ازيكم يابنات
دى حكايه اعز صديقه ليا وكمان هى جارتى على فكره
حاكتلى حكايتها وسألتنى
انا كده ظالمه؟!!!!!!!!
بصراحه مقدرتش ارد عليها غير لما تشاركونى ارائكم ليكون ردى عليها صائب وصحيح
لانى انا صديقتها واكيييد هتعاطف معها
ولان بسم الله ماشاءالله انا على ثقة ان كلكم عقول متفتحه واكيد مش هنظلمها بردنا عليها
المهم علشان ماكونش بأغتابها وحوارنا عليها يكون نميمه استأذنتها وعرفتها انى هاحكيلكم حكيتها زى ماحكيتهالي بالظبط
ويشهد الله انى لم ازود او انقص شئ فى كلامى عنها
اسيبكم بقى معى الحكايه
هى اسمها ريم ليها اخت اكبر منها ومتزوجه
ريم متدينه شويه عن اختها
لم يشاءالقدر ان تتم اختها تعليمها لظروف اقتصاديه
ولكن وقت ريم كان الله رزق والدها ليصرف عليها فى الدراسه وبالفعل اتمت دراستها علي خير
لتبدأ المشكله مع اختها اصبحت تعاتب ابيها ليه مصرفتش عليا زيها ليه مخلتونيش اكمل تعليمى
المهم توفى الاب قبل ان تتخرج ريم من كليتها
وكانت لسه قاصر لم تبلغ سن الرشد
فاصبحت امها مسئوله عنها وعن معاشها
وكتيييير كانت اختها تقول لمامتها ان بمجرد وصولها لسن الرشد اكيد هتروح تلغى الوصيه لانها مش بيتمر فيها كل اللي عملتوه علشانها
اتمت ريم سن الرشد ولم تفكر ان تلغى الوصيه ولم تتكلم فى هذا الموضوع
وعندما تخرجت بدأت والدتها فى تجهيز عفش جوازها
وكانت كل المصاريف والتكاليف اقل بكثير من المعاش المكرر لريم
وكل ماولدتها تجيبلها حاجه تجرى ريم عشان تقول لاختها لان ملهاش اصدقاء غيراختها
وبيبقى نهارها مش فايت بقى
اشمعنى انتى انا مجبوليش حاجات غاليه كده لييه
اه ماهو ناس وناس اشمعنى انا
وتتكسر فرحت ريم بحاجتها لحد ماوالدتها قالتلها لما نجيب حاجه متعرفيش اختك
المهم تقدم لريم شاب ليطلبها للزواج وتم قبوله
وحددوا معاد قرأة الفاتحه
يعينى عليكى ياريم في اليوم ده بكت كتير فى يوم فرحت اى بنت كان يوم نكد عليها
اختها مش عاوزة تيجى ومنكده عليها
تمت قرأت الفاتحه بدون حضور اخت ريم ماهى الدنيا مش هتقف عليها
وبدأت ريم وعريسها فى تجهيز الشقه
وكانت بتروح مع عريسها لاختيار كل شئ
واختها بقى
يعينى عليا وعل حظى الهباب هو انا ربنا مرزقنيش بواحد كده ليه اشمعنى ريم
تم تحديد موعد الجواز وديه نازله تأنيب فى البت وامها
المهم قالت لريم
انا هاجى معاكى الكوافير متشيليش هم حاجه
ريم قالتلها
طيب وصحباتى؟!!!!!
قالتلها
دول عاوزين يجوا معاكى علشان يجيلهم عرسان عايزين يتجوزوا
انا كنت من ضمنهم على فكره
المهم وافقت ريم ان اختها تروح معاها بكره الصبح الكوافير
وفجأة بليل اتحولت اختها وقالتلها
انا مش هينفع اجى معاكى انا عندى عيال عايزة ابقى معاهم شوفى حد يروح معاكى
جريت ريم تتصل باصحابها كلهم طبعا ظبطوا حالهم على انهم هايروحوا عالفرح علي طول
المهم اخيرا واحده منهم وافقت ان تبقى معاها
وعدى اليوم علي خير
اصبحت ريم اجمل عروس واول ماشفتها اختها فى الفرح واودام الناس كلهم
ايه ده كل ده ميك اب وطلعت القطط الفاطسانه في البت
وعدى اليوم على خير برضو
تانى يوم بقى الصباحيه
برضوا اديلو ادى
وبعدين حملت ريم واول حد راحت تفرحه اختها
وانتو عارفين بقى ا
يه ده انتى حملتى من اول يوم اشمعنى انتى
وجارى بطلت تاخد البرشام علشان تحمل هى كمان وللعلم عندها ببنت وولد فى المرحله الابتدائيه
كانت ريم سبقاها بشهر ودى بقى شغاله
ايه ده هى ريم بطنها كبيره ليه اكبر منى
هى محلوة ليه غيري
اه اصل جوزها بياكلها احسن اكل اه ماهو بيحبها
ومقولكمش بقي علي الباقى
ولدت ريم الحمدلله ولد صغيور خالص
وبعدها بشهر ولدت اختها ولد بسم الله ماشاءالله قلبوظه
ويعينى عليكى ياريم نفسها تشيل ابن اختها ودى خايفه عليه منها لتحسده علشان النونو مقلبظ وابن ريم معصعص
وفضلوا فى هات وخد كل يوم وبدأت اختها تقلب والدتها عليها وفعلا نجحت فى كده واصبحت والدة ريم مشفقه علي اخت ريم وبدأت تغلط ريم فى كل حاجه
وتحملت ريم كثييييييييرا لاجل ارضاء امها ولكن للاسف خلالالالالالاص
الام شايفه الاخت الكبيره مظلومه فى كل حاجه ومبدياها على ريم فى كل حاجه
الى ان وصل الامر ان قالت اخت ريم لوالدتها كلام لم يحدث وصدقته الام ورافضه تصدق ريم
حاولت ريم تصل الرحم ولكن دون جدوى
وبس كده
ايه رايكم بقى؟
مستنيا تفاعلكم وارائكم ومشاركتكم
قولولها تعمل ايييييه ضرورى لان نفسيتها متضمره
وانا هاخليها تقرا ردودكم بنفسيها
واسفه طولت عليك
سبحانك اللهم وبحمدك . أشهد أن لا إله إلا أنت . أستغفرك وأتوب إليك