بيسألونى يابنتى لساكى مصريه
وببلدك فخوره وعنها محاميه
بعد اللى حاصل فيها مستنيه
تشرق شمسها وتطرح أمان
♥♥♥
جاوبت بعزه وأفديها بعينى
فى الشده يامصر هتلاقينى
أتعب من نيلك تداوينى
ازاى اسيبك مهما كان
♥♥♥
شوفت فيكى قتل ودمار
وفُرقه كبيره وحريق ونار
وموت كتير كبار وصغار
ده وسط ولادك واحد خان
♥♥♥
هيجى يوم يفوقوا فيه
ويمسحوا دمع عينك مداريه
يتوحدوا صف واحد هتشوفيه
وعزك هيرجع زى زمان
♥♥♥
وتحلى فيكى ساعة العصارى
ونسمة هواكى تعطر نهارى
وصحبه حلوه لخواتى وجيرانى
ولقمه تلمنا بمغرب رمضان
♥♥♥
هنسمع أذانك جوا الجوامع
الله اكبر والكل سامع
إمام بيدعى والكل دامع
نقول أمين ونزيد إيمان
![اانا مصرية ^^](https://forums.banatmisr.com/imgcache/2/72911alsh3er.gif)
خارج حدود الحرف
بحبك يابلدى مهما حصل فيكى وفخوره جدا انى مصريه