أو

الدخول بواسطة حسابك بمواقع التواصل



https://adlat.net/showthread.php?t=106265
7597 32
#1

افتراضي ارجوكم ساعدونى انا بضيع بجد

يا اخواتى انا عندى 15 سنة فى بيئة البنات بتتخطب قبل نا تخلص ابتدائية وكل زمايلى تقريبا فيهم اللى اتجوزوا واللى لسة مخطوبين دى كارثة ما علينا ندحل فى الموضوع
انا الحمد لله ماليش كلام مع حد وخاتمة القران والاول على مدرستى وكله تمام وطبعا بيتقدملى ناس وبيترفضوا حت لو معاهم شهادات عالية واخلاقهم كويسة
بس يا جماعة انا مراهقة وعارفة اسيطر غلى تصرفاتى بس مش مشاعرى وبحب واحد محترم جدا وابن ناس وسمعته كويسة بس مش بنطق ولا بتكلم وفى يوم وقفت تكتك وكان هو اللى فيه وبعدين فتح الكلام بسؤال غريب (هو انت حقا بيجيلك عرسان وبترفضيهم) قلتله اية السؤال الغريب ده ففضل يحاول ياخد رايي فيه كعريس بس انا ذوقا ما رضيت اتكلم وكان كل كلامى( لوسمحت الموضوع ده ماتتكلمش فيه معايا انا) ففى النهاية قالى بس عاوز اقول حاجة ومحروج قلتله اتفضل قالى (انا بحبك ) قلتله استنى ده انتا هتوقف هنا ومعتش هركب معاك فضل يقول انا اسف انت زعلتى والله ما قصدى حاجة دة احنا جايين ليكوا بكرة بالليل ومعلش وكده فلما قربنا قاللى ماقلتيش رايك قلتله ماليش راى قاللى بالله انا محروج وانا بكلمك بس انا هموت لو اترفضت ما رديتش وقبل ما انزل قال طيب رقم التليفون قلتله ده انا مش بديه لصحابى هديهولك قالى استنى انا كان قصدى رقم باباك عملت مش سامعاه وكملت وطلعت




ياجماعه قولولى اعمل ايه انا مش بخبى حاجة على ماما وجيت حكيتلها فقالتلى ماتقوليش لابوك ماش قلت ماشى لانى كنت نفسى انا اقولها ماتقوليلوش


جت ماما بالليل قالت لبابا من ورايا قامبابا بعد صلاة الجمعة رد على ابوه وابوه زعل منه وقال لبابا انا اسف والله واحنا كنا جينلكم بالليل وما تزعلش
رد بابا انا بنتى قدامها 7ولا8 سنين على ماتفكر وانا مش هخليها تركب معاه ولولاه ابنك انا كنت اتصرفت تصرفات تانية


وماما قالتلى معتيش تركبى معاه خالص وابعدى عن موقفه والموضوع ده مش بيروح من بالى وبفكر فيه وفى كلامه على طول ومش قادرة اركز فىمذاكرة ولا فى غير ه ساعونى اعمل ايه همووت



#2

افتراضي رد: ارجوكم ساعدونى انا بضيع بجد

حبيبتى لية كل التوتر دا انتى فعلا لسة صغيرة والعمر قدامك وسامحينى يعنى هو جرئ شوية يعنى اية اول مرة تركبى معاة يقولك بحبك على اسا اية يعنى
ركزى بمذكرتك يا قمر وان شاء الله لو ليكى نصيب فية او فى غيرة حتخدية
وزى ما مامتك قالتلك اوعى تتكلمى او تركبى معاة تانى
ربنا يوفقك

#3

افتراضي رد: ارجوكم ساعدونى انا بضيع بجد

لسى صغننه.
إظهار التوقيع
توقيع : الـمـتـألـقـة
#4

افتراضي رد: ارجوكم ساعدونى انا بضيع بجد

يا روحي انا فخورة كتير بيكي لانه اللي عملتيه صح وتصرف اخلاقي نبيل جدا
بعدين يا حبي دي مرحلة مراهقة وهتعدي ، بكرة لما تكبريلك شوية هتضحكي على نفسك بجد وتقولي انا ازاي كنت احب ده او ده
مفيش بعد البنت لما تستر نفسها وتكون مؤدبة واخلاقها عالية ، بعدين انا متأكدة انه الناس دول اللي باباكي اتصل عليهم انا متاكده انك انتي كبرتي فعنيهم لانه عرفو انك محترمة بجد
ربنا يبارك فيكي يا رب ويكتر من امثالك يا روحي

