أو

الدخول بواسطة حسابك بمواقع التواصل




https://adlat.net/showthread.php?t=199281
32914 37
#1

15 79 الدرس الرابع ( الاعتناء بمنطقة الإبط ) حملة عنايتى بأنوثتى

الدرس الرابع ( الاعتناء بمنطقة الإبط ) حملة عنايتى بأنوثتى

الدرس الرابع ( الاعتناء بمنطقة الإبط ) حملة عنايتى بأنوثتى


الموضوع باذن الله
عن

منطقة الابط
أو
الاندر ارمز
أو
الارم بيتس


هيتناول اجزاء عديدة من ضمنها:


. روتين قبل واثناء وبعد ازالة الشعر .
. نضافة منطقة الإبط اليوميه والاسبوعيه .
. وسائل إزاله رائحة العرق .
. طرق ووصفات تفتيح منطقة الإبط .


الدرس الرابع ( الاعتناء بمنطقة الإبط ) حملة عنايتى بأنوثتى

اولا


روتين قبل واثناء وبعد ازالة الشعر:
هنتكلم على هيئة نقاط

. قبل ازالة الشعر هنغسل المنطقه بصابون مطهر زى ديتول او لايف بوى .

. هندوب ملعقه من غسول سيتال فى كوب ماء ونمسح تحت الابط بالقطنه .

. نختار الوسيله اللى هننزع بيها تحت الابط :
اما السويت
او
البراون سيلك ابيل
دول افضل وسيلتين لمنطقة الابط
لان الرسول( صلى الله عليه وسلم )
أمرنا ب نتف منطقة الابط
( ياريت يا عدولات نبعد تماما عن كريمات ازاله الشعر
وعن الموس ) لانهم سبب رئيسى فى اسمرار تحت الابط .

. نشد المنطقه كويس جدا وننتف بقطعة صغيره من السويت
او فى حاله استخدام البراون سيلك ابيل نشد الذراع جدا
ونشيل حته حته ببطئ علشان متتعوريش .

. بعد إزالة الشعر هنمسح المنطقه بالغسول المخفف بقطنه .

. ندهن اى كريم مضاد حيوى لمنع ظهور الحبوب
نقول مثلا :
كريم زنكوسيل ( ملطف ومرطب ومانع التهابات ) ب 2.5 ج

. وبعد مرور 24 ساعه ممكن تاخدى شاور عادى .

. ولمدة 3 ايام فى الصباح وفى المساء ندهن بكريم زنكوسيل منعا للالتهابات وكمان لترطيب المنطقه .






الدرس الرابع ( الاعتناء بمنطقة الإبط ) حملة عنايتى بأنوثتى
ثانيا

نضافة منطقة الإبط اليوميه والاسبوعيه :
هنتكلم برضه على هيئة نقاط

.كل يوم هنمسح المنطقة بقطنه ب ( ملعقه من غسول سيتال مخفف على كوب ماء ..... ياريت الكوبايه دى تكون بغطا علشان تحتفظى بيها لعدة ايام للاستخدام )

. وبعد مسح المنطقه هنستخدم صابونه مرطبه بأسفنجه او ليفه صغنونه نخصصها للمنطقه دى بس ( دوف مثلا او صابون بالجلسرين ) علشان سيتال قوى جدا .

. نستخدم وسيلة من ع رائحة العرق اللى تريحنا .

. كل اسبوع بقه هنعمل صنفره لمنطقة الابط ليه يعنى يا مورا :
علشان لما الشعر يطلع ميطلعش تحت الجلد
و
لتفتيح المنطقه
و
تفتيح المسام علشان بيبقه فيها بواقى من مزيل العرق

عباره عن ايه الصنفره:

( 2 ملعقه صغيره لبن بودره
+
2 ملعقه قشر ليمون مجفف
+
2 ملعقة سكر )

او
ممكن تستخدمى البيكنج بودر بتاع الحلويات
هتبلى تحت الابط
وتحطى ملعقه صغيره من البيكنج بودر على فوطه مبلله بسيط منيد يعنى وتدعكى تحت الابط بحركات دائريه .

او
اى نوع صنفره عندك انتى بتستخدميه
اصاله ... بورجوا ...... دانتس ...... اى نوع يعنى

وبعد الصنفره تدعكى المنطقة ب نص ليمونه

وطبعا الصنفره هتكون اسبوعيه وبعديها ترطيب .


