الجزء الثاني

لبثت مريم تنظر من النافذة ثم شعرت بالملل فنظرت إلى أخيها يوسف فوجدته يعبث في مواقع الإنترنت على الجهاز الذي أمامه ثم قالت : يوسف..أنا زهقانة.
يوسف إيه رأيك نلعب اللي كنا بنلعبه مع بعض زمان؟
مريم باسمة:ماشي
و بعد أن تعبوا قالت مريم:هو انت عايز ترجع مصر ليه؟
نظر إليها يوسف متعجبا و قال:دي بلدي
مريم:ماشي بلدك و كل حاجة،طيب يعني في حاجة معينة عايز تعملها هناك...آه..مميزة...يعني...
يوسف:بس بس ،فهمتك يا عبيطة،.
ثم رجع برأسه إلى الوراء و كأنه يستعيد الذكريات و أغمض عينيه،فابتسمت مريم منتظرة رده
و انتظرت و انتظرت ،لكنه لم يرد.
مريم:يوسف،انت نمت و لا ايه
فقال دون أن يغير وضعه:لأ
مريم:طب ما ترد يا غلس
يوسف: بصي يا ستي ، أنا كنت بحب بيتنا جدا،ارجع من البيت جري عشان البيت بيوحشني
مريم:ما تكلم جد بقة،البيت بيوحشك ازاي يعني؟
يوسف:البيت ده كان هاااادي ، ماما و بابا ما كانش بيعلى صوتهم أبدا،و بما إني كنت ابنهم الوحيد،فأي حاجة بطلبها كانت بتجابلي،بس ما كنتش مدلل،لحد ما جيتي انتِ،عكرتي صفو حياتنا،كان لينا جارة اسمها أم محمد،كنت بحبها اوي،و ليها بنت اسمها هاجر،كنا على طول مع بعض،نروح المدرسة و نيجي من المدرسة،كده يعني.
مريم:ايه الكلام الممل ده
يوسف:طب نامي بقة بدل مش عاجبك حاجة كده كده
[IMG]https://files2.***- .com/2011/9/13149974141347.gif[/IMG]
و بالفعل أسندت مريم برأسها إلى الخلف و استغرقت في النوم،و لم تستيقظ حتى شعرت بيد تهزها و صوت يقول:يلا يا مريم،قومي بقة،احنا وصلنا.
فتحت مريم عينيها و قالت:بتهزر
يوسف:و الله أبدا،بصي جمبك حتى
فنظرت بسرعة من النافذة ثم قالت:هي دي مصر؟
يوسف باسما:هي دي..مصر
مريم:حننزل امتى،حننزل امتى،حننزل امتى
يوسف:باااااااااااس
قالت مريم و على وجهها ابتسامة واسعة و تصفق بيديها تصفيق سريع:مش مصدقة نفسي
[IMG]https://files2.***- .com/2011/9/13149974141347.gif[/IMG]
نزلت الأسرة من الطائرة ثم أحضروا الحقائب و ما لبثوا حتى صاح الأب قائلا:منيييييييير
منير:أحماااااد
سلموا بحرارة،عناق طويل
همست مريم في أذن أمها :مين ده؟
الأم :ده عمك،اخو ابوكِ
بعد أن انتهى الاب و العم من التسليم،نظر العم إلى يوسف و قال متوجها إليه:يوسف،مش ممكن،مالك كبرت كده ليه؟و سلم عليه
ثم أخيرا اكتشف وجود مريم،فقال:دي الأمورة مريم،صح؟
فابتسمت مريم و سلمت عليه
[IMG]https://files2.***- .com/2011/9/13149974141347.gif[/IMG]
و ما إن استقرت الأسرة في سيارة العم انطلقوا
[IMG]https://files2.***- .com/2011/9/13149974141347.gif[/IMG]
وصلت الأسرة إلى البيت،نزلت مريم من السيارة بسرعة لترى المنزل،لكنها احتارت في مكانه،فسألت يوسف:يوسف،هو البيت فين؟
فأشار لها،فنظرت ثم قالت:دي فيلا!
يوسف:ايوة
أخذت مريم تنظر فاحصة كل جزء من البيت ثم سألت يوسف:أمال فين أم محمد؟
يوسف:في العمارة اللي جمبنا دي
فنظرت مريم إلى العمارة لعلها تشاهد أحدا
دخلت الأسرة الفيلا،فوجدت مريم أرض بور تحيط بالفيلا فقالت:ايه الصحراء دي؟
يوسف:دي جنينة
فردت متعجبة باحثة عن الحديقة:فين دي؟
يوسف:أقصد كانت
فشعرت مريم بالأسف،و ما إن وصلوا إلى الباب قال يوسف:سموا يا جماعة،بسم الله الرحمن الرحيم
نظرت مريم إلى أثاث المنزل فلم تستطيع أن ترى منه شيئا،فكله مغطى بملائات بيضاء،تركت ما بيدها من حقائب و أسرعت تجري على السلالم صاعدة إلى أعلى ،فوجدت ثلاث غرف نوم،فتحت الأولى فعرفت من شكلها أنها غرفة يوسف و فتحت الثانية فعرفت أنها غرفة أبيها و أمها ثم فتحت الثالثة و هي واثقة أنها غرفتها،لكنها وجدتها....

اليوم كتبت جزء كبير،عشان مش عارفة ظروفي بكرة،عايزة تقييم بقة
تابعوووووني
و السلام عليكم و رحمة الله و بركاته