بس خلي بالك لو محفظتيش على نفسك في المرحلة دي ( مرحلة المراهقة) هتندمي طول عمرك يا قلبي ودي نصيحة مني ليكي وحطيها حلقة في ودنك
ربنا يهديكي يا روحي يا رب ، يا ريت كل البنات زيك

إظهار التوقيع
توقيع : أم زهير
#5

افتراضي رد: ارجوكم ساعدونى انا بضيع بجد

انتى بنت صح الصح
ولو كنتى بنتى كنت افتخرت بيكى
انتى اتتصرفتى صح جدا ويكفى انك مختيش واديتى معاه فى الكلام وجاريتيه فى كلامه
وعلى فكره انتى كده عليتى فى نظره ونظر اهله
خليكى بس زى ما نورا قالتلك فى دراستك متعرفيش ربنا شايلك الخير فين
ويمكن دى مجرد مشاعر مراهقه وهتنتهى فى وقت ما
وهو لو نصيبك هتاخديه هتاخديه
ربنا يوفقك حبيبتى

#6

افتراضي رد: ارجوكم ساعدونى انا بضيع بجد

مستعجلة على ايه ياقمر؟قدامك لسه العمر انتي لسه صغنونة واللى انتي اتصرفتيه يدل علي انك بنوتة جدعة خلى بالك من نفسك وماتفكريش في حاجة غير مذاكرتك عشان انتي في ماعليكيش مسئولية غير المذاكرة وبس وبعدين انتي بتقولي ماشالله عليكي انك بتطلعي من الأوائل فمتضيعيش نفسك عشان حاجة بدري عليهاوبكرة تضحكيعليها زي مالعدولات حبايبي قالولك ركزى في مذاكرتك وربنا معاكي
إظهار التوقيع
توقيع : مايا علي
#7

افتراضي رد: ارجوكم ساعدونى انا بضيع بجد

ما شاء الله عليكي يا قمر يا ريت كل البنات تبقى كدة فى ادبك واخلاقك
وانتي يا قمراية لسة ضغننة يعني لسة بدري عليكي الزواج ومسؤليته ووجع الدماغ الي بيجي من وراه
وانتبهي لدراستك وانتي بتقولي انك شاطرة والاولى كملي دراستك وبعدين الي ربنا كتبهولك هو الي راح يصير

إظهار التوقيع
توقيع : فلسطين
#8

افتراضي رد: ارجوكم ساعدونى انا بضيع بجد

ماشاء الله عليكي وعلي اخلاقك حبيبتي انا برضه في ريف وعندنا بيتجوزو بدري بس صدقيني احلي ايام عمرك دي يمكن انتي معجب بيه كشكل لكن صدقيني الي ربنا كاتبه ليكي هاتخديه هاتخديه مافيش مفر ابدا الا الجواز ده نصيب بس انتي شاطرة ماشاء الله ومؤدبة مش ناوية تكملي تعليمك ولا ايه يعني عاوزة تتجوزي وخلاص بجد احلي حاجة الدراسة شوفي كل المتجوزين بيحلفو بايام الدراسة ازاي ياريت تكملي تعليمك وبكره تتجوزي هو او غيره صدقيني الي عجبك النهاردة مش شرط يعجبك بكره بس انا معجبة باخلاقك وبصراحة نفسي تكملي تعليمك اوي ماتستعجليش علي الجواز ده باليوم والساعة الي ربنا محددها ده نصيب ياقمر والي مكتوبلك هاتتجوزيه ربنا يوفقك حبيبتي
إظهار التوقيع
توقيع : لولو حبيب روحي
#9

افتراضي رد: ارجوكم ساعدونى انا بضيع بجد

بسم الله ماشاء الله عليكى حبيبتى حقيقى متربيه
موضوع الحب ده بقى بكره هتفتكريه وانتى كبيرة
وتضحكى جدا وساعتها بس هتقولى انا كنت طفله
ركزى حبيبتى فى مستقبلك ودايما خلى عندك هدف عشان توصلى
ولو استعنتى بالله اكيد الشيطان هيبعد عنك
صلى واقرى قرأن وان شاء الله هتنسيه خالص
ربنا يصلحلك الحال يارب وتبقى اجمل بنت

إظهار التوقيع
توقيع : dodo modo
#10

افتراضي رد: ارجوكم ساعدونى انا بضيع بجد

مشاء الله عليكى ركزى فى مزاكرتك ومع الوقت هتنسى الموضوع
#11

افتراضي رد: ارجوكم ساعدونى انا بضيع بجد

حبيبتى انت مازلت صغيره والواضح ان اهلك مختلفين فى التفكير عمن حولهم واشعر انهم يأملون فيك الكثيرحاولى ان تنسى وانظرى الى مستقبلك
#12

افتراضي رد: ارجوكم ساعدونى انا بضيع بجد

حببتى انتى اخلاقك عاليه اوووعى تسمحى لتفكيرك انه ينزل من اخلاقك ....صدقينى انتى لما تكبرى وتفتكرى هتكونى فرحانه بنفسك اوووى وبموقفك قدام ربنا وقدام نفسك وقدام اهلك ربنا يحميكى ويبارك فيكى ويبعد عنك الشيطان واصحاب السوء
#13

افتراضي رد: ارجوكم ساعدونى انا بضيع بجد

ميرسى جدا جدا جدا جدا ليكم انا بجد لقيت هنا احلى صحبة واقتنعت وبعدت عن الموضوع ادعولى اجيب ترتيب كويس على المدرسة والادارة ياااارب
#14

افتراضي رد: ارجوكم ساعدونى انا بضيع بجد

باقي الحياه قدمك وتعرفي ايش قصدي اذا كبرتي
#15

افتراضي رد: ارجوكم ساعدونى انا بضيع بجد

لسه قدامك العمر يا قمر
مش تستعجلى

إظهار التوقيع
توقيع : Frawla
#16

افتراضي رد: ارجوكم ساعدونى انا بضيع بجد

انا مه كل الاخوات ف كلمهم وياريت تمعي بنصايحهم عشان مش تندمي بعد كدة وربنا يثبتك ويصلح حالك ويرزقك بالزوج الصالح
#17

افتراضي رد: ارجوكم ساعدونى انا بضيع بجد

ياااه ياجميل دا الواحد اتجوز اكبر منك وبيقول ياريتنى استنيت شويه الجواز مش سهل زى ما انتى فاكره مش بنقضيها حب يعنى اكتره مسئوليه وانتى بجد بنوته جميله من كل حاجه وربنا يوفقك ويرزقك بالانسان الصالح الى يصب الحب عليكى صبا ويكون عابدا لله ويارب اشوفك دكتوره ولا انتى نفسك تبقى ايه؟
#18

افتراضي رد: ارجوكم ساعدونى انا بضيع بجد

مشاء الله عليكى
إظهار التوقيع
توقيع : عاشقة الاحزان
#19

افتراضي رد: ارجوكم ساعدونى انا بضيع بجد

ربنا يكملك بعقلك وتبقى من المتفوقين دايما
#20

افتراضي رد: ارجوكم ساعدونى انا بضيع بجد

ان شاء الله مش هتضيعى ولا حاجه وما شاء الله عليكى تصرفك كان سليم ولو ليكى نصيب مع اى حد هتخديه كل شئ باراده ربنا سبحانه وتعالى ربنا يحفظك وحافظى دايما على اخلاقك دا انتى جوهره جميله بارك الله فيكى
#21

افتراضي رد: ارجوكم ساعدونى انا بضيع بجد

ربنا يبارك فيكى ياحبيبتى ماشاء الله عليكى مؤدبة اسمعى كلام بابا وماما هم ادرى بمصلحتك وانتبهى لمذاكرتك هى اللى هاتنفعك
إظهار التوقيع
توقيع : ام بووتى
#22

افتراضي رد: ارجوكم ساعدونى انا بضيع بجد

انت لسة صغيرة ولازم تعرفى انه اهم حاجة للبنت انها تكون معاها شهادة وبعد كدة ممكن تشتغلى والشغل دا نعمة من ربنا سبحانه وتعالى وبعد كدة هتنسيه وتعرفى ان دا كان لعب عيال ربنا يوفقك
إظهار التوقيع
توقيع : زوجة رومانسية
#23

افتراضي رد: ارجوكم ساعدونى انا بضيع بجد

حبيبتي أنا فخورة بيكي وبادبك وبصراحتك ياريت ربنا يرزقني ببنوتة مودبة كدة وكمان مأشاء الله سطورة ومن الأواءل بصي يأقمر اعتبريني أختك وهقولك حاجة دي مرحلة وهتعدي وبكرة والله هتضحكي علي الأيام دي وبكرة لسة هتدخلي الجامعة دي أحلي أيام حياتك وتشوفي. أصدقاء كتير ونفسي أسمع انك لبقيتي حاجة كويسة فالتعليم وأنا هفضل افتخر اين عرفت بنوتة زيك وأمانة ركزي فمذكرتك وبكرة ربنا هيكرمك بالنصيب
#24

افتراضي رد: ارجوكم ساعدونى انا بضيع بجد

مليوون ميرسىىى يااحلى عدولات على مشاركاتكم الجميلة ربنا مايحرمنى منكم ادعولى انا رايحة 3 ثانوى دلوقتى ومحتاجة دعواتكم نفسى ادخل طب بشرى واحقق حلمى
#25

افتراضي رد: ارجوكم ساعدونى انا بضيع بجد

ياحبيبتي ربنا معاكي العمر لسه طويل وياما هتشوفي متستعجليش نصيبك قاعد وهيكون محترم زيك
#26

افتراضي رد: ارجوكم ساعدونى انا بضيع بجد

انتى صغيره لسه
وبعدين اهتمى مزاكرتك هى الى هتنفعك


إظهار التوقيع
توقيع : ام تقى توته
#27

افتراضي رد: ارجوكم ساعدونى انا بضيع بجد

انتى لسه صغيرة بس بجد برافو عليكى
#28

افتراضي رد: ارجوكم ساعدونى انا بضيع بجد

انتي لسه صغيره يا قمرما تستعجليش
#29

افتراضي رد: ارجوكم ساعدونى انا بضيع بجد

ربنا ييسرلك الحال
#30

افتراضي رد: ارجوكم ساعدونى انا بضيع بجد

حبيبتي امك و ابوكي عملو هيك طبعا لمصلحتك وانت اكيد بتعرفي الشي هاااد


بس ما لازم توثقي باشباب ال بنقو كتير
الي بحبك بجد ما مضايق حبيبته بالاسئلة
وع العموم انت لسة صغيرة وقادمك متقبل مشرق


وانا بدعيلو بالتوفيق وتاخدي الي يسعدك

#31

افتراضي رد: ارجوكم ساعدونى انا بضيع بجد

حبيبتى لية كل التوتر دا انتى فعلا لسة صغيرة والعمر قدامك وسامحينى يعنى هو جرئ شوية يعنى اية اول مرة تركبى معاة يقولك بحبك على اسا اية يعنى
ركزى بمذكرتك يا قمر وان شاء الله لو ليكى نصيب فية او فى غيرة حتخدية
وزى ما مامتك قالتلك اوعى تتكلمى او تركبى معاة تانى
ربنا يوفقك

#32

افتراضي رد: ارجوكم ساعدونى انا بضيع بجد

غاليتي احييك على التصرف الصحيح اللي تصرفتيه مع هذا الشاب

ثانيا انت مازلت زغنونة والعمر قدامك ونتائجك في الدراسة ممتازة لا تضيعيها في التفكير في امور ربنا اللي قدرها اما الدراسة فهي توفيق من الله واجتهاد منا نحن وتاكدي انك لما تكبري وتصيري راشدة ومسؤولة راح تضحكي على حالك وعلى طريقة تفكيرك في هذا الموضوع .....حبيبتي عيشي كل مرحلة في حياتك في وقتها وهذا السن سن دراسة وبناء للشخصية والذات ولهذا ان اخطاتي فتعلمي من هذا الخطا وان اصبتي فخذيه مقياس لتجاربك القادمة ....وربنا يحفظك من كل شر وربنا يبعد عليك بنات واولاد الحرام يا رب

إظهار التوقيع
توقيع : امي الغالية
#33

افتراضي رد: ارجوكم ساعدونى انا بضيع بجد

حبيبتي بجد إنتي إنسانة خلوقة ومحترمة وربنا يزيدك أدب وأخلاق وطول م أخلاقك عاليه هتسمو روحك ودرجاتك هترتفع وهترضي عن نفسك أكتر وأكتر

أما بالنسبه للمشاعر والقلوب فدي حاجه بإذن ربنا مقلب القلوب وإن شاء الله يثبتك علي طاعته

أنا فخورة جدا بحفظك للقرآن حافظي عليه وداومي عليه بجد نعمه كبيره من عند ربنا

«ربنا يرزقنيها» أنا وكل من سعي لها.

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
كورس انجليزى اونلاين وانتى فى البيت الجزء الاول أمــانــدا مشاريع وافكار تجاريه
كورس انجليزى أونلاين وانتى فى بيتك مرتاحه أمــانــدا وظائف نسائية شاغرة
تعالوا نفرفش فى اوقات الفراغ مع ندى ام و ماى كات ندى ام منوعات x منوعات - مواضيع مختلفة
حملة هنغير بجد الحلقة الخامسة محبة صديقاتها الحملات الدعوية
حملة (هنغير بجد) محبة صديقاتها الحملات الدعوية


الساعة الآن 01:42 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل