أو

الدخول بواسطة حسابك بمواقع التواصل

#1

2131 1168499165 ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة
كل عام وانت جميعا بالف خير بمناسبة اقتراب عيد الاضحى المبارك
حبيت اطل عليكم
بموضوع كتير بنحتاجه
ملف كامل لحلويات العيد
هقدم فيه كتير من الوصفات
اتمنى ان تستمتعوا معى

ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

ملف لحلويات العيد المصرية


محتويات الملف:

1- كحك العيد بالبيكنج بودر( بالكوب)
2- كحك العيد بالبيكنج بودر(بالكيلو )
3- كحك بالعجمية والملبن
4- كحك بالخميرة الفورية(بالكوب)
5- كحك العيد(بالخميرة بيرة )
6- كحك العيد بالزبادى
7- عجمية (1 )
8- عجمية (2)
9- غريبة(1)
10- غريبة(2)
11- بتيفور ناعم
12- البتيفور السريع
13- اصابع البتيفور
14- لانكشير




15- سابلية(بالكوب )
16- سابلية بالكيلو
17- بسكوت الفانيليا
18- بسكوت البرتقال
19- بسكوت اللوز 20- بسكوت عين الجمل
21- بسكوت البندق 22- بسكوت النشادر
23- بسكوت القرفة 24- بسكوت بالقرفة والمكسرات
25- بسكوت جوز الهند 26- بسكوت اليانسون
27- بسكويت لوز بالسميد 28- بسكويت السويسرول
29- العدلية 30- بسكويت بالعسل
31- بسكويت شكلمة اللوز 32- بسكويت بالزبيب
33- بسكويت بالكريمة 34- بسكويت النشادر
35- معمول بالجوز
36- معمول بالتمر

ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

أوزان بالمعلقة والكوب
:

10 جرام ملح = معلقة شاى
5 جرام سكر = معلقة شاى
20 جرام سكر = معلقة حلو
20 جرام دقيق = معلقة حلو
37 جرام سكر = معلقة كبيرة
37 جرام دقيق = معلقة كبيرة
37 جرام زبدة = معلقة كبيرة
120 جرام دقيق = فنجان شاى او كوب ماء
150 جرام سكر بودرة = فنجان شاى او كوب ماء
200 جرام سكر سنترفيش= فنجان شاى او كوب ماء
225 جرام ارز= فنجان شاى او كوب ماء
80 جرام جوز هند مبشور= فنجان شاى او كوب ماء
150 جرام زبيب= فنجان شاى او كوب ماء
125 جرام بندق او فول سودانى= فنجان شاى او كوب ماء
200 جرام زبدة= فنجان شاى او كوب ماء
225 جرام سمن او زيت = فنجان شاى او كوب ماء
عند استعمال الملعقة تكون ممسوحة
عند استعمال الكوب او فنجان الشاى تكون مش مكبوسة وتكون مسطحة

ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

ملحوظة بالنسبة للكحك

1-عشان الكعك يكون ناعم لا زم نبسه كويس قوى وماء العجن مايكونش كتير
لأن المياة الزائدة هى اللى بتنشفة و فية ناس كتير فاهمة العكس
ان كل ما تحطيله ماء يبقى ناعم وطرى و يستغربوا لما يحطوا ماء و يطلع ناشف.
2- ابقى حطى السمسم ابيض ورشية على وش الدقيق فلما تيجى
تصبى السمن المقدوح قوى حينزل على السمسم يحمصة.
3- لما تخلصى الكحك وتحطية فى الصاجات علشان يخمر
لما تلاقى الكحكة نشفت تعرفى انها خمرت .
4- ماتتقيديش بمقدار الدقيق اللى مكتوب لان نوعه بيختلف
من دقيق للتانى يعنى ممكن ماتستعمليش الكمية المكتوبة كلها
وممكن تحتاجى تضيفى دقيق تانى
5-بنستخدم لكل كيلو دقيق علية كوب ماء او كوب ونص ماء
لحد ماتلاقى العجينة طرية واتلمت .
6- لما تيجى تنقشى الكحك بالمنقاش وانتى بتنقشى ابقى اضغطى على النقش وارفعى
ايدك بالنقشة لفوق علشان السكر البودرة يبقى ثابت جوة النقشة
7- بنستخدم ملعقة خميرة فورية لكل 4 كوب سميد.

ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

*طريقة استخدام الخميرة بيرة :
فى كوب اضع ملعقة صغيرة خميرة بيرة وقليل من السكر وادوبها بالملعقة الاول
ثم اضع كوب ماء دافىء .


ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

ملحوظة بالنسبة للغريبه

1-عجينة الغريبة لازم تاخد دعك جامد
2-كل ماتدعك كويس بتطرىوماتظهرش فيها التشققات بعد السوى
3-اذا ذاد السكر فى عجينة الغريبة بتنشف الغريبة علشان كدة بنقلل السكر شوية فى العجينة ولما بتخرج من الفرن وهى ساخنة بنرش عليها بسرعة بالمنخل.


ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

ملحوظة بالنسبة للبتيفور


1- اذا كنتى عاوزة البتيفور ناعم قوى اعملية بصفار البيض فقط
2- فى عمل البتيفور لاتدهن الصينية بالسمن
3- لو أردنا عمل بيتي فور بالكاكاو نضيف للدقيق2 ملعقة كاكاو وننقص2 ملعقة دقيق منه


ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

خامات التزوييق
شوكولاتة فارمسيل – جوزهند ناعم – جوزهند خشن – الوان صحية – شيكولاتة سايحة بيضاء – شيكولاتة سايحة غامقة – كرز مسكر – فواكة مسكرة – كور البونبون الفضى – قشور اللوز – مكسرات مفرية – قرنفل صحيح – فستق – ملبس ملون – صنوبر – مربى – حلوى الماء


ملف طرق عمل حلويات العيد كعك بيتفور بسكويت غريبة معمول لانكشير عجمية ونصائح قيمة

يتبع...



#2

افتراضي اولا الكحك

اولا الكحك:


اولا الكحك


كحك العيد بالبيكنج بودر(بالكوب)
***- ***- ***- ***- ***- ***- **
المقادير‏:

‏ 3كوب دقيق مليان منخول‏ - كوب سمن سايح
‏ كوب الاربع ماء او حليب دافىء
1‏ ملعقة صغيرة بيكنج بودر‏
ذرة ملح
نص‏ ملعقة صغيرة رائحة كعك
‏ملعقة كبيرة سمسم

اولا الكحك

الطريقة‏:

ينخل الدقيق ويضاف إليه ذرة الملح والسمسم وريحة الكحك
والبيكنج بودر
يقدح السمن ويضاف إلى الدقيق ويدعك جيدا حتى يختلط السمن
مع الدقيق تماماً.
نضع الماء الدافئ او الحليب وتضاف إلى العجين
و تعجن حتى تكور العجينة وتصبح صالحة للنقش
تشكل كور صغيرة ونضغط عليها قليلا
لتصبح دائرة صغيرة مرتفعة قليلا من الوسط وتنقش
او توضع فى قالب المخصص لأشكال الكحك وتوضع
فى صوانى الخبز.
ثم تخبز فى فرن متوسط الحرارة
وتترك حتى تبرد تماما ويرش عليها السكر البودرة
عيد سعيد


اولا الكحك

كحكالعيد بالبيكنج بودر(بالكيلو)
***- **
المقادير‏:

‏ كيلو دقيق‏ -2‏ كوب سمن
‏ كوب حليب - 2‏ ملعقة صغيرة بيكنج بودر‏
2‏ ملعقة صغيرة رائحة كعك‏
‏2 ملعقة كبيرة سمسم
ذرة ملح‏
للحشو‏:‏ عجمية او ملبن او مكسرات محمصة

اولا الكحك

الطريقة‏

‏ يخفق السمن بالمضرب حتي ينعم‏
‏ يضاف الحليب مع الاستمرار في الخفق حتي يتجانس الخليط‏.‏
نضع على الدقيق البيكنج بودر والملح ويرش فوقه السمسم ورائحة الكحك‏.‏
‏ يصب خليط الحليب بالتدريج فوق خليط الدقيق ويعجن المقدار
حتي نحصل علي عجينة يمكن تشكيلها ولا تلتصق باليد‏
‏‏ تقطع العجينة الي كرات متساوية
وتحشي بقطعة صغيرة من العجمية او الملبن‏(‏ بحجم البندقة الصغيرة‏)
‏ مع البندق او الجوز وتنقش بالمنقاش
‏يسخن الفرن ويرص الكعك في الصاجات مع مراعاة ترك مسافة بين كل واحدة
‏‏ يخبز الكحك في فرن متوسط الحرارة حتي يصير لونه ذهبي
يرفع من الفرن وبحرص يرفع من الصاجات ويترك حتي يبرد‏.‏
‏‏ ويرش بالسكر البودرة
وعيد سعيد
اولا الكحك

