|
عاشقة اولادى على كرسى الاعتراف
مًسآئكمُ/صًبآحكَمً بـِ رُوحَ الحُبْ / والْعَطاء .. يَتَجَدَدُ بِنَا الْفَرَحْ والْبَسْمَه .. والْلقًآء..! بـِ عَطَاءٍ فَاقَ عَنَانَ الْسَمَاءْ لـِ يُصَافِحَ اَكُفَ الْغَيمْ ..! بـِ قَطَراتِ مُزُنْ تَروِي الْقُلُوبَ والاَرْواح ..! بــكــل حــب وإحــتــرام وشــوق نــســتــقــبــلك ونــفــرش طــريــقــك بــالــورد ونــعــطــر حــبــر الــكــلــمــات بــالــمــســك والــعــنــبــر ونــنــتــظــر الإبــداع مــع نــســمــات الــلــيــل وســكــونــه لــتــصــل هــمــســات قــلــمــك إلــى قــلــوبــنــا وعــقــولــنــا نــنــتــظــر بــوح قــلــمــك ملــيون مــرحبا بـك سنًجتًمع هُناْ كمًا أعَتدًناْ/ [IMG]https://www.**- /vb/images/smilies/qalp2.gif[/IMG] مُحمًلينْ بْ قلًوبِ مًلؤهًا الوَد والإِحِترًامْ قلَوب لا يًجمعُها إلا الًخيرَ بإذن الله .. ل ْنكـًشف معاً ,, روحً معِطًاءه وشخًصَية جًذبتْ الًكثيِرينْ وتفًانِي تقًفْ دوًنه الكَلماتْ لـ نرحًب جميًعاً بضيًفتنآ لهذآ الأسبوَع " عاشقة اولادى " هيا لنبحر معكِ في رحلة نشعل شموعها سوياً رحلة نتعرف بها عليكِ اكثر ، لنتعرف على شخصيتكِ فكم منا يحب ان يتعرف على قلم مبدع مثلكِ ومتألق فأرجوا منكِ الصعود على الكرسي وإستقبال أسئلتنا بصدر رحب |
رد: عاشقة اولادى على كرسى الاعتراف
عدد الأسئلة لكل عضو محددة في 5 حتى يتسنى للأعضاء الآخرين طرح أسئلتهم وكذلك لعدم إرهاق الضيف بالأجوبة ولكن لايسمح له العوده مره اخرى . لو وضع أكثر من خمسه أسئلة راح أخذالخمس الأولات وأحذف باقي الأسئلة ولو تكررت من نفس الشخص راح أحذف مشاركته ككل رغم أني مو حاب هالشيء فياليت تتقيدوا بحذافيرها أعزائي ,, هاهي ضيفتنا مستعدة لاستقبال أسئلتكم التي نتمنى أن تكون بعيدة عن حياتها الشخصية ,, ولضيفتنا الحرية في الإجابة ,, أنسحب الآن لأترك المجال لكم ولضيفتنا العزيزة ,, وستكون عودتي قريبة وفي جعبتي بعض الأسئلة |
رد: عاشقة اولادى على كرسى الاعتراف
مش عارفة ارد بايه على كلامك الحلو ده يا لينا انتى قمراية بجد اشكرك من كل قلبى واتمنى ان اكون ضيفة خفيفة عليكم وعلى الكرسى .........
|
رد: عاشقة اولادى على كرسى الاعتراف
هاه مين هتبدا تسال بس خدوا بالكم احسن اذنبكم على السبورة .......... لا لا ما تخافوش تعالوا بس والباقى عليا ........
|
رد: عاشقة اولادى على كرسى الاعتراف
منوره الكرسى يا ست الاستاذه وبراحه ع التلاميذ اصل ماحدش عارف مين اللى هايمسك العصايه للتانى
|
رد: عاشقة اولادى على كرسى الاعتراف
لا لا لا انا هادية خالص بس هما يدخلوا وبعدين ربنا يسهل
|
رد: عاشقة اولادى على كرسى الاعتراف
هههههههههه
منوووووره يا قممممممر انا جيت ارحب بك اولاااا معطر بعبق الورد و الياسمين احتفالية انيقة وزاهية الالوان تناثرت فوق قمم الابداع لشخصية احبها الجميع وادخلت الابتسامه للقلوب حضورها رائع ونشاطها لا يختلف عليه اثنااان لحروفها رونق من بحور الجمال التي تتصف بها دون غيرها لعبق كلماتها رائحة دهن الطيب والعود الساحر الالماس يحاول ان يقلد بكل شيء ويسترق من نقائها ليتوهج وهو ناصع النقاء وسيدهـ الابداع بفكرها وباخلاقها الكريمة عاشقه اولادى ... |
رد: عاشقة اولادى على كرسى الاعتراف
ماشاء الله شيفاكى متحمسه اوى للاسئله فخلينى اديكى كم سؤال كده ع الماشى
1- لماذا اخترتى اسم عاشقه اولادى وايه بيعنى لك؟؟؟؟ 2- كيف ترين نفسك بمجال عملك؟؟؟؟ يلا اتسلى بهذول السؤالين على ما اخد لفه ههههههههههه |
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
اقتباس:
بالنسبة لاسم عاشقة اولادى فالاسم ده قلبى هو اللى اختاره انا فعلا باعشق اولادى بمعنى الكلمة يعنى لما بيكون واحد فيهم تعبان بحس انى بموت وهما كل حياتى عايشة ليهم وبيهم بقلبى وعقلى وعمرى ولانى بحب امى جدا ومرتبطة بيها فنمى بداخلى حب اخر موازى لحب امى . اما بالنسبة لعملى فانا مدرسة من طفولتى كل زمايلى واحنا صغيرين كانوا عايزين يكونوا دكاترة ماعدا انا فكنت دايما اقول مدرسه حتى ماما كانت تقولى ما عندكيش طموح كنت اقولها المدرس اهم حاجة فى الدنيا وكان ما تمنيته فعلا والحمد لله انا متميزة فى عملى ومستمرة فى دراستى ان شاء الله مدى حياتى . نورتينى ومستنيه اسئلتك . ما تتاخريش عليا . |
