عدلات - كشرى مصرى جدا من مطبخى بالصور طريقة عمل الكشرى المصرى بالصور

عدلات (https://adlat.net/index.php)

- من مطبخي (https://adlat.net/forumdisplay.php?f=178)

كشرى مصرى جدا من مطبخى بالصور طريقة عمل الكشرى المصرى بالصور

https://upload.3dlat.com/uploads/13766556713.gif

https://upload.3dlat.com/uploads/13771078871.gif
عاملين ايه حبيباتى
طبعا كلنا عارفين الكشرى المصرى اللذيذ
انهارده بقدمهلكو بطريقه بسيطه وسهله
يلا بينا عالمطبخ
المقادير
1/2 ك مكرونه صغيره
1/2 ك ارز مصرى
1/4 ك شعريه
1/4 ك عدس بجبه
1/4 ك حمص الشام
3/4 كيلو طماطم
2 بصله كبيره
راس ثوم كبيره مفرومه
معلقة زيت
خل / ملح / كمون / ليمونه
الطريقه
اول حاجه بعملها بنقع الحمص من قبلها بيوم عشان تسويته تبقى سهله
بعد كده بحطه عالنار ولما الميه تغلى وهيدخل فى السوى بحط 1/2 كوباية عصير طماطم ومعلقة ثوم مفروم وملح وكمون وليمونه عشان يطلع زى حمص الشام بتاع بره
ودى صورته وهو فى الحله
https://upload.3dlat.com/uploads/13770577487.jpg
تانى حاجه المكرونه
هنسلق المكرونه فى ميه مغليه ونضيفلها معلقة ملح كبيره اثناء السليق
بعدها هنصفيها ونغسلها غسله بسيطه ونحط عليها معلقة زيت صغيره ونقلبها كويس ونسيبها
زى كده
https://upload.3dlat.com/uploads/13770577483.jpg
شوفى بتلمع ازاى من الزيت وكمان لو فضلت لتانى يوم مش هتنشف
نيجى للرز
هنغسل الرز كويس ونحمر الشعريه وعليها الرز لحد ما يسخنو كويس اوى بعدها نضيف الملح والميه المغليه ونسيبه يغلى لحد ما يتشرب زى الصوره
https://upload.3dlat.com/uploads/13770577482.jpg
بعدها نوطى النار عليه ونسيبه يستوى براحته
على فكره انا بعمل رز الكشرى بزيت العباد او زيت الذره عشان يلمع ويبقى خفيف
العدس
هنغسل العدس كويس وعالنار هنحطه يتسلق وزى الحمص هنحطله ملح وكمون زى الصوره
https://upload.3dlat.com/uploads/13770577481.jpg
اول ما يستوى بصفيه من الميه بتاعته عشان لو فضل فيها بيتهرى وبيستوى زياده
البصل او التقليه
هنقط بصلتين كبااااااااااار شرايح رفيعه ولو عندك ماكينه الشيبسى يبقى تمام اوى و لو معندكيش قطعيه بسكينه حاميه على لوح التقطيع
هنحمره فى زيت غزير لحد ما توصلى للون اللى بتحبيه
بعد كده خدى بالك عشان يطلع مقرمش ومش شارب زيت
هنصفيه كويس جدااااااااا من الزيت بتاعه ونحط تحته حاجه تشرب اى بواقى للزيت (مندايل المطبخ او ورقه بيضا) ولما يبرد حطى عليه برضه رشه بسيطه ملح وكمون وشيليه من الورقه او المنديل فى طبق تانى نضيف
وده شكله
https://upload.3dlat.com/uploads/13770577484.jpg
شايفه مش ملزق فى بعضه وناشف ازاى
واخيرا الصلصه
هنضرب الطماطم فى الخلاط بعد ما غسلناها كويس وعالنار الحله فيها زيت عباد او ذره ونحمر فيها الثوم ولما يصفر لونه هنضيفله الخل ويغلى بسيط بعدها هنحط الطماطم ومعلقة كبيره صلصه (ممكن الاستغناء عنها) لحد ما تتسبك
بعدها هنغرف وتاكلى احلى كشرى واحلى من بتاع بره واضمن فى نضافته كمان وده الشكل النهائى
https://upload.3dlat.com/uploads/13770577485.jpg
والصلصه لوحدها زى المحلات
https://upload.3dlat.com/uploads/13770577486.jpg
وكمان بحب برضه اقدم البصل لوحده
يارب يكون عجبكم
والى لقاء اخر بأذن الله

https://upload.3dlat.com/uploads/13771078872.gif