#3

129862 كحك العيد بالعجمية

كحك العيد بالعجمية
***- ***-
كحك العيد بالعجمية

المقادير
كيلو دقيق – 1/2 كيلو سمن
من كوب لكوب ونصف ماء دافىء للعجن
قطعة خميرة بيرة فى حجم عين الجمل
زرة ملح – 2 معلقة ريحة كحك
سمسم – معلقة سكر

كحك العيد بالعجمية

الطريقة

ننخل الدقيق في طبق غويط للعجن ..
نعمل حفره في النص نضع فيها السمسم
نقدح السمنه علي النار لغاية ما تتقدح كويس جدا
نحطها علي السمسم ونقلب بملعقه خشب او بالمقصوصة
لماتبرد نبس أو نفرك خليط الكعك بين الإيدين كويس قوي ..
حتي ينعم ويتشبع بالسمنه
-نخمر الخميره مع ملعقه صغيره سكر في شوية ماء دافئ
بعد أن تعلو وترتفع الخميره .. نعجن بيها الكحك .. ونغطيها لتخمر حوالي ساعه
نشكل الكحك كور صغيره ونحشيها إما بالعجميه أوالملبن أوأي نوع مكسرات مفضل
أو حتي بدون حشو وننقشها بالمنقاش أو القوالب الخاصه بالكحك..
نخبزها ولما تبرد نرش عليها سكر بودره

كحك العيد بالعجمية

العجمية(1)
المقادير
كوب عسل نحل
1 ملعقه كبيره سمن
2 ملعقه كبيره سمسم
2 ملعقه كبيره دقيق


كحك العيد بالعجمية

الطريقة


نسخن السمن فى مقلاية ثم نضع الدقيق
ويقلب لحد ما لونه يصفر نضيف له السمسم
تقليبه وبعدين ا شيل المقلاية بعيد عن الناروابدء
اضيف العسل واحدة واحدة مع التقليب المستمر وبسرعة
ثم اضعه على النار مع التقليب لحد مايغلى وتتكون عجينة طرية
ماسكة نفسها ونضع ريحة الكحك و أي نوع مكسرات
( بندق - جوز - فسدق )ونتركه يبرد
ونعمل العجمية على هيئة كور فى حجم البندقة بقشرتها
ونحتفظ بها لحين الحشو بها
وعيد سعيد

كحك العيد بالعجمية

العجمية (2)

---------
المقادير:
نص كيلو عسل ابيض
ملعقة كبيرة سمن
2 معلقة كبيرة دقيق
ربع معلقة ريحة كحك
2 معلقة كبيرة سمسم


كحك العيد بالعجمية

الطريقة

نسخن السمن فى مقلاية ثم نضع الدقيق
ويقلب لحد ما لونه يصفر نضيف له السمسم
تقليبه وبعدين ا شيل المقلاية بعيد عن الناروابدء
اضيف العسل واحدة واحدة مع التقليب المستمر وبسرعة
ثم اضعه على النار مع التقليب لحد مايغلى وتتكون عجينة طرية
ماسكة نفسها ونضع ريحة الكحك و أي نوع مكسرات
( بندق - جوز - فسدق )ونتركه يبرد
ونعمل العجمية على هيئة كور فى حجم البندقة بقشرتها
ونحتفظ بها لحين الحشو بها

كحك العيد بالعجمية


#4

129864 الكعك بالخميرة الفورية وبالزبادى

كحك العيد بالخميرة الفورية

المقادير

3 كوب دقيق مليان - كوب سمن سائح
3/4 كوب ماء او حليب دافىء
ملعقة سكر - ملعقة خميرة فورية
نص ملعقة ريحة كحك
زرة ملح

الكعك بالخميرة الفورية وبالزبادى

الطريقة

تتبع نفس طريقة الكحك بالبيكنج بودر

الكعك بالخميرة الفورية وبالزبادى

ملحوظة:
إذا كنتى عاوزة الكحك ناعم يبقى خلى مقدار السمنة 1 ونص كوب

الكعك بالخميرة الفورية وبالزبادى

كحك العيد بالزبادى

المقادير

كيلو دقيق
كوب سمن
كوب زبادى
باكو بيكنج بودر
2 معلقة ريحة كحك
زرة ملح
ماء للعجن

الكعك بالخميرة الفورية وبالزبادى

الطريقة
ينخل الدقيق ويضاف إليه ذرة الملح وريحة الكحك والبيكنج بودر
يضاف السمن ويقلب مع الدقيق لحد ما يختفى
نضرب الزبادى ويضاف الى الدقيق وااسمن
ممكن نضيف ماء اذا لقيتى ان العجينة محتاجة لحد ما يكون عندك
عجينة طرية تشكل كور صغيرة ونضغط عليها قليلا
لتصبح دائرة صغيرة مرتفعة قليلا من الوسط وتنقش
او توضع فى قالب المخصص لأشكال الكحك وتوضع فى صوانى الخبز.
ثم تخبز فى فرن متوسط الحرارة
وتترك حتى تبرد تماما ويرش عليها السكر البودرة

الكعك بالخميرة الفورية وبالزبادى


#5

129856 ثانيا : المعمول

المعمول


ثانيا : المعمول

المعمول بالجوز
المقادير
كيلو ونصف سميد - ثلاثة اكواب دقيق
نصف كيلو سمن - كوب سكر
نصف كوب من ماء الزهر
نصف كوب من ماء الورد
كوب ماء
2 معلقة كبيرة خميرة مذوبة في نصف كوب ماء دافىء
ملعقة صغيرة محلب ناعم
سكر ناعم للوش

ثانيا : المعمول

حشو الجوز

نصف كيلو من الجوز
كوب من السكر
ربع كوب من ماء الورد

ثانيا : المعمول

طريقة حشو الجوز

ينظف الجوز ويفرم فرما ناعما
يضاف السكر الى الجوز ويخلط
يضاف ماء الورد الى الجوز والسكر ويخلط

ثانيا : المعمول

الطريقة

يوضع السميد في طبق كبير والسكر والمحلب ويخلط جيدا
يضاف السمن الى خليط السميد ويفرك السمن والسميد بين الكفين حتى يخلط جيدا
نضع ماء الورد وماء الزهر على خليط السميد ويخلط باطراف الاصابع بدون عجن
يغطى الطبق ويترك جانبا مدة (6)ساعات
تذوب الخميرة بالماء الدافىء وتترك مدة 20دقيقة
يرش السميد بماء الخميرة وكوب الماء
يفرك خليط السميد والماء بين الكفين مدة عشر دقائق ويترك
مدة ساعة بعد تغطيته
يفرك الخليط باليدين حتى يصبح متماسكا
تقطع عجينة المعمول حسب حجم القالب
توضع كل قطعة عجين في بطن الايد الشمال وتحفر باصبع الايد اليمين بحيث
نعمل تجويف داخل العجينة بالتساوي
تحشى بملعقة صغيرة من خليط الجوز ثم ترد اطراف العجينة فوق الحشو بخفة
توضع القطعة في قالب المعمول ويضغط عليها قليلا
تضرب حافة القالب على حافة الترابيزة علشان تقع المعموله
من القالب نرصص وحدات المعمول في صينية وتترك مدة ساعة
يحمى الفرن مدة ربع ساعة
يخبز المعمول مدة عشر دقائق حتى يصبح لون المعمول ذهبيا
. بعد ان يبرد المعمول نرش السكر الناعم فوقه ويترك ليبرد

ثانيا : المعمول

المعمول بالتمر
المقادير
كيلو ونصف سميد - ثلاثة اكواب دقيق
نصف كيلو سمن - كوب سكر
نصف كوب من ماء الزهر
نصف كوب من ماء الورد
كوب ماء
2 معلقة كبيرة خميرة مذوبة في نصف كوب ماء دافىء
ملعقة صغيرة من محلب ناعم
سكر ناعم للوش

ثانيا : المعمول

حشو التمر

نصف كيلو من التمر بدون نوى
اربع ملاعق طعام من السمن او الزبدة
رشة محلب ناعم

ثانيا : المعمول

طريقة حشو التمر

يوضع اربع ملاعق كبيرة من الزبدة في وعاء على نار خفيفة
يضاف التمر الى الزبدة ويقلب على نار خفيفة
حتى يصبح طريا متماسكا يسهل عجنه
يرفع عن النار ويترك ليبرد
يعجن التمر مع المحلب ويقطع الى قطع صغيرة

