عدلات - ايه رايك توفروا تمن الكوافير وتصبغي لنفسك بنفسك

انا عملت شعري والنتيجه رااائعه الحمد لله انا عرفتها من كتر ما عملته في الكوافير
بس التكاليف جامده وكان بيطول بعد تلات شهور ارجع ابقى عايزة اعمله تاني وافضل ااخر في نفسي علشان طبعا التكلفة و الوقت بس التكلفة اكتر بصراحه
المهم

اللون ده هقولك على طريقته:1-لازم ميكونش فيه سيروم في شعرك ولا زيت ولا اي خاجة اغسلي شعرك وبعد يوم او اتنين اعملي
2- شعرك ناشف ويستحسن يكون مفرود باي طريقه علشان تقدري تتحكمي فيه
3- حضري ورق الومنيوم كتيييييييييير متقطع البكرة تقطعي بعد حوالي 25 سم وبعدين تقسميها نصين هيطلع عندك قطعتين مستطيلتين واعملي منها كتيييير حوالي تلاتين او اربعين حسب تقل شعرك والخصلات اللي هتعمليها
4- اشتري من محل ادوات كوافير بودرة تشقير كبيرة بحوالي 15 جنيه و زجاجة ماء اكسجين تركيز 20 او اكتر بحوالي 10 جنية وفرشاة صبغ ومشط مؤخرته دقيقة الايد بتاعته رفيعة من الاخر جدا
5- حضري البودرة وضيفي عليها ماء الاكسجين كمية مناسبه لشعرك
6- قسمي شعرك الامام والخلف الامام قسم والخلف قسمين واستعملي مشابك لمسكه
7- امسكي قسم من الخلف وخدي سطر من الشعر بالمشط ذي اليد الرفيعة وبعدين خدي منه خصلات زي السراجه خصلات رفيعة احسن وضعي تحتها الالمونيوم وضعي عليها البودره بالاكسجين وشبعيها تماما وطبقي الورقه من الجنبين على الخصل وبعدين اتنيها من تحت لفوق وهكذا القسم الخلفي كله والامامي من الجنب اليمين للشمال ولو عندك قصة اعملي فيها الخصل لوحدها بنفس الطريقه خلي بالك الامام اتجاه الورق هيكون عمودي على الورق اللي في الخلف والقصة زي الخلف وحاولي الخصل تكون رفيعة اوعي تنخدعي وتعمليها تخينة
8- سيبيهم نصف او ساعة الاربع ولو عندك سشوار سخنيهم علشان اللون يطلع احلى
9- فكي كله وبعدين حطي بودرة التشقير مع الاكسجين لشعرك كلة زي الصبغة بس ما تسيبيهاش كتير حوالي عشر دقايق وشوفي اللون ولما توصلي للون اللي يعجبك اغسلي شعرك وسشوريه وادعيلي بس الاخطاء الفنية ماليش دعوة بيها