رد: عاشقة اولادى على كرسى الاعتراف
[IMG]https://files2.***- .com/2011/5/13068536351637.gif[/IMG] اهلين وسهلين اشرقت الانوار بقدومك وتدفق النهر با اطلالك وغردت الطيور بك فياهلا وياسهلا بالقلب نبعثر التراحيب ونزف استقبالنا معطر بالورد والكادي مملؤء بالحب والشوق :130046::130046::130046: هلا والله وغلا وألف مليون مراحب وحياك الله :63976_imgcache::63976_imgcache: مرحبا بك بين بساتين وازهار وجودنا ورحيق التواصل وشهد المحبه والاخلاص منور بتواجدك معنا ويسعدنا تواصلك واشتراكك معنا شرف لينا بقدومك الميمون وحضورك المشرف [IMG]https://files2.***- .com/2011/5/13068529361344.gif[/IMG] [IMG]https://files2.***- .com/2011/5/13068552971087.gif[/IMG] دة ترحيب بس انا جاية بااسئلة كمااااان شوية ياقمرى |
رد: عاشقة اولادى على كرسى الاعتراف
منورة يا قمر يا عزيزة على قلبي كتير والكرسي منور بوجودك ما راح اتقل عليكي بالاسئلة
أجمل سنوات مرت عليك؟ -البرامج المفضلة؟ -شخصيتك ( عصبية ، رومانسية ، ....... )؟اكيد قمر يا ناس -اجمل بلد زرتها ؟ -ماهو لونك المفضل ؟ |
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
اقتباس:
نورتينى يا حبيبتى واسئلتك طبعا امورة زيك |
رد: عاشقة اولادى على كرسى الاعتراف
1- ليه وافقتي تعدي على كرسي الاعتراف؟
2- عندك طموحات في الحياة لسة ما حققنيهاش؟ |
رد: عاشقة اولادى على كرسى الاعتراف
اولا منوره الكرسى ياقمر وشكلك عسوله ومرحه
وعشان كده هسألك 5 اسئله بحالهم هههههههههه 1-ايه الشىء اللى لا يمكن تغفريه لانسان بغض النظر عن الكدب والخيانه ؟(بعقدهالك) ههه 2-ايه التجربه اللى عملتيها وتتمنى تعمليها تانى ؟ 3- ايه اكتر حاجه بتخافى منها عندك منها فوبيا يعنى؟ 4- ايهما اهم عندك قلبك ولا كرامتك وياريت توضحى وجهه نظرك ؟ 5- لو معاكى 12 مليون جنيه هتعملى بيهم ايه؟(على فكره مش سؤال تافه ده سؤال تحليل علم نفس بس ياريت تجاوبى بمنطقيه ووضوح فعلا وكأنهم معاكى هتتمتعى وتستفيدى بيهم ازاى) كفايه اوى كده انا هنام شويه على ماتجاوبيهم هههههههههههه |
رد: عاشقة اولادى على كرسى الاعتراف
انا جايه اصبح وامشى على احلى وارق ام اسامة فرحة جدا انك انتى اللى على الكرسى استريحى وخدى نفسك وهرجعلك تانى افكر فى شويه اسئلة |
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
اولا منوره الكرسى
ياقمرده نورك يا قمر وشكلك عسوله ومرحه انتى اللى عسل وشكلنا كده هنبقى اصحاب وعشان كده هسألك 5 اسئله بحالهم هههههههههه انا تحت امرك وما تخافيش مافيش ضرب " عشان الوزارة منعاه :crazy:" 1-ايه الشىء اللى لا يمكن تغفريه لانسان بغض النظر عن الكدب والخيانه ؟(بعقدهالك) ههه الاهانة لا يمكن ان انسى لاى حد يتعرض لكرامتى وصعب جدا انسى القسوة . ودى حاجة تعبانى جدا . 2-ايه التجربه اللى عملتيها وتتمنى تعمليها تانى ؟ ما فيش حاجة محددة بس نفسى اسافر فى رحلة استجمام 3- ايه اكتر حاجه بتخافى منها عندك منها فوبيا يعنى؟ الاماكن المرتفعة بخاف منها جدا 4- ايهما اهم عندك قلبك ولا كرامتك وياريت توضحى وجهه نظرك ؟ لا طبعا كرامتى وانا عشت تجربة زى دى قبل كده وفضلت كرامتى على كل شئ بس مش بحب اتكلم عنها . 5- لو معاكى 12 مليون جنيه هتعملى بيهم ايه؟(على فكره مش سؤال تافه ده سؤال تحليل علم نفس بس ياريت تجاوبى بمنطقيه ووضوح فعلا وكأنهم معاكى هتتمتعى وتستفيدى بيهم ازاى) اشمعنى 12 عموما انا احلامى المادية مش كبيرة قوى هابنى مسجدى لابى رحمه الله واحج انا وزوجى واولادى وماما والباقى مشروع كؤيس نعيش منه عيشة محترمة كفايه اوى كده انا هنام شويه على ماتجاوبيهم هههههههههههه تصبحى على خير وشرفتينى |
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
اهلين ومرحبتين يا ام اسامة مستنيه قعدتك دي بقالى كتير بس الاول بشكرك انك قولتى ان اسكندريه اجمل بلد في مصر حبيت ارحب بيكي ورجعالك بالأسئله
|
رد: عاشقة اولادى على كرسى الاعتراف
اولا منوره الكرسى
ندخل بقى ع الاسئله 1_ايه اكتر لحظه فى حياتك حسيتى فيها بالفرحه اللى من القلب 2_ياترى تتمنى ان حد من اولادك يبقى مدرس مع التوضيح فى الحالتين 3_راضيه عن نفسك وحياتك حوالى كام فى الميه شويه وهرجع بالباقى استنينى |
رد: عاشقة اولادى على كرسى الاعتراف
نورتى كرسى الإعتراف وانا سوف اسألك اسئله اتمنى ان تكون خفيفه عليكِ
السؤال الاول: ما هى امنيتك التى تريدين تحقيقها بأى طريقه؟ السؤال الثانى: ما هو اكثر شيئ يضايقك فى شخصيتك؟ السؤال الثالث: من هو اكثر شخص تحبينه فى حياتك؟ |
رد: عاشقة اولادى على كرسى الاعتراف
انا جيت بالأسئلة ياام احمد
1-هل انتى بتحبي المطبخ ولا بتحسي انه عبئ عليكي زيي كده 2-من خلال معشرتك للأطفال اللى بتدرسي ليهم بحكم عملك مصدفكيش طفل حستي انه هيبقى معجزه لو صدفك طفل نبغه ياريت تحكيلنا عليه 3-ايه اكتر صفه بتحبيها في زوجك وايه اكتر صفه بتكرهيها فيه 4-من خلال زيرتك لمدينة الأسكندريه ايه اكتر حاجه عجبتك فيها وهل تعرضتي لموقف ما فيها 5-ازاى بتعرفي توفقي بين بيتك واولادك وبين عملك خصوصا ان اسامة لسه صغير ومحتاج رعايه وأسف لو طولت عليكي يلى اعترفي بقى |
رد: عاشقة اولادى على كرسى الاعتراف
:1348558evm2wtkckc: أجمل بكيه ورد لحبيبة قلبى أم أسامه معلشى أنا دخلت متأخره شويه عشان كنت بحضر حاجة المدارس عمله أه يا قمر منوره وسؤالى ليكى . حضرتى نفسك وبيتك أذاى عشان الشغل ؟
|
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
اولا منوره الكرسى
ده نورك يا قمر ندخل بقى ع الاسئله استعنا على الشقا بالله 1_ايه اكتر لحظه فى حياتك حسيتى فيها بالفرحه اللى من القلب لما ولدت احمد " ابنى الكبير" ملى عليا حيات وحسيت معاه الامومة فرحت بيه جدا وما كنتش احب افارقه ساعة واحدة وفضلت تلات سنين مش راضية اروح الشغل واسيبه مع اى حد . 2_ياترى تتمنى ان حد من اولادك يبقى مدرس مع التوضيح فى الحالتين بصى انا اتمنى ولادى يكونوا اى حاجة يحبوها ويكونوا مبدعين فيها والمدرس دوره مهم جدا فى المجتمع بس محتاج تطؤير لنفسه واهتمام من الدولة يعنى لو ااحمد او اسامه حبوا يكونوا مدرسين ما عنديش مانع بس تتحسن احوال المعلم 3_راضيه عن نفسك وحياتك حوالى كام فى الميه سؤال صعب جدا انى احكم على حاجة زى كده بس انا عندى رضا الحمد لله بس النسبة صعب احددها ممكن اقول 80 % شويه وهرجع بالباقى استنينى منتظرة بس اوعى تتاخرى عشان هاقوم البس والبس احمد عشان المدرسة |
رد: عاشقة اولادى على كرسى الاعتراف
نورتى كرسى الإعتراف يا هموسة وانا سوف اسألك اسئله اتمنى ان تكون خفيفه عليكِ
اتفضلى يا قمر ده انتى واسئلتك زى العسل السؤال الاول: ما هى امنيتك التى تريدين تحقيقها بأى طريقه؟ بصى نفسى اخلص الماجستير واخد الدكتوراة ده لنفسى اما اولادى نفسى يكونوا ناجحين فى حياتهم اللى يختاروها السؤال الثانى: ما هو اكثر شيئ يضايقك فى شخصيتك؟ العصبية باتعب منها جدا , ده بجانب انى ساعات باجى على نفسى عشان ارضى الناس ونفس ابطل الخصلتين مش عارفة السؤال الثالث: من هو اكثر شخص تحبينه فى حياتك ؟ ماما طبعا بدون منازع ربنا يخليهالى ما افدرش اعيش من غيرها |
رد: عاشقة اولادى على كرسى الاعتراف
انا جيت بالأسئلة ياام احمد
برافو عليكى ما اتاخرتيش عليا 1-هل انتى بتحبي المطبخ ولا بتحسي انه عبئ عليكي زيي كده لا فى دى انا مختلفة عنك انا بحب المطبخ جدا وبيقولوا عنى انى مبدعة فيه 2-من خلال معشرتك للأطفال اللى بتدرسي ليهم بحكم عملك مصدفكيش طفل حستي انه هيبقى معجزه لو صدفك طفل نبغه ياريت تحكيلنا عليه اه اول سنة اشتغلت فيه كان عندى ولد كان ما شاء الله عليه حافظ القران كله وبيتملى بالتشكيل ومعلوماته العامة قويىة جدا وكل ده كان فى سنة رابعة ابتدائى وخطه ما شاء الله هايل بس فى سنة خامسة حسيت تراجع فى مستةاه شويه عرفت بعدها من خالته هى مدرسة مايا ان باباه ومامته مطلقين وباباه كان بيهتم بيه جدا بس سافر ومراة ابوه ست محترمة جدا بتعمل على اد ما بتقدر بس بتشتغل وعندها اربع اولاد فاصريت ان الولد يرجع لمستواه تانى وفضلت وراه والسنة اللى فاتت طلع الاول على المدرسة ودخل اعدادى وسميت ابنى اسامه على اسمه . 