الدرس الرابع ( الاعتناء بمنطقة الإبط ) حملة عنايتى بأنوثتى
ثالثا

وسائل إزاله رائحة العرق
هنتكلم برضه على هيئة نقاط:

. مزيل عرق رول :

ريكسونا
بروجوا
نيفيا
( مش بحبهم بصراحه بس نيفيا وبروجوا ماركه حلوه )
( اسعارهم فى حدود 5 : 15 )

. مزيل عرق استيك :

سيكرت استيك
ليدى اسبيد استيك
اسعارهم ( 20 : 25 )
( بفضل استخدامهم وبالاخص النوعين دول كويسين جدا )

. مزيل عرق كريم :

فيبيكس
أيفا بى وايت
( اسعارهم بين 5 : 10 )
( كويسين بس مش بيحموا ساعات كتير )


مزيل عرق إسبراى :

دوف
بروجوا
نيفيا
ريكسونا المستورد
( حلوين جدا وياريت لما نستخدمهم نرشهم على بعد 12 سم مش يبقوا مباشره على الجلد)
اسعارهم بين ( 20 : 25 )

. مزيل عرق بودر :

( فى جاهزه من اصاله )

وممكن تعمليها فى البيت
( مسك مطحون + شبه مطحونه + بودرة اطفال )
وياريت يا عدوله لما تطحنيهم يبقوا بنعومه بودرة الاطفال
يعنى تطحنى وتصفى كذا مره علشان يبقوا ناعميييييين جدا زى ملمس بودرة الاطفال
( البودره دى حلوه اوووووووى ومش بتسمر نهائى بل بالعكس بتساعد على التفتيح بس عيبها انك متأمنيش ليها وانتى بره
يعنى تحطيها فى البيت بس )


الدرس الرابع ( الاعتناء بمنطقة الإبط ) حملة عنايتى بأنوثتى

رابعا :


طرق ووصفات تفتيح منطقة الإبط
والنقطه دى مخصصه للى بيعانوا من مشاكل واسمرار فى منطقة الابط:

طمى مغربى
الحنا البيضا
اللبن البودره
النشا
ماء الورد
العسل الابيض



( اى حاجه من المكونات دى موجوده عندك اعملى منها ماسكات تفتيح )
مرتين فى الاسبوع
ولازم تداومى عليهم لمدة شهر علشان النتيجه ترضيكى
وطبعا هتمشى على الروتين كله

زيوت مساعده لعملية التفتيح والتعطير لمنطقة الابط :

زيت جنين القمح
زيت جوز الهند
زيت الورد
زيت اللافندر
زيت اللوز الحلو


الدرس الرابع ( الاعتناء بمنطقة الإبط ) حملة عنايتى بأنوثتى
المطلوب :
ما وسيلة نزع الشعر اللى بتستخدميها ؟

. ما وسيلة منع رائحة العرق اللى بتستخدميها ؟

. ايه مشكلتك فى منطقة تحت الابط ؟

. بتستخدمى وسيلة منع رائحة العرق كل قد ايه وبتنضفى المنطقه كل يوم ولا لاء ؟

. عاوزانى اضيف ايه تانى للموضوع ؟ حابه تسألى فى ايه ؟

الدرس الرابع ( الاعتناء بمنطقة الإبط ) حملة عنايتى بأنوثتى



إظهار التوقيع
توقيع : مورا موكا الطيبة
#2

افتراضي رد: الدرس الرابع ( الاعتناء بمنطقة الإبط ) حملة عنايتى بأنوثتى

المطلوب :
ما وسيلة نزع الشعر اللى بتستخدميها ؟

البراون سيلك

. ما وسيلة منع رائحة العرق اللى بتستخدميها ؟

نيفيا بس مش عامل نتيجة خالص

. ايه مشكلتك فى منطقة تحت الابط ؟

العرق

. بتستخدمى وسيلة منع رائحة العرق كل قد ايه وبتنضفى المنطقه كل يوم ولا لاء ؟

كل ماخرج بحط مزيل عرق وبنضف كل يوم بس مفيش نتيجة

. عاوزانى اضيف ايه تانى للموضوع ؟ حابه تسألى فى ايه ؟

ولاحاجة الموضوع زي الفل بس عايذه وصفه لازالة رائحة العرق مش عايذه مزيلات عرق وكريمات


