فاقت رهف ومشي مازن بسرعة وحاول يكلم سلمى اللى كان قلقان عليها وقلق اكتر لما لقى تليفونها مقفول طب ماتيجوا نشوف ايه حكاية مازن وسلمى ومحمود
سلمى بتحب محمود جدا وهو كمان بيحبها جدا سلمى زى ماعرفنا قبل كدة انها مع سارة فى الجامعة لكن محدش يعرف انها بتحب محمود غير مازن ابن خالتها بس لانها بتعتبره اخوها وسلمى كان داربينها وبين محمود حوار عنيف فى التليفون لما قالت له انها بتغير عليه من رهف وسارة كمان وهو زعل منها لانهم اغلى من روحه وهى زعلت لكنها خيرته بينها وبينهم لكن محمود عشان بيحب عيلته جدا مكانش ينفع يختارها هى وقالها متخيرنيش عشان عمرى ماتخلى عن عيلتى انتى عارفة يعنى ايه عيلتى فانفعلت سلمى وقالت له انا بكرهك ومش عايزاك تكلمنى تانى جرحت كرامته اوى لكن هى مقدرتش انها تبعد عنه وكلمته كتير لكنه تجاهلها كرامة الراجل الشرقى متسمحش بانه يجى علي نفسه ولا على عيلته ولما كان محمود جاى فى السكة ومازن تليفونه رن كانت سلمى بتكلم مازن ومنهارة وكانت مكالمتهم كالتالى
مازن:الو ازيك يالومة عاملة ايه ردت عليه وهى بتعيط وبتقوله
سلمى:جه يامازن ولالسة
مازن مالك ياسلمى فى ايه وبعدين انتى صوتكى بيقول انكى تعبانة اوى مالكى استهدى بالله كدة وقولى لى مالكى على العموم كلهم مستنين ولسة مجاش يابنتى انتى المفروض تكونى فرحانة
سلمى :فرحانة محمود سابنى يامازن وقالى متكلمينيش تانى ابقه طمنى عليه امايوصل وحس مازن انها ممكن تعمل حاجة فى نفسها
وطبعا كان قلقان وزاد عليه قلقه من تصرف محمود وكمان قلقه على رهف وهو سايق العربية وماسك التليفون ومش مركز غصب عنه عمل حادثة بس الحمدلله جات سليمة العربية بس الى اتضررت بس هو حمد ربنا وراح لبيت سلمى ولقى عربية رامى هناك فطمن ان محمود فوق وخبط واول مادخل خالته قالت له ايه يامازن مالك قالها معلش ياخالتو بس رامى قالى انه جاى يطمن على سلمى عشان بقالها فترة مش باينة وانه لازم يكون فى راجل موجود فانا جاى بسرعة العربية اتخبطت ودخل غرفة الضيوف ولقى محمود ورامى والى اتفاجئوا بيه وسلمى مكانتش لسة قابلتهم فحمد ربنا ودخل لسلمى غرفتها وفعلا لقاها منهارة تماما واول ما قالها محمود برة قومى اجهزى لقاها قامت جريت واتنططت زى الاطفال بجد يامازن قالها والله وطبعا فى غرفة الضيوف كان محمود بيشرح لرامى الى حصل والى كان متفاجئ وزعلان لان محمود خبى عنه حاجة زى دى
واول مادخل عليهم مازن سال محمود انت جاى ليه فمحمود سأل عن ام سلمى والى كانت بتصلى لما اتاكدت ان فى راجل من البيت ومازن قاله انها بتصلى راح قال لمازن اصل ياعمى بحب بنتكم وقعدوا يضحكوا وسلمى طلعت عليهم وهى مكسوفة ورامى استلمها الله الله ايه يابت الجمال ده مازن قاله بس ياحيوان انا مش مالى عينك ولا ايه ومحمود منبهر بجمالها وكسوفها وتايهه فى عيونها الى دبلت من البكاء اتكسفت سلمى وقالت له بس ياروما ماتحرجنيش محمود اتعصب اوى ومازن حس ان الجو هيشعلل تانى راح قال لخالته انا هاخد سلمى معانا ونروح لريم وطبعا مامانعيتش
واخدهم مازن وراحوا بيت مازن الاول عشان يغير هدومه وكمان عشان يتصالحوا
هنشوف بقه ايه حصل تانى بس اريح أيدى شوية من الكتابة وانزل جزء كبيييير اوى ان شاء الله
انتظروووووووووونى
