والكل استغرب ومسكوا مازن يسألوه لكن مازن كان قلقان ومرتبك وسخن ووقع على الارض سارة ورهف أتخضوا عليه اوى زى الكل لكن رهف كمان أغمى عليها لما حاولوا يفوقوا مازن ومافاقش طب تيجوا نشوف الى حصل ساعتها
كان الجميع جالسون عندما نزل محمود مسرعا حاول الجميع سؤاله لكنه كان على عجلة من امره فلم يلحق به احد أستغرب الجميع موقفه وحاولوا الاتصال به لكنه كان هاتفه مغلقا فسألوا رهف ماذا حدث فقالت
رهف:مودى كان شايلنى وبيلعب بيا ومازن اخده وطلعوا فوق
وهى بتكمل لقوا مازن نازل ووشه متغير تماما فقالوا انهم اتخنقوا وسألت سوسن وريم مازن فى صوت واحد ايه يامازن حصل ايه محمود ماله مازن معرفش يكلم ومسك دماغه ووقع من طوله الكل اتخض عليه لكن سارة ورهف لان اول مرة تحصل حاجة زى كدة قدامهم اتخضوا اوى وعيطوا كمان عاصم ومحمد حاولوا يهدوا البنات شوية بس الغريب ان اسلام وريم بدل مايفوقوا مازن مع سوسن وحنين كانوا بيهدوا رهف حتى سارة استغربت موقف ريم اوى وقالت لها يابنتى شوفى اخوكى وريم بتقولها ياسارة هتلاقيه تعب عادى بتحصل كتير اسكتى بقه رهف مابقيتش بتنطق ولابتتحرك سارة اتخضت اكتر وحضنت رهف لكن الكل بعدوها عنها واخدوا رهف ونيموها على سريرها ونسيوا مازن تماما لكن سوسن ندهت على عاصم وقالت له مازن فاق مازن فاق لكن محدش رد عليها فقلقت وقالت لحنين فوقيه وانا هاجى تانى دخلت سوسن على رهف والجميع الغرفة واتفزعت لما لقت رهف وشها اصفر جدا وفاقدة وعيها ورجعت لورا وندهت على حنين الى كانت بتضحك مازن عشان يفوق بسرعة الحقى ياحنين بنتك محمد شدها وقالها اسكتى وشوفيها مالهامازن سمع سوسن وقام جرى من مكانه وسبق حنين ودخل الغرفة وقال
مازن:فيه ايه ياعمى ايه الى حصل رهف مالها ومنيمينها كدة ليه
محمد:انت فوقت اخيرا قلقت عليك واغمى عليها فجاة ومش عارفين نتصرف طب حنين قاطعت محمد وقالت:عايزين دكتور بسرعة رهف جسمها مثلج
هنا قاطعتها ريم وقالت لها ياطنط انتى نسيتى ان مازن دكتور ولاايه
الكل بصوا لمازن والى كان بالفعل خرج وعمل تليفون ورجع بسرعة قالهم ياجماعة ماتقلقوش بس عايز حاجة تقيلة نغطى بيها رهف عشان جسمها يسخن شوية وياريت تخرجوا كلكم برة والكل فعلا كانوا خارجين لكن سارة قالت له اعتبرنى الممرضة بتاعتك يامازن مازن كان باين عليه القلق اكتر وقال لسارة روحى هاتى لى برفان بسرعة وجريت سارة على غرفتها وفى اللحظة دى مازن قبل رهف على جبهتها واتكلم معاها وهو بيفوقها وسكت لما لقاها بالفعل بتتحرك وبتحرك عينيها وجرى ونده على الكل ياجماعة ياجماعة رهف فاقت ورجع لها ولقى سارة معاها وبتبوسها وبتحكي لها الى حصل وهى بتعيط ورهف اول ماشفته قالت له مازن حرام عليك خضيتنا عليك مازن تنح وبعدين قال لسارة اسكتى يابت انتى بتعيطى ليه قومى اغسلى وشكى واستاذن مازن لما طلع الجميع عشان يشوفوا رهف انه يمشي وبالفعل مشي وهرب من اسئلتهم وفتح تليفونه وكلم سلمى
سلمى :بنت خالة مازن وريم يتيمة الاب ووحيدة مع امها ومع سارة ورامى فى الجامعة وعندها 21 سنة
لكن تليفونها كان مغلق وده خلاه اتعصب تانى وساق بسرعة جنونية ادت الى انه عمل حادثة
ياترى ايه حكاية مازن ورهف مالها ولسة معرفناش حاجة عن رامى ومحمود ولا سلمى الى تليفوناتهم مقفولة
أنتظرونى
