تفسير الفروله في المنام

السلام عليكم،،،،،

انا اول مرة اكتي عندكم وان شاء الله تفسرولي حلمي على خير:

انا حلمت اني في عزومة عند خالتي وخالاتي التانيين كلهم موجودين وماما كمان كانت عاملة عزومة هي كمان وانا بقول يا عيني ماما شالت العزمة لوحدها ومرات واحد صاحب بابا كانت موجودة والكل كان بيتشغل عشان الاكل تخلص وانا كنت حامل في الحلم وبقول لماما شوفي انا في الشهر التامن وبطني صغيرة، لقيت ماما بتقولي هو النونو كويس اصلك بقالك مدة مبتروحيش للدكتور، قلتلها لأ انا كويسة والدكتور اداني ميعاد وهاروحله فيه ان شاء الله وبصي كمان النونو بيلعب ازاي وانا حطيت ايدي على بطني ولقيت النونو بيلعب واخدت ايدي ماما وحطيتها وخليتها تحس بطني والنونو بيلعب فيها

وبعدها بيوم حلمت اني باكل فراولة متقطعة وكان طعمها جميل وكانت بالسكر وبعدها حلمت اني زي ما يكون مخطوبة لواحد اسمه اسلام (في الحقيقة هو مهندس زميلي في الشغل ومتجوز وعمري اصلا ما جه على بالي ولا فكرت او اتمنيت اني اتجوز حد زيه واستغربت جدا اني حلمت بيه) واننا في سوق مليان لبس بيت صيفي بألوان جميلة أحمر وابيض وروز ولبني وكل الالوان الحلوة وكان هو معايا في المحل وماما وبابا واختي مستنييني في العربية ووقفنا انا هو عند استاند قمصان النوم البيضاء اللي هي طويلة وليها روب بتاعة العرايس وقلتله مش هتختار معايا قميص الصباحية قالي طبعا هاختاره معاكي بس معجبناش حاجة وقلتله عموما انا عندي واحد قصير، راح قالي خلاص نجيب الطويل من مدينة نصر لاني ساكنة قريب من هناك وبعدين روحنا عند عربية بابا وركبنا ومشينا


بياناتي الشخصية:

آنسة

كنت مخطوبة لواحد اسمه شريف وخطوبتي اتفسخت بعد شهرين من المشاكل ودعيت ربنا ان ربنا يعوضني خير وقمت من الحلم ده على آذان الفجر

موظفة أعمال إدارية






العمر 30 سنة

الاب والام علي قيد الحياة الحمد لله

نضع ايضا متي وقت الحلم بالصيف ام بالشتاء : اول فصل الشتاء

هل كنتم تفكرون بشئ قبل النوم ام لا : نعم أفكر

هل هناك مرض ام بصحة جيدة : صحة جيدة الحمد لله