الموضوع: 2-الخلافات الزوجيه
عرض مشاركة واحدة
#16

129835 رد: 2-الخلافات الزوجيه

العلاج
يكون العلاج بالوعظ والتوجيه وبيان الخطأ والتذكير بالحقوق والتخويف من غضب الله ومقته مع سلوك مسلك الكياسه والأناة ترغيبا وترهيبا
وقد يكون الهجر في المضجع والصدود مقابلا للتعالي والنشوز ولاحظوا انه هجر في المضجع وليس هجرعن المضجع انه هجر في المضجع وليس هجرا في البيت..ليس امام الاسره او الابناء او امام الغرباء.
الغرض هو المعالجه وليس التشهير او الاذلال او كشف الاسرار والاستار ولكنه مقابله للنشوز والتعالي بهجر وصدود يقود الى التضامن والتساوي وقد تكون المعالجه بالقصد الى شيء من القسوه والخشونه فهناك اجناس من الناس لاتغني في تقويمهم العشره الحسنه والمناصحه اللطيفه انهم اجناس قد يبطرهم التلطف والحلم..فاذا لاحت القسوه سكن الجامح وهدا المهتاج.
نعم قد يكون اللجوء الى شيء من العنف دواء ناجحا ولماذا لا يلجأاليه وقد حصل التنكر للوظيفه والخروج عن الطبيعه؟
ومن المعلوم لدى كل عاقل ان القسوه اذا كانت تعيد للبيت نظامه وتماسكه وترد للعائله الفتها ومودتها فهو خير من الطلاق والفراق بلامراء
انه علاج ايجابي تاديبي معنوي ليس للتشفي ولا للانتقام وانما يستنزل به مانشز ويقوم به مااضطرب
وحده تانيه تيجي تقولي ايه يابنتي انتي شايفانا بشنبات احنا ستات ياما اظبطي النضاره بتتكلمي عن عقاب الزوج لزوجته وتاديبه لها طب والزوجه بئى تعمل اييه هجر حرام ضرب ده كان يكسرني نعمل ايه نعمل ايييييييييه قولي ياست المدرسه؟
انتوا بتعاملوني كده ليه هقول اهو بالراحه من غير زعيق الله
احم احم بصي ياستي انتي وهيه خلاص انتي اكتشفتي انك متزوجه من فرعون ظالم وجربتي معاه كل الحيل بس بتحبيه وعايزه تربي العيال او مش عايزه تكوني مطلقه .........حجات كتير
او ان زوجك حنين وكل حاجه بس مشاكل الحياه قست قلبه شويه هاتي ودنك بئى اقولك ع السر علشان ماحدش يسمعنا ويقلدنا هاتي يابت ودنك الله السر هو ( بحبك)طبعا هتعملولي كده
وتقولولي اجري يابت ياهبله من هنا ما انا ياما بقولهالو ومابتحوقش قلبه ميت اقتلو وخلاص
اهدى بس ياعم الحامي واسمعيني في الوقت ده بئى جمعي كل طاقتك واستحضرى النيه بجد وادعي ربنا وقولي يارب وبعد كده قوليلو والله بحبك
يمكن اول مره هيقولك يالا ياوليه ياهايفه
ربي عيالك يا ماما عادي والله في رجاله كده تجيب احباط ولا يقولك ايه يابنتي انتي اتجننتي ياستي لما يقولك كده قوليله انا مجنونه بيك ياحبيبي
جربي والله والعيار اللي مايصبش يدوش
هحكيلكم حكايه ع السريع كده سمعتها من الشيخ عمرو خالد
كانت بتتكلم عن سحر كلمه بحبك
المهم كان بيقول ان كان فيه ام عندها تقريبا ولدين وبنت وزوجها مات الابن الكبير طبعا اتلم على شله فاسده وبئى بيشرب مخدرات وبالجد والاجتهاد بئى ماشاء الله عليه تاجر مخدرات قد الدنيا ههههههههههه والام طبعا منهاره ابنها بيروح منها مره يسرقها ومره يمد ايده عليها جت في يوم كانوا اعيدين ع السفر فضلت تبصلو وساكته وفجاءه قالتلو يابني انا بحبك والله بحبك الكلمه نزلت ع الواد زي الصاعقه وماعدش قادر يمسك نفسه من العياط انهار ونزلت تحت رجليها واتصلح حاله وبئى احسن من الاول
طبعا ده ماجاش من فراغ ده من صبر ودعاء لربنا وحسن ظن بالله
وكفاااايه اوي كده النهارده علشان صوباعي اتخرم
ااااه ياصوباعي
رد: 2-الخلافات الزوجيه
وبكره باذن الله هنتكلم عن اخر حل بئى
لما نكون خلصنا كل المحاولات
واحسن حل هو الطلاق
بدل ماتدب السكينه في الكرشه
بعد الشر عليكم كلكم طبعا
هستناكم بكره على نااااااااااار
سبحانك اللهم وبحمدك نشهد الا اله الا انت نستغفرك ونتوب اليه
بحبكم في الله
امووووه
سلام عليكم
إظهار التوقيع
توقيع : عمرحبيب مامي