أو

الدخول بواسطة حسابك بمواقع التواصل

#1

129127 احتياجات مطبخك من الابرة للصاروخ




طبعا كل بنوته على وش جواز بتحتار فى جهازها وتقعد تفكر جبت ايه ونسيت ايه
بتحس انها يا عينى محتاسه .. وتقعد تكتب الحاجات اللى ناقصه وتفتكر

قلت بئه نعمل الموضوع دا وان نسيت حاجه البركة فيكم يا عدولات تقولولى
فيها

نبدأ بسم الله

أطقم الحلل ::

* التيفال ... بصراحه انضف نوعين فيه تيفال زهران والتيفال التركى ,, سافلون,,
وبتشتريهم بالقطعه اى نعم سعرها عالى شويتين بس بأمانة نضيف ويستحمل ويعيش معاكى
طبعا انتى واستعمالك .. يعنى مش تغسليه بالسلك وتقولى .. الطقم باظ ومش نافع وياخسارة الفلوس فيه .. لا عايزة تغسليه سخنى بس شوية مياه وحطى بريل او فيرى زى ما تحبى وبالليفه او سكوتش برايد تغسلى هينضف معاكى ..

فى انواع تانيه زى التروفال والنوفال .. كل واحده وراحتها ..

* الاستانلس ... انضف نوعية استانلس زهران ,, بس نصيحة اذا جبتى التيفال بلاش تجيبى النوعية دى لانها غالية ممكن تتقلى الميزانيه شويتين ,, ممكن تجيبى النوعيات التانيه احسن درجة استانلس 18/10

* الصاج .. التركى بس متعمليش فيه رز ولا تغلى اللبن .. وفى انواع من الصاج مطلية تيفال .. بصراحه مش بأمن للنوعيات دى لانها مش بتكون كويسة شويتين ..

*الالومنيوم .. طبعا ناس لسه بتحب تجيبه علشان تكمل عدد بس .. وممكن متجيبهوش براحتك..



أطقم الأطباق :::


الصينى : انضف حاجه فيه اللى هو الالمانى المصرى ,فتحى محمود , اسعاره من 950 فيما فوق
وفى اسعار ب200 ناس بتجيبها علشان تحط فيه اكل .. والغالى بتخليه للنيش ..

الاركوبال : الفرنساوى ,, فيه فرنساوى رومانتيك رسمته زرقا ,, وفيه الاماراتى ..

البيركس :: الفرنساوى والاندونيسى .. منه الفاميه والعسلى ومنه الازاز المنقوش انتى وذوئك ..

الملامين :: انضف نوعية الشريف ..

وفى نوع جديد نازل السوق اركو بيركس


الكاسات بئه على حسب ما تحتاجى ,, اذا مطبخك واسع او نيشك 4 ضفله ماشاءالله ,,
بتنوعى فيها وفى اشكالها ..

الكبايات الخاصة بالمياه ,, مجات شاى ,, كبايات صغيرة ,, فنجانين قهوة ,,
واطقم الشربات منها اطقم كاسات واطقم كبايات ,, وأزايز مياه ,, وشفشأ مياه


شنطة معالق
الالمانى نوعية حلوة ومعالق فردانى .. شنطة سكاكين وسكاكين فردانى ,, طقم جيلى ,, طقم جاتوه




,, طقم خشاف ,, طقم شاى,,

طقم صوانى ملامين 3 مقاسات ,, طقم صوانى استانلس ,, صينية العشا المدورة الكبيرة دى
,, صفاية معالق ,, صفاية اطباق ,, مصفى طماطم ,, مصفى للمكرونه ,, منخل
,, مقورة ,,مقصات ,, مخرطة ,, هون ,, مبشرة ,,( قطاعة شيبسى ) ,, براد استانلس ,, براد كهربا ,
,
طقم صوانى فرن ,, فيه بيركس 5 و 9 قطع
انتى وراحتك ..

