الموضوع: أحبك ربي
عرض مشاركة واحدة
#36

قصة الجزء الثالث

الجزء الثالث

فتحت مريم الغرفة الثالثة و هي واثقة من انها غرفتها لكنها وجدتها فارغة.لم تصدم مريم و لكنها كانت في غاية الاندهاش،خرجت من الغرفة و أخذت تبحث ببصرها لعلها تجد غرفة نوم أخرى،لكنها وجدت بقية الغرف ما هي إلا غرف معيشة مختلفة.نزلت بهدوء على السلالم،وجدت أبيها يودع عمها،فتوجهت إلى أمها و سألتها:ماما،هي فين اودتي؟
الأم:اودتك موجودة بس مش حتكون جاهزة إلا بعد أسبوع بالكتير
مريم:ليه؟
الأم:عشان ما فيهاش سرير و لا حاجة.
مريم:أوة ما انا شفتها،ليه بقة ما فيهاش حاجة؟
الأم:أنا يابنتي حملت فيكِ من هنا و أبوكِ أخدنا و سافرنا من هنا،مالحقناش نعمل حاجة غير اننا بيضنا الاودة.
يوسف:طب و هي يا ماما حتنام فين لحد ما الاودة تجهز؟على الكنبة هنا؟
الأم:أكيد لأ،حتنام معاك في الاودة
يوسف:و طبعا أنا حنام على السرير و هي حتنام على الأرض
مريم:لأ طبعا،أنا حنام على السرير و انت على الأرض
يوسف:جاية اودتي و كمان بتتأمري و تشطرطي؟حلال فيكِ بقة انك تنامي على الكنبة
الأم:ياابني استحملها أسبوع
يوسف:عشان خاطرك انتِ بس يا ست الحبايب
الأم:أنا حطلع أنام و ابقى اوضب الشنط بكرة،تصبحوا على خير
و ما إن صعدت الأم تقدم يوسف مريم قائلا و هو يشير لها باصبعه:ورايا بالشنط
و كما اتفقوا نامت مريم على الأرض و نام يوسف على السرير
الجزء الثالث
استيقظت مريم في الصباح على صوت أمها و هي تقول:يلا يا مريم،كلنا قمنا إلا انتِ
نهضت مريم و نزلت السلالم لتجد الأسرة كلها منهمكة في تنظيف البيت،فشاركتهم حتى انتهوا،ثم صعدت إلى أعلى و فتحت حاسبها الآلي المحمول لتجد بسنت جالسة هي أيضا على حاسبها الآلي،بعد السلام و السؤال عن الأحوال قالت بسنت لمريم:اديني نمرة تليفونك عشان اكلمك
و بالفعل اعطت مريم رقم محمولها لبسنت،فقالت بسنت: انتي عبيطة يا بت؟مدياني نمرتك في ألمانيا؟
مريم: ما عنديش غيرها و الله
بسنت:اسألي أي حد من أهلك اذا كان معاه خط مصري
ذهبت مريم إلى يوسف و قالت:يوسف،معاك خط مصري؟
يوسف:أيوة،بابا جابلي واحد الصبح،ليه؟
مريم:عايزة أكلم بسنت عليه
أعطى يوسف محموله لمريم قائلا:ما تخليهاش بقة تحفظ النمرة عندها و توزعها على اصحابها
اخذت مريم المحمول منه باسمة و اسرعت إلى حاسبها الآلي و اخبرت بسنت بالرقم،فاتصلت بسنت على رقم يوسف،فردت مريم:ألو
بسنت:أيوة يا مريم يا حبيبتي،اول مرة اسمع صوتك
مريم:معلش بقة النت عندك ما اعرفش ليه ما كانش بيرضى تتصلي بيا عشان نكلم بالمايك
بسنت:اصله نت تليفون بقة،المهم وصلتي امتى؟
مريم:امبارح بالليل
بسنت:الا صحيح ده تليفون مين؟
مريم:ده تليفون اخويا يوسف
بسنت:ممممممم،سلميلي عليه،حشوفك امتى بقة؟
مريم: لما حالنا يتظبط،ده لسة حيجيبولي اودة نوم،خلوني أنام في اودة اخويا امبارح
بسنت:معلش،بس تخلصوا بسرعة بقة عشان عايزين نعمل مع بعض حاجات كتير
مريم:حقولهم حاضر
بسنت:طب بقولك ايه..سلام دلوقتي عشان ماما بتزعقلي عشان ما صلتش الظهر
صمتت مريم قليلا لسماعها كلمة صلاة ثم قالت:ماشي يا بسنت،باي
الجزء الثالث
ظلت مريم كالتمثال لمدة دقيقة ثم سمعت صوت أخيها يقول:خلصتي يا مريم؟
فهزت رأسها محاولة افاقة نفسها ثم مدت يدها بالمحمول ليوسف دون أن تتفوه بكلمة
بعد أن رحل يوسف من الغرفة،جلست مريم تفكر و تقول في نفسها: صلاة،صلاة،سمعت الكلمة دي فين قبل كده؟
أغلقت مريم المواقع التي كانت تعبث فيها و فتحت محرك البحث و كتبت صلاة، و قرأت عنها قليلا، ثم تذكرت أنها قد تعلمت من قبل كيف تصلي و لكن هذا و هي صغيرة،و تذكرت أنها كانت ترى أخيها و هو يصلي،لكنها لم تعد تراه يفعل ذلك الآن،سرعان ما أَلهيت مريم بمواقع الإنترنت و نسيت الأمر.
[IMG]https://files2.***- .com/2011/11/13205300131800.gif[/IMG]
إظهار التوقيع
توقيع : Belle Rose