الموضوع: أحبك ربي
عرض مشاركة واحدة
#122

الجزء التاسع

الجزء التاسع
هذه المرة لم تجد يوسف جالسًا بجانبها،وجدت بسنت هي التي تجلس بجانبها
معقول؟
بعد ما فعلته معها بالأمس تأتي لتزورني!كم هي نبيلة بسنت،هذا ما كانت تفكر فيه مريم
قالت بسنت : عاملة ايه انهاردة؟سلامتك
بعد رؤية مريم لبسنت شعرت بتحسن كبير،أعطتها قليلاً من الطاقة لترد عليها قائلة:أنا أحسن انهاردة
بسنت:خفي بسرعة بقة عشان تخرجي انهاردة و نخرج مع بعض .
فابتسمت مريم و قالت: انتي عرفتي منين اني في المستشفى؟
بسنت:اتصلت بيكِ اخوكي رد عليا قلتله عايزة أكلمك قالي انك هنا و سألته على المستشفى عشان آجي
في هذه اللحظة دخلت أم مريم الغرفة و عندما رات ابتسامة ابنتها قالت:انتي بقيتي كويسة ،يلا نعمل سباق بقة
قال يوسف:الدكتور قال انه شرخ بسيط،حتخفي قبل ما ييجي رمضان
مريم:رمضان مين ده كمان اللي جاي يزورني؟
يوسف:ههههههه،ده شهر اسمه كده
مريم:آه،طيب.
بعد ثلاثة أيام سمح الطبيب لمريم بالخروج من المستشفى.
الجزء التاسع
بينما مريم تتابع قلم بسنت الذي يرسم ببصرها قالت:بتشوفي زهرة؟
بسنت: لا ، نفسي اشوفها
مريم بأسف:و انا كمان،ما ينفعش تقوليلها تيجي؟
بسنت: تيجي ايه؟حقولها ايه يعني؟تعالي عشان مريم نفسها تشوفك؟
مريم: و انتي حتكدبي،ما دي الحقيقة
بسنت: ممممممممم مش عارفة
مريم:يعني انا حفضل كده عاجزة،مش بقدر اتحرك غير لما يوسف يشيلني او يساعدني و لا عارفة اتعلم حاجة جديدة
بنست: ما تشوفي اللي انتي عايزاه في النت
مريم:انا مش بثق في النت،انا بثق فيكوا انتوا
بسنت: اقرالك قرآن؟........ده الكتاب اللي نزله ربنا على محمد و اللي بنعرف منه كل حاجة عن الدنيا و اهمها الشريعة و الحلال و الحرام
مريم: ماشي اقري
قرأت بسنت آيات من سورة النساء ، أخذت مريم تستمتع بالاستماع لصوت بسنت الرقيق الخاشع
وصلت بسنت للآية التي تقول: أَفَلاَ يَتَدَبَّرُونَ الْقُرْآنَ وَلَوْ كَانَ مِنْ عِندِ غَيْرِ اللَّهِ لَوَجَدُواْ فِيهِ اخْتِلاَفاً كَثِيراً
مريم:استني،عيدي الجملة دي تاني كده
بسنت:اسمها آية مش جملة
أعادت بسنت قراءة الآية ثم قالت:مالها؟
مريم:يعني ايه الجملة دي؟قصدي الآية؟
بسنت:مش عارفة،انا بقرا القرآن و بس،دي بقة معناها ايه و مش معناها ايه ما تسألنيش
مريم:امال ايه الفايدة بقة؟
بسنت:يوووووووه بقة
مريم:طب مين يعرف يقولي يعني ايه الآية دي؟
بسنت:نبقى نسأل زهرة
مريم:و انا حشوفها فين؟
بسنت:خلاص بقة،خليني أكمل
قطع قراءة بسنت رنين محمولها،إنها زهرة
ردت بسنت قائلة:ألو....و عليكم السلام....الحمد لله....مريم كويسة.....معلش،أصل مريم ما تقدرش تتحرك...رجليها اتشرخت...هي في البيت
ثم قالت بسنت عنوان المنزل و أنهت المكالمة
مريم:ايه؟
بسنت:انتي اكيد ربنا بيحبك،نفسك تشوفي زهرة و هي جايالك لحد عندك اهو
مريم:بجد؟بجد ربنا بيحبني؟بس بيحبني ازاي و انا ما بصليش؟
بسنت:عادي يعني،معروف ان لما حد بيعوز حاجة و بتجيله يبقى ربنا بيحبه و مش عايزة في نفسه حاجة
الجزء التاسع
انتظرت مريم وصول زهرة بفارغ الصبر

دخلت زهرة غرفة مريم قائلة:السلام عليكم
فرحت مريم لرؤيتها لزهرة و قالت : و عليكم السلام
زهرة:ازيك يا مريم؟ايه بس اللي حصل؟معلش،قدر الله و ماشاء فعل
مريم:انا مش كويسة خالص
زهرة:ماتقوليش كده،كل حاجة بتحصلنا اكيد فيها خير لينا
مريم:ساعات و ساعات......بسنت......قولي لزهرة الآية اللي كنت عايزة افهمها
بعدما قرأت بسنت الآية على زهرة قالت زهرة:يعني أفلم يتفكروا في القرآن، ويتأملوه ويتدبروه، فلو أنهم فعلوا لعلموا أنه من عند الله حقًا، وأنه لا يمكن لبشر أيًا كان أن يأتي بمثله.
مريم:ده التفسير محتاج تفسير
أخذت زهرة تشرح الآية بالتفصيل و كانت حريصة على ان تفهم مريم الآية جيدًا و بعد انتهت قالت لمريم:ها،رمضان جاي،مستعدة؟
مريم:هو الشهر ده ماله يعني؟
زهرة:مش ده شهر الصيام؟
مريم:؟؟؟؟؟؟؟
بسنت:يا لهووووي
زهرة:ايه يا بسنت،عادي،لازم تفهم كل حاجة
الجزء التاسع
بعد ان شرحت زهرة لمريم الصيام و فضل شهر رمضان قالت مريم:اكيد حصوم،و حنزل اصلي التراويح كل يوم
زهرة:ما تنسيش تقولي إن شاء الله، ولا تقولن لشيء إني فاعل ذلك غدا إلا أن يشاء الله واذكر ربك إذا نسيت وقل عسى أن يهدين ربي لأقرب من هذا رشدا
الجزء التاسع
أحست مريم ان حياتها ستتغير في هذا الشهر....ستتغير للأفضل

الجزء التاسع
إظهار التوقيع
توقيع : Belle Rose