ثانيا : المعمول

الطريقة
يوضع السميد في وعاء كبير والسكر والمحلب ويخلط جيدا
يضاف السمن الى خليط السميد ويفرك السمن والسميد بين الكفين حتى يخلط جيدا
نضع ماء الورد وماء الزهر على خليط السميد ويخلط باطراف الاصابع بدون عجن
يغطى الوعاء ويترك جانبا مدة (6)ساعات
تذوب الخميرة بالماء الدافىءوتترك مدة 20دقيقة
يرش السميد بماء الخميرة وكوب الماء
يفرك خليط السميد والماء بين الكفين مدة عشر دقائق ويترك مدة ساعة بعد تغطيته
يفرك الخليط باليدين حتى يصبح متماسكا تقطع عجينة المعمول حسب حجم القالب
توضع كل قطعة عجين في بطن الايد الشمال وتحفر باصبع الايد اليمين بحيث
نعمل تجويف داخل العجينة بالتساوي
تحشى بملعقة صغيرة من خليط التمر ثم نلم اطراف العجينة فوق الحشو بخفة
توضع القطعة في قالب المعمول ويضغط عليها قليلا
تضرب حافة القالب على حافة الترابيزة علشان تقع المعمولة من القالب
نرصص وحدات المعمول في صينية وتترك مدة ساعة
يحمى الفرن مدة ربع ساعة
يخبز المعمول مدة عشر دقائق حتى يصبح لون المعمول ذهبيا
. بعد ان يبرد المعمول يرش السكر الناعم فوقه ويترك ليبرد

ثانيا : المعمول

#6

129856 ثالثا: البيتيفور

ثالثا: البيتيفور


ثالثا: البيتيفور


بتى فور ناعم
المقادير
1 و 1/4 كيلو دقيق
3/4 كيلو زبدة
1/4 كيلو سكر بودرة
4 بيضات كاملة + صفار 4 بيضات
فانيليا
ربع معلقة بيكنج بودر

ثالثا: البيتيفور

الطريقة

نضرب الزبدة كويس جدا لحد ماتنعم
ثم يضاف لها السكرونستمر فى الضرب لحد ماتبيض
يضاف البيض والفانيليا الى الزبدة والسكروتدعك جيدا جدا
بإستعمال اليد نعجن بالدقيق المضاف له البيكنج بودر
نشكل البيتي فوربالقمع على هيئة وردات مدورة او وردات بالطول
او بالماكينة ويخبز في الحال
-لو أردنا عمل بيتي فور بالكاكاو نضيف للدقيق2 ملعقة كاكاو
و ننقص 2ملعقة دقيق منه
بعد ما يطلع ويبرد نزوقة بأفكار كتير زى مثلا نلزق
واحدة الشيكولاته مع واحدة بيضاء او نلزق كل اتنين ابيض مع
بعض ونزوقهم بالشيكولاتة السايحة او نلزق اتنين بالشيكولاتة ونزوقهم
بالشيكولاتة البيضاء

ثالثا: البيتيفور
أصابع البتى فور
المقادير
2 كوب دقيق - كوب سكر
أصبع زبده 113ج
نص ملعقة صغيرة بيكنج بودر
بيضتان - ملعقتان شوكولاتة بودرة
مربى – فستق مطحون للزينة

ثالثا: البيتيفور

الطريقة

ينخل الدقيق والبيكنج بودر
-يخفق السكر والزبده حتى يصبح مثل الكريمة
-يضاف البيض للخليط السابق ويخلط
-تضع المقادير الجافة وتعجن
وتقسم العجينة إلى قسمين
ثم تضع على قسم الشوكولاته والقسم الآخر سادة
تشكل بماكينة البسكويت او بالقمع على هيئة أصابع
وتخبز فى فرن هادى حتى تحمر من الأسفل
بعد أن تبرد الأصابع يؤخذ أصبع سادة
ويدهن بالمربى ويلصق فيه أصبع الشوكولاته
ويضع على الأطراف الفستق المفروم

ثالثا: البيتيفور

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
ملف متكامل لاشهى وصفات البسكويت طرق مختلفه لتحضير البسكويت وصفات لذيذه لعمل بسكويت ال جويريه الحلويات الشرقية والغربية
ملف حلويات عيد الفطر المبارك وصل بالتفصيل الجزء الثاني همس بلا لمس الحلويات الشرقية والغربية


الساعة الآن 09:58 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل