رد: ساعدوني الله يخليكون
حبيبتي طبيعي ان الوضع اللى عندكم يأثر عليكي أنا بالفترة اللى كانت فيها الثورة كنت كده برضه لدرجة انى رحت لدكتور نفساني وتصادف وقتها ان زوجى عمل عملية للغدة الدرقية بنفس وقت الثورة ولكي ان تتخيلي الرعب اللى كنت فيه وقتها لانى كنت ببقي سامعة صوت ضرب النار بره والمستشفي كانت بتبقي مقفولة بباب حديد وبعدها حصل نزيف له ودخل العمليات تانى أنا مش قصدى أطول عليكي بس المقصود من الحكاية ان الظروف بتأثر كتير على الشخص وتحسسه ان أى شئ مش فارق معاه ومابقيتيش تحسي بأى فرح ولا حزن بيبقي فيه عملية لامبالاه لكل الظروف اللى حزاليكي بفرحها وحزنها يعني لا بتفرحى ولا بتزعلي ورحت للدكتور وللأسف اتبع معايا سكة الأدوية وطبعا كانت سكة خطأ بقيت مش حاسة باللى حواليا خالص ببقي قاعدة مع أهلى ومش موجودة بعقلي لان الأدوية بتنيم وطبعا عشان مانمش كنت بقعد بالطريقة اللي قلت عليها وماحصلش أي تقدم معايا بالعكس شكلى بقي عامل زى المدمنين وانعزلت عن اللى حواليا وقررت انى أخرج من الحالة دي ومنعت الأدوية بالرغم من انها لازم تتسحب من الجسم بطريقة معينة عشان مايحصلش أعراض انسحاب طبعا انتى فاهمة وبطلتها علطووووووول وماحصلش معايا حاجة والحمد لله مغزى كلامى انك لازم انتى اللى تخرجى نفسك من الموضوع انتى طبيبة نفسك امسكي ورقة واكتبى فيها كل يوم اللى بيضايقك واحرقيها صدقيني حتحسي براحة كبيرة ماحسيتيهاش قبل كده خلى عندك ارادة بالارادة تقدرى تعملى المعجزات وبالنسبة لسؤالك بان في ناس عايشة بنفس الظروف وماحصلهمش حاجة كل واحد وليه طريقته في تقبل الأمور يعني لو جبتي عشر أشخاص وعرضتيهم لنفس الظرف مش ممكن يكون رد فعلهم واحد كل شخص وليه رد فعله الخاص بيه احنا مش كلنا لينا طبع واحد ولا احساس واحد كل شخص وله مواطن قوته وضعفه يعني اللى بتخافي منه مش شرط أنا كمان أخاف منه قوى قلبك واقرى قرآن كتير واستمتعي بحياتك مش حتعيشيها الا مرة واحدة وربنا يبعد عنك كل سوء