أو

الدخول بواسطة حسابك بمواقع التواصل

#1

Fly اناشيد مكتوبه للحضانه,مجموعة اناشيد لاطفال الروضه

اناشيد مكتوبه للحضانه,مجموعة اناشيد لاطفال الروضه

من اجمل ذكرياتنا فى الماضى والتى لا تنسى بمرور الزمان هى اناشيد الحضانة فهى
كانت عبارة عن اغاني قصيرة ولكن تحمل معانى عظيمة مفيدة لاطفال الروضة وكان منها
الاناشيد الاسلامية و الاناشيد التعليمية وتتميز هذه الاناشيد بأنها سهلة الحفظ ومنها ايضا ماهو باللغة الانجليزية
وسندون لكم فى هذا الموضوع العديد من اناشيد الاطفال الدينية والتعليمية

اناشيد مكتوبه للحضانه,مجموعة اناشيد لاطفال الروضه
بسم الله
بسم الله بسم الله ** احلى كلام اتعلمناه
لما نأكل لما نشرب ** لازم كلمة بسم الله
لما نقرأ لما نكتب ** لازم كلمة بسم الله
لما نجرى لما نلعب ** لازم كلمة بسم الله
بسم الله بسم الله ** احلى كلام اتعلمناه

محمد نبينا
محمد نبينا ***- ** أمه آمنه
أبوه عبد الله ***- ** مات ما رآه
جده اللى رباه
أبو طالب عمه ***- ** كان بيخفف عنه
ستنا حليمه ***- ** مرضعة نبينا
لما تشوفه تقوله ***- ** جانا السعد كله

صلى الله على محمد صلى الله عليه وسلم

حماده
رايح فين يا حماده ***- ** رايح اجيب شوكلاتة
انت ومين ياحماده ***- ** انا و ماما و بابا
شوفوا ماما جابتلى إيه ***- ** نونو صغير ياختى عليه
ياللا نبوسه من ايديه ***- ** ونعلمه أ-ب-ت-ث-ج-ح-خ …الخ
اناشيد مكتوبه للحضانه,مجموعة اناشيد لاطفال الروضه
الشمس





اصحى يا شمس بدري ***- ** خلي البحر يغلي

يطلع منة بخار ***- ** يبقي سحاب طيار

يجي الريح ويشيله ***- ** يتخانق ويا زميله

يحصل رعد وبرق ***- ** يجي الخير و السعد

مطره تسقي الأرض

الكتكوت

ياكتكوت يا صغير ***- ** مالك كده متحير

مين طلعلك ريشك؟؟

بابا؟؟ ***- ***- لا لا

ماما؟؟ ***- ***- لا لا

امال مين؟؟ ***- ** هو رب العالمين

الفيل

انا الفيل ابو زلومه

زلومتى طويله طويله

اخد بيها المايه وارش

رشه ورشه زى الدش

انا زعلان انا زعلان

جدا جدا من الانسان

لما ندانى ابرهه

روح للكعبه وهدها

انا مرضتش عشان الله

قولوا يا ولاد سبحان الله

سبحان الله سبحان الله
اناشيد مكتوبه للحضانه,مجموعة اناشيد لاطفال الروضه
الحضانة
الحضانة حلوه ***- ** بتعلمنا غنوة
شمر أيدك شمر ***- ** ابنى معايا وعمر
ابنى مسجد عالى ***- ** هو املنا الغالى
و احنا ياهنانا ***- ** اطفال الحضانة
الميس بتوصينا ***- ** نحب بعضينا

الارنب

كان فى ارنب طالع يلعب بره البيت

لقى فتفوته من بسكوته جنب الحيط

اكلها بسرعه وبعد شويه قال اه يابطنى هتموتنى

جوله اصحابه ادوله حقنه حقنه كبيره حرم ياكل بره البيت

ارنبتي سونيه

مين شاف ارنبتي سونيه ***- ** اجمل ارنبه فى الدنيا

فروتها حرير فى حرير ***- ** وخفيفه تنط كتير

ساعة العصريه تمام ***- ** تجرى لجحرها وتنام

واحد اتنين واحد اتنين ***- ** كان في راجل مسكين

تلاته اربعه تلاته اربعه ***- ** كل هدومه متقطعه

خمسه سته خمسه سته ***- ** اديتو من عندي جاكته

سبعه تمانيه سبعه تمانيه ***- ** بقي اسعد انسان ف الدنيا

تسعه عشره تسعه عشره ***- ** يابخت الي يساعد الفقره

واحد هو ربى

اتنين ماما وبابا

تلاته هم اخواتى

اربعه هم اصحابى

خمسه صوابع ايدى

سته اصحى بدرى

سبعه اروح حضانتى

تمانيه ادخل فصلى

تسعه تيجى مدرستى

عشره نمرة كراستى
اناشيد مكتوبه للحضانه,مجموعة اناشيد لاطفال الروضه
اراجوزى سكره

اراجوزى سكره ***- ** مناخيره مدوره

وعيونه مثلثات ***- ** وخدوده احمره

شوف شعره جميل ازاي ***- ** دايما غاسل وشه

لبسه جديد ونضيف ***- ** ودوافره قصيره

طيارتنا الحربية

طيارتنا الحربيه ***- ** ادت اعمال بطوليه
الطيار كان فيها ***- ** طالع نازل بيها
يضرب ع الاهداف ***- ** ابدا عمره ما خاف

السما فين
السما فين؟ ***- ** فوق فوق
والارض فين؟ ***- ** تحت تحت
انتم وحشين؟ ***- ** لالالا
انتم حلوين؟ ***- ** اه اه
الايد دى كام؟ ***- ** خمسه
والايد دى كام؟ ***- ** خمسه
يالا نحط ايد على ايد ***- ** يبقوا عشره بالتاكيد


ان شاء الله يادوله تكبر

تكبر حبه حبه ***- ** تكبر ذى الحبه

حبة القمحايه ***- ** والسنه الجايه

هولع شمعايه ***- **على راس التورتايه

و انا هحكى حكايه ***- ** و انت تكبر معايه

اناشيد مكتوبه للحضانه,مجموعة اناشيد لاطفال الروضه



إظهار التوقيع
توقيع : جنا حبيبة ماما
#2

افتراضي رد: اناشيد مكتوبه للحضانه,مجموعة اناشيد لاطفال الروضه

تحفه
هههههههههه كنت بغنى اراجوزى سكرة هههههه

إظهار التوقيع
توقيع : ام مالك وميرنا
#3

افتراضي رد: اناشيد مكتوبه للحضانه,مجموعة اناشيد لاطفال الروضه


المشاركة الأصلية كتبت بواسطة ام مالك115
تحفه
هههههههههه كنت بغنى اراجوزى سكرة هههههه
اي خدمه رجعتك عشه خمشاشر سنه لوارا اوعي بس تخبطي فاللي وراكي هههههههه

إظهار التوقيع
توقيع : جنا حبيبة ماما
#4

افتراضي رد: اناشيد مكتوبه للحضانه,مجموعة اناشيد لاطفال الروضه






تحفه

هههههههههه كنت بغنى اراجوزى سكرة هههههه

إظهار التوقيع
توقيع : وردة وفولة
#5

افتراضي رد: اناشيد مكتوبه للحضانه,مجموعة اناشيد لاطفال الروضه

الله يكرمك
#6

افتراضي رد: اناشيد مكتوبه للحضانه,مجموعة اناشيد لاطفال الروضه

رد: اناشيد مكتوبه للحضانه,مجموعة اناشيد لاطفال الروضه
إظهار التوقيع
توقيع : العدولة هدير
#7

افتراضي رد: اناشيد مكتوبه للحضانه,مجموعة اناشيد لاطفال الروضه

تسلمي حبيبتي ابني حافظالبعض منهم
#8

افتراضي رد: اناشيد مكتوبه للحضانه,مجموعة اناشيد لاطفال الروضه

هههه حلوة كتير
إظهار التوقيع
توقيع : ياسمين الزهرا
#9

افتراضي رد: اناشيد مكتوبه للحضانه,مجموعة اناشيد لاطفال الروضه

والله حلوة كتير
برافو عليكى

إظهار التوقيع
توقيع : ياسمين الزهرا
#10

افتراضي رد: اناشيد مكتوبه للحضانه,مجموعة اناشيد لاطفال الروضه

رائعة وجميلة هعلمها لابني ان شاء الله تسلمي يا قمر
إظهار التوقيع
توقيع : بحلم بالفرحة
#11

افتراضي رد: اناشيد مكتوبه للحضانه,مجموعة اناشيد لاطفال الروضه



رد: اناشيد مكتوبه للحضانه,مجموعة اناشيد لاطفال الروضه




إظهار التوقيع
توقيع : حياه الروح 5
#12

افتراضي رد: اناشيد مكتوبه للحضانه,مجموعة اناشيد لاطفال الروضه

جزاك الله خيرا شكرا لالك
#13

افتراضي رد: اناشيد مكتوبه للحضانه,مجموعة اناشيد لاطفال الروضه

رجعتينا للايام الحلوه
#14

افتراضي رد: اناشيد مكتوبه للحضانه,مجموعة اناشيد لاطفال الروضه

جزاكي الله خيرا
#15

افتراضي رد: اناشيد مكتوبه للحضانه,مجموعة اناشيد لاطفال الروضه

جزاك الله خيرا
#16

افتراضي رد: اناشيد مكتوبه للحضانه,مجموعة اناشيد لاطفال الروضه

تسلمي ما في زي الطفولة
#17

افتراضي رد: اناشيد مكتوبه للحضانه,مجموعة اناشيد لاطفال الروضه

تسلمي يا حبيبتي انا بحب اناشيد الاطفال
اغاني اطفال اغاني اطفال اغاني اطفال اغاني اطفال اغاني اطفال

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
رسومات تلوين لاطفال الروضه طم طم 2013 رسومات للتلوين
اناشيد بالفرنساوى اناشيد بالفرنساوى اناشيد بالفرنساوى اناشيد بالفرنساوى اناشيد ب لولو حبيب روحي اللغة الفرنسية français
[فيديو] طريقة لعبة لاطفال بلياتشو ، طريقة عمل دراجة البهلوان ، عمل بهلوان لاطفال ندى ام اعمال يدويه لتزيين المنزل


الساعة الآن 05:40 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل