أو

الدخول بواسطة حسابك بمواقع التواصل

#1

مميز دورة تعليم الاكسسوارات (متجدد بإذن الله)







السلام عليكم ورحمه الله وبركاته


النهارده هابتدي معاكم ان شاء الله أول درس في تعليم طريقة عمل الاكسسوارات خطوة خطوة حتى الاحتراف بإذن الله

أولا نتعرف على الأدوات اللازمه لعمل الاكسسوارات


1- الخيط الشفاف
دورة تعليم الاكسسوارات (متجدد بإذن الله)


[size=24]2- بنسة (زرادية )
دورة تعليم الاكسسوارات (متجدد بإذن الله)

3- قصافة
دورة تعليم الاكسسوارات (متجدد بإذن الله)

4- بنسة ببوز ملفوف (رأس مدور)

دورة تعليم الاكسسوارات (متجدد بإذن الله)

5- زرادية عادية صغيرة
دورة تعليم الاكسسوارات (متجدد بإذن الله)


دي كل الادوات اللي ممكن نحتاجها عشان نعمل عقد او انسيال او حلق او اي اكسسوار في الدنيا
وبالنسبة للادوات دي احنا ممكن نلاقيها في العتبة في الموسكي واسعارها من 6- 8 جنية مش اكتر من كده والخيط الشفاف سعر البكره 4 جنية
بالنسبة للخرز طبعا الاشكال والالوان منه كتيييير جدا وده بيرجع طبعا لذوقنا الخاص وبرضو في نفس المكان هانلاقي كل الناس اللي بتبيع الخرز ده او الاحجار وبالنسبة للسعر هو بالكيلو واقل حاجه ثمن كيلو وغالبا بيتراوح سعر الكيلو ما بين 50 - 80 جنية وطبعا التمن كيلو ده بيعمل كتير لانه مش بيستخدم صافي بيدخل معاه اشكال تانية وممكن نشتري الخمسين جرام بخمسة جنية ده افضل للناس المبتدئة عشان تجرب وكده وفي نفس الوقت متصرفش كتير لحد ما تتعود وايديها تاخد على الشغل

بعد ما نحترف الشغل شوية ونحب نبتدي مشروع هانحتاج ميزان جرامات وده شكل الميزان اللي عندي
دورة تعليم الاكسسوارات (متجدد بإذن الله)

ده الميزان لانه زي ما بنشتري الحاجات بالجرامات لما نيجي نحسب التكلفه اكيد هانحتاج نوزن العقد وطبعا ممكن نستخدم اي ميزان حتى لو بتاع مطبخ ولكن ده ادق لان فيه حاجات ممكن تكون صغيرة متتشافش في موازين المطبخ والميزان سعره 120 جنية وتلاقوة عند اي حد بيبيع موازين او في خان الخليلي

طبعا عشان نعمل عقد او حاجه بسيطة مبدئيا فاسهل طريقة للمبتدئين هيا الشغل بالخيط الشفاف لان نتيجته حلوة وسهل جدا وهو مجرد اننا بنجيب الخرز اللي على ذوقنا صغير كبير احجار اي حاجه ونلضمهم في بعض وفي الاخر نربطهم بطريقة عاديه جداااااا وفيه من الخيط الشفاف ده مطاط زي الاستك ده عشان الغوايش ودي شكل غويشة سهله وبسيطه وشكلها شيك في نفس الوقت

دورة تعليم الاكسسوارات (متجدد بإذن الله)



وده شكل تاني لعقد في منتهى الجمال بنفس الطريقة مجرد خيط شفاف

دورة تعليم الاكسسوارات (متجدد بإذن الله)

وطبعا الاشكال والافكار لا تنتهي

ده كان النوع الاول السهل من الاكسسوارات النوع الثاني وهو الشغل بالمسمار والزرد طبعا فيه ناس كتير بتسأل دايما على شكل المسمار والزرد ده عشان كده جبتلكم صورها

ده المسمار بيكون فيه حلقه من ناحية والناحية التانية احنا اللي بنقوم بتنيها بعد ما ندخل فيها الخرزة بتاعتنا وفيه منه طويل وفيه منه قصير طبعا يفضل المسمار الطويل عشان ياخد اي حجم للخرز او الاحجار وفيه منه كل الالوان فضي دهبي اوكسيديه (نحاسي) وفيه مسمار بيكون مفيهوش حلقه بيكون بدل الحلقة دي رأس صغيرة زي راس الدبوس بالظبط وده عشان الحاجات اللي بتكون في الاخر ميكونش شكلها وحش لو بانت الحلقة وهانشوف كل ده في الدروس الجاية ان شاء الله

دورة تعليم الاكسسوارات (متجدد بإذن الله)

وده شكل الزرد وهو عباره عن حلقات بنستخدمها في الحلقان وفي تشبيك الاعقاد مع بعضها وبرضو فيه منها احجام وده اصغر حجم انا شخصيا بستعمله دايما لانه شكله شيك وبرضو فيه منه كل الالوان دهبي وفضي ونحاسي

دورة تعليم الاكسسوارات (متجدد بإذن الله)

ودي كانت كل الادوات اللي ممكن نحتاجها في بدايه مشروع اكسسوارات مش هاتحتاجو اكتر من كده ابدا وربنا يوفق الجميع يارب واتمنى يكون الشرح واضح والصور واضحة وان شاء الله في الدروس الجاية هانتعلم الشغل بالمسمار والزرد واستخدام الادوات وهانتعلم دلايات الموبايل وعليقات الشنط والحلقان وكل شئ ان شاء الله وهحاول انزلكم كمان فيديوهات لشرح اكثر وضوح واي سؤال في درس النهارده انا تحت امركم لا تترددو في السؤال دورة تعليم الاكسسوارات (متجدد بإذن الله)





إظهار التوقيع
توقيع : happy 5o5a
#2

مميز رد: دورة تعليم الاكسسوارات (متجدد بإذن الله)



السلام عليكم ورحمه الله وبركاته

ودلوقت بقى هاكمل معاكم الجزء الثاني من طريقة عمل الاكسسوارات خطوة خطوة

احنا كنا اتكلمنا الجزء اللى قبل دا عن الادوات وطريقة عمل عقد بسيط بالخيط الشفاف وكمان اتعرفنا على الزرد والمسامير وعرفنا اشكالهم

النهارده ان شاء الله هانتعلم نعمل حلق بسيط باستخدام المسمار والزرد

وده تقريبا نفس شكل الحلق اللي هانعمله النهارده
رد: دورة تعليم الاكسسوارات (متجدد بإذن الله)



رد: دورة تعليم الاكسسوارات (متجدد بإذن الله)

اولا : -
احنا عرفنا خلاص الادوات بتاعتنا المرة اللي فاتت وهاتفضل معانا ونشوف هانستعملها ازاي وكل حاجه هانستعملها في ايه بالظبط

هانعمل حلق يشبة الصورة ولكن ثلاث خرزات بس مش اربعه هانحتاج اربع خرزات ازرق واتنين لولي بني وشوية مسامير وشوية زرد واتنين عليقة الحلق ( بالنسبة لعليقة الحلق بتتباع جاهزة عند نفس المحلات السابق ذكرها ودي سعرها الدستة بتلاته جنية وبرضو فيه منها الدهبي والفضي والاوكسيدية)

ودي صوره الخامات اللي هانشتغل بيها
رد: دورة تعليم الاكسسوارات (متجدد بإذن الله)


أولا هانجيب الخرز الازرق واللولي وندخل فيهم المسمار بالشكل ده

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

ثانية بالزرادية المدببه شوية دي هانتني المسمار بزاوية قايمة بالشكل ده

رد: دورة تعليم الاكسسوارات (متجدد بإذن الله)

وبعدين طبعا احنا المفروض بلف الجزء ده بحيث انه يعمل حلقة زي اللي موجوده اساسا في المسمار بس ده بيتوقف على شكل وحجم الخرزة اللي احنا حطينها ياعني هنا الباقي من المسمار ده طويل على انه يتلف ويتعمل حلقه فاحنا بنقوم بقص الزيادة بالقصافه بحيث اننا نسيب مسافه حوالي نص عقله الاصبع كده بالشكل ده

رد: دورة تعليم الاكسسوارات (متجدد بإذن الله)

بعدين بنلف الجزء الفاضل من المسمار بواسطه الزرادية ذات الرأس المدور بالشكل ده

رد: دورة تعليم الاكسسوارات (متجدد بإذن الله)

وده فيديو بطريقة لف الجزء التاني من المسمار بالتفصيل للي مقدرش يوضحها بالظبط من الصور




وده هايبقى شكلها بعد ما لفينا الجزء التاني من المسمار

رد: دورة تعليم الاكسسوارات (متجدد بإذن الله)

وطبعا بنكرر نفس الطريقة مع باقي الخرز واللولي اللي عندنا بالشكل ده

رد: دورة تعليم الاكسسوارات (متجدد بإذن الله)

كده مش فاضل غير اننا نشبك الحاجات دي في بعضها بواسطة الزرد

رد: دورة تعليم الاكسسوارات (متجدد بإذن الله)


اولا هانجيب زردة ونفتحها وهانستخدم الزرادية العاديه والتانية المدببة واحده بنمسك بيها والتانية بنفتح بيها بالشكل ده بنمسك الزردة بالبنسة المدببة ونفتحها بالتانية العادية
رد: دورة تعليم الاكسسوارات (متجدد بإذن الله)

ودي بعد ما تتفتح هاتبقى بالشكل ده واحب اقول ملحوظة هنا اننا مش بنفتح الزردة بالعرض لاء بنفتحها لقدام ولورا ياعني مش بنشد واحنا ماسكين على اليمين والشمال لاء بنزقها رأسي مش افقي بالشكل ده بحيث ان شكل الزردة ميتغيرش ياعني نفتحها ونقفلها وتفضل على شكلها المتساوي والصورة هاتوضح النقطه دي ركزو في شكل الزرده وهيا مفتوحة هاتعرفو انا قصدي ايه
رد: دورة تعليم الاكسسوارات (متجدد بإذن الله)

بعد كده بنجيب العليقة بتاعت الحلق وندخلها في الزردة بالشكل ده

رد: دورة تعليم الاكسسوارات (متجدد بإذن الله)

وبعدين نفتح الزردة تاني وندخل فيها خرزة زرقاء بالشكل ده
رد: دورة تعليم الاكسسوارات (متجدد بإذن الله)


وبنفس الطريقة ندخل زردة في الخرزة الزرقا وبعدها واحده لولي بني بالشكل ده

رد: دورة تعليم الاكسسوارات (متجدد بإذن الله)

وكمان نكمل ونحط خرزة زرقا بعد اللولي البني بالشكل ده

رد: دورة تعليم الاكسسوارات (متجدد بإذن الله)

وكده بنكون خلصنا الفردة الاولى من الحلق وبنفس الطريقة هانعمل الفردة التانية وحسب ذوقنا عايزين الحلق طويل قصير ممكن نعمله واحده لولي بس ممكن نعمله كله لولي كله خرز واللي في الصورة معمول اربعه مش تلاته طبعا الاذواق دي تبعكم بقى ابدعو فيها براحتكم وده الشكل النهائي اللي بيكون عليه الحلق
رد: دورة تعليم الاكسسوارات (متجدد بإذن الله)

بالنسبة للكروت دي يا جماعه دي اختراعي انا بدل من الليبل او التكت لاني كنت محتاره اشبك الحاجات في اية ودي برضو هاتلاقوها هناك في نفس المكان عند الناس اللي بتبيع حاجات المكتبات واكياس الهدايا والحاجات دي وسعرها حوالي 18 جنية للباكت كلها وبيكون فيها تقريبا 100 كارت
-------------------
وبكده نكون عرفنا ازاي نستعمل المسامير والزرد وعرفنا ازاي نعمل حلق وبنفس الطريقة ممكن نعمل عقد بدل ما نركب عليقة الحلق نكمل تشبيك الخرز في بعضه بواسطة الزرد لحد الطول المناسب لينا ونعمل عقد بنفس الطريقة مفيهاش اي تغيير وبالخيط الشفاف المطاط ممكن نعمله غويشة كمان نكون عملنا طقم جميل بايدينا

رد: دورة تعليم الاكسسوارات (متجدد بإذن الله)



إظهار التوقيع
توقيع : happy 5o5a
#3

افتراضي رد: دورة تعليم الاكسسوارات (متجدد بإذن الله)

عسل يا خوخا
جديد وجميل
بس من فين بنجيب الخامات
مش الخرز طبعا

إظهار التوقيع
توقيع : بسم الله
#4

افتراضي رد: دورة تعليم الاكسسوارات (متجدد بإذن الله)

احلى تقيم ليكى يا قمر على المجهود
#5

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة بسم الله
عسل يا خوخا
جديد وجميل
بس من فين بنجيب الخامات
مش الخرز طبعا
انتى اللى عسل والله
ربنا يكرمك
الخامات دى حبيبتى البنس والزرادية
دول اسئلى عليهم بتوع الدهب قوليلهم اجيب الحاجات دى منين وهما هيدلوكى او اسئلى المحلات الكبرى اللى بتبيع الخرز والحاجات دى
ويارب تلاقيهم حبيبتى
وعلى فكرة شغل الاكسسوار دا ممكن يبقى شغل ليكى ويجيبلك دخل او ممكن انك تعملى الاكسسوارات دى لنفسك ولأولادك واحلى حاجه انها هتبقى من صنع ايدك

إظهار التوقيع
توقيع : happy 5o5a
#6

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام نونا
احلى تقيم ليكى يا قمر على المجهود
نورتينى حبيبتى
وشكرااا للتقييم
وحاولى تجربى كدا وورينى شغلك
وأى سؤال انا معاكى

