بالصور فستان طفلة خطوة بخطوة بالباترون
فستان طفلة مع شرح الباترون بالصور https://www.sweka.info/vb/images/icons/new-1.gif https://upload.3dlat.com/uploads/12884862341.jpg https://upload.3dlat.com/uploads/12884862342.jpg المقاس ده لعمر طفلة حوالى سنه او اقل https://upload.3dlat.com/uploads/12877756481.gif السفرة نشتغل بابرة استانليس رقم صفر وخيط قطن من اللى بنعمل به المفارش (خيوط مصر البيضا ) اشتغلي 104سلسلة ( لآن الصدر منخفض وليس على مقاس الرقبة بالظبط ) واشبكيهم على شكل دائرة https://upload.3dlat.com/uploads/12877756481.gif السطر الاول 2 سلسلة ( كأول حشو ) 19 حشو 3حشو فى غرزة سلسلة واحدة 30 حشو 3 حشو فى غرزة واحدة 20 حشو 3 حشو فى غرزة 30 حشو 3 حشو فى غرزة ونشبك بمنزلقة فى السلسلة التى بدأنا بها السطر كده حددنا الامام والخلف الجزء الذى به 30 غرزة والحمالات الجزء الذى به 20 غرزة وممكن طبعا تغيرى المقاسات حسب ما انت عاوزة ليلائم طفلة اكبر ( ممكن يتعمل سفرة قمصان نوم مقاساتنا احنا بس اتبعى طريقة التقسيم ) لكن لاحظى الشغل حتى لا يبرم منك فى هذا السطر بالذات ( حصلت معايا وفكيته كذا مرة ) https://upload.3dlat.com/uploads/12877756481.gif السطر الثانى من هذا السطر بنشتغل على اللفة الخلفية لغرز الحشو من السطر السابق اشتغلى فى كل غرزة غرزة حشو وعندما تصلى لغرزة المنتصف فى الركنة ( 3 حشو فى غرزة ) اشتغلى 3 حشو فى غرزة كررى السطر التانى حتى تصلى لطول السفرة الذى تريديه على فكرة فى الفستان لم انهى السطر بمنزلقة كنت باكمل على طول حتلاقى الشغل يشبه المستطيل https://upload.3dlat.com/uploads/12877756481.gif لعمل الباط نشتغل بداية من ركنة البداية الى ان نصل لركنة التى تليها نعمل 20 سلسلة ونشبكها فى غرزة المنتصف للركنة التالتة ونكمل السطر الى ان نصل للركنة الاخيرة نعمل 20 سلسلة ونشبكها فى غرزة بداية السطر كله حشو او عماويد كما تحبى سواء فى الحشو او السلسلة كده تكون عندنا بداية الجيبة للتوسيع اشتغلت سطر عبارة عن عمود فى غرزة و2 عمود فى التى تليها ونبدأ سطر جديد لعمل الجيبة اشتغلى بغرزة الصدفة ( اعمدة بينها سلسلة ) اشتغلى 5 سلسلة واتركى غرزتين واعملى حشو وكررى الاتى :3 سلسلة ونترك غرزتين وفى التالتة حشو https://upload.3dlat.com/uploads/12877756481.gif السطر التالى نبدأ بمنزلقة لنصل الى السلسلة ونشتغل 2 عمود سلسلة 2عمود (صدفة ) فى كل سلسلة فراغ ونشبك بمنزلقة فى اول عمود 2منزلقة لنصل الى السلسلة الفراغ بين عمودين ونعمل 3 سلسلة عمود سلسلة 2 عمود ونكرر لاخر السطر فى كل سلسلة فراغ بين عمودين 2عمود سلسلة 2 عمود اعملى من بداية الجيبة 5 اسطر بهذه الطريقة https://upload.3dlat.com/uploads/12877756481.gif من السادس للعاشر 3 منزلقة للوصول للسلسلة التى بين العمودين 2عمود 2سلسلة 3 عمود ثم فى كل فراغ بين العواميد 3 عمود 2سلسلة 3 عمود وتكررى 3عمود 2سلسلة 3عمود فى كل سلسلة فراغ لاخر السطر من السطر ال11الى 15 زودى عمودين فى الصدفة اى 4 عمود 2سلسلة 4 عمود من ال16 الى 20 5عمود 3سلسلة 5 عمود انا عملت 20 سطر فقط فى الجيبة إذا اردت الزيادة زودى الصدفة كل 5 اسطر https://upload.3dlat.com/uploads/12877756481.gif ودى طريقة التوسيع فى الجيبة لعمل كورنيش الحمالة ابدأى من غرزة الركنة التى تحت الباط واشتغلى 3 سلسلة ثم حشو الى ان تصلى الى غرزة الركنة لتحت الباط من الجهة الاخرى ثم اشتغلى فى كل سلسلة فراغ صدفى ( 2عمود سلسلة 2عمود ) سطرين او 3 كما تحبى |
|
رد: بالصور فستان طفلة خطوة بخطوة بالباترون
فستان اخر دلع
|
رد: بالصور فستان طفلة خطوة بخطوة بالباترون
بسم الله الرحمن الرحيم دى اول مشاركة ليه معاكم فى المنتدى وانا سعيدة بيها وعايزة يكون فيه تواصل بينا والفستان المعروض دة جميل قوى وان شاء الله ها انفذة لبنت ابن اخويا لانها حاملة اسمى وهى اول حفيدة من الجيل الثالث لنا ويارب يبارك فيها وتسلم ايد اللى عملته والى الامام دائما
|
رد: بالصور فستان طفلة خطوة بخطوة بالباترون
تسلم ايديكى جميل جدا الفستان المعروض يتاكل اكل وعلى فكرة دى اول مشاركة ليه معاكم واتمنى انها تدوم واتعلم كتير من المنتدى الجميل دة وان شاء الله تعالى سوف انفذ لان شرحه وافى ويستاهل ان الواحد يعمله ما يفوتش الشرح المفيد ابدا مع خالص نحياتى وتقديرى لانى انا من عشاق اشغال الابرة جدا
|
رد: بالصور فستان طفلة خطوة بخطوة بالباترون
|
رد: بالصور فستان طفلة خطوة بخطوة بالباترون
بجد ماشاء الله غاية فى الرقة ربنا يبارك فيكى اختى على فكرة انا كمان بحب الكروشيه جدا وبعرف اشتغله بس اكيد مبتدئة مش استاذة زيك
|
رد: بالصور فستان طفلة خطوة بخطوة بالباترون
بجد فستان تحفه تسلم ايد اللي عملته بس نفسي اتعلم الكروشيه عشان بناتي الصغيرين
|
رد: بالصور فستان طفلة خطوة بخطوة بالباترون
تسلم الأيادي
|
رد: بالصور فستان طفلة خطوة بخطوة بالباترون
ماعنديش طوله بال اعمل الحاجات الحلوه دى بس اختى بتعملها
|
رد: بالصور فستان طفلة خطوة بخطوة بالباترون
جميل اوى تسلم ايدك
|
رد: بالصور فستان طفلة خطوة بخطوة بالباترون
فستان أكثر من رائع أتمنى لو أستطيع عمل مثله لابنتي و بارك الله فيك يا عدولة
|
الساعة الآن 09:27 AM |