أو

الدخول بواسطة حسابك بمواقع التواصل

#1

مميز الاجهزه الرياضه بالصور واستخدامها

- العجلة الرياضية ودى صورتها
الاجهزه الرياضه بالصور واستخدامها
مضرة جدا بالركب وفعلا سببت لى خشونة جامدة فى الركب وفى الاخر انت بتقعدى على كرسى وتلفى رجلك دائرى يعنى مفيهاش اى ابتكار واللى عندى كانت شبة دى بس على أبيض وطبعا ما كنتش أقدر أستغنى عن الكرسى

2- الاوربتراك
الاجهزه الرياضه بالصور واستخدامها

شبة العجلة فى الشكل ولكن اللى بيحصل إن البدال بيكون طووووويل فتقدرى إنك تقفى مش تقعدى وفى اوربتراك فيها كراسى بس متعبة عن العجلة لانها البدال بيكون بعيد وكبير
والاوبتراك فى ذراعين ممكن تثبتيهم او تحركيهم والأفضل إنك تحركيهم
بالنسبة للاوربتراك او العجلة ينفعوا فى حالة زيادة بسيطة جدا يعنى 5-10 كيلو بالكثير لكن !!!!
انا الاوربتراك عمل لى ألم وللاسف لسة بعانى منه لغاية دلوقتى
الاجهزه الرياضه بالصور واستخدامها
شايفين المنطقة الزرقاء اللى بين الازرع دة تاعبنى جدا لو شيلت حاجة ثقيلة او وقفت اعمل حاجة فى المطبخ بالاضافة طبعا لخشونة مفاصل الركبة ...


3- المشاية المانيوال (اسوء اختراع )
الاجهزه الرياضه بالصور واستخدامها
عارفة يعنى اية تمشى على ارض ثابتة وبتعملى مجهود (طاقة علشان تمشى فى مساحة متر طول فى عرض ربع متر بالكثير
على قد ما فرحت بالمشاية دى فى الاول على قد ما تعبت وكل المفاصل تعبت بلا استثناء وكلام الدكاترة كلة بيقول خشونة ثم خشونة للركبة
بلاش لو بتفكرى فيها بلاش احسن المشى الطبيعى 10 دقائق عليها احسن من نص ساعة عليها


4-المشاية الكهربائية
الاجهزه الرياضه بالصور واستخدامها
كلها ميزات ماعدا عيب واحد بس إنها غالية
بس لو حسبتيها صح من الأول شوفى انا صرفت قد اية على الاجهزة اللى اشتريتها ؟! وكل مرة كنت ابص عليها اقول غالية نار
طاف بية المطاف انى اشتريها فى الاخر وفعلا هى دة افضل جهاز على الاطلاق
كانك فعلا بتمشى بطريقة طبيعية وحركتك ثابتة بتتحركى وبتمشى على ارض متحركة ودة الفرق عن المانيوال
بتحسى ان مفاصلك كلها بتتحرك بطريقة طبيعية اللى خلقها ربنا
عيبها بس ان مفيش اكسجين زى الهوا الطبيعى لكن لو ظروفك تسمح انك تتمشى وبصورة منتظمة ومكان امان مش زحمة ولا معاكسات وطرق كويس متسفلت يبقى المشى فى الهواء الطلق افضل ويبقى وفرتى فلوسك
وسيبك بقى من اللى يقولك مشاية ب حزام تخسيس ونبضات وتويستر ووو كلام فاضى
خليك فى المفيد والمهم هى ماشية متحركة وانتهى !

5- جهاز كريزى فيت (لم اجربة )
الاجهزه الرياضه بالصور واستخدامها
كنت محتارة بينة وبين جدا المشاية جدا
وبعدين استقريت على المشاية ليه
لانها نصيحة اخذتها من احدى المحلات اللى سالت فيها
كريزى اة بيخسس و بفتت الدهون ويمكن يكون اسرع من المشاية فى التفتيت الدهون والحرق ولــــــــــكن
المشاية بتعمل وظيفة مش بيعملها الجهاز دة
وهو الحركة الجسم وبالتالى شد الجسم وشد عضلات الجسم فتعمل اعادة توزيع الدهون مع شد العضلة


6- السونا (لم اجربها )
الاجهزه الرياضه بالصور واستخدامها
هى مفيدة جدا للجسم وتنشيط الدورة الدموية وللنشاط والحيوية وحاجات كثير ماعدا حاجة واحدة هى التخسيس والله دة كلام الدكاترة مش كلامى وكمية العرق اللى تطلع مش معنها انك فقدت دهون نهائى
لا فقدتى ماء فقط بمعنى لو شربتى كوب ماء انتهى !
والقريب من السونا حزام التخسيس وشورت التخسيس ودول بردوة جربتهم كلام فاضى جدا



7- السوستة البطن
جميلة جدا وعملية جدا
ولازم تكون بهذا الشكل
الاجهزه الرياضه بالصور واستخدامها
فعلا بتشد البطن فعلا بتقلل الترهلات
شوفوا انا بعمل بيها اكثر من تمرين
طبعا تمرين البطن و تنامى على ظهرك و جسمك ثابت والسوستة ماسكها بايدك ومثبتة رجليك بالقدمين الاثنين فى مكانهم
وتقومى زواية قائمة بنص جسمك العلوى




والعكس
تقومى برجيلك زواية قايمة بنص جسمك السفلى
فى النص بقى هتلاقى مكان فاضى صح (ودى بتفرق من سوستة لسوستة لازم نستغلها صح ) حطى بقى احدى قداميك فى المكان دة ولنبدأ باليمين والشمال ثابتة ونامى وطلعى إحدى رجيلك زواية قائمة والثانية بالتبدال
كدة 3 تمارين اثناء النوم
وانتى واقفة تلبسيها فى القدم وتمسكى بايدك
وتثبتى قدميك وترفعى بايدك لغاية ما تقدرى فووووق كانك بتنفخى عجل كدة حرف T لفوق ههههههه
فى تمرين اخير ودة للاذرع تمسى الطرف بذراع وتثبيتة وبالذراع الثانى تشد ناحيتة بمعنى لو ثبتنا الشمال بنحرك اليمين لوراااااا باقصى قوتك
كدة 5 تمارين بالتمام والكمال بالسوستة العجيبة وانت عليكى العد [IMG]https://files.***- ***- *.com/smilies2012/smiley-smile.gif[/IMG] دى بجد اشتروها ورخيصة جدا و السوست اللى فيها دى بتتشال يعنى حسب قوتك وسهولة حركتك فى التمرين ...

والله دى قصصى كلها وتجاربى كلها جربتها ماعدا كريزى فيت والسونا وانا مش عاوزة من الموضوع غير حاجتين
1- انصح غيرى لوجة الله لو هو ناوى يدخل على المشاية على طول ويتوكل على الله ويعتبر ثمنها جزء من العلاج او يشتريها بالتقسيط هى فى حدود 2000-3000 انظف نوع تيوانى ومتوافرة فى ابو الجوخ او التوحيد والنور

2- بصراحة محتاجة الدعاء بظهر الغيب بشدة بالصحة والستر وسعة الرزق وحسن الخاتمة ولكم مثل

و لو الموضوع عبجكم قيموا الموضوع واتمى يثبت و لو لفترة للاستفادة للجميع لان لاحظت فى الفترة الاخيرة الكل بيسال عن الاجهزة والله الموفق والتقيم يلا سلام



إظهار التوقيع
توقيع : زهور البيضاء
#2

افتراضي رد: الاجهزه الرياضه بالصور واستخدامها

مشكوره ياجميل
إظهار التوقيع
توقيع : ♥ احبك ربى ♥
#3

افتراضي رد: الاجهزه الرياضه بالصور واستخدامها

برافوووووووو موضوع حلو وانا بأيدك بالمشايه الكهربائيه وعن تجربه شخصيه مافيني استغني عنها بنوب صفت جزء من روتيني اليومي بس بصراحه هي من افضل الاجهزه الرياضيه للتنحيف وللرشاقه ولجسم صحي وسليم
إظهار التوقيع
توقيع : نسيم البحر
#4