إظهار التوقيع
توقيع : happy 5o5a
#7

افتراضي رد: دورة تعليم الاكسسوارات (متجدد بإذن الله)

يتصفح الموضوع حالياً : 12 (2 عدلات و 10 زائرة)
إظهار التوقيع
توقيع : happy 5o5a
#8

افتراضي رد: دورة تعليم الاكسسوارات (متجدد بإذن الله)

تسلم الايادى
انا بحب الاعمال الفنيه الجميله دى
وان شاء الله هنتعلم منك حاجات حلوة
جزاكى الله خيرا

إظهار التوقيع
توقيع : روضه
#9

افتراضي رد: دورة تعليم الاكسسوارات (متجدد بإذن الله)

احلي تقييم وبارك الله فيكي استفدت ماشاء الله عليكي
#10

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة روضه
تسلم الايادى
انا بحب الاعمال الفنيه الجميله دى
وان شاء الله هنتعلم منك حاجات حلوة
جزاكى الله خيرا
شكرااا ياحبيبتى
نورتينى

إظهار التوقيع
توقيع : happy 5o5a
#11

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة زين الورد
احلي تقييم وبارك الله فيكي استفدت ماشاء الله عليكي
شكراااا ليكى حبيبتى
يارب كلكو تكونو استفدتو

إظهار التوقيع
توقيع : happy 5o5a
#12

افتراضي رد: دورة تعليم الاكسسوارات (متجدد بإذن الله)

ماشاء الله
تسلم الايادى
هتعلم عشان اعمل لبنتى الصغيرة
يا خوخه
منتحرمش منك

إظهار التوقيع
توقيع : أميرة القصر
#13

افتراضي رد: دورة تعليم الاكسسوارات (متجدد بإذن الله)

كان نفسى اقيم بس رفض
يلا الموضوع الجاى ان شاء الله

إظهار التوقيع
توقيع : أميرة القصر
#14

افتراضي رد: دورة تعليم الاكسسوارات (متجدد بإذن الله)

ان شاء الله لما اجيب الادوات اطبق
إظهار التوقيع
توقيع : Belle Rose
#15

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة مع الله
ماشاء الله
تسلم الايادى
هتعلم عشان اعمل لبنتى الصغيرة
يا خوخه
منتحرمش منك
شكراا ياحبيبتى
نورتينى والله

إظهار التوقيع
توقيع : happy 5o5a
#16

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة مع الله
كان نفسى اقيم بس رفض
يلا الموضوع الجاى ان شاء الله
ولا يهمك حبيبتى
اكنك قيمتى واكتر

إظهار التوقيع
توقيع : happy 5o5a
#17

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة lolla14
ان شاء الله لما اجيب الادوات اطبق
ان شاء الله ياحبيبتى
وشكرا ليكى

إظهار التوقيع
توقيع : happy 5o5a
#18

افتراضي رد: دورة تعليم الاكسسوارات (متجدد بإذن الله)

ماشاء الله عليكي ياخوخه وعلى مواضيعك جميل جدا انك تعرفينا طريقة عمل الأكسوار موضوع اكثر من هايل واحلى تققيم لعيونك ياقمر
#19

افتراضي رد: دورة تعليم الاكسسوارات (متجدد بإذن الله)

شكرا لك اختي وانا هدا شغلي بصمم وبعمل اكسسورات للموبايل وللحلق وكثير شغلات انا بجهز مجموعة
كبيرة ومتكاملة من الاكسسوارت وانشاء الله اعرضها بالمنتدى عن قريب

#20

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام الاء وبيان
شكرا لك اختي وانا هدا شغلي بصمم وبعمل اكسسورات للموبايل وللحلق وكثير شغلات انا بجهز مجموعة
كبيرة ومتكاملة من الاكسسوارت وانشاء الله اعرضها بالمنتدى عن قريب
العفو حبيبتى
ماشاء الله عليكى ممتازة وربنا يوفقك يارب

إظهار التوقيع
توقيع : happy 5o5a
#21

افتراضي رد: دورة تعليم الاكسسوارات (متجدد بإذن الله)

شكرااااا لتثبيت موضوعى
رد: دورة تعليم الاكسسوارات (متجدد بإذن الله)

إظهار التوقيع
توقيع : happy 5o5a
#22

افتراضي رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

#23

افتراضي رد: دورة تعليم الاكسسوارات (متجدد بإذن الله)

السلام عليكم ورحمة الله وبركاته يا احلى عدولات
قبل م ابدأ درس النهارده
عايزة بس اوريلكم
انواع الخرز
عشان لو فى واحدة منكم متعرفش فى الانواع
وعشان اما تحبى تشترى تعرفى انتى محتاجه ايه ومش محتاجه ايه


رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

اول نوع من الخرز هو النوع الزجاجى
زى دول كدا



رد: دورة تعليم الاكسسوارات (متجدد بإذن الله)




رد: دورة تعليم الاكسسوارات (متجدد بإذن الله)



ودا البلاستك
وممكن تعملى منه حاجات حلوة اوى خصوصا للبنوتات الصغار



رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)


ودا الخشبى
ومش دايما بيبقى موضه
بيجيله اوقات يبقى موضه جداا
واوقات تانية مبيبقاش شغال خالص


رد: دورة تعليم الاكسسوارات (متجدد بإذن الله)



رد: دورة تعليم الاكسسوارات (متجدد بإذن الله)


رد: دورة تعليم الاكسسوارات (متجدد بإذن الله)




رد: دورة تعليم الاكسسوارات (متجدد بإذن الله)





رد: دورة تعليم الاكسسوارات (متجدد بإذن الله)




ودا النوع المعدنى

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)




رد: دورة تعليم الاكسسوارات (متجدد بإذن الله)
رد: دورة تعليم الاكسسوارات (متجدد بإذن الله)







رد: دورة تعليم الاكسسوارات (متجدد بإذن الله)




رد: دورة تعليم الاكسسوارات (متجدد بإذن الله)




رد: دورة تعليم الاكسسوارات (متجدد بإذن الله)




عاج



رد: دورة تعليم الاكسسوارات (متجدد بإذن الله)




رد: دورة تعليم الاكسسوارات (متجدد بإذن الله)




رد: دورة تعليم الاكسسوارات (متجدد بإذن الله)





رد: دورة تعليم الاكسسوارات (متجدد بإذن الله)


رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

كريستال
ودا طبعا غالى
لكن في منه التقليد وهنشوفه دلوقت




رد: دورة تعليم الاكسسوارات (متجدد بإذن الله)




رد: دورة تعليم الاكسسوارات (متجدد بإذن الله)



رد: دورة تعليم الاكسسوارات (متجدد بإذن الله)

تقليد الكريستال



رد: دورة تعليم الاكسسوارات (متجدد بإذن الله)


























رد: دورة تعليم الاكسسوارات (متجدد بإذن الله)


رد: دورة تعليم الاكسسوارات (متجدد بإذن الله)



رد: دورة تعليم الاكسسوارات (متجدد بإذن الله)


رد: دورة تعليم الاكسسوارات (متجدد بإذن الله)


رد: دورة تعليم الاكسسوارات (متجدد بإذن الله)

الترتر
ودا طبعا فى منه اشكال كتير جدااا وممكن نستخدمه فى صناعة الاكسسوارات
ودى بعض اشكاله



رد: دورة تعليم الاكسسوارات (متجدد بإذن الله)





رد: دورة تعليم الاكسسوارات (متجدد بإذن الله)





رد: دورة تعليم الاكسسوارات (متجدد بإذن الله)





رد: دورة تعليم الاكسسوارات (متجدد بإذن الله)



إظهار التوقيع
توقيع : happy 5o5a
#24

افتراضي رد: دورة تعليم الاكسسوارات (متجدد بإذن الله)

طيب قبل م ابدأ الدرس
اكيد فى منكم بيحبو الموضوع دا وحابين يشتغلو فيه
ودا هيكون مصدر دخل كويس ليهم
بس اهم حاجه تعرفى ازاى تسوقى المنتج بتاعك عن طريق الاصدقاء ولازم تعملى حساب على الفيس بوك عشان تعرضى فيه شغلك
دا غير المنتديات اللى هتعرضى فيها شغلك
.
.
..طيب ازاى هتحسبى تمن الشغل اللى انتى عملتيه
مثلا لو عملتى حلق او عقد
ازاى تحسبى التكلفة اللى انتى دفعتيها
وازاى تحددى الثمن اللى هتقدرى من خلاله تحددى ربحك
* اول حاجه واهم حاجه يبقى عندك الميزان الحساس اللى اتكلمنا عنه فى اول الموضوع خالص
*طيب انا جبته خلاص اعمل ايه بقى
...بصى
سمى الله
(طريقة حساب التكلفة)

نفترض اننا اشترينا ربع كيلو لولي ب 10 جنية ياعني ( 250 جرام ب 10 جنية )
نقسم العشرة جنية على ال 250 جرام عشان نطلع تكلفه الجرام الواحد كام

10 % 250 = 0.04 للجرام الواحد
وبنفس الطريقة بنحسب تكلفه الزرد والمسامير واي حاجه احنا شاريينها هانستخدمها وفيه حاجات بتكون كبيرة بتتباع بالواحده برضو بنحسبها وكمان بنحسب مصاريفنا بنشوف مواصلاتنا كام وبنقسمها على عدد الحاجات اللي اشتريناها في اليوم ده ياعني لو نزلت صرفت مثلا 10 جنية مواصلات واشتريت بس ربع كيلو لولي ب 10 جنية يبقى اضيفها عليه لو اشتريت نوعين خامات لولي وخشب او اي حاجه تانية اقسم العشرة نصين على ربع كيلو اللولي خمسة جنية وعلى الخامه التانية خمسة وهكذا

وكذلك الخيط بكرة الخيط الراجل بيقولك دي حوالي كام متر وبتشوفي سعرها كام وبتقسمي السعر على عدد الامتار

وبكده لما تعملي عقد مثلا بتوزنيه و بتشوفي اخد كام جرام 50 مثلا بتضربيهم في الرقم اللي طلعناه للجرام الواحد ياعني 50 * 0.04

وبالنسبة للخيط بتقيسي بالمازورة اخدتي كام سنتيمتر من البكرة وبتبقي حاسبه السنتيمتر الواحد بكام وبرضو بتضربيه وبكده نكون عرفنا نحسب التكلفه بالتماااااااااام من غير ما ننسى ولا حاجه ولا تضيع مننا حاجه وبعد كده بنضيف مجهودنا زي ما احنا شايفين وعلى اساسه بنحدد السعر

معلش انا طولت في الموضوع ده شوية لان فيه ناس كتير بتحتاس ومش بتبقى عارفه تحسب التكلفة وبتخسر كتير بسبب الموضوع دا عشان كده حبيت اقول الموضوع باستفاضه شوية كتير عشان نبقى على درايه بكل حاجه من الالف الى الياء

يارب تكونو فهمتونى
انا عارفة ان المفروض الملحوظة دى كانت تتحط فى اول الموضوع
بس والله تاهت عن بالى معلش
واى سؤال انا معاكو اهه

إظهار التوقيع
توقيع : happy 5o5a
#25

افتراضي رد: دورة تعليم الاكسسوارات (متجدد بإذن الله)


النهارده ان شاء الله هانعمل انسيااااال جميييل وسهل ولذيذ جداا ومش هايكلفك حاجه خااااالص

الادوات اللي هانحتاجها هى :-

[IMG]https://files.***- .com/2009/9/1253948668.jpg[/IMG]

قطعه سلسله طبعا السلاسل بتتباع بالمتر بنجيب حته على اد ايدينا نقيسها ونقطعها وطبعا السلاسل فيه منها اشكال كتير ورفيع وتخين وفضي ودهبي والوان كمان
المهم نختار السلسلة اللي عايزينها وكمان اكيد هانحتاج مجموعه من الخرز الاشكال اللي نحبها هنا مستخدمين 3 اشكال مختلفه من الخرز وهانحتاج قفل للانسيال وشوية مسامير من اللي ليها راس زي راس الدبوس وشوية زرد صغيرين اصغر مقاس وطبعا الزراديات بتاعتنا هاتكون معانا

هانبتدي الاول هانعمل اسهل حاجه اننا نركب القفل بتاعنا في احد اطراف السلسلة بنجيب زرده ( احنا خلاص بقينا محترفين وعارفين ياعني ايه زرد كدا ولا اييييه [IMG]https://files.***- .com/bigsmilies/mood4.gif[/IMG]واللي نسيت تراجع في اول صفحه تمام )
نجيب زرده ونفتحها وندخل فيها القفل وندخل فيها حلقه من حلقات السلسلة ونقفل الزرده بتاعتنا تاني كويس تمام

بعد كده هانجيب مسمار ونحط فيه الخرز بالترتيب اللي نحبه بالشكل ده

[IMG]https://files.***- .com/2009/9/1253949015.gif[/IMG]

بعد كده نثني المسمار زي ما اتعلمنا قبل كده بالشكل ده


[IMG]https://files.***- .com/2009/9/1253949078.gif[/IMG]

وبعد كده نكمل زي ما اتعلمنا نقص منه جزء ونقفل الباقي لعمل حلقه صغيرة ( راجعوا الفيديو )

بس قبل ما نقفل الحلقه للاخر بنشبكها في السلسلة الاول وبعدين نكمل اغلاقها بالشكل ده

[IMG]https://files.***- .com/2009/9/1253949162.gif[/IMG]

لو ركزتوا هاتلاقونا سايبين الحلقه مفتوحه حته صغيرة ندخلها في السلسلة وبعدين نقفل عليها على طول

[IMG]https://files.***- .com/2009/9/1253949213.gif[/IMG]

لحد ما نوصل للشكل ده

اللي مش عارف يعمل كده ممكن يعمل حاجه تانية اسهل اننا نتني المسمار ونقفله زي ما اتعلمنا قبل كده ونجيب الزرد الصغير ونفتحها وندخل فيها الخرزة اللي احنا عملناها وندخل فيها حلقه من حلقات السلسله وبعدين نقفلها زي ما عملنا في الدرس الاول بتاع الحلق وشبكنا الخرز اللبني واللولي البني مع بعض بالزرد

بعد كده هانكمل باقيه تركيب في السلسلة بنفس الطريقة لحد ما نوصل للشكل ده

[IMG]https://files.***- .com/2009/9/1253949402.jpg[/IMG]

ونركب في اخر الانسيال زرده عشان القفل يبقى يقفل فيها وبس بكده نكون انتهينا من عمايل انسيال لذيييييييذ جدا جدا وشكله شيك وكله يتوقف في الاخر على ذوقك انتي واختيارك للاشكال والالوان وتناسقها مع بعضها

وطبعا الاشكال لا تنتهي ودي بعض منها حاجات تحفه طبعا وبنفس الطريقة المختلف الخامات بس يلا شوفوا واتحمسوا من جمالها [IMG]https://files.***- .com/smilies/smile.gif[/IMG]

رد: دورة تعليم الاكسسوارات (متجدد بإذن الله)

دي مستعملين فيها طبعا باين انه لولي طبيعي وكريستالات واحجار وباين من شكل السلسلة انه فضه ولكن الطريقة نفسهاااااااا


رد: دورة تعليم الاكسسوارات (متجدد بإذن الله)

ودي نفس الطريقة بس شوفوا تركيبات الاشكال وتنسيقها مربعات مع حجمين مختلفين او تلاته من الكريستالات الحمراء شكلها طبعا تحفه

والاشكال ملهاش حصر واطلقي العنان لذوقك الجميل واتمنى يكون درس سهل واللي محتاج اي شرح اكتر او تفصيل في اي نقطه معينة يقولي وانا تحت امرة

واتمنى انه يحوز على اعجابكم باذن الله ياعدولاااات
واتمنى انكم تستفادو بإذن الله


إظهار التوقيع
توقيع : happy 5o5a
#26

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ريحانة الجنه
رد: دورة تعليم الاكسسوارات (متجدد بإذن الله)
رد: دورة تعليم الاكسسوارات (متجدد بإذن الله)

إظهار التوقيع
توقيع : happy 5o5a
#27

افتراضي رد: دورة تعليم الاكسسوارات (متجدد بإذن الله)

شكرا حبيبتي خوخا وماشاء الله عليك استاذة بمعنى الكلمة واي مبتداة ممكن تطبق دروسك بسهولة لبراعتك في التوضيح كثر الله من امثالك وجعلك الله من الدالات على الخير دائما
#28

افتراضي رد: دورة تعليم الاكسسوارات (متجدد بإذن الله)

جزاكى الله خيرا يا قمر ومستنيين نتعلم منك اكثر علشان انا بحب الاكسسوار جدا
#29

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام الاء وبيان
شكرا حبيبتي خوخا وماشاء الله عليك استاذة بمعنى الكلمة واي مبتداة ممكن تطبق دروسك بسهولة لبراعتك في التوضيح كثر الله من امثالك وجعلك الله من الدالات على الخير دائما
ربنا يكرمك حبيبتى
والله الكلام دا كتير عليا اوى ربنا يكرمك
ان شاء الله تستفيدو كلكو
وشكرااا على زوقك حبيبتى

إظهار التوقيع
توقيع : happy 5o5a
#30

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة سهير سمير
جزاكى الله خيرا يا قمر ومستنيين نتعلم منك اكثر علشان انا بحب الاكسسوار جدا
شكرا حبيبتى للدعوة الحلوة دى
وان شاء الله ابقى عند حسن ظنكم بيا
شرفتينى ياقمر

إظهار التوقيع
توقيع : happy 5o5a
#31

افتراضي رد: دورة تعليم الاكسسوارات (متجدد بإذن الله)

رائعة .. شكرا جزيلا
إظهار التوقيع
توقيع : همس الوجود
#32

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة همس الوجود
رائعة .. شكرا جزيلا
العفو حبيبتى
شكرا ليكى
نورتينى فى موضوعى

إظهار التوقيع
توقيع : happy 5o5a
#33

افتراضي رد: دورة تعليم الاكسسوارات (متجدد بإذن الله)

تسلمى يا قمر
إظهار التوقيع
توقيع : ♥ احبك ربى ♥
#34

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ♥ احبك ربى ♥
تسلمى يا قمر
العفو حبيبتى
نورتينى

إظهار التوقيع
توقيع : happy 5o5a
#35

5 98 رد: دورة تعليم الاكسسوارات (متجدد بإذن الله)




بسم الله الرحمن الرحيم
النهارده ياعدولات هنتعلم طريقة عمل حلق سهل اوووووى
وشييييييييك جدا وبسيط
يارب يعجبكم


دى الخامات اللى هنستخدمها وانتى وزوقك بقى

رد: دورة تعليم الاكسسوارات (متجدد بإذن الله)

زي ما احنا شايفين في الصورة طبعا اتنين شنكل حلق وشوية مسامير وحبه كريستالات احمر وقطعتين من السلاسل طول بعض على حسب ما بنحب طول الحلق

هناخد اولا شنكل الحلق وقطعه سلسلة ونمسك السلسلة من النص ونشبكل فيها شنكل الحلق بحيث انه تبقى فرده الحلق الواحده نازل منها سلسلتين وممكن نخليهم متساويين وممكن نخليهم واحده اقصر من التانية بيبقى شكلها احلى زي الصورة دي كده

رد: دورة تعليم الاكسسوارات (متجدد بإذن الله)

تمام

بعد كده بناخد الكريستالات بتاعتنا كلها ندخلها في المسامير لحد ما تبقى بالشكل ده طبعا احنا احترفنا خلاص وعرفنا بنوصل للشكل ده ازاي

رد: دورة تعليم الاكسسوارات (متجدد بإذن الله)

لو اخدتوا بالكم هاتلاقوا ان الحلقه مش مقفوله للاخر سايبينها مفتوحه حته صغيرة عشان نعرف نركبها في السلسلة وبعد كده نقفل عليها كويس زي طريقة الانسيال اللي فاتت

نبتدي نركب الكريستالات الكبيرة في اطراف السلسلة والكريستالات الصغيرة نبتدي نوزعها بطريقه عشوائية على باقيه السلسلة بالشكل ده

رد: دورة تعليم الاكسسوارات (متجدد بإذن الله)

ونخلي بالنا اننا نقفل الحلقات كويس بعد ما نركبها عشان دي مشكلة بتواجه المبتدئين وهيا قفله الحلق والزرد ممكن يكون فيه فتحه صغيرة اوي اوي متبقوش متخيلين انها ممكن تخرج السلسله منها وتفوجؤا ان الحاجات بتتفك حصلت معايا كتير اول ما اتعلمت وكمان ممكن تكون نهاية الحلقه مستخبيه جوا الخرزة نفسها واحنا مش واخدين بالنا انها مش مقفوله كويس

وفي الاخر بنوصل للشكل النهائي للحلق واللي هو ده

رد: دورة تعليم الاكسسوارات (متجدد بإذن الله)


ايه رأيكم سهل ؟؟؟؟ وطبعا مش هاقولكم عيشوووا حياتكم حلقان اشكال والوان واحجام زي ما تحبوا [IMG]https://files.***- .com/smilies/smile.gif[/IMG]


اتمنى يكون عجبكم ياعدولات ان شاء الله [IMG]https://files.***- .com/bigsmilies/mood0.gif[/IMG]


إظهار التوقيع
توقيع : happy 5o5a
#36

افتراضي رد: دورة تعليم الاكسسوارات (متجدد بإذن الله)

حلوين كثير ومنتهى السهولة والوضوح وتستحقي احلى تقييم
#37

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام الاء وبيان
حلوين كثير ومنتهى السهولة والوضوح وتستحقي احلى تقييم
رد: دورة تعليم الاكسسوارات (متجدد بإذن الله)
نورتينى ياقمر
وشكراااا للتقييم

إظهار التوقيع
توقيع : happy 5o5a
#38

مميز رد: دورة تعليم الاكسسوارات (متجدد بإذن الله)

السلام عليكم ورحمة الله وبركاته
جبتلكم درس جااااااااامد جدااااااااا مش جامد ياعني صعب لالالالا خالص جامد ياعني حلوووو وشكله جميل واتمنى يعجبكم ان شاء الله

بسم الله الرحمن الرحيم

هانشتغل النهارده بغرزة للخرز الغرزة دي سهله جداااا جدااا جدااا لو بس ركزتوا شوية في فكرتها مش هاتلاقوها صعبه ابدا وممكن يتعمل منها حاجات كتير اوي اوي انسيال او حزام او حتىىى مفرررررررش ايوة مفررش بحاله ممكن والغرزة دي ليها بترونات كتييير جداااا وهانبدأ النهارده بعمل ابسط حاجه منها وهيا الانسيال

هيا اساس عملها اصلا بالخرز الصغير اوي اللي احنا بنسميه خرز نمنم مبدئيا ممكن نحتاج لون واحد او لونين من الخرز ولو حابين اكتر مفيش مشكلة

الخامات بتاعتنا هانحتاج لونين من الخرز النمنم او اكبر شوية لو حابين ومجموعه من الفصوص اللزق وده شكلها ومنها احجام واشكال كتير

كمان هانحتاج خيط عندنا كذا نوع خيط ممكن نستعمله ممكن نستعمل الخيط الشفاف الموجود صورته في اول الموضوع بس في الطريقة دي بيكون الشغل واقف شوية وممكن نستعمل خيط عادي بتاع الخياطه بس يكون جامدوده احلى لانه بيخلي الشغل طري والافضل من الاتنين خيط اسمه خيط حرير ده بيدي ميزة الخيط العادي وفي نفس الوقت جاااااااااااامد جداا منقدرش نقطعه بايدينا زي ما بنعمل في الخيط العادي لازم مقص

اولا هاندخل في الخيط عدد من الخرز النمنم وناخد بالنا ان ده هايكون عرض الانسيال اللي هانعمله او الاسورة اللي هانعملها ياعني على حسب ذوقنا عايزينها عريضه او متوسطه او رفيعه بالشكل ده وخدو بالكم من الصور والسهم دا معناه اتجاااااه الخيط ركزووووو


[IMG]https://files.***- .com/2009/10/1254779538.gif[/IMG]



وزي ما شايفين في الصورة اللي فاتت دي احنا دخلنا 13 خرزة بالظبط وزي ما شايفين برضو السهم ده بيعبر عن الخيط وهانعمل زي ما هو مرسوم كده بالظبط بعد ما ندخل الخرز كله هانسيب خرزتين وندخل الخيط في تالت خرزة ونطلعه بعديها زي الصورة دى
رد: دورة تعليم الاكسسوارات (متجدد بإذن الله)


هايحصلنا الشكل ده هانلاقي الخرزتين اللي سيبناهم بقوا فوق بعض بالشكل ده وبنخرج الخيط من بعد الخرزة التالته

ونكمل ندخل خرزة ونسيب واحده وندخل الخيط في اللي بعديها

رد: دورة تعليم الاكسسوارات (متجدد بإذن الله)


ياعني واحده اه وواحده لاء لحد ما نوصل لآخر الصف

بعد كده

رد: دورة تعليم الاكسسوارات (متجدد بإذن الله)


مركزين معايا ولاتهتو ياعدولاااااااااااات
بعد كده هانقلب الشغل في ايدينا زي ما بنعمل في الكروشية ونبتدي الصف التاني زي الصورة والسهم مهو مرسوم كده بالظبط

بعد ما نكمل هانلاقي الشكل عندنا اصبح كده
[IMG]https://files.***- .com/2009/10/1254780019.gif[/IMG]

بنوصل للطول المناسب للاسورة او الانسيال بتاعنا وبعد كده بنوصل لعقده النهاية

[IMG]https://files.***- .com/2009/10/1254780084.gif[/IMG]

بنعقد الخيط في اي مكان في وسط الخرز عشان ميبانش ولو فيه كمان اي نوع من الماده اللاصقه زي مسدس الشمع او غراء شفاف بنحط مسحه صغيرة جدا عشان تمسك الخيط اوي

بعد كده بنركب القفل بتاعنا من الجانبين بالخيط عادي كاننا بنخيطه في اي حاجه

[IMG]https://files.***- .com/2009/10/1254780193.gif[/IMG]
بنركبه بطريقه عشوائية وزي ما شايفين الاسهم بندخله بين الخرز ونثبته كويس وفي الجنب التاني ممكن نركب بنفس الطريقة زرده او سلسلة على حسب ما نحب

وممكن نستغنى عن القفل خالص ونركب بداله واحده لولي كبيرة بنفس الطريقة ومن الجانب التاني نعمل شوية خرز صغيرين كانهم عروة

وبعد كده ياعدولة نلزق الفصوص بتاعتنا بالشكل واللون اللي نحبه وبيكون عندنا انسيال جميل بالشكل ده

رد: دورة تعليم الاكسسوارات (متجدد بإذن الله)


وهنا مش مستخدمين قفل مستخدمين طريقة العروة وشكلها لذيذ جدااا

طبعا ممكن يكون لسه الشرح ده مش واضح عشان كده جبتلكم شوية فيديوهات تحفه







واللي عايز يعمل بحث على الغرزة دي بالذات واشكال الحاجات اللي بتتعمل بيها اسمها Peyote Stitch

ودي اسورة ساده معموله بنفس الطريقة

رد: دورة تعليم الاكسسوارات (متجدد بإذن الله)
يلا ياعدولاااااااات
قولولى رأيكم ويلا جربو واشتغلو بإديكم
مستنية اسئلتكم وتعليقاتكم


إظهار التوقيع
توقيع : happy 5o5a
#39

افتراضي رد: دورة تعليم الاكسسوارات (متجدد بإذن الله)

حلوين كثير تسلمي يا خوخا وفي انتظار الدرس الجديد
#40

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام الاء وبيان
حلوين كثير تسلمي يا خوخا وفي انتظار الدرس الجديد
اشكرك حبيبتى لأهتمامك بموضوعى


رد: دورة تعليم الاكسسوارات (متجدد بإذن الله)

إظهار التوقيع
توقيع : happy 5o5a
#41

مميز رد: دورة تعليم الاكسسوارات (متجدد بإذن الله)

السلام عليكم ورحمة الله وبركاته
ازيكم ياعدولات
النهارده الدرس بتاعنا تكملة للدرس اللى فات
وانا جايبالكم نماذج ممكن تنفذوها عملى

رد: دورة تعليم الاكسسوارات (متجدد بإذن الله)

بس طبعا اللعب بالالواااااااااااااان جامد جدااا [IMG]https://files.***- .com/bigsmilies/mood4.gif[/IMG]
طيب كدا انا علمتك ازاى تعملى الانسيال المستطيل
بس ازاى بقى هتعملى الانسيال المبروم زى اللى فى الصورة فوق بقى

بصى ياستى
دا فيديو هيعلمك ازاى تعمليه
هو مكون من جزأين
دا الجزء الاول



ودا الجزء الثانى



وبكدا بقى ابقى انا اديتك الطريقتين

يلا كفاية كدا النهارده عشان تقدرو تفهمو كويس
يلا سلااااااام


إظهار التوقيع
توقيع : happy 5o5a
#42

افتراضي رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

إظهار التوقيع
توقيع : ام هنا
#43

افتراضي رد: دورة تعليم الاكسسوارات (متجدد بإذن الله)

بارك الله فيك اختي خوخا اسعدك الله في الدنيا والاخرة
#44

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام هنا
رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)

رد: دورة تعليم الاكسسوارات (متجدد بإذن الله)
العفو حبيبتى
جزاكى الله الجنة

إظهار التوقيع
توقيع : happy 5o5a
#45

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام الاء وبيان
بارك الله فيك اختي خوخا اسعدك الله في الدنيا والاخرة
الحمد لله ان فى حد مهتم بموضوعى
شكراااااا ليكى ياقمر وربنا يكرمك

إظهار التوقيع
توقيع : happy 5o5a
#46

افتراضي رد: دورة تعليم الاكسسوارات (متجدد بإذن الله)

انا اصلا كل مادخلت للمنتدى بشوف موضوعك اذا نزلت فيه شئ جديد
#47

رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام الاء وبيان
انا اصلا كل مادخلت للمنتدى بشوف موضوعك اذا نزلت فيه شئ جديد
عشان خاطر عيونك هجهز درس جديد حالا وهنزله على طوووووووووول
شكراااا ليكى ياقمر

إظهار التوقيع
توقيع : happy 5o5a
#48

2131 1168506062 رد: دورة تعليم الاكسسوارات (متجدد بإذن الله)

وعشان كل العدولااااااات وخصوصا ام الاء وبيان
جبتلكم طريقة عمل اسورة من الخرز
ياااارب تعجبكم

طريقة عمل أسورة من الخرز بطريقة مبتكرة ومميزة ...

.رد: دورة تعليم الاكسسوارات (متجدد بإذن الله)

الأول دي الحاجات اللي هنحتاجها



سلك نحاس

حلقتين صغيرين زي اللي في الصورة فوق اللى هما فى الطرف اللى ماسكين فى الاكسسوار بتاع القفل

خرز اسود متوسط الحجم
خرز (خرج نجف طويل) لونه دهبي أو بيج
للقفل نجيب الحلقة والعمود الصغير اللي بيدخل فيها

ست خرزات شبه الخرز الاسود بس دهبي

قطعتين النحاس اللي بيمسكوا الخرز والسلك

وفي الآخر حاجة صغيرة كده زي بنسة اسمها زَرَّادية مع شدة على الراء

دي شبه البنسة الكبيرة دي بتاعت النجارة تقريبا بس على صغنوووون

الحاجات دي بقى منيييين؟؟

من عند أي محل خردوات أو أدوات الخياطة وبتوع الخرز

هما غالبا بيكونوا في مكان واحد جنب بعض بيبيعوا الحاجات دي يعني

وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا


نيجي للطريقة بقى

أول حاجة هنجيب واحدة من قطع النحاس مع السلك وتلات خرزات دهبي

ونربطهم بالشكل ده

أهم حاجة ماننساش في النص لازم يكونوا سلكين

رد: دورة تعليم الاكسسوارات (متجدد بإذن الله)


ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر

.رد: دورة تعليم الاكسسوارات (متجدد بإذن الله)

نبدأ بقى بالجزء اللي في النص

وركزوا فيه
هناخد الأول خرزة سودا نحطها في السلكين

بعدها في كل واحد فيهم نحط واحدة خرج نجف عشان يعمل الشكل ده

رد: دورة تعليم الاكسسوارات (متجدد بإذن الله)

بعدها نلف السلك حولين الجنبين ونضمهم في النص تاني

وممكن لو عرفنا بدل ما نلفه ندخله في الخرز الاسود على الجنبين

أهم حاجة ناخد بالنا من طول السلك يكون طويل شوية لو حبينا نقصره نقصه عادي

بدل مانعمل ومايكفيش في الآخر

رد: دورة تعليم الاكسسوارات (متجدد بإذن الله)

بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا

وتاني نفتحه باتنين خرج نجف ونلفه وهكذا بقى

في الآخر بتوصل بالشكل الجميل اللي شفناه ده بعد مانوصل القفل من الجهتين

.رد: دورة تعليم الاكسسوارات (متجدد بإذن الله)


مستنية اسئلتكم واستفساراتكم

إظهار التوقيع
توقيع : happy 5o5a
#49

2131 1168506062 رد: دورة تعليم الاكسسوارات (متجدد بإذن الله)

وهنزل النهارده درس كمان
طب لييييييييه بقى
عشان انا اتأخرت فى تنزيل الدرس عشان كنت مشغولة حبة
وعشان ام الاء وبيان بتستنانى مخصوص انزل موضوع جديد
ف انا قلت انزل واحد كمان
عشان طووووول الاسبوع ببقى مشغولة فى الكلية
يلا نخش على الدرس

لوتاخدو بالكو الدرس دا قريب اوى من الحلق اللى كنا عملناه قبل كدا
ودى صورة الحلق لو نسيتو


رد: دورة تعليم الاكسسوارات (متجدد بإذن الله)

بس النهارده هننفذ ميدالية للموبايل

ميدالية ممكن تتحط في قلم زي كده

رد: دورة تعليم الاكسسوارات (متجدد بإذن الله)

أو حتى نحطها في الموبايل


نبدأ كالعادة بالخامات اللي هنستخدمها معانا


رد: دورة تعليم الاكسسوارات (متجدد بإذن الله)


هنجيب سلسلة باللون الدهبي أو الفضي زي ماتحبوا

بس طبعا المهم لون السلسلة يكون نفس لون الأسلاك اللي هنستخدمها

وهنستخدم مجموعة من الخرز الشفاف زي الموجود في الصورة
بمختلف أحجامه

اتنين لونهم موف كبار

ومجموعة ألوان على زوقكوا حجمهم أصغر شوية

ومعاهم خرزتين زي اللي استخدمناهم في الحلق

واتنين غيرهم برضه بشكل هندسي كده زي مسدس هندسي زي مانتوا شايفين في الصورة

وغيرهم ست خرزات لونهم دهبي على شكل وردة زي ماحنا شايفين في الصورة برضه

وفاكرين الدبابيس الغير مدببة اللي قولنا عليها قبل كده؟؟

هنستخدمها بس حجم أكبر شوية

وهنسخدم كمان قطعة اكسسوار دهب جواها زي جلد اسود أو كاوتش

عشان نلفها على أي حاجة عايزينها سواء سلسلة صغيرة للموبايل أو على القلم

ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات

ومع الخامات دي هنستخدم مجموعة أدوات تسهل علينا شوية في تشكيل المعادن

أولها طبعا الزرادية وغير كده كمان حاجة شبه البنسة برضه بس أساسها كاتر

يعني بتقطع المعادن وشكلها زي الصورة دي

لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده

وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات

رد: دورة تعليم الاكسسوارات (متجدد بإذن الله)


ودلوقتي نبدأ مع بعض


نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة

رد: دورة تعليم الاكسسوارات (متجدد بإذن الله)


بعد كده هنجيب السلك وندخله في ناحية من الاكسسوار بتاعنا

وبعدين نلفه على السلك الناحية الأولى بالشكل ده

رد: دورة تعليم الاكسسوارات (متجدد بإذن الله)

الجهة التانية من السلك اللي مش مربوطة بالاكسسوار طبعا هنربطها بالسلسلة

اللي عملناها بالخرز في الأول

وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه

واللي هيتم ربطها بالسلسلة

رد: دورة تعليم الاكسسوارات (متجدد بإذن الله)

وفي النهاية بيكون شكلها كده بعد مانحطها على القلم بتاعنا


رد: دورة تعليم الاكسسوارات (متجدد بإذن الله)

وزي ماقلتلكوا في الأول ممكن نحطها في الموبايل
مع زيادة السلاسل بتاعتنا بنفس الطريقة مثلا
وبس كدااااااا ياعدولااااات
ياااارب تستفادو



إظهار التوقيع
توقيع : happy 5o5a
#50

افتراضي رد: دورة تعليم الاكسسوارات (متجدد بإذن الله)

شكرا لك حبيبتي وجزاك الله الفردوس الاعلى في انتظار جديدك
#51

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة ام الاء وبيان
شكرا لك حبيبتي وجزاك الله الفردوس الاعلى في انتظار جديدك
العفو حبيبتى
جزاكى الله كل خير

إظهار التوقيع
توقيع : happy 5o5a
#52

افتراضي رد: دورة تعليم الاكسسوارات (متجدد بإذن الله)

شكراااااا
#53

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة سالى حماده
شكراااااا
العفو حبيبتى

إظهار التوقيع
توقيع : happy 5o5a
#54

افتراضي رد: دورة تعليم الاكسسوارات (متجدد بإذن الله)

تسلم الايادى
إظهار التوقيع
توقيع : قلب واحد
#55

افتراضي رد: دورة تعليم الاكسسوارات (متجدد بإذن الله)

مشكورررررررة على الموضوع ياقمر
#56

افتراضي رد: دورة تعليم الاكسسوارات (متجدد بإذن الله)

very nice
#57

129873 رد: دورة تعليم الاكسسوارات (متجدد بإذن الله)

خقه
#58

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة قلب واحد
تسلم الايادى

المشاركة الأصلية كتبت بواسطة رحيل الحال
مشكورررررررة على الموضوع ياقمر

المشاركة الأصلية كتبت بواسطة PARADAISE
very nice

المشاركة الأصلية كتبت بواسطة CAT 2
خقه
تسلمولى حبيباتى

إظهار التوقيع
توقيع : happy 5o5a
#59

افتراضي رد: دورة تعليم الاكسسوارات (متجدد بإذن الله)

تسلم ايدك يا خوخة موضوع رااائع
إظهار التوقيع
توقيع : لؤلؤة الايمان
#60

افتراضي رد: دورة تعليم الاكسسوارات (متجدد بإذن الله)

تم التقييم ياقمر
إظهار التوقيع
توقيع : لؤلؤة الايمان
#61

افتراضي رد: دورة تعليم الاكسسوارات (متجدد بإذن الله)


المشاركة الأصلية كتبت بواسطة أم وليد
تسلم ايدك يا خوخة موضوع رااائع

المشاركة الأصلية كتبت بواسطة أم وليد
تم التقييم ياقمر
نورتى ام وليد
شكراااا حبيبتى للتقييم

إظهار التوقيع
توقيع : happy 5o5a
#62

افتراضي رد: دورة تعليم الاكسسوارات (متجدد بإذن الله)

السلام عليكم . انا لاأرى صور الموضوع الذي اتابعه فكيف تظهر الصور ؟
#63

افتراضي رد: دورة تعليم الاكسسوارات (متجدد بإذن الله)

تسلم ايدك موضوع جميل
انا جديدة بس الصور مش ظاهرة عندى
جزاكى الله خيرا ع مجهودك

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
كاميرات مراقبة للبيع فى الكويت حورية2016 سوق عدلات النسائي العام
تعرف على كاميرات مراقبة لاسلكية بعيدة المدى حورية2016 سوق عدلات النسائي العام
حلة خبيز العيش والشوى والتحمير الكهربائية السحرية flower.bostany سوق عدلات النسائي العام
#‏دورات_شهر_اغسطس_نوفمبر ‎August_and_November_courses# farah adel سوق عدلات النسائي العام
ترجمة جنة الياسمين سوق عدلات النسائي العام


الساعة الآن 11:17 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل