مازن كان بيكلم نفسه ولقى موبايله بيرن بيبص لقاه رامى
طب ماتيجوا نشوف المكالمة
مازن:روما حبيبى فى حاجة ولاايه
لكن المفاجأة بقه انه مكانش روما هى كانت رهف وبتكلم مازن
رهف:احم انا رهف يامازن مش روما روما اخد موبايلى وراح يعمل مكالمة من الجنينة برة وقالى اكلمك واقولك انه هيتعبك معانا بكرة وتيجى بدرى عشان تاخدهم وهما رايحين المول
مازن:طب هو ليه مكلمنيش قصدى يعنى
رهف قاطعته:الفون بتاعه بيفصل واخد الفون بتاعى عشان هو بيتكلم كتير
مازن حس ان رهف اتضايقت :اوك يارهوفتى انتى عاملة ايه دلوقتى وراح التليفون فصل فعلا
روح مازن بيته وغير ملابسه وصلى وراح عشان ينام وفعلا اول ماحط راسه على الوسادة نام وصحى على اذان الفجر
وصلى وفطر على السريع وكان قاعد بيشرب نسكافيه وافتكر سارة وقال يصحيها من النوم عشان يسالها هتقابله ولالا
واتصل بالفعل لكن بردو رهف الى ردت عليه مازن استغرب اوى طب تعالوا نشوفهم اتكلموا ازاى
مازن:صباح الفل والورد والياسمين على الناس الى لسة نايمين
رهف: يابخت سارة انهابتسمع الكلام الجميل ده صباح الفل يامازن انا رهف واسفة والله بس سارة مش راضية تصحى وانا ماسكة تليفونها اشغل نغمة عالية عشا تقوم فتحت غصب عنى انا اسفة جدا انا هقفل واخلى سارة ترد مع السلامة
وقفلت ف وش الواد ياعينى
مازن تنح واتصل تانى محدش رد عرف ان رهف سيبت غرفة سارة فاتصل عليها
رهف مارديتش اول مرة لكن مازن اتصل تانى وردت وهى بتقول
رهف:انااسفة يامازن والله غصب عنى
مازن وهوبيضحك:ايه يارهوفتى قفلتى ليه وبعدين كدة تاخدينى فى دوكة وتنسينى اصبح عليكى صباح الفل ياحبيبتى وبعدين مين الراديو الى كان بيكلمنى من شوية ده
رهف ضحكت:ههههههه راديو ربنا يسامحك انا اصلى اتكسفت
مازن :بتكسفى منى انا يارهوفة اوكى انتى ايه مصحيكى بدرى كدة
رهف: كنت بصلى الفجر وحبيت اخلى سارة تقوم تصلى لكن واضح انها مقتولة مش نايمة بس وقعدوا يضحكوا فرهف سمعت صوت محمود صحى فقالت لمازن انا استاذنك عشان مودىصحى وانا عملت فيه مقلب وشكلى هضرب
مازن:اوك يارهف صحى لى سارة
وقفلوا
جريت رهف على غرفة سارة عشان محمود ماياخدش باله منها وصحيتها وقالت لها مازن بيكلمك اصحى وفعلا سارة صحيت وكان محمود فى الوقت ده فى غرفة رهف وبيدور عليها وخرج وه بتقفل باب غرفة سارة ومسكها وهى بتصوت وبتقوله مين ضحك وقالها مين يعنى مش عارفة مين ضحكت وقالت له العريس صباح الخير
محمود ضحك وقالها مين دخل غرقتى وظبط المنبه وعلى الصوت رهف كانت هتضحك لكن كتمت ضحكتها ومحمود قالها يبقى انتى وشالها واكنه هيرميها وقعدوا يضحكوا واتفقوا انهم يصحوا البيت كله واه لما رهف ومودى يتفقوا
هههههه راحوا شغلوا نغمة المطار فى الكاسيت وعلوا الصوت والكل قام مفزوع لكن سارة خرجت من غرفتها وهى بتتكلم فى التليفون مع مازن وبتضحك وتقوله ده مودى ورهوفة المجانين
ده جزء عشان عيون القطة سمسمة اتمنى يعجبها وهاكمل باذن الله