طبعا حاجات النيش بتكون داخلة فى الحاجات دى وبتختاريها على الفرازة
البلاستيكات بأنواعها ::
جردل للزباله ( لا مؤاخذه ) ,, جردل مسح ,, التربو ,, الكمود ممكن تحطى فيه احتياجاتك تبع المطبخ او الحمام ,, وأطباق لغسل الفاكهة ,, اطباق لتقطيع الخضار وغسيلها ,, طبق لغسيل الرز ,, وادوات النضافه بئه .. مأشة خشنة للسجاد ومأشة ناعمه وجاروف وزعافة ومساحة والشرشوبة وفرشة بلاط ..



دا اللى فكراه حاليا .. فى النهاية كان الله فى عون الاهالى والله
واذا نسيت حاجه زى ما قلت فى الاول البركة فيكم يا عدولات
وربنا يتمم على كل عروسة بخير ويرزق بنات المسلمين بالأزواج الصالحين .. ويسعد كل زوجه ويرزقها الذرية الصالحة
اللهم امييييييين



واذا افتكرت حاجه تانى هاجى ارغى واكتبها ,,
سلام يا حبايب فى أمان الله




#2

افتراضي رد: احتياجات مطبخك من الابرة للصاروخ

ممتاز الموضوع يا حبيبه تستاهلى خمس نجوم
#3

129127 رد: احتياجات مطبخك من الابرة للصاروخ


المشاركة الأصلية كتبت بواسطة لافالانتينا
ممتاز الموضوع يا حبيبه تستاهلى خمس نجوم
تسلميلى يا سكروزة


نسيت كمان الخلاط والكبة ومضرب البيض ( مولينكس او براون ) خلى بالكو فى تقليد الصين مخلتش حاجه مقلدتهاس .. دا لو مش هتجيبى الكيتشن ماشين ..

نسيت كمان الكنك بتاع القهوة وأدوات توزيع للمطبخ

كمان فى حاجه بالنسبة للادوات الكهربائية ::
الغسالة الفول اوتوماتيك :: فى ناس بتحب تجيب الوايت ويل هى كويسة بس فى عيب اذا حاجه فيها باظت كل سنة وانتى طيبه والبقاء لله لان ملهاش قطع غيار وكمان سعرها ماشاءالله عالى ,, ممكن تجيبى مكانها الايديال زانوسى الايطالى ..
الغسالة الحوضين او هاف اوتوماتيك :: توشيبا العربى ..
البوتاجاز :: تكنوجاز او يونفرسال القديم ..
التلاجه :: إيديال زانوسى او توشيبا ...

واذا افتكرت حاجه تانية هاجى ارغى واكتبها ليكم


#4

افتراضي رد: احتياجات مطبخك من الابرة للصاروخ

فيه كمان من اللى نسيته طقم بهارات ,, سبت غسيل بلاستيك ,,
كولمان ,, ترمس شاى ,, فوالة وسخان الفول (حسب الرغبة) ,,
بونبنيرة ,, طفاية ,,


#5

افتراضي رد: احتياجات مطبخك من الابرة للصاروخ

جميييييييييييل جدا جزاك الله خيرا
#6

افتراضي رد: احتياجات مطبخك من الابرة للصاروخ


المشاركة الأصلية كتبت بواسطة ام مصعب عفيفى
جميييييييييييل جدا جزاك الله خيرا

#7

افتراضي رد: احتياجات مطبخك من الابرة للصاروخ

بارك الله فيكي
إظهار التوقيع
توقيع : فاطيمة
#8

افتراضي رد: احتياجات مطبخك من الابرة للصاروخ


المشاركة الأصلية كتبت بواسطة ام مصعب عفيفى
جميييييييييييل جدا جزاك الله خيرا

المشاركة الأصلية كتبت بواسطة فاطيمة
بارك الله فيكي
جزاكم الله خير وبارك الله فيكم , دايما فى تواصل بلا انقطاع ياحلوين

#9

افتراضي رد: احتياجات مطبخك من الابرة للصاروخ

lموضوع هايل تسلمي

#10

افتراضي رد: احتياجات مطبخك من الابرة للصاروخ

[IMG]https://www.**- thanx/15.gif[/IMG]

#11

افتراضي رد: احتياجات مطبخك من الابرة للصاروخ


المشاركة الأصلية كتبت بواسطة منال نولا
lموضوع هايل تسلمي

المشاركة الأصلية كتبت بواسطة قبس من أمل
[img]https://www.**- thanx/15.gif[/img]
منورررررررين والحمدلله ان الموضوع عجبكم

#12

افتراضي رد: احتياجات مطبخك من الابرة للصاروخ

شكرا ياقمر على المعلومات المفيدة
#13

افتراضي رد: احتياجات مطبخك من الابرة للصاروخ

شكرا ياقمر بصراحه انا باجهز ومحتاره اجيب ايه وايه احسن حاجه
ياريت حد يفيدنى

#14

افتراضي رد: احتياجات مطبخك من الابرة للصاروخ

تسلمى يا قلبى
إظهار التوقيع
توقيع : دلوعه زوجى وبس
#15

افتراضي رد: احتياجات مطبخك من الابرة للصاروخ

جزالك الله جيرا على المعلومات الجميلة دى
#16

افتراضي رد: احتياجات مطبخك من الابرة للصاروخ


المشاركة الأصلية كتبت بواسطة dody31
شكرا ياقمر على المعلومات المفيدة
الشكر لله يا دودى اى خدمة

المشاركة الأصلية كتبت بواسطة miro_aboda
شكرا ياقمر بصراحه انا باجهز ومحتاره اجيب ايه وايه احسن حاجه
ياريت حد يفيدنى
الشكر لله يا ميرو .. الموضوع ادامك تقريبا فيه كل حاجة .. ولما تنزلى كمان وتروحى المحلات هتلاقى حاجات اكتر واحسن وربنا يتمملك بخير يارب

المشاركة الأصلية كتبت بواسطة دلوعه زوجى وبس
تسلمى يا قلبى
وتسلمى يارب من كل شر

المشاركة الأصلية كتبت بواسطة yoyostar
جزالك الله جيرا على المعلومات الجميلة دى
وجزاكِ الله خير الجزاء .. اى خدمة يابنات منوررررررين

#17

افتراضي رد: احتياجات مطبخك من الابرة للصاروخ

جمييييل جدااا ولو فيه صور يبقي احلي واحلي
#18

افتراضي رد: احتياجات مطبخك من الابرة للصاروخ

موضوع رااااااااااااائع جزاكى الله كل خير

#19

افتراضي رد: احتياجات مطبخك من الابرة للصاروخ

عارفه انك عسووووووووووله موضوع مفيد وجميل
#20

افتراضي رد: احتياجات مطبخك من الابرة للصاروخ

تسلم ايديكى ياعدوله على المجهود الرائع اكيدكل العرايس هاتدعيلك اللهم استجيب
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
ستائر راقية لنافدة مطبخك ياعدوله ام سيف ستائر ومفروشات 2022
اختلاف احتياجات أولياء الأمور للطفل المعاق ,أولياء الأمور , الطفل المعاق ربي رضاك والجنة ذوي الاحتياجات الخاصة
افكار جميلة لتجديد مطبخك البرنسيسة سلسبيلة افكار وتجارب منزلية
نصائح جميله لتجديد مطبخك امنحي مطبخك عميلة تجديد جويريه افكار وتجارب منزلية
"معاك" حلول متكاملة تلبي احتياجات فاقدي البصر وضعاف السمع وكبار السن من موبينيل قصرالاحلام موبايلات - جوالات


الساعة الآن 03:24 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل