السلام عليكم ورحمة الله
زووووووووم على قلبك ,,
لبسنا النضارة اللى فوق مغناطسية ![انتى متجوزتيشي!! ولسة ليكى نفس تعيشي](https://www.goodwayinlife.com/forum/images/smilies/SnipeR%20%2844%29.gif)
عشان نقرب من قلوب البنات
ونشوف فيها ايه ؟؟!
ودخلنا على قلب بنوتة قاعدة فى حجرتها بتكلم نفسها
ياترى ليه![انتى متجوزتيشي!! ولسة ليكى نفس تعيشي](https://www.goodwayinlife.com/forum/images/smilies/SnipeR%20%2826%29.gif)
دخلنا زوووووووووووم وعملنا بلاى باك طلعت انها راجعة من فرح ![Big Grin](images/smilies/biggrin.gif)
يعنى المفروض تكون فرحانه ومزأططه اومال ايه اللى حصل؟
مش حزينة كده ... بينا نعرف مع بعض حكايتها ونكمل معاها نهايتها
سهام فى فرح احدى صديقتها
ام صديقتها : ايه القمر ده ياسوسو عقبالك يارب
سهام : شكرا ياطنط ربنا يتم لصفاء على خير
( عادى مجاملة بسيطة من مامة صاحبتى )
والدة صحبتها التانية : ايه ياسهام مفيش جديد عايزين نفرح بيكى بــــــقى
( إحم إحم ركزوا على بقى )
والدة صديقتها التالتة : ياسوسو كفاية عليكى كده عايزين نفرح بيكى يبنتى
( لا لا زودتيها ياسهام كل ده قاعده بدون جواز بتهرجى اكيد اكيد ![انتى متجوزتيشي!! ولسة ليكى نفس تعيشي](https://www.goodwayinlife.com/forum/images/smilies/SnipeR%20%2843%29.gif)
واحدة من اقارب العروسة جلست بجانب سهام ووالدتها
وده من حظ سهام الاســ... مر نمشيها اسمر ![Big Grin](images/smilies/biggrin.gif)
انتى بقى من قرايب العريس
سهام :لا ياطنط انا صاحبة صفاء
والله يعنى معاها بقى من زمان ومتجوزة ولا لسة
سهام : لا ياطنط لســــه
الأخت القريبة : طيب ليه ياحبيبتى مش تفرحى والدتك بقى اكييد ماما نفسها تفرح بيكى صح ولا لأ ياحجة
الحجة ام سهام : ايه .. اه صح نفسي ![انتى متجوزتيشي!! ولسة ليكى نفس تعيشي](https://www.goodwayinlife.com/forum/images/smilies/SnipeR%20%2894%29.gif)
الاخت : إن شاء الله السنة الجاية نحضر فرحك ياسهام
انتى بتشتغلى
سهام : لا ياطنط للأسف مش لاقيه شغل
الاخت القريبة : لا تبشتغلى ولا متجوزة اومال بتعملى ايه// لا نصيحة منى كده مينفعشي الكلام فى سرك انتى زى بنتى
انزلى وروحى فى كل مكان عشان تتشافى.. يابنتى كده محدش هيشوفك
الام : بقولها كده والله على طول انتى محدش بيشوفك هتتخطبى ازاى![انتى متجوزتيشي!! ولسة ليكى نفس تعيشي](https://www.goodwayinlife.com/forum/images/smilies/SnipeR%20%2888%29.gif)
على اعتبار إن سهام بضاعة لازم تنشاف الله اومال هتتباع ازاى.. قصدى تتجوز ازاى
الاخت القريبة: انا بنتى كانت زيك كده مقفلة على نفسها قولتلها لا كده مش هينفع
انزلى روحى فى النادى مع بنات خالتك وانزلى روحى عند عماتك فى الرحلات اللى بيروحوها
روحى فى كل مكان كده هتقعديلي ( العبارة الشهيرة لدى بعض الامهات)
والحمد لله البنت اتخطبت
سهام : مين ياطنط
: ابن عمتها
سهام فى سرها : لا تعليـــــــــــــــــــــق
يعنى خرجت فى كل مكان واهه اتشافت ده الاعمى شافها من كتر ما بتنزل وفى الاخر عشان نصيبها ابن عمها اتخطبتله ومنفعهاش النزول اللى بسبب ومن غير سبب يالا ماعلينا
يتبــــع