افتراضي رد: الاجهزه الرياضه بالصور واستخدامها

الف شكر يا قمر
إظهار التوقيع
توقيع : هبه شلبي
#5

افتراضي رد: الاجهزه الرياضه بالصور واستخدامها

مشكوره حبيبتى
إظهار التوقيع
توقيع : ام انس
#6

افتراضي رد: الاجهزه الرياضه بالصور واستخدامها


المشاركة الأصلية كتبت بواسطة ♥ احبك ربى ♥
مشكوره ياجميل
ربنايخالكى

إظهار التوقيع
توقيع : زهور البيضاء
#7

افتراضي رد: الاجهزه الرياضه بالصور واستخدامها


المشاركة الأصلية كتبت بواسطة هبه شلبى
الف شكر يا قمر
نورتينى ياقمر

إظهار التوقيع
توقيع : زهور البيضاء
#8

افتراضي رد: الاجهزه الرياضه بالصور واستخدامها


المشاركة الأصلية كتبت بواسطة نسيم البحر
برافوووووووو موضوع حلو وانا بأيدك بالمشايه الكهربائيه وعن تجربه شخصيه مافيني استغني عنها بنوب صفت جزء من روتيني اليومي بس بصراحه هي من افضل الاجهزه الرياضيه للتنحيف وللرشاقه ولجسم صحي وسليم
نورتي

إظهار التوقيع
توقيع : زهور البيضاء
#9

افتراضي رد: الاجهزه الرياضه بالصور واستخدامها

رد: الاجهزه الرياضه بالصور واستخدامها
إظهار التوقيع
توقيع : ريموووو
#10

افتراضي رد: الاجهزه الرياضه بالصور واستخدامها


6- السونا (لم اجربها )
رد: الاجهزه الرياضه بالصور واستخدامها
هى مفيدة جدا للجسم وتنشيط الدورة الدموية وللنشاط والحيوية وحاجات كثير ماعدا حاجة واحدة هى التخسيس والله دة كلام الدكاترة مش كلامى وكمية العرق اللى تطلع مش معنها انك فقدت دهون نهائى
لا فقدتى ماء فقط بمعنى لو شربتى كوب ماء انتهى !
والقريب من السونا حزام التخسيس وشورت التخسيس ودول بردوة جربتهم كلام فاضى جدا


الساونا مبتعملش حاجه عندى كل اللى عملتهولى علت الضغط
بصراحه مفيش احسن من المشايه الكهرباء تحففففففففففه

إظهار التوقيع
توقيع : ام دودى2
#11

افتراضي رد: الاجهزه الرياضه بالصور واستخدامها

تسلم ايديكى على الموضوع

إظهار التوقيع
توقيع : ام دودى2
#12

افتراضي مصر الدولية للاجهزة الرياضية

مصر الدولية للاجهزة الرياضيةمساء الخير يا جماعة
انا اشتريت من الشركة دي وطلعت سيئة جدا
اجهزة رياضية مضروبة
انا اتعاملت مع الشركة دي وشفت الويل معاهم
اجهزة صيني درجة رابعة وصيانة اقل ما توصف به
انها نصب وبياخدوا فلوس قطع الغيار ويصلح الجهاز في شهر او اكتر
علما بان الاجهزة عمرها خمس شهور مش مدى الحياة
ارجو من المتابعين تجنب التعامل معهم علشان ما ميطورتش نفس ورطتي

#13

افتراضي رد: الاجهزه الرياضه بالصور واستخدامها

تمام
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
الرياض اهمية الرياضه فى الصباح معلومات عن الرياضه الصباحيه هبه شلبي طرق التخسيس وانقاص الوزن
الرياضه ومرض السكرى , الرياضه ومرض السكر , فوائد الرياضه لمرض السكر ام طاطو العيادة الطبية
الرياضه اثناء الحمل , انسب انواع الرياضه اثناء الحمل ام طاطو مرحلة الحمل والولاده
ملابس صيفيه رياضيه ملابس رياضه للصيف 2024 اجمل ملابس الرياضه للفتيات ريموووو ازياء وملابس صيفية
ازياء رياضيه صيفيه ازياء بنات رياضيه 2024 اجمل ازياء الرياضه ريموووو ازياء وملابس صيفية


الساعة الآن 05:43 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل