رجع مازن مع سلمى ومحمود ورامى لبيت مازن وقعدوا كلهم وحلوا الموضوع وسلمى ومحمود اتصالحوا ومازن فهمها الوضع وكل حاجة بقت تمام مازن قالهم طبعا كل اتفزعوا على رهف وكانوا هيمشوا بس مازن قالهم يستنوه عشان يغير ويصلى بعد مامازن صلى وغير كان بيفكر فى رهف وانه يتصل يطمن عليها وكان متردد جدا
لكنه اتخض لما التليفون رن واتفاجأ لما لقاها رهف ورد بسرعة جدا وقال
مازن:ايه ياحبيبتى عاملة ايه
رهف اتكسفت اوى وسكتت وهو حس بيها وقال لها
مازن:رهوفتى انتى روحتى فين
رهف:ايوة يامازن سورى كنت بقفل باب الغرفة عامل ايه دلوقت
مازن: سيبيكى منى انا انتى عاملة ايه انا كنت هموت لما شوفتك تعبانة
رهف :بعد الشر عنك يامازن انا بس اتخضيت عليك اوى
مازن فرح اوى لكنه سكت
مازن:معلش ياحبيبتى انا بس دوخت شوية انتى اخباركى ايه دلوقتى
رهف:الف سلامة عليك اومال ايه الى حصل روما ومودى راحوا فين
مازن:مودى مين
رهف : محمود
مازن:اها هما عندى هنا احنا جايين دلوقتى وفى مفاجأة حلوة اوى
رهف: مفاجأة ايه
مازن:لو انا قلت لكى مش هتبقى مفاجأة
رهف : وحيااتى عندك ياميزو قولى يلا بقه عشا خاطرى
مازن فرح اوى وسكت قالها بتقولى ايه رهف عادت كلامها واخدت بالها انها دلعته واتكسفت اوى
مازن:انتى حياتكى عندى اغلى من روحى يارهوفة بس صدقينى مش هينفع احنا جايين اهو مع السلامة يارهوفة قلبى
رهف وهى مكسوفة:سلام
وصلوا البيت واول ماوصلوا الكل اتفاجأ واستغرب وجود سلمى حتى ريم لكنهم كلهم سلموا عليها ورحبوا بيها رامى قال سلمى جاية تطمن على رهف نزلت سارة وحضنت سلمى وطبعا رامى ومحمود كانوا طاروا لغرفة رهف وقالوا لها ان سلمى جات تطمن عليها فنزلت بسرعة وحضنت سلمى
نزل محمود وقعد جنب مازن وقال للكل ياجماعة انا عندى خبر حلو الكل سكتوا وبصوا له راح قايل ياجماعة انا حبيت اخطب الكل فرح مين يامودى
راح جنب مازن وقال بس ده متوقف على راى مازن باشا
الكل ضحك على محمود وقال لهم ياجماعة انا بحب سلمى ونفسي اخطبها ايه رايك ياعمى
اتعدل مازن فى قعدته وقال له والله يابنى انا معنديش مانع الكل قعد يضحك على اسلوب الولاد وسلمى اتكسفت الكل فرح وبارك لمحمود وقال محمدأبو رهف
سلمى بنت محترمة والكل يتمناها على بركة الله
وقال عاصم ابو سارة
حددى ميعاد مع ماما ياحبيبتى فى اسرع وقت الكل كان فرحان جدا لكن مازن حب يهزر راح اخد سارة من ايديها وكان خارج محمود وقفه وقاله على فين يابنى انت انت صدقت انك عمى ولاايه سيب اختى
مازن ضحك وقاله هتسكت ولا اقسي البت عليك
محمود رجع وقاله خد راحتك ياكبير احم احم الكل ضحك وخرجت سارة مع مازن
جزء كبير اهو اى خدمات وشوية وهنزل جزء تانى بس قولوا رايكم