3-ايه اكتر صفه بتحبيها في زوجك وايه اكتر صفه بتكرهيها فيه اكتر صفة بحبها فيه الطيبة وانه ملتزم دينيا جدا حتى اكتر منى , اما اكتر صفة بانتقده فيها التردد وانه بيسمح لاهله يتدخلوا فى حياتنا جامد . 4-من خلال زيرتك لمدينة الأسكندريه ايه اكتر حاجه عجبتك فيها وهل تعرضتي لموقف ما فيها البحررررر بموت فيه , الموقف انه كان المفروض اسبوع عسل والنتيجة ان جوزى كان بيسبنى فى الفندق طول النهار ويرجع متاخر لانه كان مسافر لشغل ففضلت انى ارجع بعد الاسبوع برغم انه كمل هناك لوحده بس نفسى اروحها انا واولادى زيارة طويلة 5-ازاى بتعرفي توفقي بين بيتك واولادك وبين عملك خصوصا ان اسامة لسه صغير ومحتاج رعايه تنظيم الوقت بيخلينى الحمد لله اعرف اوفق بين الدراسة والشغل والبيت والولاد بس ده بييجى على نفسيتى وأسف لو طولت عليكي يلى اعترفي بقى اسفة على ايه بجد استمتعت باسئلتك وتحت امرك لو عايزة تسالى تان وما تخافيش من لينا |
رد: عاشقة اولادى على كرسى الاعتراف
اقتباس:
ادينى باحضر الدفاتر ةالوراق وباحاول انظم نومى وربنا يساعدنا مستنية بقية اسئلتك اوعى تتاخرى |
رد: عاشقة اولادى على كرسى الاعتراف
اهلا اهلا يا مراحب منورة الكرسى الجميل ده يا ابلة مروة https://upload.3dlat.com/uploads/13163238811.gif صباحنا منور ان شاء الله انا جيت بس اقولك دلوقتى تبقى تستنينى يا جميل ورجعالك تانى باذن الله https://upload.3dlat.com/uploads/13163241211.gif منوووورة |
رد: عاشقة اولادى على كرسى الاعتراف
برافو عليكى
كل الاجابات جميل اوووووى ربنا يكرمك ويسعدك يااااااااااااارب وتحققى كل اللى فى بالك يااااارب اتمنى اكون ضيفة خفيفة وشكر ليكى |
رد: عاشقة اولادى على كرسى الاعتراف
منورة الكرسى يا قمر
وحشانى كتير ازى العسسسسسلات احمد واسامة نيجىلأسئلة ايه رأيك ف النقاب؟ مين اللى تحبى تحكلها اسرارك؟ مين اكتر صديقة بتحبيها ف مدرستك؟ بتحبى الخروج ولا قعدة البيت؟ وكفاية كدة لا تزهقى منى ههههههه:001: |
رد: عاشقة اولادى على كرسى الاعتراف
انا رجعت اهوووووو
شكرا حبيبتى لردك على اسئلتى نكمل بقى 3- احكيلنا موقف طريف حصل لك فى المدرسه مع التلاميذ 4- وموقف اخر مؤلم كمان حصل لك فى المدرسه واثر فيكى ومش حتنسيه 5-بكل صراحه من هى العضوه اللى لو تعبتى بجد ماراح تحكى وتفضفضى الا معاهااا؟؟؟ |
رد: عاشقة اولادى على كرسى الاعتراف
|
رد: عاشقة اولادى على كرسى الاعتراف
|
رد: عاشقة اولادى على كرسى الاعتراف
عشان ميكنش فى زعل انا مدرسه زميله كفاح مع قلة الامكانيات فى المدارس https://upload.3dlat.com/uploads/13164457521.jpg هل انتى مع المثل القائل الغزاله تغزل ولو برجل حمار |
رد: عاشقة اولادى على كرسى الاعتراف
الا هو انتى مدرسة ايه ؟ اوعى تقولى رياضه هههههههههههه |
رد: عاشقة اولادى على كرسى الاعتراف
اهلا وسهلا ومرحبا والله الكرسي شكلو جميل وكبير ومريح تقعديني جنبك؟؟؟
شكراً لموافقتك وزوءك العالي ..... أولاً الله يخليلك هالشمعتين أحمد وأسامة وتفرحي فيهم آمين يا رب ثُانياً خلينا ندخل في الأسئلة عشان أروح أشوف باقي المواضيع ثالثاً كم عمر أولادك؟؟ هل أكرمك ربنا بعمرة لو كنتِ رحتي احكيلنا شعورك أكلة بتحبيها وما بتمليش منها لو أكلتيها كل يوم وهلأ سلام وارجع تاني |
رد: عاشقة اولادى على كرسى الاعتراف
السلام عليكم ورحمة الله وبركاته
ازيك ياحبيبتى انا نفسى اتعرف عليكى من زمااان واهو جا الوقت هههههههه يارب تكونى بألف خير ورنا يحفظلك اولادك من كل سوء يارب أسئلتى تبقى خفيفة عليكى _بلد نفسك تزوريها _اذا ربنا رزقك بطفل جديد تحبى تسميه ايه _هواية عندك ونفسك تنميها _اكتر ايه فى القران الكريم بتاثر فيكى لدرجة انك ممكن تدمعى كفاية بقى كدا عليكى لحسن تضربينى هههههههه يلا ياقمر مستنية ردك على اسئلتى |
رد: عاشقة اولادى على كرسى الاعتراف
كيفك يا عسل
منووووووورة و يعطيكي العافية و ربنا يخليلك اولادك يا رب انا حابة اسالك اولا: اكتر حاجة تحبيها في الدنيا؟ ثانيا:اكتر حاجة تفرحك؟ ثالثا:البلد الي بتتمني تزوريه؟ رابعا:اصعب لحظة مرت عليكي؟ كفاية عليكي كدة ويا رب ما اكون ثقلت عليك يا عسل |
رد: عاشقة اولادى على كرسى الاعتراف
وانا اقول الكرسى منور ليه علشان عاشقة اولادى قاعده عليه وحشانى يا قمره اسالتى مين اقرب اصحاب ليكى فى المنتدى وهل بتامنى بالصداقه من النت ايه احلى قسم فى عدلات بجد من غير مجمله لو خيروكى تكونى عضوه ولا مشرفه تختارى ايه وليه كفايه كده وربنا يوفقك يا جميل |
رد: عاشقة اولادى على كرسى الاعتراف
يا عيني ياعيني بشوف الكل بهندس ويزوق الكلام وأنا بدي أزوق وأهندس وأتكتك الكلام لأحلا عاشقة نورتي كرسيكي ***- ***- *امر فيك افكاري ويطري بالهوى طاري واقضي ليلتي ساري واقول مساء الخير يا غالي :heart::heart::heart::heart::heart: *مساء الكلمة الحلوة مساء الحب بليا حدود مساء ريحته قهوة وطعمه بالحلا معقود مساك نغمته تغريد وصوته ينعش المجهود مساك خير يا الغالي مساء الشوق ودهن العود مساء يحتويه الكون لأنك أنت فيه موجود....:2131_1168498625: يلا حبيبتي شدي الهمة وجاوبي على هل كم سؤال بس بدون غش يلي درس درس - ما موقع اللغة العربية من الاعراب (قصدي لديك)؟ - ماذا تعني لك مهنة التدريس؟ - اختاري الاجابة الصحيحة من بين الأقواس : -الدولة التي اشتهرت فيها كلمة (زنقة زنقة) أ- مصر ب - ليبيا ج- تونس د- دولة الحبل على الجرار - ضعي اشارة / أمام العبارة الصحيحة ، واشارة + أمام العبارة الخاطئة . - تعتبري أراء الاخرين مصدر اساسي في تحديد اهتماماتك وأمورك ( ) اتمنا لكي التوفيق والسداد ملاحظة : الاجابة على نفس الورقة:129346: |
رد: عاشقة اولادى على كرسى الاعتراف
اولا اسفة انى اتاخرت عليكم سامحونى واوعوا حد يزعل منى النت كان فاصل وكنت زعلانة جدا لانى بحب الالتزام فى كل حاجة اسفة مرة تانية
|
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
رجعتلك تانى يا جميل بسم الله نبدأ نقول انتى على كرسى الاعتراف والنت فصل الاسبوع كله وراحت عليكى هتعملى ايه لو عندك طالب مشاغب جداااا هتتعاملى معاه ازاى ايه اكتر حاجة بتزعلك عزمت نفسى عندك على العشا هتتطبخيلى ايه من اختيارك نصيحة ليا بقى لما ادرس للاطفال ان شاء الله يلا يا جميل جاوبى https://upload.3dlat.com/uploads/13165433691.jpg |
رد: عاشقة اولادى على كرسى الاعتراف
وحشتينى يا ام اسامة انا كنت سيباكى الى الاخر عشان نعرفك اكتر من اسئلة الاعضاء اه اخبارك يا ست الكل جهزه للاسئلة هل وانتى فى عملك بين اصدقائك تتمنى ان تتركى العمل وتجلسى بالمنزل ؟ اه شعورك لو عرفتى ان احد الزملاء فى العمل يمكر لكى شياء ؟ اه اللى تتمنيه فى حياتك الشخصية ولسه محصلش ؟ تهدى ورده الى حد عزيز عليكى جدا هو مين ؟ |
رد: عاشقة اولادى على كرسى الاعتراف
تم اتقيم |
رد: عاشقة اولادى على كرسى الاعتراف
اقتباس:
الولاد بخير الحمد لله . اسئلتك عسولة زيك بالننسبة للنقاب انا نفسى بجد البسه وده مش لانى واثقة انه فرض لا لانى عارفة ان اكتر شئ قد يكون ملفت للنظر هو الوجه بس خايفة ما اكونش على قدر المسئولية اتمنى من الله ان يهدينى الى ما هو صواب . ماما هى اقرب حد ليا فى الدنيا وبحكيلها كل حاجة فى حياتى ولازم كل يوم اديلها تقرير يومى عنى ربنا يخليهالى . صاحبتى اسمها ولاء وهى معايا من ابتدائى وكمان هى اللى عرفتنى على منتديات المراة ومن ثم عدلات . انا بحب قعدة البيت جدا وده منذ طفولتى لدرجة انهم كانو بينهمونى بالاكتئاب بس ده مش حقيقى ازهق منك ازاى ده احنا ولاد " كار" حلوة كار دى لغة عربية فصحى واحد وكمان بلديات ولسه ليكى سؤال يالا اسالى براحتك عشر اسئلة كمان |
رد: عاشقة اولادى على كرسى الاعتراف
اقتباس:
احلى موقف قابلنى واحدة ست كبيرة كل يوم تجيب ابن ابنها وتصر تقعد معاه فى الفصل ونحاول معاها كل يوم بس هى تصر لانها متعلقة بيه جدا بس تحسى فيها طيبة الدنيا كلها . اه موقف مؤلم واسفة انى هاضايقكم معايا طلبت كراسة تسعة اسطر من الولاد للخط وتانى يوم قلت مين ما جابش الكراسة فولد قال لى انا لان امى مش معاها فلوس فطلبت منه اشوفها فلقيت فى وشها حروق وعرفت منها ان جوزها اتوفى فى الحريق ده هو وابنها الكبير وهى بتربى الولد ده وتلات بنات اكبر منه وجوزها كان عامل وما عندوش معاش وهى اشغال يدوية وبتبيعها اتاثرت جدا من حكايتها وعمرى ما نسيتها . بجد كل عضوات عدلات بارتاح معاهم بس اكتر ناس فضفضت معاهم وقربت منهم مع الله وسوسو الامورة |
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
السلام عليكم ورحمة الله وبركاته
نبدأ الكلام ببسم الله الرحمن الرحيم وبه نستعين اولآ : اجاباتك كلها جميله وعقلانيه جدا ثانيا : ممكن اسألك؟ 1: تعملى ايه لو بتتكلمى مع حد فى موضوع مهم وحسيتى انه بيستهزأ بكلامك؟ 2: ماذا يمثل لكى زوجك؟ 3: طالب فى الفصل عصبك تعملى معاه ايه؟ 4: انتى متزوجه عن حب؟ 5: هل انتى متردده؟ وربنا يوفقك فى حياتك ويحمى أولادك ويباركلك فيهم وفى زوجك وفى والدتك ويبعد عنكم العين والشر آمين يارب العالمين |
رد: عاشقة اولادى على كرسى الاعتراف
]اهلا وسهلا ومرحبا والله الكرسي شكلو جميل وكبير ومريح تقعديني جنبك؟؟؟
اهلا بيكى ياست ام وليد نورتينى اتفضلى بس استحما تتزنقى جنبى لانى قلبوظة شويتين شكراً لموافقتك وزوءك العالي ..... أولاً الله يخليلك هالشمعتين أحمد وأسامة وتفرحي فيهم آمين يا رب ياحبيبتى الله يخليكى ويخليلك وليد ثُانياً خلينا ندخل في الأسئلة عشان أروح أشوف باقي المواضيع يالا بسرعة ثالثاً كم عمر أولادك؟؟ احمد ست سنين , واسامة سنة هل أكرمك ربنا بعمرة لو كنتِ رحتي احكيلنا شعورك انا عملت عمرة اكتر من مرة وانا طفلة بس طبعا ما تتحسبش بس اكبر امل عندى انى اعمل عمرة وعندى حنين دائم لارض الحجاز أكلة بتحبيها وما بتمليش منها لو أكلتيها كل يوم المحشى مش شايفة عملت ازاى وهلأ سلام وارجع تاني يالا مستنياكى اوعى تتاخرى |
رد: عاشقة اولادى على كرسى الاعتراف
السلام عليكم ورحمة الله وبركاته
وعليكم السلام ورحمة الله وبركاته ازيك ياحبيبتى انا نفسى اتعرف عليكى من زمااان واهو جا الوقت هههههههه فرصة سعيدة بجد وتعرفى عليكى يشرفنى يارب تكونى بألف خير ورنا يحفظلك اولادك من كل سوء ربنا يكرمك يارب يارب أسئلتى تبقى خفيفة عليكى ده انتى واسئلتك زى العسل _بلد نفسك تزوريها نفسى اروح السعودية اعمل عمرة واروح باريس اعمل شوبينج _اذا ربنا رزقك بطفل جديد تحبى تسميه ايه بصى انا مش ناوية اخلف تانى لانى باتعب ولانى شايفة ان اتنين كفاية ومتفقة انا وجوزى على كده بس لو حصل اى اسم بحرف الالف فكرى كده معايا ...... _هواية عندك ونفسك تنميها القراء ة بس الوقت قرب يقتلها عندى _اكتر ايه فى القران الكريم بتاثر فيكى لدرجة انك ممكن تدمعى بصى مش اية معينة بس سورة ياسين كل ما اقراها لازم ابكى من اول ما ابدا لحد اخرها كفاية بقى كدا عليكى لحسن تضربينى هههههههه ما قلنا الوزارة مانعة الضرب بس تذنيبة على خفيف يلا ياقمر مستنية ردك على اسئلتى ] |
رد: عاشقة اولادى على كرسى الاعتراف
]كيفك يا عسل
منووووووورة و يعطيكي العافية ده نورك وربنا يخليكى و ربنا يخليلك اولادك يا رب ياحبيبة قلبى ربنا ما يحرمنيش منك انا حابة اسالك اولا: اكتر حاجة تحبيها في الدنيا؟ ولادى وامى عايشة ليهم ثانيا:اكتر حاجة تفرحك؟ ضحكة اولادى اكتر شئ يفرحنى ثالثا:البلد الي بتتمني تزوريه؟ السعودية رابعا:اصعب لحظة مرت عليكي؟ وفاة باب الله يرحمه " وياريت تقروا له الفاتحة " لحظة سودت حياتى كفاية عليكي كدة كملى كملى ولا يهمك ويا رب ما اكون ثقلت عليك يا عسل ده انتى قمر ونورتينى |
رد: عاشقة اولادى على كرسى الاعتراف
وانا اقول الكرسى منور ليه علشان عاشقة اولادى قاعده عليه وحشانى يا قمره اسالتى انتى واحشانى اكتر كلك ذوق مين اقرب اصحاب ليكى فى المنتدى وهل بتامنى بالصداقه من النت بصى كل اصدقائى اللى فى الصفحة بتاعتى بموت فيهم بس اقرب اتنين مع الله وسوسو وريمووو بحس انها قلب طيب جدا ايه احلى قسم فى عدلات بجد من غير مجمله كرسى العتراف وبعدين المطبخ والفرفشة لو خيروكى تكونى عضوه ولا مشرفه تختارى ايه وليه بصى انا عيزة افضل عضوة لان الاشراف مسئولية وانا مش ناقصة مسئوليات بس ممكن افكر فى حكاية الاشراف دى .. كفايه كده وربنا يوفقك يا جميل ليه عاوزة اكلمك شوية ما انتى قاعدة معايا نورتينىe |
رد: عاشقة اولادى على كرسى الاعتراف
تسلمى حببتى لذوقك وردودك العسل زيك
ربنا يوفقك ويسعدك ويحقق كل أحلامك وكفاية حبيبتى اسئلة تسلميلى ما ينفع عشرة لا أحسن لينا تطردنى ههههههه |
رد: عاشقة اولادى على كرسى الاعتراف
اقتباس:
ياست نواعم الله يخليكى انا مش اد الترحيب ده كله ههههههههه دمك زى العسل معلش يا مس اغش سؤال واحد بس بصى انا بمووووووو تفى اللغة العربية وبحس بمتعة فى تدريسها ولو ما كنتش بحبها ما كنتش تفوقت فيها بس كان نفسى ادخل قسم انجليزى فى الكلية عشان فرصته احسن بس فرق نصف درجة فى تنسيق الاقسام وعرفت ان ربنا اختار لى الصالح مهنة التدريس مهنة محترمة بس مافيش عندنا الاحترام الكافى للمعلم وعلى فكرة انا رفضت الاضراب لان المعلم ما ينفعش يعمل اضراب هههههههه ليبيا انا ما بيقنعنيش الا راى امى غير كده لللللللللااااااا |
رد: عاشقة اولادى على كرسى الاعتراف
رجعتلك تانى يا جميل هاه ايه رايك مش انا شاطرة يا مس ههههههههههحمد لله على السلامة يا سنسن بسم الله نبدأ نقول انتى على كرسى الاعتراف والنت فصل الاسبوع كله وراحت عليكى انا بجد كنت زعلانة جدا بس لان الالتزام لا يتجزا انا كنت ناوية اعمل اعتذار من اى سايبر عشان المسئولية بس الحمد لله ربنا ستر لو عندك طالب مشاغب جداااا هتتعاملى معاه ازاى ايه اكتر حاجة بتزعلك انا فعلا عندى مشاغبين مش واحد بس الطرق كتير احيانا الدرجات التجاهل التذنيب استدعاء ولى الامر او انى اكلفه بمهام كتير عشان ينشغل فيها وكل طالب حسب حالته عزمت نفسى عندك على العشا هتتطبخيلى ايه من اختيارك محشى بانواعه بعمله حلو جدا وبانيه ولحمة محمرة وصينية بطاطس والحلو بسبوسة وشكلمة ودى اصناف كلها بحبها وبعملها كويس نصيحة ليا بقى لما ادرس للاطفال ان شاء الله طبعا ربنا يوفقك انتى هتدرسى لرياض اطفال وعلى فكرة مدرسة الرياض بتاثر جدا فى الولاد انزلى بتفكيرك ليهم وعيشى سنهم هتفهميهم وهتنجحى جدا فى شغلك يلا يا جميل جاوبى |
رد: عاشقة اولادى على كرسى الاعتراف
وحشتينى يا ام اسامة انتى وحشتينى اكتر يا ست ام احمد يا قمرايه انا كنت سيباكى الى الاخر عشان نعرفك اكتر من اسئلة الاعضاء اه اخبارك يا ست الكل جهزه للاسئلة تحت امرك هل وانتى فى عملك بين اصدقائك تتمنى ان تتركى العمل وتجلسى بالمنزل ؟ اجيانا بيحصلى كده لما باتعب فى البيت ومع الولاد خصوصا الايام دى لان جوزى بيضغط عليا اخد اجازة بس باحس انى مش هاقدر على قعدة البيت اه شعورك لو عرفتى ان احد الزملاء فى العمل يمكر لكى شياء ؟ ييه بتحصل كتير انا اشتغل مع الفصل وحد تانى يعجبه يتحايل عشان ياخده منى بس لانى ربنا عارف ضميرى دايما ربنا بيرد كيد اللى بيعمل ده اه اللى تتمنيه فى حياتك الشخصية ولسه محصلش ؟ بصى نفسى اعيش انا وجوزى وولادى بعيد عن مشاكل الاهل وبعدين اخلص الماجستير تهدى ورده الى حد عزيز عليكى جدا هو مين ؟ زوجى الحبيب بيستحملنى كتير ربنا ما يحرمنيش منه https://upload.3dlat.com/uploads/13165440681.gif اشوفك على خير يا جميل هرجع عشان اشوف الاجابات:blush: ربنا ما يحرمنيش منك |
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
السلام عليكم ورحمة الله وبركاته
وعليكم السلام ورحمة الله وبركاته نبدأ الكلام ببسم الله الرحمن الرحيم وبه نستعين اولآ : اجاباتك كلها جميله وعقلانيه جدا ربنا يخليكى ده من ذوقك على فكرة اسمك عجبنى جدا الفراشة الحائرة جميل ثانيا : ممكن اسألك؟ اتفضلى يافندم 1: تعملى ايه لو بتتكلمى مع حد فى موضوع مهم وحسيتى انه بيستهزأ بكلامك؟ بتحصل باتجاهل الموقف وباختصر فى كلامى مع الشخص ده لانى مش باحب المشاكل 2: ماذا يمثل لكى زوجك؟ جوزى طيب جدا وانا بحبه وبموت فيه بس هو عيب واحد انه ممكن يفضل راى اهله على مصلحته الشخصية 3: طالب فى الفصل عصبك تعملى معاه ايه؟ العقاب بيتنوع بس انا معلمة هادية باحاول اتحكم فى نفسى طبعا غير البيت خالص عصبييييييية جدا 4: انتى متزوجه عن حب؟ لا جواز صالونات بس لما قربت من جوزى حبيته جدا يعنى يمكن اكتر مما لو كنا متجوزين عن حب 5: هل انتى متردده؟ فى اختيارات لبسى واولادى ممكنوهاطبخ ايه النهارده بس فى حاجات تانية احيانا باكون متسرعة جدا جدا وربنا يوفقك فى حياتك ويحمى أولادك ويباركلك فيهم وفى زوجك وفى والدتك ويبعد عنكم العين والشر آمين يارب العالمين اللهم امين وربنا يكرمك |
رد: عاشقة اولادى على كرسى الاعتراف
اقتباس:
|
رد: عاشقة اولادى على كرسى الاعتراف
تسلمى يا ام اسامة ويارب يخليكم لبعض ويبارك فى اولادك ويتربوا فى خركم |
رد: عاشقة اولادى على كرسى الاعتراف
هاى انا زاد انا بحبك اوى وبحب كل موضيعك اول سؤال ما الامنيى التى كنتى تتمنيهى ولم تتحقق 2 ما معرفتك على النقاب ازا كان فرض ام ثنى 3ازا اساء لكى احدا هل تجتنبيه ام تعفى عنه
|
رد: عاشقة اولادى على كرسى الاعتراف
منوره يا عاشقه اسفه ع التاخير وايه الكرسى الجميل ده انا احتج اشمعنى بتاعك احلى هههههههههه نبدأ مين اكتر انسان قدوه ليكى يا ترى انتى عصبيه اولادك نفسك يطلعوا ايه فى المستقبل ياترى انتى من المدرسين المعتصمين واخيرا السؤال اللى دايما تسأليه لكل العضوات هههههه الخيانه ياترى مريتى بيها ومن مين وليه |
رد: عاشقة اولادى على كرسى الاعتراف
سلام الله عليكم ورحمة الله وبركاته ازيك ياعاشقة اولادى يمكن مليش اختلاط بيكى اوى او مفيش بينا معرفه بس حساكى طيبة وقلبك كبير هسألك كام سؤال بما انك مصرية ومُدرسة ومتابعه اللى بيحصل فى البلد اليومين دول:: * ايه رأيك فى اعتصامات واضرابات المعلمين !؟ * رأيك فى الدروس الخصوصية وشايفه فعلاً ان التعليم فى مصر متقدم ولا متدهور !؟ كفايه كدا علشان منخليش كرسى الاعتراف كله سياسه وبدعو لكى بالتوفيق فى حياتك العمليه والزوجيه وربنا يباركلك فى اسرتك وفيكى يارب .. فـى أمـان الله |
رد: عاشقة اولادى على كرسى الاعتراف
اقتباس:
1 ـ الامنية اللى اتمنيت احققها ولم اوفق هى انى انهى الماجستير فى حياة بابا الله يرحمه لانه كان نفسه يفرح بيه جدا . 2 ـ بصراحة انا ما اعرفش اذا كان فرض او سنة اصلى مش بحب الفتوى بس هو فضيلة لسه ربنا ما انعمش عليا بيها . 3 ـ لا اجتنبه اما العفو والسماح فالوقت بيعالجه . ايه تلات اسئلة بس ما كنتى كملتى . |
رد: عاشقة اولادى على كرسى الاعتراف
اقتباس:
نبدا الاجابات : 1 ـ امى هى قدوتى فى هدوئها وقوة احتمالها وصبرها ونفسى اكون زيها بس مش عارفة . 2 ـ طبعا انا عصبية جدا جدا وده عيب خطير . 3 ــ انا جاوبت قبل كده انى ما احبش اتدخل فى اختياراتهم بس بصراحة نفسى احمد يكون دكتور ناجح ومحبوب واسامة قاضى يحكم بالعدل . 4 ـ لا انا رفضت العتصام وانقسمنا فى المدرسة بس انا من رايى ان المعلم والطبيب ما ينفعش يعتصموا لان عملهم انسانى بالدرجة الاولى . 5 ـ اما الخيانة فاتعرضت ليها من واحدة كانت صاحبتى خانتنى مع شخص كان خطيبى والاتنين حاولوا يعتذروا وندموا بس انا خرجتهم من حياتى للابد . جايه متاخر واخترتى اصعب اسئلة اعمل فيكى ايه افتحى ايدك ..... |
رد: عاشقة اولادى على كرسى الاعتراف
اقتباس:
بالنسبة لاضراب المعلمين فانا ضده تماما لان المدارس حالها مش ناقص تدهور ولان المعلم مهنته انسانية جدا هو والطبيب فمينفعش يعمل اضراب وممكن نطالب بحقنا الضايع فى غير اوقات الدراسة بس بجد احنا مظلومين جدا . 2 ـ بما ان المعلم مهنته انسانية فالمفروض ما يديش دروس خصوصية ويهمل فى شغله وانا شايفة ان اولياء الامور مش بيكونوا مسامحين فى فلوس الدروس دى فحاسة بيها شبهه والله اعلم . اما التعليم فمتدهور جدا جدا وحاله يحزن وعشان اتكلم فى امثلة عايزة اكتب عشر مواضيع . نورتينى وياريت تكملى اسئلتك لانى بجد استمتعت بيها جدا . |
رد: عاشقة اولادى على كرسى الاعتراف
اشكر حبيبتى لينا وكل العدولات على الاستضافة الرائعة واتمنى تكونوا قربتوا منى فى الفترة دى .
|
رد: عاشقة اولادى على كرسى الاعتراف
ماتنسوش معانا لحد الساعة 12 اللى عنده سؤال يدخل بسرعة قبل لينا ما تغلق الموضوع .
|
| الساعة الآن 02:40 AM |