إظهار التوقيع
توقيع : قصة شتا
#3

افتراضي رد: الدرس الرابع ( الاعتناء بمنطقة الإبط ) حملة عنايتى بأنوثتى


ما وسيلة نزع الشعر اللى بتستخدميها ؟

سويت

. ما وسيلة منع رائحة العرق اللى بتستخدميها ؟

مش بستخدم حاجة عشان دايما باخد شاور كل يومين

. ايه مشكلتك فى منطقة تحت الابط ؟

نفسى القى وصفة سحرية تمنع الشعر يطلع بسرعة ههههه

. بتستخدمى وسيلة منع رائحة العرق كل قد ايه وبتنضفى المنطقه كل يوم ولا لاء ؟

كل 15 يوم بعمل سويت

. عاوزانى اضيف ايه تانى للموضوع ؟ حابه تسألى فى ايه ؟

انتى كده تمام يا حبى

إظهار التوقيع
توقيع : ندى ام
#4

افتراضي رد: الدرس الرابع ( الاعتناء بمنطقة الإبط ) حملة عنايتى بأنوثتى

ما وسيلة نزع الشعر اللى بتستخدميها ؟
السويت واحيانا الشمع ولو مستعجلة براون او شفرة

. ما وسيلة منع رائحة العرق اللى بتستخدميها ؟
كريم فيبيكس تحفففففففففة
بس حاليا بستخدم اسبراي


. ايه مشكلتك فى منطقة تحت الابط ؟
لا يوجد


. بتستخدمى وسيلة منع رائحة العرق كل قد ايه وبتنضفى المنطقه كل يوم ولا لاء ؟
المزيل كل يوم بس تنظيف يومي لأ
هو وقت الاستحمام وخلاص

. عاوزانى اضيف ايه تانى للموضوع ؟ حابه تسألى فى ايه ؟
بصراحة مش فاكرة دلوقت لما افتكر هرجعلك ياجميل

إظهار التوقيع
توقيع : الملكة نفرتيتي
#5

افتراضي رد: الدرس الرابع ( الاعتناء بمنطقة الإبط ) حملة عنايتى بأنوثتى

قوليلي ايه رأيك في كريم السعد وكريم ماي واي لمنع نمو الشعر
انا جربتهم بس كالعاده مااستمرتش عليهم واهم مرمين في الدرج عندي
عايزة وحده جربتهم وجابوا نتيجة معاها

#6

افتراضي رد: الدرس الرابع ( الاعتناء بمنطقة الإبط ) حملة عنايتى بأنوثتى


المشاركة الأصلية كتبت بواسطة مورا موكا الطيبة

ما وسيلة نزع الشعر اللى بتستخدميها ؟
براون

. ما وسيلة منع رائحة العرق اللى بتستخدميها ؟
ريكسونا
. ايه مشكلتك فى منطقة تحت الابط ؟
العرق
. بتستخدمى وسيلة منع رائحة العرق كل قد ايه وبتنضفى المنطقه كل يوم ولا لاء ؟
كل يومين تقريبا
. عاوزانى اضيف ايه تانى للموضوع ؟ حابه تسألى فى ايه ؟
عايزه طريقه سهله للشعر تحت الابط


رد: الدرس الرابع ( الاعتناء بمنطقة الإبط ) حملة عنايتى بأنوثتى
جميل اوى يا قمر تسلمى

إظهار التوقيع
توقيع : بسكوته بالشوكولا
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
نواصل نشر المحذوفات من المناهج التشديد علي الشرح والالتزام بالمقرر في الامتحانا سارة سرسور منتدى عدلات التعليمي
دروس التجويد للشيخ أيمن رشدي سويد بروابط مباشرة داعمة للإستكمال* pop cooool الارشيف والمواضيع المكررة
الدرس السابع ( العنايه بالجسم ) حملة عنايتى بأنوثتى مورا موكا الطيبة العناية بالجسم
الدرس الثالث ( الاعتناء بالشعر ) حملة عنايتى بأنوثتى مورا موكا الطيبة العناية بالشعر
حملة ( عنايتى بأنوثتى) جميع دروس الحمله مورا موكا الطيبة العناية والجمال


الساعة الآن 03:54 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل