن نفسي لن اقول لك اكثر من ماقيل لك من العدولات لكن فكرة الطلاق حاولي ان تستبعديها من احتمالاتك واتركيها على الهامش حتى تفقدين الامل في تغيير زوجك وفقك الله اختي ولا تيأسي ولا تفقدي الأمل |
رد: فرق السن واختلاف التفكير بيني وزوجي
اختى هيومه موضوع الديون تقدرى تتكلمه فى الموضوع بهدوء وتعرضى عليه حلول ومساعدات من قبلك هيحس بوقفتك جنبه وهيشد هو الهمه لسد الديون بس لو رفض الحلول او حتى الحديث فى الموضوع بلاش تقلب بخناق تقبلى الموضوع وخليه يقدم هو حلوله . اقرئى انتى او زوجك ( سورة الاخلاص 3مرات عند دخولك بيتك والقاء السلام ) وربنا ييسرلك الحال
|
رد: فرق السن واختلاف التفكير بيني وزوجي
السلام عليكم و رحمة الله وبركاته , أختي العزيرة لست الوحيدة التي تعاني من هده المشكلة ,فكثيرات مثلك و أنا واحدة منهم ,متزوجة مند ما يقارب العشر سنوات ,لدي طفلين بنت وولد , الفرق بيننا 17 سنة لا أخفي عنك أني في الكثير من المرات أندم على زواجي به , وكلما تمنيته في حياتي لم يكن ,لكن ما أبقاني معه رغم اختلافنا و صمته الدي في الكثير من المرات يكاد يفقدني صوابي هم الأولاد و حبنا لبعضنا و احترامه لي و لأهلي وطيبته وتفهمه للكثير من الأمور فنصيحة لكي يا أختي هي الصبر و الدعاء وأكيد يوجدفي زوجك صفات كثيرة تحبينها و تنسيك ما تكرهينه فيه
|
رد: فرق السن واختلاف التفكير بيني وزوجي
ربنا يهديلك الحال
وبصراحة العدولاااات قالو كل حاجه وعداهم العيب |
رد: فرق السن واختلاف التفكير بيني وزوجي
يا حبيبتي الطلاق مش حل خذي جوزك فحظنك كوني له ارضا يكن لك سماء حبيبتي الراجل كل ماكبر في سنه يكون محتاج لعاطفه اكتر واكسبي انك صغيره في سنك تدلعي عليه وفي نفس الوقت طبطبي عليه لا تفكري في نفسك ولا تفكري في الرومانسيه فكري كيف تسعدي جوزك وصدقيني لو اسعدتيه وعاملتيه بحنان وعقل راح يسعدك فكري بعقلك قبل قلبك احنا الحريم مشكلتنا القلب ما عندنا عقل احيانا فنصيحه اتناقشي مع جوزك كتير وحاوريه عن نفسك وايش تبقي منه وصارحوا بعض كتيرترى اهم شي لغه الحوار بين الزوجين ولا تييئسي منه لا تحملي ديون وطلابات فوق طاقته ومعليش طولت والله يوفقك ويجمع قلوبكم على بعض
|
| الساعة الآن 04:15 PM |