عدلات - تخليل الزيتون الاخضر للى عايزه اسهل واسرع طريقة -

عدلات (https://adlat.net/index.php)

- استشارات ونصائح مطبخية (https://adlat.net/forumdisplay.php?f=19)

تخليل الزيتون الاخضر للى عايزه اسهل واسرع طريقة -

طريقة التخليل اللى هقدمها ليكم دلوقت دى وصفة من واحده قريبتى
جربتها لاول مره فى حياتى وطلعت مش هقول اد ايه طلعت جميله وطعمها يجنن
علشان كده قلت اقولها ليكم للاستفاده
وما تنسوش دعوة فى ظهر الغيب احسن ثروة

واليكم الطريقة بالتفصيل الممل كما عملتها

3ك زيتون اخضر
1ونصف ك ليمون
2كيس ملح (خشن) الكيس بنص جنيه
نص ك او اقل حسب رغبتك فلفل اخضر واحمر حراق يعنى شطه

يغسل الزيتون والليمون والفلفل جيدا
يترك تلت الليمون ويؤخذ الباقى وتقطع الليمونه الى ارباع
يوضع الليمون المقطع مع قليل من الماء فى الخلاط وتضرب حتى تصبح قطع صغيره جدا
ناخذ الفلفل الاحمر ونقطعه ونضربه ايضا بالخلاط الى قطع صغيره وممكن الاستغناء عن الفلفل الاحمر كما فعلت
نحضر وعاء كبير نضع فيه الزيتون ثم يضاف اليه الليمون والفلفل المقطع فى الخلاط
وبعد ذلك نضيف 2كيس الملح مع اضافة قليل من الماء حسب الرغبة
تقلب الخلطه كلها جيدا ثم تترك ساعتين او ثلاث حتى يتشرب الزيتون الخلطه
نقطع قبل التعبئه الفلفل المتبقى الى قطع كبيره نسبيا يعنى اد عقلتين من اصبع اليد
نقطع الليمون المتبقى الى شرائح رقيقة
الآن يأتى دور التعبئه فى البطرمانات
اثناء تعبئه الزيتون بخلطته السابقة الذكر والموجوده فى الوعاء الكبير نحرص على اضافة الفلفل المقطع بين الطبقات
وبعد الانتهاء من التعبئه نضيف ما تبقى فى الوعاء من ماء ليمون فى كل بطرمان على حده
ونغطى وجه البطرمان بشرائح الليمون ومع قطعة او اتنين من الفلفل
آخر خطوه نغطى الوجه برشه من زيت الزيتون حتى لا يتعفن الوجه
لمنع دخول الهواء لداخل البطرمان نضع تحت غطاء البطرمان قطعة مربعة من شنطه بلاستيك بيضاء اللون
ثم يترك اد شهر ودوقيه
وكلى منه بالف هنا وشفا

منقووول